小明珠

Open Now

Now Closed

聽講呢間嘅小籠包好出名，主要係食上海菜今次我就約咗朋友去呢間食晚飯睇過餐牌後，覺得價錢合理，款式都好多樣化有辣有唔辣！首先我就試吓「時菜牛肉」 $108牛肉肉質好軟嫩，雖然有根，但肉味好香濃！啖啖牛肉入味十足，而且菜都好新鮮脆口配合住肉汁真係非常美味!係比較重鹹香嘅關係，所以我哋叫咗一碗白飯share，白飯飯粒好粒粒分明☺️夏天食，真係好開胃呀!再來我就試吓「糖醋魚片」 $108魚肉又唔會太乾，糖醋汁調得剛剛好食落唔太油，唔會太酸唔會太甜，好滑順！入口香甜，真係非常下飯❤️‍🔥再來我就試吓佢哋嘅皇牌「小籠包」 $45一籠總共有四隻🥰包皮好薄，包入面嘅湯汁竟然一點都唔漏小籠包啲肉汁都好香，好滋味啊！（順帶一提，下午時段有優惠 $10兩隻）「酒釀丸子🍡」 $38/位綿軟香甜，入口即化但有桂花香味，酒香十足，同時又唔會太甜有驚喜wor🫰🏼🫰🏼呢度嘅上海菜好出色，材料新鮮，同埋好大份可以話鍾意食辣嘅朋友唔可以錯過！佈局同環境都好舒適，好有街坊生意嘅感覺下次有機會一定會再嚟試吓其他嘅菜式💗

午市客飯同埋下午茶時段＋$10有兩個小籠包非常抵食（唔知依家仲有無做promotion) ，小籠包皮簿餡靚，包咗好多湯汁～雞扒擔擔麵亦係高質，雞扒炸得香脆，擔擔麵湯底濃，不過偏辣，可以落單請廚房少辣。

尋晚同同事一行9人黎食晚飯，我就第一次黎，雖然鋪頭細細，但坐落都舒服既，首先叫咗啲小食，香辣魚皮，辣辣地，魚皮好爽。之後有虎紋尖椒，由於我好鐘意食辣，尖椒都辣，好好味😋之後有小籠包，真係好好好味，皮簿，每隻入面都有湯👍🏽👍🏽之後要再encore 多次😅松子爐魚，酸酸甜甜，好醒胃，又夠大條。薑蔥蟹，夠晒鑊氣，蟹又新鮮，再飲左啲啤酒，又餐顧住食，忘記左影相，唯有下次再黎食，影返多啲相啦🤣🤣🤣

小籠包、櫻花蝦炒高麗菜、豉椒炒蜆、紅燒牛肉麵⋯小明珠💎嘅嘢食都好似食緊住家菜嘅感覺🥰，住近觀塘嘅朋友仔有口褔啦！🤤小籠包熱辣辣又多汁😋，皮薄餡靚！👍食嘅時候記得咬一小口先，飲咗啲湯再咬大啖啲！櫻花蝦炒高麗菜櫻花蝦🦐嘅香味同口感令高麗菜🥬更有鮮味！櫻花蝦真係令成道菜畫龍點睛～🐲🐉豉椒炒蜆豉椒味嘅蜆真係最佳配搭，鑊氣十足！♨️紅燒牛肉麵湯底好正，牛肉🐮好香口，麵就硬軟度適中～❤️‍🔥

招牌小籠包：皮薄餡靚，湯汁較多，鮮肉好入味，百吃不膩，每日下午1:30-3:00仲限時優惠，以優惠價就可以嘆到。超好味嘅小籠包啦！紅油抄手：係我最欣賞嘅，抄手食落非常滑，餡味突出，而且比我平時食嘅咁大粒，最特別之處就係佢嘅醬汁，汁微辣濃香，具有濃郁嘅麻辣風味，食完之後好滿足。四川担担麵：花生味道香濃，湯底濃郁，可以好有四川嘅風味，而面質軟硬度適中，極度推介。香煎牛肉包：一咬落去有爆汁嘅效果！煎到金黃色，咬落好鬆軟，而且牛肉餡料夠新鮮又足料。豆沙窩餅：外皮好脆口，紅豆餡有夠多，食落去淡淡都係紅豆，果然真材實料。

今晚熱辣辣走上斜路去食呢間上海菜。叫了小籠包、台式牛肉麵、蒸銀絲卷。小籠包幾好味，湯汁多，皮夠薄。雖然不及鼎泰豐和樂天皇朝精緻，但比翡翠拉麵和上海姥姥的造得好味。台式牛肉麵麵底好食喎，牛肉合格，下次可以試下其他的麵食。蒸銀絲卷就比較失色，包卷入面條條不分明，吃不出絲絲的感覺，變左白饅頭點練奶。

餐廳主打上海菜，各款地道上海菜色都有得供應餐廳裝修簡樸卻舒適，無論是三五知己還是家庭聚餐都很合適。師傅好有經驗, 從細節也知道功力十足!-小籠包是店裡的招牌菜，皮薄摺紋細緻，內餡鮮嫩多汁。-酸辣湯酸辣開胃，木耳、豬紅、豆腐，材料豐富酸辣開胃。-糖醋骨外酥裡嫩味道酸香帶甜，開胃怡人--上海回鍋肉香辣可口，青紅辣椒、椰菜炒得香脆，加上豬腩肉, 整體香濃惹味-=簡單配口感鬆軟蒸銀絲卷-，蘸上煉奶油味道更上一層樓。-每道菜都讓人食指大動。值得一提的是，星期一至星期五午市有優惠，小籠包10蚊2隻，非常抵食！推薦推薦!#小明珠 #上海菜 #小籠包 #酸辣湯 #糖醋骨 #上海回鍋肉 #觀塘美食 #香港美食

今日和朋友去咗位於牛頭角嘅「小明珠 Pearl Pearl Kitchen」Lunch ……台灣牛肉麵…可以任選米粉，薯粉或米線等…..湯底都濃厚，牛肉份量不少而且有嘴勁，麵條好滑！酸菜牛肉魚片飯.. 加$7轉菜飯！份量好足，牛肉是鮮牛…..薯粉好入味！紅油抄手，加入咗好多蔥花同蒜蓉好惹味！醉豬手.. 食時淡淡酒香包圍著醉豬手， 豬手肉質十分爽脆，外皮爽口不肥膩👍 我嘅至愛高麗豆沙…….美味可口，重點不會太甜！

小明珠🌟整體: 地道上海菜 隱世小店 熱鬧多人☆║．．．．．．．．．．．．．║☆‼️ 蒜蓉茭白筍 $88✅ 小小支 質地脆嫩 味道清甜 調味蒜蓉較清淡‼️ 蠔仔煎蛋 $88✅ 蠔仔多 味道鮮美 蛋味都OK‼️ 擔擔麵 and 排骨 $68✅ 濃郁鮮香 真麻辣味 好足四川風味 炸排骨 唔乾頗juicy 大大碗咁‼️ 台灣紅燒牛肉麵 $58✅ 牛肉肉質嫩又有嚼勁 口感紮實的麵條 幾值得一口叫📍 觀塘聯安街35號地舖⏰ 星期一至日 12-15 17-22☎️ 電話號碼 35654788📷 Fujifilm XE4 + 23mm F2📩喜歡我的文章，可以關注我及讚好以作鼓勵

呢間餐廳冇酒樓咁貴，又唔似大排檔/一般茶記咁普通，食物質素都幾高。晚飯兩個人嚟食幾碟已經好滿足又好飽。冷盤叫咗個醉豬手$78第一次食醉豬手，平時醉雞就食得多，豬手切成一件件好易夾好易食，而且酒味濃度剛剛好，份量亦都恰到好處好開胃蛋豆腐時蔬類就叫咗涼瓜炒木耳$88啲涼瓜雖然硬，但唔係話好苦，炒得好爽，食落係甘香嘅，去埋啲木耳，感覺健康，素食者應該會喜歡飯麵類嘅台灣紅燒牛肉麵$58雖然食落同睇落都同平時啲台灣餐廳食到嘅差唔多，但係啲牛肉就好食好多啦，夠晒入味同埋鬆軟招牌小籠包四隻 $45自家台灣冬瓜茶 $10豆漿 $10大大杯今餐之中，個人嚟講最鍾意食就係小籠包同埋醉豬手，小籠包好多湯汁，熱辣辣，外皮都算薄，而且比一般過去食嘅都大粒如果唔知食咩嘅，不妨叫一籠嚟食下，零中伏餐廳地方唔大，氣氛熱鬧，因為啲枱都近，唔怕嘈嘅嚟呢度同班朋友高談闊論都幾開心，夠晒接地氣如果揸車嚟嘅話附近都有地方泊

臨近父親節，父親話想食上海菜，所以就上網搵到呢間「零負評」既隱世餐廳去開餐啦，點知搞到我要出佢第一個負評。野食唔難食既，不過其中有啲偏鹹，上海菜都偏重口味的。上菜速度奇快！未食完第一碟已經上左8成餸，有效率唔係唔好，但你一次過上曬黎，連張大枱都放唔曬，食物未食得切又放到凍曬☹️小籠包，皮薄餡靚，有湯汁響入面。松子鱸魚，酸酸甜甜，鱸魚好大份。蒜泥白肉，勁鹹…….😰薑蔥生蠔，呢個好食，香蒜同生蠔好夾。虎皮尖椒炒牛肉，偏鹹。咸肉白菜，ok土匪炒腰花，冇評價，（本人唔食腰花）家鄉炒飯,一般，好濕既炒飯。上海粗炒，味道幾好，不過粗炒d麵好碎，要夾好多注。香辣魚皮，麻麻辣辣，魚皮夠爽。🦟時不時有小飛蟲飛過，衛生一般。😕好嘈，係咁有落單提示聲，好滋擾。😒但服務態度真係好麻麻，我地都唔該前唔該後，都有禮貌嘅，食到最後想上蛋糕，請店員幫忙收拾桌面，冇端端黑面，收完又冇輕輕抹下枱，好重手咁放低蛋糕碟就即刻走左。之後想佢地幫手影大合照，明明見到我揮手都扮見唔到，繼續扮執野，我地好無奈🙄到我老公再叫多一次，先走過黎幫手影相。到比錢果時，我擰轉頭想埋單，個女店員（冇戴眼鏡果個）一秒都冇就「隊」張單比我眼前，多謝都

今日和同事食午餐，佢喜歡食上海菜，去咗位於觀塘聯安街嗰間小明珠，餐廳面積不大，室內裝潢充滿濃濃的中國風味。上海粗炒麵：上海粗炒鑊氣十足，麵條有彈牙的口感和醬油的味道, 菜及肉絲及冬菇絲的配料都非常豐富，配豆瓣醬更惹味！豆腐不會太甜，有豆香。陳醋豬軟骨飯：豬軟骨炆至軟綿鬆化，甜酸度配合得剛剛好，味道香甜濃郁好開胃。老火湯夠火喉又足料，味道香甜凍檸茶冰爽解喝。熏魚屬於上海冷菜系，口感外酥內軟，味道濃郁。小籠包：小籠包皮薄饀靚，湯汁在軟薄外皮下若隱若現，輕輕一咬，湯汁即時湧出，加上鮮嫩的肉餡，滋味十足。下午優惠時段四個小籠包只需$10。香煎鍋貼煎得很香脆，饀料飽滿，味道鮮甜又有肉汁。

食上海菜一定要搵間傳統老店先有信心保證💜聯安街搵食真係超多選擇🙆🏽‍♀️隔離宜安街中菜館就食得多啦，今次就試吓上海菜啦🙈🙆🏽‍♀️香煎鍋貼$45 🥟一客有四隻超巨型鍋貼外皮煎得卜卜脆🤩肉汁滿滿呢🙆🏽‍♀️醉乳鴿$128🥢見到個賣相急不及待相機食先😍酒味香濃，肉質鮮嫩有點彈牙咬口😋🙆🏽‍♀️冷盤加皮蛋$12豆漿$10🥛皮蛋是糖心的👍🏻豆漿豆味香濃，甜度適中😋🙆🏽‍♀️雞扒擔擔麵🍜可以根據個人口味挑選辣度🔥中辣就啱晒我口味啦，擔擔麵配料有花生肉碎榨菜麵條索晒湯汁非常惹味🥜雞扒皮脆肉嫩又多汁😋最難得係一啲都唔油膩👍🏻🙆🏽‍♀️酒釀湯圓🥣$38呢個甜品不得了🙈淡淡桂花酒香而清甜，湯圓外皮煙靭配爆餡芝麻🥣幾飽都可以一個人食晒一碗🤤絕對係一間性價比高的小店👍🏻味道份量都好滿意😋👫人均消費$150✨小明珠✨

之前見到Foodie介紹呢間隱世小籠包店今日去開牛頭角附近經過就試吓😙❤️舖頭主打滬菜 除咗小籠包之外仲有好多特色嘅上海菜😚😚全部價錢都唔貴 而且味道幾好 CP值好高😝🥰環境都幾乾淨😌職員亦都非常熱情 服務非常好😚😚⭐️小籠包小明珠嘅招牌菜熱辣辣 皮薄 爆湯汁😝非常抵食😝⭐️肴肉每次食上海菜必點嘅一道菜肴肉非常完整😙賣相唔錯😙⭐️上海炒年糕年糕煙靭有咬口 唔會太粉👍🏻⭐️涼拌土豆絲酸酸地幾開胃😍

這間小明珠餐廳要行到聯安街的坡頂，是一間隱世美食店，主打上海和四川特色菜，四周圍的街坊都讚不絕口，是明珠都會發光好值得去嘗嘗！### 上海湯包從薄如蟬翼的包子皮透明可見包住一大堆豬肉餡，輕輕咬開一個窿，熱騰騰的湯汁立即溢出，味道鮮美濃郁，肉餡細膩多汁，令人回味無窮。### 紅油抄手一碗大大隻飽滿的餃子充分吸收了香辣的紅油汁，辛香四溢帶有一絲麻辣的刺激，外皮滑嫩，餃子的肉餡鮮嫩多汁，和紅油的香辣相得益彰，又鮮又辣真是太好吃😋😋摯愛啊！### 花雕醉雞雞肉經過花雕酒的浸泡，酒香濃郁，滲透到每一絲雞肉中，帶有微微的甜味和濃郁的酒香，肉質滑嫩而富有彈性### 高麗豆沙第一次見不規則形狀包子，包皮柔軟像棉花糖，發出淡黃色柔滑光澤，一大堆紅豆沙餡包在裡面，充滿紅豆香味口感綿密，讓人沉醉其中。### 生煎包包底金黃焦脆，上邊有黑色芝麻，中間同樣是一大堆柔嫩多汁的肉餡，濃郁的肉香和細膩的餡料讓人欲罷不能。### 上海春卷外皮薄脆,一啖咬下去發出清脆的聲音，裡面是鮮嫩清爽的筍絲和細嫩的蒜苗等蔬菜,經過油炸後不會油膩,反而有種酥脆勁道的口感。### 南瓜餅甜而不膩，軟糯香甜，有南瓜的自然甜味和細膩的口感#