Pasticceria Giovanni Pina 1920 (如心廣場一期) (Closed)

在社交媒體網站看了这家餐厅说甜品好吃结果来了这里大失所望第一服务员态度很差，我知道香港服务员态度本来差的，但是作为收费那么高的地方，怎么还会出现那么差劲的服务态度，真的宁愿去吃m记。第二你们的餐桌不知道是不是几百年没擦过，我拿餐巾纸一擦一堆油渍，真的一点胃口都没有。第三上餐速度，真的搞笑。店员在聊天餐做好就是不出，放凉了才好吃是吧？第四 店员能不能请一些素质高的?讲话跟没读过书一样，反正我在也不会来了。而且社交媒體網站推荐餐厅的博主，我在回去看了一下感觉就像拖一样，无语死了

【荃灣區】【Giovanni Pina】去得荃灣區，我自己就成日都會喺天橋陣裡面遊走，由荃灣站來往荃灣西站呢段就行得最多。每逢經過如心廣場一期，都會好奇呢間好似好高級咁嘅 cafe 究竟會係點。有次過開嚟做嘢，咁啱有啲時間，就入去坐低食一次啦。佢哋好似西餐廳嚟，我去嗰陣係下午茶，而且我唔算好肚餓，所以都只係想坐低食件 cake 飲杯嘢。諗嚟諗去都唔知食咩好，就叫 $150 嘅「Pasticceria Mignon」，乜都有份迷你版，啱晒當刻係眼闊肚窄嘅我，講明咗係當刻。個拼盤有迷你蛋白檸檬撻、迷你開心果撻、迷你朱古力撻、迷你鮮果撻、迷你榛子撻、迷你士多啤梨撻、忌廉泡芙、咖啡慕絲朱古力杯、沙芭翁泡芙、迷你吉士忌廉筒、迷你意式薩赫蛋糕同迷你紅桑子撻，每款各有特色，幾好。食咗咁多款甜品，當然有返杯嘢飲先完整。喺呢啲情況就扮晒嘢咁叫 $42 嘅「經典米蘭咖啡」，又幾好飲喎，仲有件餅仔喺側邊，扮晒港女扮晒高級嘅 high tea 格局就出晒嚟。埋單 $211.2 都係抵畀，可以扮到高貴港女喎。。。（地址：荃灣楊屋道8號如心廣場一期1樓109-111號舖）

星期日下午2點幾，全個商場食肆都排哂隊，係得哩間有位，睇住可能佢貴貴地無咁多人，咁可以食得舒服啲啦！點知一入座就見個個員工黑口黑面，戴住口罩都可以從佢哋雙眼透露出“唔歡迎”嘅趕客樣，坐低就即刻講“限時90分鐘”，what? 個餐$200起，都限時？我明明見有人留言話係 hea 傾好地方喎～咁點解我嚟到又會話限時呢？90分鐘好難hea傾喎？！咁都算啦，我都無諗住坐一粒鐘……但問題你無服務又限時，係咪應該食物水準要高啲呢？扒細都算啦～我真係未試$200以上嘅扒，係未淋醬汁前已過咸，我自問好食得咸，都覺得佢太咸。啲配菜係老柴，唯獨配菜果兩糕（其實係一粒開半）係好味。餐只配咖啡或酒，我兩樣唔好，只得另外散叫，一杯$38西瓜汁，餐廳內唔算貴，唔大杯都預咗，但可唔可以清甜啲？埋單時，隔離枱都埋單，佢張信用咭出現咗問題，員工係咪應該為免尷尬行埋去細聲同客人講呢？一路行一路大大聲，語氣粗魯講“你張咭要密碼㗎？信唔到喎！” 雖然人哋係食咗嘢未俾錢，但真係唔係欠你嘅，唔知以為自己去咗大排檔。

今天再次到訪這家常常去的意大利餐廳，我們叫了牛扒，一份七成熟另一份全熟，七成熟的還可以，但全熟那一份，well done 變成over over done，可以媲美牛肉乾，又乾又冇味道，勉強吃下去，吃到一肚火，跟職員投訴，反應冷淡，感覺餐廳質素每況愈下，食物質素越來越差，餐枱及座位上，常常都有食物殘渣或餅碎沒有清潔好，環境越來越像快餐店，作為這家餐廳的常客，真的萬分失望😮‍💨⋯⋯希望餐廳可以積極改善😢😢

行過好多次如心廣場都想試過呢間餐廳，因為感覺好grand…今日終於試到啦😍😍同朋友兩個人叫左👇🏻1️⃣個set lunch （蕃茄湯、香煎帶子蟹肉扁意粉、包蛋糕同餐飲 $268）1️⃣個雞肉煙腩肉手工pizza1️⃣個黑松露咸蛋白薯條1️⃣特濃朱古力蛋糕1️⃣House coffee 各樣食物味道都好好，最出眾係扁意粉同甜品。扁意粉好彈牙、好有口感仲撈埋滿滿嘅蟹肉，感覺真係另人好滿足至於蛋糕唔駛講，signature 野一定掂餐甜品㨂左開心果吉士千葉酥同散叫左特濃朱古力蛋糕，冇得輸千葉酥好鬆化、開心果醬同吉士唔太甜；至於朱古力蛋糕係用85%濃度朱古力做材料，底層係海綿蛋糕；中間層係慕絲加入nuts，味道苦苦地又夠香至於黑松露咸蛋黃薯條就比較失色，薯條好脆，個黑松露醬都好濃，份量好多；但薯條冇咸蛋黃味另一樣好值得稱讚嘅係員工嘅服務態度，店員不停為顧客加水，個個員工態度都好誠懇、有禮

朋友介紹嘅西餐廳本身睇相好似覺得唔錯唔知係咪自己唔好彩點解食物質素同朋友講嘅唔同嘅溫度唔夠熱而且真係唔算上好食嗌咗四樣嘢同兩杯嘢飲都冇乜邊樣覺得特別好食而且因為有限時90分鐘就要走所以整體嚟講好似都冇乜賣點Carbonara 好乾唔夠熱唔掛汁冇洋蔥味同蛋黃味非常普通嘅意粉Burrata算新鮮但芝士唔夠香濃加咗黑醋之後個沙律都尚算可以海鮮pizza都係好乾冇乜醬成粒大蜆轉殼放上去仲要有沙⋯搞到我都唔知講乜好⋯⋯薯條正常冇特別老麥可能好食啲⋯定係我搞錯咗呢間餐廳其實只係俾人食甜品？係咪我自己有咩誤會？

同兩個朋友想搵間餐廳食飯傾下偈平時路經見到餐廳座位都算闊落同唔多人就決定book里間可能因為係商場入邊會比較早收最晏book嘅時間係7點坐位坐得舒服食飯時間都唔多人我哋就叫左三個晚餐set會比散叫平好多最開心晚餐配嘅甜品係可以係餐牌任揀而唔係指定總體味道偏淡意大利飯軟硬適中不過份量好少牛都可以但要加鹽薯蓉味道不錯甜品揀左紐約芝士餅玫瑰荔枝同熱情果乳酪紐約芝士餅味道好玫瑰荔枝都有帶出兩隻味熱情果乳酪較為失色整體性價比高可以再戰

之前同大家介紹過人氣意大利餐廳Giovanni Pina，當時已經覺得佢地啲蛋糕甜品好有驚喜😝Giovanni Pina既蛋糕皆選用源自意大利的高質食材製作，更於2021年獲得由米蘭舉辦的 H.O.S.T（歐洲最大的酒店業展會之一）頒發的「世界最佳糕點師」獎，全世界僅有十二位糕點大師獲此殊榮 🏅今次小編就試左店家其中一款Signature經典甜點🎂 提拉米蘇 Tiramisu $380/18cm 蛋糕由Zabaglione意式忌廉、Mascarpone意大利軟芝士忌廉、咖啡冧酒、海綿蛋糕組成😀忌廉芝士打造面層玫瑰花束外型，賣相精緻! 蛋糕層次分明，咖啡酒味香濃，一啖一幸福!💜

白色情人節快樂 ♡ 情人節怎能缺少甜點！？襯住情人節買左蛋糕比情人🥰𝐆𝐢𝐨𝐯𝐚𝐧𝐧𝐢 𝐏𝐢𝐧𝐚 帶大家跳入意大利烘焙藝術世界品牌由𝟏𝟗𝟐𝟎年創立 · 經歷不同時代變遷奠定其糕點界舉足輕重地位！由榮獲「全球𝟏𝟎𝟎位最佳甜點大師」𝐆𝐢𝐨𝐯𝐚𝐧𝐧𝐢 𝐏𝐢𝐧𝐚 將傳统意大利甜點帶入香港 · 感受意式情懷店家其中之一𝐬𝐢𝐠𝐧𝐚𝐭𝐮𝐫𝐞 甜點 ♡ 提拉米蘇 𝐓𝐢𝐫𝐚𝐦𝐢𝐬𝐮 ($𝟑𝟖𝟎/𝟏𝟖𝐜𝐦)絕對是意大利甜點經典在傳統口味架構上加入主廚巧思·令風味更為明顯用忌廉芝士打造玫瑰花束·賣相精緻優雅蛋糕層次分明·札實而濕潤綿密配上柔軟細滑的忌廉芝士 ·滿載咖啡酒香氣愈細味愈感香濃· 迴盪而韻味悠長的咖啡香很難不令人愛上！ꕀꕀꕀꕀ♡⃝ ◡̈° ꕁꕁꕁꕁ♡⃝ ◡̈° ꕁꕁꕁꕁ♡⃝ ◡̈°𝐓𝐢𝐫𝐚𝐦𝐢𝐬𝐮 喻意「帶我走」送我一束蛋糕花·是要帶我走嗎 ☻︎ 這樣的白色情人節夠浪漫了吧！

蟹肉帶子天使麵好食，足料和味道好，性價比高-值！！！忌廉青口超好食，肉質鮮嫩夠味道，一定要再encore ！甜品拿破崙的酥皮做得好鬆脆，即場訂埋蛋糕👍🏻👍🏻

今日同朋友特登去佢啲甜品，之前睇到啲報道，講到佢啲甜品好勁咁，一於去試吓！喺門口侍應已經同我講話每人最低消費$120 ，我話OK啦；帶位途中又同我講限時60分鐘。我見到全場好多空位，即刻打咗個突。跟住侍應同我講，話如果我食四百幾蚊嗰個Tea set先可以坐90分鐘。What？？其實正常下午茶時間，我坐低飲咖啡、食甜品...都係諗住同朋友傾吓計，唔係60分鐘要走呀嘛？！其實如果我要食快餐，我可以去茶餐廳。結果我哋兩個人要嗌兩杯咖啡，三件蛋糕先至夠數..好啦，唔緊要啦，我主要都係試吓佢哋嘅甜品，不過....結果好失望。普通到我搵唔到任何形容詞形容，啲報道真係吹噓得太緊要。我只可以講，星x克係好食過佢...。btw, 我杯咖啡係酸！

#pasticceria giovanni pina 1920🥩安格斯西冷牛扒叫左五成熟牛扒份量都唔少 幾有厚度肉質juicy有咬口配菜有蘑菇 薯仔 蕃茄仔 小西蘭花🍓雜果吉士拿破崙 $52鋪頭好出名嘅招牌甜品酥皮非常酥脆🤩睇到一層一層既酥皮層次分明拿破崙上面有紅莓同開心果碎中間嘅吉士夾心醬唔膩整體食落唔會太甜性價比指數👍🏻👍🏻👍🏻 (5分為滿分)好味指數 😋😋😋 (5分為滿分)環境舒適度 ⭐️⭐️⭐️⭐️⭐️ (5分為滿分)

每隔一段時間都會嚟食吓食物質素非常穩定尤其係豬鞍 真係每次都好想order份量大 豬鞍好juicy 個邊仲脆脆地咁 真係好正大蝦 linguine 都好好味😋呢個risotto就稍嫌太creamy唔鍾意洋蔥嘅我就麻麻地鍾意鵝肝牛柳都高質最後加返件cake啲甜味都好出色

行完街好想坐一陣唔洗等位又可以食下cakeTea set 用餐時間60 分鐘，冇人等位都可以繼續坐😊有2 件自選蛋糕， tart 同埋咸點🍰🧁自選蛋糕要左栗子蛋糕同埋千層酥甜品同蛋糕冇乜驚喜，ham 係幾香有回甘，加上玫瑰花咖啡打卡一流☕️

賀同事升職，去左如心食意大利茶，餐廳環境裝修得好靚，樓底又夠高，坐得好舒服。lunch set有3道菜：黑松露野菌忌廉湯配香草麵包條：湯好creamy，麵包條夠脆口安格斯西冷配紅酒汁薯條：醃得好入味，好juicy鮮果吉士千層酥：不太甜，好食唯一不足係份量太少，不是on diet的我感到有點空虛😂