Pause It (Moved) New Location

今日嚟呢間Cafe其實係有重要事要傾，想喺旺角搵一間唔好咁污煙漳氣，坐得舒服嘅Cafe。喺呢度白雪雪，充滿陽光，最後就嚟咗呢度。我哋一人叫咗一杯咖啡，一杯係mocha, 一杯係latte. 咖啡唔錯，唔苦，不過唔算好香濃。拉花好靚，打卡啱晒。😚我哋叫咗個意式番茄醬煙鴨胸意大利飯，份量好多，不過番茄醬清新，味道唔太濃，所以可以中和到飽濟嘅感覺。飯嘅硬度適中，不過米心比較軟，唔係地道意式，似係啱香港人口味嘅硬度，唔會太生。至於All Day Breakfast 都做得幾好。賣相唔錯，上碟嘅時候，侍應都主動問我，要唔要黑椒，鹽同牛油。炒蛋好滑， 可能加咗少少牛奶，炒蘑菇有濃郁嘅牛油味，煙肉同埋腸仔都唔會煮得太燶。食物同埋服務都好好，因為有日光嘅關係，環境亦都好靚，乾淨企理，不過餐廳嘅環境比起睇相見到嘅有啲狹窄。整體來講算係值得推介嘅cafe ^^

休閒咖啡小品店, 地方非常精緻食物質素有保證我首先就嗌咗一個沙律今日捱夜捱得多要清清腸胃紅石榴沙律酸may may有幾鬼好味之後就嗌咗個牛油果多士， 牛油果非常新鮮有益好味個多士看到外脆內軟非常之好咬口之後就愛咗一杯芝麻咖啡拉花非常之靚入口滑溜醃三文魚卡邦尼蛋， 用上原裝日本進口雞蛋蛋黃味非常濃郁煙三文魚非常之新鮮食落好鬼香口一啖切落去蛋黃汁流出嚟撈上沙律就好好味呢度格調都非常之優雅只係地方迫咗少少客戶服務員的服務態度也很好

🍳煙三文魚班尼迪克蛋($78) 久唔久都會好想食#eggbenedict 😋pause it既真心不錯吃啊👍🏻👍🏻肥美既荷蘭醬🤤水波蛋流心⋯加埋sourdough🥖yummm·🥫意式蕃茄醬煙鴨胸意大利飯（$88) 份量足👍🏻但感覺唔太risotto🤣未有濃稠綿糯既口感🧐·🥪煙雞胸肉三文治配薯條（$72）toast口感100分😋烘到外脆內又好有咬口～調味後既薯條，停唔到口啊🤤🤤·🐥水牛城辣雞翼（$62）相對較普通～可能醬料唔均勻，咸左少少·☕️黑芝麻拿鐵（$40）朋友話好濃黑芝麻味道⋯似食緊芝麻糊😂·☕️紅絲絨拿鐵（$40）自從係cheesecake factory食過紅絲絨cheesecake ...我就愛上左🤤粉紅色好靚💕甜度剛好·📍Pause It旺角山東街84號地下

來到旺角這鬧市，想不到竟竟有寧靜寫意的一角，今天來到這間pause it吃一個午餐。店內時白雪雪的，很簡潔光亮，還掛了手寫書法字餐單和有鮮花擺設。非常喜歡這個環境😍真的是十分舒服，連食物也擺放得美美的，人也文青起來💗點了all day breakfast, 很大碟很足料，牛奶炒蛋十分香滑，菇也很香牛油味，賣相很美另外又點了bacon benediot 一切下去蛋汁就出來了，配合香香的包和bacon,好吃最喜歡的是這蟹肉飯，真的是有超多蟹肉，我估有五份一是蟹肉！勝價比很高👍🏻很好吃這菇意粉是辣的，很惹味👍🏻👍🏻👍🏻整體很喜歡這餐飯，環境超級舒服，食物也好吃😋是休憩好去處💗會再來👍🏻

放假間中都想搵間cafe休息下。今日去左旺角買衫，行到攰就上網搵下旺角區有咩cafe。「pause it」，簡約設計裝修 感覺好舒服。乾淨整潔的環境，白色為主裝修，的確可以比人停一停，放鬆下。menu主打咖啡，食物選擇都算多。All Day Breakfast、意粉、意大利飯、麵包，都有小食和沙律。我叫左菠菜班尼迪蛋，荷蘭醬是整個菜的重點。餐廳用上特別做法，先燒香荷蘭醬帶出濃厚的牛油香，入口香口不膩。水煮蛋流心蛋非常高。另外我再加叫左一杯汽水！

旺角#pauseit 菠菜班尼迪克蛋🍳焙茶拿鐵☕️隻蛋切落去流汁果下實在太自癒包很脆很香😍Hojicha latte 係無糖但都夠香夠濃郁😆總結係份量唔算多作為tea就會岩岩好餐廳環境以全白色做主題如果唔多人算好舒服但有時太多人會好噪😂所以要揀岩時間黎

記得有次係隔離街行過，就覺得呢間舖頭好特別。 雖然只係黑色招牌同白色既燈光，係呢個位置就係有一種鬧市中小綠洲既感覺❤️ 所以一直都記住呢間咖啡室，點都要黎試一次。今次係夜晚黎食，唔算好多人，坐得都舒服。同朋友都哎左煙三文魚菠菜意粉。味道唔錯，份量岩岩好，煙三文魚都幾多。飲品就哎左竹炭咖啡☕覺得呢間舖最細心既位係可以加錢轉燕麥奶！因為本身唔飲得奶，有呢個alternative令我有機會試到個咖啡！竹炭味好出，成杯都好有驚喜！但拉花略嫌有少少失色😂黎到已經少少化開😂另外再叫左水牛城雞翼，正正常常，不過不失啦：)埋單每人～$150環境黎講都算舒服，食物幾靚，味道唔錯但美中不足食完之後有啲口渴😢如果呢個問題都可以改善，就真係perfect lah❤️

好耐之前試過一次，覺得好好食，所以再同朋友嚟試下其他嘅菜式...今次點咗五款菜式：Poutine, Pumpkin Crabmeat Risotto, Spaghetti Aglio E Olio, All Day Breakfast, Bacon Benedict. 我好欣賞佢每一碟嘅菜式賣相都好精緻，而且香氣撲鼻，尤其是黑松露芝士薯條，未食都已經好吸引！而且餐廳佈置簡潔，環境舒適，好有文青feel，整體用餐經驗令人食得好舒服！今次點嘅五款菜式最有驚喜嘅係Bacon Benedict, 黑松露芝士薯條同埋All Day Breakfast... 我發覺呢間cafe煮嘅蛋係特別好食，好似egg benedict 好香好滑， 蛋黃醬同流心蛋融埋一齊再加埋鹹香嘅煙肉實在冇得輸，明明只係一啲好簡單嘅材料，好似雞蛋、煙肉同埋麵包，但係組合起上嚟味道一絕！All Day Breakfast嘅炒蛋都好有蛋香 而且非常滑，佢嘅顏色偏白，唔知係咪加咗牛奶定牛油所以先做到又香又滑嘅效果呢？ 而佢其中一個推薦小食黑松露芝士薯條就真係不得了， 薯條外脆內軟，每條薯條本身都有少少調味粉，所以食上黎香口，再加埋

Cappuccino & Flat White -咖啡味道帶微微果酸，奶泡有層次，但香味一般All day breakfast-份量不多，包身較硬🥖，炒蛋亦略老了一點🍳P.s. 不過落住雨靠係窗bar 枱到食係幾有feel👍🏼

每逢搬家， 都要重新適應新環境， 亦要發掘平靚正餐廳， 最重要嘅都係要搵杯好咖啡。 由新界搬出市區最大收獲就係遇到多左有誠意嘅咖啡店，而且車程短左， 容易access。今日遲左出門口， 所以打算食埋lunch先返公司。去火車站路經呢度，平日經過佢都要排隊， 今次見人未算多就走入去。簡單order一份雜菌辣椒炒意粉， 咖啡我選了Charcoal Latte with Oak Milk。我其實一般只飲black coffee, 但 因為屋企冇espresso 機，亦唔識沖espresso base嘅咖啡， 除了咖啡類cocktail, 所以出外都會點， 係個少少嘅情意結。Charcoal Latte 嘅oat milk係用左Oatly, 之前姨甥同我講用Oatly 沖咖啡特別香特別好飲，但唔會搶咖啡味， 叫我一定要試。果然！以前香港都未普遍，但現在越來越多咖啡店有這項選擇，推介大家試下。意粉亦有驚喜， 辛辣感覺重好啱我，蒜片味道配上雜菌嘅香味，好開胃👍。😊以後我又多一個蒲點了。

👉🏻red velvet latte💲40超靚☕️💗粉紅色🥰(其實我中意藍色但唔會有藍色嘅latte😹)不過真係名副其實嘅red velvet因為佢超濃朱古力味 完全冇咖啡味😹只係杯奶味好重嘅朱古力😹打卡係幾好嘅haha〰️〰️〰️〰️〰️〰️〰️〰️〰️〰️👉🏻crispy buffalo wings 水牛城辣雞翼💲62好食！雖然品杯咖啡唔夾但真係幾好味 醬汁超濃🤤雖然佢唔夠入味🙁但每雙都好大隻 冧咗汁都食到佢幾脆👍🏻〰️〰️〰️〰️〰️〰️〰️〰️〰️〰️間cafe細咗啲迫咗啲 嘢食味道還可以（其實想試食brunch/all day breakfast但我去個陣已經大晏成四點幾😹）〰️〰️〰️〰️〰️〰️〰️〰️〰️〰️Pause It (旺角)📍旺角山東街84號地下🔗#7eating旺角#7eating飲品#7eating西式

實在很喜歡去Cafe 晚上同朋友去旺角食飯 就決定試試呢間Pause it!煙三文魚白汁菠菜意大利麵個汁好creamy 好食！Buffalo wings味道不錯 不過有小小咸芝麻latte有驚喜！好正😍😍

近幾年 香港有好多cafe 質素穩定既不算太多一開既時候去過飲咖啡竹炭咖啡紫薯latte 都幾得意 依排試埋野食All day breakfast 都唔錯 佢個包好食黑松露薯條都唔錯 我唔鍾意扭紋薯條佢係粗身薯條 🍟 黑松露醬都調得唔錯

等待人齊的時候偷食咗個炸薯條🍟外夠脆，內夠軟，又熱辣辣。面頭個啲係辣椒粉(加少少鹽？) 分量好夠喉，💰42為咗留肚俾意式青醬煙鴨胸炒意麵，忍住咗冇要黑鬆露薯條。青醬同菜椒絲擺埋一齊都幾夾，唯一係青醬味道可以再濃啲。不過話說炒意麵可以有這樣的醬汁厚度，鴨胸掛汁順滑不乾柴。這個💰$88的炒意麵還是很值得的。

放假就是要休閒慢活，今天下午就約了朋友到coffee shop午膳談天。coffee shop走文青路線，全店以米白色和柔和木色為主，有落地大玻璃，採光度很好，環境簡潔舒服。我和友人點了兩款食物和各自選了喜愛的飲品，就這樣歡渡了一個下午。煙三文魚班尼迪克蛋Egg Benedict 蛋白嫩嫩的，咬開蛋黃很流心，蛋汁溢出，配合creamy芝士蛋黃醬和煙三文魚，連同脆邊麥麵包多士，一口咬下口感十足，滋味滿分。伴碟的還有黑醋橄欖油沙律，清新爽口。南瓜蟹肉意大利飯賣相吸引，金金黃黃，芝味香濃，囗感creamy順滑。雖然南瓜粒和蟹肉碎都是較清淡食材，但南瓜甜，蟹肉鮮，伴著意大利飯吃很味美。紫薯拿鐵雖然拉花歪了，但淡淡的紫色很漂亮，紫薯味香甜，鮮奶順滑，還真的有紫薯蓉呢！朱古力咖啡朋友選了凍的，我淺嚐了一口也很不錯，朱古力味和咖啡味恰到好處，很香濃。