Video
Exit D1, Tsim Sha Tsui / East Tsim Sha Tsui MTR Station, Exit L1, Tsim Sha Tsui / East Tsim Sha Tsui MTR Station, Exit N5, Tsim Sha Tsui / East Tsim Sha Tsui MTR Station
continue reading
Telephone
39562178
Introduction
This private kitchen restaurant was founded in 2015 by a couple from Ghana. It offers African fusion dishes, such as the signature African spicy chicken pot is served with a homemade spicy sauce by family’s recipe.
continue reading
Additional Information
非洲Fusion私房料理
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
-
Online Booking Service Not Available
朋友請食飯，主人家上網搵咗呢間香港最出名嘅非洲菜餐廳食飯，佢話見到啲食評都幾好，而我哋都未食過非洲菜，咁就要嚟食吓喇。非洲雞翼：（加納辣醬、OMG醬、炸蒜粒）外脆內嫩，香濃惹味！配埋醬汁食落爆出酸甜味道，好有新鮮口感！香煎牛柳墨西哥夾餅：（有牛柳、青椒、洋蔥、牛油果醬、酸忌廉、蕃茄沙沙醬、夾餅）肉質靭，牛味濃郁，汁多味美。配埋夾餅同配菜一齊食，口感豐富，有嚼勁！非洲王辣雞煲：呢到嘅招牌菜，肉質嫩滑，醬汁辣辣哋好惹味！烤焗原條魷魚：（有新鮮原隻魷魚、免治豬肉、蒜片、車厘茄整）魷魚鮮甜，魷魚圈裏釀入免治牛肉，口感好特別，好味道！雜錦海鮮燴非洲飯：（有本地青口、虎蝦、蜆、魷魚仔、非洲香草蕃茄醬、泰國絲苗米）色香味都好濃郁，有米飯飯焦，一口一啖辣辣地好惹味！菠蘿焦糖布甸：有細細粒嘅新鮮菠蘿，甜甜酸酸，溝埋忌廉一齊食，口感軟綿滑溜，好清新，好有驚喜！非洲加納特飲：（有薑、洛神花及非洲香料製成）酸酸甜甜辣辣，好開胃！
continue reading
今朝幫家姐湊完BiBi之後見仲有啲時間諗起成日都想食嘅Paul’s Kitchen 有新嘢問咗闆娘午餐仲可以叫帶咗爸食個late lunch 個心一路掙扎食返五花腩定試新嘢最後決定一新一舊😂爸點了餐湯今日係蕃茄濃湯入口似南瓜湯感覺面頭有蒜蓉包粒爸揀咗老闆娘秘製牛尾配蒜香飯一如既往超級好食老爸汁都撈埋超入味 今次牛尾肉多感覺有啲似食牛腱如果炆得再腍啲我諗老爸會食得更多肉而我今次揀咗新出嘅Merry Me Source 肉丸配蒜蓉法包個蕃茄汁好開胃牛肉丸手打鮮嫩Juicy mix左洋蔥粒好香口好腍蒜蓉包配芝士蕃茄汁amazing 最後忍唔住叫埋凍加納朱古力So yummy 😋 飲到尾都見到朱古力碎碎好足料好正宗 圓滿的一天@pauls_kitchentst #paulskitchen #hongkong #tst #fusion #food #africanfusionfood #foodie #icechocolate #oxtails #香港 #香港美食 #非洲菜 #重慶 #重慶大厦 #尖沙咀 #yummy #meatballs
continue reading
朋友食過一次返尋味，叫埋我一齊去食，諗諗吓咁大個人都冇食過非洲菜，於是就應約。雖然喺重慶大廈嚟講，價位都比較進取，但係絕對值呢個價錢。‣ 非洲辣王雞煲 $350用咗非洲嘅特有香料，呢隻味真係得呢間餐廳先食得到。好可惜自己唔係好食得辣，今次嗌咗小辣，朋友話再辣啲會更加香同埋好食。雞肉質地相當鮮嫩，雞件都唔少，雞煲嘅香味真係好有層次感，味道絕對唔單調。‣ 店主太太特色炆牛尾 $170我自己超級推薦炆牛尾，味道一流，而且我估計都係用非洲嘅香料，所以同出邊炆牛尾嘅味道絕對唔一樣。而且肉嘅份量都好多，牛尾炆到相當之軟淋，而且佢都係比較辣，但係辣得嚟幾過癮，大家一定要嗌。‣ 蒜香薄餅 $50店員推薦我嗌薄餅，於是就嗌嚟試吓，食落都幾重蒜香味，搭配牛尾同埋雞煲嘅醬汁真係一流，本身唔想食澱粉，但係都忍唔住嗌咗個薄餅。
continue reading
今日慶祝朋友生日揀咗個特別嘅，重慶大廈！以為呢度只有咖喱，朋友推介咗呢間餐廳。首先要衝過門口嘅人群嚟到呢間餐廳，門口感覺風格都OK。 首先望落去幾乾淨幾優雅。 價格唔算太平， 不過味道唔錯。首先點咗杯朱古力飲品，我見到好多枱都有叫，味道係好香濃，唔會太甜唔錯跟住叫咗個墨魚意粉味道都幾鮮甜意粉幾爽口。魚配薯條 ，魚其實冇乜特別，不過佢個醬汁調得好好，所以變咗幾好味，薯條炸到脆卜卜，十分之香口。牛尾骨煲，牛尾骨煲有少少似韓式嗰個牛肋骨煲，甜甜地幾香濃好味，而且個牛尾骨炆到腍晒，配個飯應該就一流。最後係個甜品，pineapple creame brulee 本身我唔係太食甜品，都覺得呢個好唔錯好香滑，又唔算太甜，仲有少少菠蘿嘅清新。所以估唔到喺重慶大廈呢一間餐廳都有啲驚喜
continue reading
第一次知道有Paul’s Kitchen 係由一個網上節目介紹。已經bookmark左好耐，直到係社交平台見到老闆嘅消息之後，先第一次去嘗試。重慶大廈有d複雜，但跟住老闆娘社交平台條介紹片，好容易就可以搵到。lunch time都好多人，記得要book位。第一次食非洲菜，嗌左個烤雞配非洲香料炒飯，烤雞唔會過老，配埋佢d醬汁好好食。而個炒飯就有少少辣，不過我可以接受嘅範圍。同事嗌左個魚柳，酸酸甜甜，魚柳又好滑，真係好唔錯仲嗌左一個豬腩配非洲炒飯，燒豬腩有d似我地嘅燒肉，但佢嘅皮就唔似燒肉咁脆，有d韌。味道係ok嘅。lunch嘅話仲包沙律/湯同飲品，有同事話佢個朱古力十分好飲，下次要試下。
continue reading
You may be interested in