Passion (利東街)

Open Now

Now Closed

沒有什麼動人故事 , 沒有驚天地泣鬼神的情節 , 也沒有青春戀人們的激情 ....有的 , 就是我們夫妻幾十年來的食肉獸方程式 , 來響應 Green Monday , 減少吃肉 , 反而要吃更多蔬菜 ~這一家 Passion by Gerard Dubois 提供了多款 美味的沙律菜式以供選擇 , 定必有一款合心水 ~Large Salad Box ( 四款沙律 ) : 我的選擇有 , 以 地中海小米couscous 來做成的沙律、外觀紅噹噹 , 味道酸咪咪的以紅菜頭為主調的沙律、一般的雜菜沙律、有雞肉有意粉 , 咖哩口味的混合沙律 ; 不同的沙律 , 當然各具特色有各具其味 , 一次過可以滿足到多種味道 , 既能清清腸胃又吃的健康快慰 ~ 少不了的 , 當然是喝一杯坊間餐廳少有的 開心果奶 來鼓勵一下自己 ~本篇完 ~

今天心血來潮好想食 Passion 既 Salad，因為之前同朋友試過，覺得個味道好正 尤其地中海小米加三色藜麥,2 款個味道，都好好味,加埋 蜆殼粉正。Salad有好多款式選擇，還有三文治，意粉。50元可選3款Salad啱晒我，份量對女士可能剛好，但男士可能吾夠。。。我叫左杯Hot chocolate, 飲第一啖時，好驚喜， 竟然杯chocolate 張住個嘴超濃....好少飲到好似咁濃郁既Hot chocolate...好滿足呀😋😍

一個悠閒既下午，相約朋友shopping完食個靚tea☺️先黎個貝殼粉沙律，加左香草同薯仔，少少鹹、好味又飽肚😊甜品我就買左藍苺cheese cake, 唔會過甜，食完心情都靚d 朱古力方面我就好怕依道個質感，好杰，又一pei pei 咁，唔係好岩我口味，下次黎會試其他野飲😊

好久沒見的好朋友邀請我一齊去食這間法式餐廳。雖然聽個名和店的設計來看好似好貴的樣子，但其實這間餐廳很平民化。這裏是自助形式，像M記一樣，有位就坐。 環境靚，氣氛好，價格又合理，我十分強烈推薦這間餐廳！！話個tips比大家知，這裏有上下層。如果你想外賣或在露天食的話，那就在下層買食物。相反，如果你想在上層室內食的話，就在上層買食物。兩層的食物是一樣的，唯獨甜品只可以在下層購買。店內的裝飾很漂亮，已經佈置好聖誕樹和聖誕裝飾。而且，店內的氣氛很舒服，是一個很好的休息地方，也是一個很適合同朋友相聚的地方 (當然唔可以太嘈啦！)。選食物前，在桌上它有本小冊子介紹這間店的所有食物，中英對照。鬆餅套餐(2個鬆餅+果醬+忌廉)  $50︰鬆餅很鬆脆，而且有藍莓乾，所以不塗醬料也很好吃。   露荀煙肉蛋餅  $42 ︰很香蛋的味道，容易入口，不餾。印式烤雞肉  $51︰入面有火雞，茄子，椰菜等等，面包很軟。自製南瓜湯 +$21︰很滑，很creamy。其實，我不懂怎樣形容這餐的食物，因為真的太好食了，不太重口味，加上雖然是法式菜，但很啱香港人的口味！

在灣仔吃完老爸的慶生飯後，總要吃個蛋糕才完美。我帶了兩老到利東街的 Passion, 坐在上層可看到利東街的聖誕燈飾，很有氣氛呢！我覺得開心果蛋糕最好味，外面有 nuts、開心果碎同朱古力碎，令蛋糕有層次感和口覺，吃完也不覺很膩。本來以為開心果紅莓朱古力蛋糕 ($45) 裡面是格仔條紋，原來只是普通蛋糕，有點失望。味道不過不失，還是綠色的開心果較好吃。荔枝紅莓蛋糕 ($49) 是我媽點的，蛋白餅就不是我杯茶了，吃蛋糕當然要嘆咖啡，Cappuccino 同 latte 也很香濃，還伴上果仁脆餅呢！

佢有7-8款沙律選擇，有紅菜頭沙律，薯仔沙律，藜麥，小米， 雞肉貝殼粉，長通粉等等large salad box 可以要4款。佢地嘅沙律好好味，但小米鷹咀豆沙律有點偏甜，個人比較喜歡藜麥粟米沙律。Passion Large size salad $65

呢度 D salad有魔法~ 鋪面好精緻好整齊~見到D SALAD 同甜餅都好吸引好想食..佢地細SALAD 250G  $48可選3款, 通常我都只揀2款, 因為3款既話, 每款得少少食唔真個味...我通常都係揀地中海小米同埋貝殼粉.. 好好味呀!!!!!!!!!! 呢2款應該岩重口味人士.唔會覺得淡口好DRY 咁~~~~PIZZA黎講。。。　手做薄底好食過圓形厚底～～～　呢個會好ＦＵＬＬ。。2個人都食唔哂..膩D~呢個就易HANDLE D喇.. 薄切食完都有位食其他野.有時2個人, 我地會叫一份大SALAD 加2個TART 黎SHARE 食...咁樣就會好滿足~~~~ 甜品APPLE CRUMBLE... 好少黎呢度食甜品.都唔錯丫.. 點餐後會翩熱先上畀你GA~

灣仔有好多特色食店，今次黎到利東街試呢間連鎖cafe，之前試過旺角朗豪坊個間，但長期都多人，想坐耐一點都唔得。但灣仔呢間環境很好，有兩層，地方夠大，二樓窗望出去看利東街街景，景色不錯。兩層都可以買野食，自助形式櫃台買，再等熱食。我就食左四款沙律，有紅蔥頭、摩洛哥米、薯仔等樓下買完拎上二樓用餐，同朋友閒聊左一整晚環境安靜，十分適合漫談，食完主食，我地再去櫃店買gelato 雪糕食，好有驚喜，杏仁味濃，有果粒！下次會嘗試蛋糕面包！

今日下午我們喺灣仔附近做完嘢之後去咗利東街諗著搵吓有咩食？行行吓見到有間之前喺朗豪坊食過覺得幾好嘅「Passion by Gerard Dubois」，所以我就入咗去食下午茶！我們叫咗忌廉粟米湯相當香濃，濃稠度亦恰到好處，唔會過稠或過稀！巴馬火腿凱撒沙律嘅沙律菜非常清甜爽脆，而且超新鮮，而巴馬火腿好軟滑薄身，味道亦好芳香濃郁，而且份量相當多，真係好足料抵食呀！印式烤鷄芝士蛋係我們喺餐牌點餐嗰陣見到係新推出嘅，而且覺得幾特別，所以就叫咗嚟食，一上碟嗰陣見到實物同原圖一樣，餡餅焗得好香氣撲鼻，而且相當脆身，一切落去就感覺到超脆卜卜，至於餡料方面舖面就有隻煎蛋同烤鷄肉，而餅入面就有香甜嘅洋蔥，仲有芝士等等等等⋯⋯質感好軟熟，令到食落嘅質次感相當豐富！手撕豬肉全麥玉米薄餅係用咗玉米粉嚟做餅底，所以會比平日食開嗰啲更加薄脆鬆化，而且唔會好乾身，芝士嘅質感好軟滑香口，舖面嘅手撕豬肉肉質都幾鬆軟！

第一次寫食評查實我好為食，日日都食好西加上我係素食者，見唔係好多人會寫素食評～今日終於的起心肝！其實素食真係唔Dry㗎已經係幾星期前，平日夜晚，人唔算多，應該話佢有兩層，佢地嘅座位夠應付叫咗三樣嘢，第一樣就係呢個pizza佢唔係我食過最好味嘅pizza，但勝在性價比夠高（無記錯大約八十蚊）第二樣係沙律我覺得沙律最重要係配搭，我覺得佢地做得唔錯第三樣就係個意粉，都相當唔錯（無影close up）最後送個大大月亮俾大家

Passion 有幾間分店，其中一間係朗豪坊，仲有間係灣仔利東街。係灣仔番工嘅我，食飯周不時都會去下依間餐廳，因為環境同食物都好外國風情，可以令番工緊張嘅你有一小時嘅放鬆，不過係有時難搵位少少啦，因為間餐廳都好受歡迎，特別係外國人。一定要推介Large Salad Box(400g)($68)，你可以簡4款沙律，當中我最鐘意就係地中海小米沙律，有濃濃嘅咖哩味，一粒一粒，好有口感。然後我仲鐘意藜麥沙律，仲有5-6款其他沙律可選擇，有薯仔、紅菜頭、雜菜同螺絲粉等等。食沙律一個人就夠飽，如果幾個人一齊分享，就要叫多個Pizza，今次叫左個煙三文魚厚Pizza（$99），分左6件，都可以簡薄身，就香口一d，但就無禁飽肚啦。可以加$21 換個餐湯，今次就無加，之前加過磨菇湯，好濃郁好香。大家經過開灣仔利東街想休息下，記得可以考慮一下Passion啦，除左沙律、意粉同Pizza，佢都有精緻嘅小蛋糕同咖啡嫁。

由於未睇過吹氣巨大月亮🌕夜晚睇又怕多人所以選擇左日頭去欣賞下順便食個午餐🍴選擇左passion呢間有戶外坐位嘅餐廳近距離望住個月亮🌕撞正放飯時間特別多人入到去見到沙律但唔係咁想食，但好多人買留返下次先試因為我被個面包櫃吸引左🤤🤤🤤最後點左個👉🏻香蕉朱古力酥上仲有杏仁片😍仲有👉🏻咖喱雞包仲有杯👉🏻凍咖啡跟據客觀咁講味道黎講就不過不失啦正常，但😝香蕉朱古力包就好岩我口味😝而咖喱雞包就真係爭左啲😪而且話明要反熱，但拎上手都係凍既🤷🏻‍♀️🤷🏻‍♀️不過放假舒舒服服坐係到食個包飲杯野係幾休閒可以再黎👍🏻但建議每個人都做返小小野食完野都係自己拎返個盤同垃圾去店內等下一個人一黎就坐到仲要唔使對住啲垃圾食野因為店員忙到無人會執野

一到星期三，我地幾個同事都好有主意想食乜食乜，但有個同事唔想食素或沙律，佢一放假，我地就走去利東街食沙律～我另外三個同事點左兩味沙律，有成十幾款整好既沙律再麻煩職員畢，當中有薯仔沙律，通粉沙律等較飽既配料，又有南瓜沙律，紅菜頭等健康之選。我覺得只吃這種沙律對於我來講有啲空虛，所以都係點返三文治。 每款三文治都配上不同的包面，我選我最喜歡的意大利包， 而裏面我就無咁著重了，包括南瓜粒，蕃茄片同火雞片。 唔知係咪因爲健康， 啲餸係無乜味道，連火雞片都起唔到作用， 可能因為無芝士，如果下次點，要點啲有芝士既包。不過想讚既係佢烘得好夠熱，連裏面既配料都夠暖，唔似有啲店求其烘兩烘就算，夠矖香！坐在面向利東街有點歐洲風，後面係passion店，有陣陣冷氣風吹出，很爽是的，食完lunch 唔洗返工響度坐多陣，風花雪月一下就好了！

Passion係一間好relax既店，但座位真的偏少。好彩有同事事先去拎位。今次叫左辣肉腸pizza，皮好脆，辣肉腸有咸香。另外，燉牛肉亦都好軟淋，一吉就開，好鬆化，但就份量略少，只有三件。另一款係燉豬仔脾，豬仔脾同牛一樣好鬆化，一夾就散，好易咬開，味道濃烈。再來芝士菠菜蛋批，批皮唔算脆口，但整個批都不太濃味卻又得夾，清宜之選。我最愛的4式salad當然不能不提，每款好配搭得好好，而且口感多重，真係食多多都不夠喉！

話說之前俾佢既apple pie吸引左，今次黎到灣仔喜貼街靚靚裝修，終於可以試下佢既熱食同坐底hea下。lunch揀pasta 的話可以加錢做套餐，另包一支cold pressed juice 同餐湯；我咁岩叫既pasta 同juice都係「綠色」系列，好似好健咁，但個pasta就令我好失望⋯首先佢份量好少，碟身唔夠厚，pasta一上菜無耐就凍晒，當然都可「歸功」於店內凍到變雪藏既冷氣。另外，pesto醬固然有olive oil,但呢一碟都未免太太太多油了！健不健康暫且不提，太多油令到pasta好濕，好「滑」，而且佢既意粉幼身偏天使麵粗度，又斷開晒，根本唔可以用差卷住食，基本上係用差「不」起身食，好似食碎左既炒麵咁⋯餐湯係幾creamy既栗米忌廉，偏甜，不過熱辣辣飲左一大杯都飽肚既。cold press juice 方面佢既成份係kale/green apple/cucumber/pear, 其中green apple+pear係主要既味道來源，呢個組合就一定無得輸；而青瓜味都的確有少少，令到個juice更refreshing; kale既話可能只用作調色，唔係好飲得出睇黎都係食輕食會