意粉狂熱 (皇室堡) (Closed)

雜菌意粉，like它的意粉質地，不會煮得太淋，缺乏咬口。朱古力香蕉pizza，非常香濃香蕉味，再配上朱古力雪糕，一絕。其實這個組合的甜品，一定不會出錯的！最推介和有驚喜的食物-焗珍寶大啡菇，大啡菇非常juocy，焗完可以帶出菇的香味，同時還有很多汁，惹味。非常推介的小食！牛油果多士，牛油果份量很少，很多港式的餐廳也會用上近年大熱食材牛油果，但通病都是牛油果份量不足夠，而且不想不淋。一口吃下去，感受不了牛油果的味道，幸好，多士也是脆脆的。

話明係Pastaholic 當然係食Pasta 為主啦, 岩哂我呢個Pastaholic座位比較多, 星期日晚上都唔洗等位意粉款式有好多, 分左唔同系列, 有蕃茄系列, 忌廉系列, 和風系列, 羅勒系列等等等, 另外仲有Pizza, 焗飯, 甜品小食等等等….. 野食選擇多, 只怕有選擇困難依家仲有芝士火鍋套餐, 200幾蚊一個SET, 下次可以試下Order 左一個意粉, 一個pizza香草烤雞雜菌羅勒忌廉意粉, 份量唔算好多, 可能有忌廉醬, 食完都有少少濟, 但意粉係好食既!Pizza 要左明太子海鮮Pizza (一人前), Size 比想像中小….. 是長方形咁, 個明太子味幾重, 正!除左份量細左少少外, 其他方面都滿意! 味道好!

同朋友係皇室堡睇完bb嘢，見到呢間pastaholic好多人，羊群心理一於試試！見到餐牌有芝士火鍋，芝士迷嘅我又點可以錯過？加多個意粉試試佢啱啱好😋芝士火鍋($268)跟餐嘅小食有脆薯角、法包、意粉、烤香草雞肉、野菜盤、脆皮腸同甜椒。一上火鍋已經散發濃香嘅芝士味，食落亦芝士味濃，有點像忌廉湯！法包粒脆卜卜，帶微燶，夠香口。腸仔微甜富煙燻香，脆口又match芝士！脆角香脆不油膩，而甜椒同蔬菜可以中和返芝士嘅膩！跟餐仲有個魔鬼芥末雞翼，雞翼上面包圍住大量嘅 蜜糖芥末醬，上面再灑咗一層七味粉，甜辣交集有層次，雞肉都好嫩滑！海蝦牛油果羅勒忌廉意粉海蝦開左邊好細心，而且大大隻肉爽口帶鮮味，意粉嘅羅勒味道好出，配搭牛油果忌廉嘅Creamy口感，濃香得黎又帶點清新感覺👍🏻

今晚同好友去銅鑼灣行街, 之後佢提議食PASTAHOLIC~ 我地黎到世貿, 望MENU , 先叫磨菇忌廉湯, 磨菇忌廉味濃郁,唔錯~而我米GREEN TEA LATTE 就唔甜又唔苦，不過如果熱D 就好喇!!MAIN COURSE 我地叫左３樣～牛油果大蝦意粉，意粉份量好多，入面既牛油果岩岩熟，好好味，而大蝦非常彈牙～而個羊架好JUICY 食落啖啖肉，薯條又香脆！三文魚牛油果PIZZA 個包好軟熟，而D 料既份量又幾多，又有CHEESE ，我地叫左個一人前SHARE 唔會怕太OVER/ HEAVY 有罪疚感 ~呢度坐得好舒服,價錢又合理, 會再黎！

最鐘意食 Pasta 嘅我, 今晚放左工黎到銅鑼灣皇室堡呢間 Pastaholic 開餐 !!一入到餐廳就會俾佢天花上掛住嘅燈吸引住, 因為用左好多酒樽做燈罩, 超有特色｡餐廳提供左 3 款二人 Dinner Set, 今晚就 Order 左呢款二人餐, 個餐 $318 有餐湯、沙律、小食、意粉、Pizza、甜品 & 餐飲, 非常抵食｡餐湯餐湯係南瓜粟米忌廉湯 & 法式芝士洋蔥湯｡ 忌廉湯充滿特濃嘅南瓜粟米味, 而且夠晒 Creamy｡ 洋蔥湯用左法式傳統做法, 面頭放左塊焗到半溶嘅芝士法包, 法包吸收晒洋蔥湯嘅清甜味道｡香草雞肉凱撒沙律 雖然係半份, 但份量一 D 都唔少｡ 爽脆嘅沙律菜、涼涼嘅雞肉同芝士碎 & Caesar Salad 醬撈埋一齊食, 既新鮮又開胃｡秘製炸雞外層炸到夠乾身香脆, 唔會油淋淋, 內層肉質仍 Keep 到嫩滑｡芝士帕爾馬火腿薯茸球每一粒薯波都用一隻湯匙裝住, 炸粉唔會好厚, 而且非常脆卜卜, 入面釀滿芝士 + 帕爾馬火腿 + 薯茸, 外脆內軟, 配埋湯匙上嘅芥末蛋黃醬食更加好味｡芝士煙肉帶子忌廉意粉意粉唔會煮到過熟, 仲 Keep 到 Al Dente

今晚揀左去銅鑼灣告士打道的（意粉狂熱）因之前已試過了，覺得很有水準，便再次來食，餐廳主打是意粉，但仲有其他不同款式的美食，也是吸引我們再來光顧的理由。單看餐廳的設計，十分有格調，坐係到食飯好輕鬆同舒服。鮭魚凱撒沙律（半份），沙律用了不同款式的雜菜，新鮮爽口，十分清新。法式芝士洋蔥湯，芝士再加埋洋蔥的混合，湯味好香濃。香烤黑安格斯西冷牛扒，份量十足，差不多成隻碟咁大，但係最重要是食落好軟腍，油脂分佈平均，不會過老，牛味甚濃，果然不錯。蒜香白酒汁海蜆鮮意粉，海蜆好多，賬卜卜，夠鮮味、蕃茄仔又新鮮，意粉精髓就是不要煮太腍，夠爽口，再加埋蒜香同白酒煮，拌勻後食令到成碟意粉，十分惹味。甜品，士多啤梨蛋糕，細細件，不太甜，蛋糕質感好軟熟，好味。歡樂朱古力茶，再配以朱古力，口感好特別。

Pastaholic-冬日限定芝士火鍋每次逛皇室堡時也會經過，因為乘搭扶手電梯上二樓時第一眼就會看到這餐廳，紅色的發光燈箱字體，配上綠白紅三色的國旗，顯然是一間意大利餐廳，今日一於停一停，黎一個意式狂熱！經典芝士火鍋今次很幸運，剛好餐廳推出限定的冬日芝士火鍋，套餐包特級野菌芝士底及小食。熱鍋盛著濃濃的芝士湯，香噴噴的，湯底不會太稀或太稠。配料選擇也多，有脆薯角、法包粒，烤香草雞肉、脆皮腸、甜椒、意粉和野菜盤，將配料一浸、一咬，邪惡又惹味！熱騰騰的芝士佈滿配料中，薯角法包脆身有咬口、雞肉立即juicy、連平日不愛的野菜也暴風吸入，如果芝士味更加濃就滿分了！小食有魔鬼芥末雞翼，辣椒粉加上芥末，刺激味蕾的雞翼。照燒雞蛋黃醬披薩有咸食嘅芝士火鍋，當然要配一個甜味的薄餅，餅底是薄薄的款，質地是酥餅，鬆化又一點都不乾身，底部是蛋黃醬加上照燒汁的雞扒片，再以紫菜絲和蔥絲作配料，惹味又有口感。意式炸魷魚圈配他他汁即叫即炸熱騰騰金黃色的炸魷魚圈，炸皮是非常鬆脆，一咬就散開，內裡的魷魚圈熟度剛剛好，不會過老過韌，和他他汁很搭。

共食過兩次意粉狂熱，上次食過後覺得不錯，今次因為地點方便，同樣選址這間分店晚餐。每一款食物都很吸引，我們四人想了一會就決定要吃甚麼了。首先來的是明太子海鮮披薩($98)，二人分量，另外有一人分量選擇。分量不算很大，但薄底的pizza剛剛焗好送上很香，十分吸引。大概明太子是醬汁，然後鋪一些海鮮包括蝦、帶子、魷魚在面，分量少了點但味道不錯，不膩更令人胃口大開。意粉有分為普通意粉和手製意粉。我們四個人，打算把意粉加大才夠食，然而只有普通意粉才能夠加大，我們就點了加大版和風雜菌照燒雞蛋黃醬意粉($78)。味道就是我們一般吃的和風味道，雞肉幾件，意粉煮得十分合我口味，保留了少許硬度保留口感。不過額外加$10來個x1.5分量的意粉就不清楚值不值，分量好像都是很少😅我們再多要一個加大版鮭魚菠菜忌廉意粉($88)。以意粉的份量來說，鮭魚的片數已不算少。這個意粉沒有和風的那個那麼多醬汁，這個意粉反而主要是依靠芝士粉來依附著來調味。芝士帶鹹，但整體來說與上面那個意粉比較，這個味道沒有那個那麼濃。我們還多點了一個飯，好像飽肚一點海老忌廉芝士焗飯($78)，醬汁黏到每一粒飯，creamy得來有點番茄味，不會很

✿╮❤╭✿ ✿雜感女生 好味日記✿ ˚*•✰。Pastaholic．悠閒自EAT。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 在銅鑼灣下班的朋友一心想吃西餐 於是我們去了皇室堡的「意粉狂熱Pastaholic」 此店位置開揚，前身應是G字頭餐廳 也是吃意大利菜 我們見2人套餐頗齊備 於是點了一個來試，味道也不錯 洋蔥湯配雞胸沙律 湯氣香濃，啖啾洋蔥粒粒 麵包放在湯上的設計夠晒美觀 雞胸沙律非常開胃 重點是沙律菜夠多，足2人吃 小食炸雞 原汁原味，夠晒香脆，是不錯的選擇 芝士煙肉白汁意粉 香濃的白汁包裹著意粉 香氣十足，而重手芝士更滿足了朋友的芝心欲望 巴馬火腿PIZZA 2人前的份量，邊位夠晒香脆 而巴馬火腿獨特的鹹香更令人開胃 整體感覺很好 甜品是香濃的小蛋糕 難以想到小小蛋糕上有大大粒士多啤梨 味道也超級鮮甜 餐飲也有不少選擇 除了我喜歡的即磨咖啡 更有凍的水果茶 朋友喜歡這款微甜的滋味 而我，又當然是歎番杯咖啡relax一番 小評： 味道：★★

踏入2019年，朋友正式轉工，上了一星期多班，待她工作穩妥，今晚便約她吃晚飯，聊聊她上班的近況。我們去了鄰近的Pastaholic，這裡地方夠寬敞，吃飯的話亦舒服一些。海鮮牛油果法包多士女生最愛，看這法包多士傾巢而出的蝦隻，搭配餐廳調製的牛油果醬，芝士，香草，超級誘人，而且法包多士烤得恰到好處，香氣濃烈，抓住大家的脾胃。香草烤雞雜菌蕃茄意粉很彈牙，濃郁的蕃茄醬汁吸附在麵條上，讓意粉變得很入味，配料香草烤雞雜菌頗新鮮的，雜菌飽滿多汁，雞肉軟嫩，還用香草提味，很棒呢。魔鬼芥末雞翼剛上桌時最好吃，雞翼外皮香脆，蜜糖芥末甜香之餘也降低炸雞翼的油膩感，雞肉緊緻具彈性，非常過癮，朋友吮指回味魔鬼芥末雞翼的好滋味。特級野菌芝士火鍋配滋味小食相信是冬天人氣第一名，朋友第一次吃覺得驚為天人，好吃到下次要再來吃過。火鍋配料包括法包粒，脆皮腸，野菜盤，烤香草雞肉，脆薯角，意粉及甜椒，十分豐富。特級野菌芝士火鍋給得大方，芝士隨著鍋內溫度的升高，慢慢地和火鍋配料融在一起，黏黏的芝士附上配菜吃下肚，且不膩滯，實在滿足。

係銅鑼灣食粥都要$50一碗嘅情況下，真係估唔到竟然可以$80都唔使食到一餐西式意粉。呢間餐廳，主打西餐，除咗意粉之外，仲有pizza. 但見openrice個個都推介意粉，第一次來當然也是試意粉啦。香草雞肉雞菇羅勒忌廉意粉，個汁勁creamy,而且充滿香草味同羅勒味，而意粉亦煮得剛剛好，好爽口，除左時間要控制得好，呢種爽身係應該過過冷河才做到。今時今日，真係冇諗過唔駛$100，可以係銅鑼灣中心地段，舒舒服服咁食到個優質西餐呢。

因為陪屋企人去工展會，所以都係開車出去，行完係皇室堡搵野食。餐廳環境唔錯，因為係商場嘅內巷入面，所以外面人流唔算多，就算餐廳用開放式設計，都唔會好嘈，感覺都好闊落。食物都價廉，不過同餐牌d相出入好大，份量唔算大，但味道都合格，價錢配合質素黎講都好好，最重要係計埋泊車優惠，真係好抵食！

好吃的意大利麵，材料可以簡單至蜆肉加白酒，又或蕃茄醬配芝士，又或羅勒葉配松子仁.......我的要求簡單到不得了，平實無華新鮮就可以，但居然這家叫 “意粉狂熱”的餐廳，不但對意粉的處理差勁，食材的配搭，溫度和色彩，更低到跌渣，令人無語! 蒜香蜆肉意粉的意粉，以成本來說，蒜蓉應該比蜆肉要便宜吧…但居然蒜蓉味少到好像過了冷河一樣的乏味，至於蜆肉，如果我勉強說有味道，其實圖片也可以將我出賣! 另一碟雞肉羅勒葉意粉，好像閒置了許久的沒有溫度，我們叫侍應處理，她就說幫我們放入微波爐加熱....那一刻的感覺，我覺得係我地幫餐廳處理了他們的隔夜意粉咯！不想多說，看圖有真相!

睇完戲遊蕩完搵嘢食醫肚，無意中發現呢度有意粉食，價錢都幾親民，座位都見舒服，可以一試，不過人手不足下，有好多空置座位未安排入座，所以輪候時間比較長，就係响輪候期間，我哋已經轉軚食芝士火鍋喇😁芝士火鍋 $268🥢🥢🥢🥢🥢(脆薯角、法包粒、意粉、烤香草雞肉、野菜盤、脆皮腸、甜椒、魔鬼芥末雞翼4隻)個餐有4隻雞翼作餐前小食，芥末唔攻鼻帶點甜，但入口就有點辣，味道不錯又香脆熱辣；芝士火鍋芝味濃郁帶點杰身，所以所有配料同意粉都相當掛汁，同芝士最夾當然係法包、雞肉同西蘭花啦，我覺得整個餐份量相當足夠，如果有得refill芝士就更理想芒果汁益力多 $33🥢🥢🥢🥢有人極力推介，好味到幾啖已經飲晒，我連試嘅機會都無......二人共消費：$331

今晚在銅鑼灣約了朋友逛街，和朋友在皇室堡2樓見到有間西餐意粉狂熱，見價錢不太貴和很吸引，就入去試試。餐廳都算很大，是開放式廚房，餐牌上有很多菜式，選擇困難症的我好彩見到有套餐，而且還有三個價錢的二人餐，最後我們點了$318 套餐、選了特濃南瓜粟米忌廉湯、法式芝士洋蔥湯、香草雞肉凱薩沙律、秘製炸雞、經典拿破崙意粉、黃金四重芝士披薩（配蜜糖）、士多啤梨配朱古力蛋糕，另外我們加了一客芒果芝士慕絲 $38。特濃南瓜粟米忌廉湯 - 上檯時還非常熱，張口，南瓜味重，不錯法式芝士洋蔥湯 - 湯中間有塊浸著的麵包，另有很多洋蔥，足料！香草雞肉凱薩沙律 - 沙律菜新鮮，醬汁鮮甜美味！秘製炸雞 - 有五件，炸得時間剛剛口，雞肉夠嫩滑經典拿破崙意粉 - 意粉有煙肉、紅椒絲、香菇、腸、什菌、洋蔥、香草、芝士粉，材料足，味道較清淡，自己加添了檯上的辣椒碎，味道立即提昇，正👍🏽！黃金四重芝士披薩（配蜜糖）- 餅底鬆軟，芝士味重，配上蜜糖一流士多啤梨配朱古力蛋糕 - 昨天吃得太多朱古力，已麻木了芒果芝士慕絲 - 慕絲質感口感一流，不會太甜，正！總評：整體食物都很出眾，略有不足是上菜速度太快，食物都凍了！