Patisserie Yamakawa (Closed)

呢間係正citysuper隔離買完個Lunch 就轉個去買甜點 供同事既下午茶依家做緊優惠買3件/$130買6件/$255甘岩我地9個人，就剛剛好買9件🍰另可加$18有杯抹茶沙冰或者係抹茶凍飲可以消消暑🤤款式都睇得下架 款式雖然吾係好多可能係日式既蛋糕 所以味道都唔係太濃好岩我口味 的確唔錯既

果日經過海港城見到呢間日式蛋糕店，見到全部蛋糕都好似好鬆軟好好食，依家仲做緊優惠130蚊3件，當然要即刻試下士多啤梨蛋糕，個蛋糕非常之鬆軟，而d cream又唔會膩，甜度剛剛好，同係日本食果d一樣味道好正！可惜士多啤梨唔算甜抹茶魔幻曲有濃厚既抹茶味，好似仲食到有栗子粒，口感好特別，不過就比較紮實唔係鬆軟款既蛋糕，唔係好啱我仲食左件期間限定既哈密瓜蛋糕，呢個就比較普通，哈密瓜唔算甜，又有d硬，加上蛋糕同忌廉一齊食都好一般...

After dinner的dessert係好重要的，已經試過好多間蛋糕店，終於係時候試呢間。有很多精緻蛋糕，真係令人花多眼亂，心花怒放。簡約的紙袋包裝甚有氣派。美麗的蛋糕盤係metallic色，非常trendy。附上乾冰，有1.5小時俾你安全送回家。為了防止整爛個蛋糕，仲用銀色鋁紙包住。安全抵達。Rich chocolate & passion fruit mousse cake ($50)黑朱古力包住黑朱古力慕絲、熱情果慕絲和朱古力蛋糕，dark chocolate 唔會太苦，mousse很幼滑，混合passion fruit果香甜味，非常夾，balance返朱古力的腻感。Matcha fantasy ($55)外表很creative，一層層的京都宇治抹茶慕絲、抹茶蛋糕和日本產栗子忌廉，層次分明。抹茶味香濃，蛋糕夠soft和濕潤，配上栗子粒粒，增加不少口感。

Yamakawa 係我係香港食過最好食嘅蛋糕，每款蛋糕都係水平之上，尤其呢個栗子蛋糕，大方得體，而且絕對唔偷工減料好重手。上層滿佈栗子蓉，好smooth唔膩，下層嘅蛋糕同cream好light唔會搶咗栗子嘅甜味，配埋手指餅成件事完全係將平時栗子蛋糕好老餅嘅形象變到好grand，除左家父喜歡食之外，平時唔鍾意栗子蛋糕嘅屋企人都覺得呢個蛋糕好岩口味。三百幾蚊一個蛋糕話貴唔貴，但係若然二百幾蚊都只係食啲連鎖店嘅蛋糕，投資係一個呢個蛋糕度絕對係物超所值。

繼續來到"尋找蛋糕的故事"系列。今年我的生日蛋糕, 老公特地找來一間來自日本京都的糕點品牌: Patisserie Yamakawa。於香港有3間分店, 3間都是位於中環、銅鑼灣及尖沙咀的City Super內。 晚飯過後到尖沙咀分店取蛋糕, 原來日本師傅曾於法國學藝, 所以糕點揉合了法國和日本的風格與口味。 玻璃餅櫃內放滿琳瑯滿目的糕點, 美侖美奐, 每款都好精緻。有採用新鮮生果製作的啫喱杯。價錢大概由$40-$55的小蛋糕。兩款口味的卷蛋。袋裝的法式小蛋糕。當然還有色彩繽紛的磅裝蛋糕。 老公知我喜歡抹茶蛋糕, 所以選擇了: Matcha Fantasy $350/12cm 這個抹茶幻想曲, 整個蛋糕由深淺綠色構成。 蛋糕面由加有抹茶成份製成的朱古力片作裝飾點綴, 奶味偏重一點, 質感幼滑, 不過抹茶味未算好突出。加了幾片金箔, 矜貴感多一點。朱古力片下唧有白色忌廉, 挺身輕盈, 甜而不膩。 八層蛋糕由抹茶醬, 抹茶蛋糕, 京都宇治抹茶慕絲及日本栗子粒組成, 每層結構非常緊密, 層層都清晰可見, 非常分明。全綠色主導以為味道會是超濃郁的抹茶味, 反而入口較為甜, 而

每次行過Patisserie Yamakawa都會忍唔住停低望下d cakeE~原來蛋卷唔係好貴wor所以就買左番屋企同家人一齊試下栗子蛋卷 $150包裝充滿日式簡約風格入面仲有個格係用黎裝乾冰不過可能抽住行左陣街所以d cream有小小爆左出黎我地一家人對佢一致好評首先個蛋糕超鬆軟而且係食到蛋香加埋佢地d cream真係好正忌廉唔似坊間果d咁硬身比較軟滑，而且超重奶香食得多都唔會覺得膩加埋甜甜地又有咬口既栗子粒成個蛋卷更加有口感其實$150真係抵因為真係食得出係用靚料做(東X堂其實都唔係平好多)下次都會再買

行開海港城，又要訂旦糕，見到這家旦糕精緻，一於試試。旦糕由一層旦糕一層綠茶cream相間而成。一啖咬下去，個cake super moist!!!旦糕結構細綿軟滑，並非一般餅店乾乾的。而綠茶cream有少少濃甘香同甜味而並非好重平價忌廉奶油的味道，好香甜。綠茶味响口腔內瞬間爆發，加埋面層的綠茶jam好像綠茶精華,加埋面層綠茶朱古力一齊食，多咗一份香甜同味道與質感的層次，真是超級好味！叫人一口接一口食唔停！推介！

上次食過綠茶二重奏，覺得超級好吃！今次試試他們的朱古力mousse cake. 朱古力mousse 超級軟滑，一層mousse一層cake相間而成。mousse並非是濃郁朱古力味那種，反之是牛奶朱古力的味道，甜甜地，平易近人。相比cova, 好像有點遜色，欠缺朱古力的甘香同層次感。整體而言，唔係唔好食，不過唔突出，個人還是喜歡awefully chocolate 那種黑朱古力的richness。

我諗大家時不時都會預到一個問題就係當朋友、屋企人生日果時諗唔到送咩生日蛋糕比佢地好當然美心東海堂山崎有好多生日蛋糕比大家揀但食黎食去都係呢幾間食得多都悶之餘又好似無咩心思上個月家姐生日小公主揀黎揀去諗左好耐因為我有幾個要求1. 最好係雜果 (因為家姐要求既)2. 最好細細個(因為食完飯先食，買太大個一定食唔哂，放係雪櫃又唔知要食幾耐)3. 要有Quality (家姐生日梗係要買個好食架啦)咁係我思來想去之後就決定訂citysuper既Patisserie Yamakawa因為每次行過見到d cake都覺得好靚而且佢仲有雜果同細size，滿足哂我3個願望Mixed Fruit Cream Cake 12cm (~$300)價錢呢，係有少少貴，不過真係值得架講到明係cream cake，果然係好多creamD cream好滑同好輕，完全唔覺得膩同肥而且好重奶味，係好有質素既忌廉蛋糕又鬆又軟，仲勁重蛋香最緊要一d都唔乾，小公主最怕食d乾爭爭既cake當然唔小得唔同種類既生果佢落既生果唔同出面都係用罐頭全部生果都好甜(唔係糖水甜呀)但最有心思都係個生日牌我無request要果D笑面同音符架大家

當天是小妹既生日, 同事們特意買上Yamakawa既蛋糕為左慶祝.我地共有4人,所以買了4件不同口味既蛋糕SHARE,分別有綠茶卷, 綠茶慕絲蛋糕, 栗子焦糖布丁以及TIRAMISU合桃蛋糕先講綠茶卷, 款的蛋糕有綠茶香, 加上少許忌廉,不會過份滯...我個人不太喜歡太多忌廉, 怕食完後會很飽肚很油膩.而蛋糕中有一團口感烟un的粉團(もち), 很好吃!綠茶慕絲蛋糕, 綠茶味比綠茶卷濃很多, 有點回甘, 但不會過份苦澀, 喜歡綠茶的人會喜歡這款.中間是綠茶蛋糕跟慕絲, 配搭得宜.至於TIRAMISU合桃蛋糕, 很難令人失望, 但又不會覺得非常好味, 是穩陣之選.栗子焦糖布丁, 單看外型已經非常吸引, 是9月份的限定. 把甜品匙放進布丁中(鏘一聲) 你會感受到焦糖的脆, 令人滿足.我個人是不太喜歡吃栗子的, 特別是栗子蛋糕上的栗子CREAM, 一見到就無興趣.但這款栗子布丁我是能接受, 點解這樣說? 因為我吃不到有栗子味道.只吃到有點咖啡的感覺, 焦糖的甜味, 我地4人一致認為好好味.呢間餅店我地間唔中都會食, 味道都偏好!同事間都覺得比COVA更好味...雖然Yamakawa既價錢比CO

家人愛好抹茶，買了布丁回來蕉糖抹茶布丁，布丁質感細滑如musse 不像以往食過的布丁，密度不同，口感也不同，抹茶茶味濃郁，不帶苦，甜度剛好，令人再三回味。( ´▽` )ﾉ蕉糖味不帶苦，濃郁，份量剛好，和布丁互相揮映。＼(^o^)／

Yummy cake and beautiful for Mum unforgettable birthday gift. I love strawberry but it is not easy to buy sweet strawberry in Hong Kong. This cake has a lot of sweet strawberry and they are fresh. If you love strawberry, it is a must eat cake. I dun prefer soft cake texture but biscuit and tart, a bit like crispy. Inside the cake, it has chewy custard and at the bottom is tart. Not too much and too heavy. Next time i want to try the green tea cake.

母親節嗰日食完大餐後，全家都已經飽到震點知阿妹仲話男友已經買左旦糕雖然好飽好飽好飽，但買左唔同唔食咩？！咁照食囉，既然係賀母親節既話嘩~~~~ 粉紅色花瓣型既白朱古力，真係砌到個旦糕花一樣咁靚賞心悅目！！！面頭既士多啤梨又甜，仲有啲金“薄“係面，更顯高貴！雖然係好靚，講真，晚飯食到想死，飽到暈，唸住象徵式係咁二食少少嫁炸！旦糕一分為四，全家一人一舊，入面有好清香既茉莉茶味，好香，啲cheese又滑又light，杏味淡淡的，完全唔會苦或有怪味，連唔鐘意食杏味ya既阿妹都話接受到！成個旦糕一食就知食得出係一分錢一分貸，用啲貴料靚ya所製，記憶中索價400左右！但真係好值得，因為食完件cake，1%都竟然唔覺飽、唔會漏、唔顯濟名符其實係：好味，但好似食左陣風咁清新！！！貴ya真係唔同啲！！I just love it!!後黎，成日都忍唔住同身邊既朋友同同事介紹呢款cake，其中一個同事見我啲相，話個旦糕好靚，忍唔住放lunch唸住去訂黎做自己既生日旦糕，點知店員話個cake原來係母親節限定喎吓？咁陰公？！同事失望咁同我講！！！我又估唔到喎，咁好食咁優質既旦糕，竟然唔係成日買到？仲要等母親節？

今日同台灣黎既朋友周圍行下，又遇上落大雨，好彩家住尖沙咀，行落街就係海港城，所以入去行下，唔知點解每次入海港城都好想食甜甜。今日想食綠茶野，所以揀左呢間，其實都真係貴，買2件都成百蚊，不過逗完利是食下無防😂$48件，估計有最少$10去左包裝道，好精緻既包裝，入面仲有乾冰比你冰住。綠茶味有，唔係苦果種，但唔算特別香，蛋糕都係軟熟，但又唔係好滑，中間有好大舊綠茶糯米糍，單獨食既話係好食，但夾埋蛋糕就唔夾。我覺得$10比左包裝，$25蚊比左海港城租，淨低計件蛋糕就值。個人覺得$25件Roll好食過佢好多倍😒

家中成員都是十二月出生的，慶祝生日的活動一個接一個。這天是家父的生日，雖然父親大人根本就對甜點沒有任何的興趣，但小妹總認為生日是要買個蛋糕來慶祝的。踏入十二月，商場商店都穿上了屬於聖誕的衣裳，映紅映綠。一首接一首的聖誕樂曲叮叮咚咚的播著，喚醒了眾人深處的“shopping魔”。走到Yamakawa的店前，餅櫃的糕餅琳瑯滿目的放著。停下腳步，正像參觀畫廊般欣賞著餅櫃的蛋糕時，頓覺餅櫃右面一撮正在移動中，雙目稍稍調校焦點後，原來是店員正把一個紅彤彤的心型蛋糕放進餅櫃裏，名牌寫道"Passion love cake"。 其主要成份為白朱古力，熱情果及紅桑子，名字確實是挺有心思，因此小妹最後買了它作父親大人的生日蛋糕。Passion love cake是個以心形蛋糕模具來作的蛋糕，整個蛋糕外層均塗著一層厚厚的紅桑子果醬。飾面放上多片以白朱古力花瓣砌成的花朵，花蕊位置放著一粒新鮮紅桑子，面頭還輕輕點上了金箔，搶盡風頭。吃了口，白朱古力幕絲細膩得如絲絹，底層僅以薄薄的海綿蛋糕輕輕的作承托，蛋糕軟綿綿的，首尾呼應。整個蛋糕味道結構配合極之緊密，熱情果是酸甜，鮮紅桑子是酸澀，兩種材料加起來本來就是酸上