Passion (Closed)

大熱天時，同朋友行街行到一半，都想坐低休息下，之後再博殺過。就到了旁邊的新都會廣場休息下，最後選擇了這間餐廳(Passion)。Passion地方都算廣闊，但實際座位唔算多。餐廳內的酥款，都有很多種類（藍莓酥、黃梅果酥等等...）。亦有不少精美的蛋糕，真的令人目不轉睛。想要飽肚的，更有麵包、薄餅可選擇；想健康，更可自選沙律再組合食用。他們更有Macarons選擇，作送禮之用亦可。栗子芒果餅Mango Mont Blanc - $46栗子蓉食落真係超甜，甜到食一半已經頂唔順，要問店員取杯溫水飲用，再慢慢享用。不太愛甜的，就不要選擇了。

飲杯咖啡 , 吃件 cake 開心一下 , 消磨一下時間 , 就是這樣簡單 ~Decaf Coffee : 無咖啡因的咖啡 , 習慣上我不會加奶 , 總是覺得黑啡比較好飲 , 這杯咖啡的酸度不高 , 略有回甘 , illy 的咖啡出品 , 尚算有保證 ; 伴隨咖啡會跟一條杏仁味的餅 , 味道香口好吃 ~開心果紅莓朱古力蛋糕 : 賣相精緻吸引 , 蛋糕外層有如珠寶般亮晶晶的啫喱皮 , 包裹著的是濃郁又軟綿的朱古力蛋糕 , 中間又夾著開心果醬和紅莓醬 , 甜度不太高 , 味道層次感豐富 , yummy ~本篇完 ~

呢間餐廳係新都會地下，通常經過見到冇乜人，我哋就會選擇係呢間餐廳用膳，因為選擇很多，可以選擇輕食，又可以選擇意粉，淨係飲杯咖啡食個甜品都可以。食物：大份的沙律🥗，自選三款種類，沙律款式比較特別。每日都會有一些不同。三文魚pizza，Pizza個底整得好薄，好脆，唔錯。雞肉配麵包，個雞肉整得好淋，個汁都好好味。熱即磨咖啡☕️，好香。服務💁🏻‍♀️-職員態度有禮貌。全自助的餐廳，需要自己搵位，落單買嘢食，同埋自己攞嘢食。-提供自助飲水服務。環境：環境尚算可以。泊車：可以泊新都會廣場。總結：整體食物質素ok，款式種類多，有沙律🥗、三文治🥪、意粉、Pizza🍕、肉類🍖、甜品🍮、咖啡。

有個屋企人鍾意食檸檬撻，諗住坐車去葵芳睇下，去左附近幾間睇下，點知都無，最後喺哩間先揾到！見到有其他味道，順便買多兩件試下，總共買左3件！買嘅時候大概下午4點左右，夜晚9點幾先食。🉐檸檬撻$43買嘅時候已經係廚櫃入面最尾一件。檸檬撻個皮都仲算脆身，啲餡嘅質地介乎液體同啫哩中間，比想像中稀。味道唔錯，有檸檬嘅酸味，亦有少少甜。屋企人話仲食到檸檬皮，但我就食唔到！🤔熱情果栗子撻$46係俾個配搭吸引左而點嘅！本來以為有成坐山咁高嘅栗子蓉好正，點知原來得面嗰層係，再入少少就係cream，有少少失望。栗子味清甜，熱情果撻夠酸（酸過檸檬撻）。熱情果撻嘅部分比較岀色，上面比較淡嘅栗子起到中和作用！🉐朱古力拿破倫$46放左咁耐都仲脆口，的確唔錯。佢嘅朱古力係有少少苦味，配合埋啲朱古力餡，甜度剛好！屋企人都讚。🗣🗣🗣🗣🗣順帶一提講下服務，當日大概4點幾到，人龍只有4人，我哋排等5，但「只有1個員工」，想叫幾件cake，都要等成20幾分鐘先落到單！店員好有努力嘗試一個一個客招呼，但1個人身兼收錢、沖咖啡、砌沙律、拎cake包cake 、控制buzzer 等等。。。作為一個等嘅客真係無奈，等同唔等都好唔耐煩

同朋友出葵芳行街,行到累累地就想搵個地方坐低食少少野傾下計,於是就去左新都會廣場商場覓食！係朋友極力推介下就入左黎呢間餐廳試下，餅櫃入面好多細細件件既西餅食，甜既咸既乜都有，於是我地就精心挑選左兩件甜餅（真係花多眼亂，揀左１０分鐘都有！）1.（左上）揀左朱古力榛子丹麥酥，我諗呢個係女仔都會鐘意，因為每咬一啖，啖啖都充滿朱古力醬，但係偏偏甜得黎唔覺漏！加上酥皮好香口，我地兩個人食，一人一啖好快就KO左成個啦！2.（右下）另外揀左士多啤梨SCONE，SCONE可以話係我西餅界其中一個的最愛，但偏偏唔係周圍都見到。今次呢件我好滿意，30蚊左右就有大大件原味SCONE，好鬆化而且牛油味好濃，再配上果JAM同BUTTER (可以自行加錢搭配)，味道更好！不過個SIZE真係幾大件，所以有少少滯，竟然到最後我地會食唔晒！

近日約左朋友去葵芳食LUNCH，想搵個CHILL嘅地方Girl’s Talk，呢度真係好適合。我地兩個人叫左個細沙律（$53/250g），仲可以選擇3款唔同嘅沙律，我就揀左Californian Pasta Salad 雞肉意粉、Moroccan Couscous 地中海小米 同埋Beetroot w/Sour Cream 古紅菜頭。紅菜頭沙律係我其中一款覺得最好食嘅沙律，酸酸甜甜非法開胃。雞肉意粉會比較飽肚而地中海小米有少少辣之餘又散發出中東香料嘅風味。除非沙律，法式包款喺呢度大都非常出式。因為朋友唔食牛，所以我地就揀左個Le Parisien 法式火腿芝士包（$52），非常香口。而我額外加左杯Cafe Latte （$37 ）。杯邊配有一條杏仁香味嘅餅條。這一點好有心思，可以將一杯平凡嘅ILLY咖啡提升左。

早幾天晚上等朋友下班一起吃晚餐，但又不太餓，看到這家有些甜點吃好像挺合適就來了。我們兩人點了一份法式煙三文魚玉米薄餅、焦糖海鹽蛋糕（？）、Tiramisu。薄餅上的配料有些洋蔥，我不吃洋蔥的，但這薄餅吃起來味道我也可以接受。玉米薄餅上面是沒有玉米的，我想可能是指薄餅是用玉米製作的吧？這個甜點確實名字我忘了，反正就是什麼焦糖海鹽的。吃起來感受不到海鹽的味道，只有滿滿的焦糖甜味，但也是不錯的。這個是tiramisu，因為最近生日，所以朋友特地問店員拿了一支蠟燭插上。味道就是一般的tiramisu，沒太大驚喜，但是是好吃的。餐廳環境方面，只有四張二人枱，其他好像都是高枱來的。雖然身處商場裡，但位置近商場尾，所以也挺寧靜。

我好鍾意食呢間餐廳嘅沙律，因為佢份量大又新鮮。而且選擇好多。$53/250g可以選三款沙律，$73/400g可以選四款沙律。我每次都會要$73/400g，因為我覺得抵食啲，同埋已經夠我食一餐，唔使食其他野。

喜歡吃拿破崙蛋糕，即是法式千層酥。單單3層酥皮加上士多啤梨及吉士醬已經是人間美味了。Passion的拿破崙賣相精緻，擺盤亦具心思，讓人賞心悅目。餐廳不用士多啤梨，反而採用紅莓，紅莓粒粒大小都很平均，更重要的是紅莓們很新鮮。千層酥畢竟不是新鮮出爐，酥皮面層依然鬆脆，但底層硬硬的影響口感。 酥皮帶有十分重的法式甜點香氣，是甜絲絲的香酥皮。吉士味濃卻不夠細緻軟滑，紅莓偏酸，但因為吉士偏甜，混合來吃算是一種互補。拿破崙是個麻煩的甜點，一咬開酥皮，士多啤梨走位的情況時有發生。紅莓的果肉較軟身，比起士多啤梨更容易和酥皮夾在一起吃。綜合來說Passion拿破崙也十分好吃，足以過過口癮。

呢度最啱下午茶有好多唔同嘅獨特既cake 我最鍾意呢度既朱古力無花果蛋糕🍰 無花果好夠香朱古力係用咗黑朱古力 所以唔會太甜太濃味搶咗無花果嘅香味 另外呢度嘅朱古力都唔錯好有奶香 但係環境衛生就做得麻麻地

Passion 的沙律配搭非常豐富，我今次叫了一個大的salad box。 Californian Pasta Salad 雞肉意粉 味道非常好，雞肉粒粒，貝殼粉 和蕃茄粒，健康的食材。Tomato & Mozzarella 水牛芝士蕃茄 也是我必選的，兩者配合很美味。Moroccan Couscous 地中海小米 + Fennel & Baby Potato Salad 茴香, 烤馬鈴薯 還有新鮮沙律菜，這個就是我的美味，健康，有型晩餐。

有一段時間無來，入餐廳不見以前很精緻的menu，它像一本小朋友的圖書，見到圖片樣樣都想食。每次來這裡用餐都是和朋友一齊，我們大都會選一款La Palette “Passion” 🎨 即是法式玉米薄餅，每次吃都唔夠喉，今日自己來便叫個我未食過的Pulled Pork La Palette 和一杯Latte。手撕豬肉玉米薄餅真是很脆身，薄薄的玉米餅底，上面鋪上甜甜的洋蔥絲，手撕豬肉，豬肉本身已有味道，加上芝士一齊烤焗，脆卜卜，其實一客只得六件，很容易便把它吃完。還有取餐提示器也換了另一款啊。

Nice coffee☕️ n 🥐周日 又有展覧要做，到下午茶時間 去Passion by Gerard Dubois 坐坐，上上網，舒緩一下疲勞的身心。拿鐵咖啡法語是Cafe au Lait，意思是加入大量牛奶的咖啡，Passion 的 Cafe au Lait 滋味鮮滑，咖啡中散發出濃郁的牛奶香，配上甜品或麵包都很合適。Passion 的 Double Almond Croissant 🥐 非常非常好味，店員替我稍稍加熱，非常香脆，牛角包上的杏仁片超多，香脆，加上內𥚃香香甜甜的醬，整個包酥酥的，下次一定會再吃🥐😋

假日去新都會廣場食晚餐，人流相當恐怖，間間餐廳平均都要排半個鐘至一個鐘頭。唯獨呢間餐廳，可能個位置唔太方便，一去到就見到有位坐，就同朋友入去食啦因為喺葵芳廣場食到好飽，所以係呢一度我哋就決定輕食，最後叫咗一個沙律，同埋一個蛋餅。總括來講，質素都唔錯，不過價錢相對係貴

買成二百蚊外賣，一個紙袋要收$1，使唔便賺咁盡呀，膠袋人哋都係收五毫子，你纸袋要收一蚥，我唔係唔想環保，只係攞住太多嘢又notebook, 又生菓已經冇手再揸其他東西，👎😡