台北倆伴

Open Now

Now Closed

📍台北倆伴 (大圍)大圍車公廟路18號圍方5樓528號舖樓味道: ⭐️⭐️⭐️⭐️價錢: 💰抵食指數: ⭐️⭐️⭐️⭐️早一個月我飛左兩轉台灣 日食夜食 將台灣啲美食都試過哂🤭 返到黎香港成日都口痕痕想食台灣野 而最近大圍圍方終於開幕 成為大圍友嘅我即刻去掃返個圈先😇 係個到搵到台灣野 果斷入去😆下午茶餐：大腸麵線+滷肉飯 $52特飲：仙草奶茶 +$8餐廳嘅大腸麵線同滷肉飯將台灣味道重現！佢嘅大腸麵線比起台灣當地麵線仲要足料！個湯超級好飲🩵麵線同個湯係絕佳配搭💙唔經唔覺就食哂🥲 🍚滷肉汁就用肥豬肉煮出黎❤️❤️👍🏻👍🏻 我覺得咁先係真正嘅滷肉飯！因為食落去個時 豬油會比口中熱力融化再融入飯入面！再者，加埋杯仙草奶茶 將台灣感覺大大提升🩵小食：花雕雞卷6件 $62花雕雞肉係台灣好出名 餐廳將佢帶佢黎香港我係超級興奮🩵佢嘅花雕味超級重 酒精上癮嘅朋友仔可以一試😁😁

放假約朋友去圍方行街，搵到呢間，價錢唔貴又多選擇。台式肉鬆榨菜蛋餅蛋餅分咗4件，蛋皮厚身，好多肉鬆和榨菜，口感豐富。花雕雞卷麻辣拌麵+紫菜湯+地瓜酥天氣仲好熱，想食開胃菜，花雕雞卷啱哂。花雕酒味香濃，雞肉入味。台灣拌麵，麵條彈牙可口，配上麻辣醬，濃郁撲鼻，好開胃。地瓜酥外酥內鬆，有古早味道。泡菜豚肉鍋（小辣）米飯份量十足，好多配菜，有金菇，津白，甜不辣，芋頭，貢丸，魚蛋，豆腐，鵪鶉蛋，粟米。豚肉都好幾塊有豬肉味，配上泡菜好滋味。跟餐有飲品，朋友叫珍珠奶茶，我叫桂圓紅棗。大家都滿意👍🏼。

呢日晏咗食午餐，喺呢個商場行個圈，見到呢間台灣餐廳已經開始咗「下午茶」時間，咁都唔再諗唔再搵啦，就決定喺呢度醫肚🤣呢度有多款「下午茶套餐」可以選擇，揀咗 $56「老阿嬤焢肉肉鬆滷肉飯配紫菜貢丸湯」，「下午茶餐」加 $12「芋香珍珠奶茶🧋」，再加 $48「香菇滷肉A菜」🤣「老阿嬤焢肉肉鬆滷肉飯」：其實都幾豐富因為有三種肉，清楚啲寫就係 焢肉+肉鬆+滷肉🤩，焢肉有肥有瘦都好豬味😋，滷肉接近半肥瘦好甘香兼有台灣風味😋，肉鬆 簡單幾好食😋；仲配埋 糖沁蛋半隻，撈飯大大碟嘅米飯一齊食真係幾豐富🤩「紫菜貢丸湯」：簡單幾好味😋「香菇滷肉A菜」：A菜🥬新鮮爽脆，配埋大量嘅滷肉，更加好味🤩「芋香珍珠奶茶🧋」：唔係好甜，有啲芋頭香味🤣

餐廳位於圍方5樓，主要是台式菜，人流非常多，如果唔係有朋友提早拎飛，相信要等好耐。經人手點了以下食物：1. 紅燒牛肉麵：有3大舊牛肉，絕對唔係1片片係1舊舊，麵量亦相當多，湯汁濃度及麵條軟硬度適中，牛肉好腍油脂分明，真係一分錢一分貨。2. 花雕雞手工麵：賣相擺盤有心思，麵量跟牛肉麵一樣多，雞卷散發花雕香味，令人胃口大開，碗大麵量亦大，胃口小嘅可能有需要少麵。3. 古早滷水汁排骨便當：3.1 肉燥飯配肉鬆及半隻溏心蛋，飯量多肉燥多，差啲食唔完。3.2 豆卜麻辣鴨血少少麻辣，味道唔會太嗆。3.3 貢丸紫菜湯味清淡。3.4 排骨脆炸後淋上滷水汁，排骨唔會因為個汁影響，仍保持脆口感，滷水汁亦唔會味濃而影響本身肉質及味道，這個配搭非常好。4. 逢甲肉鬆榨菜蛋餅：主要榨菜與肉鬆蛋餅不太配，口感&味道怪怪，有點失望。整體上出菜速度算快，基本落單後5分鐘已經陸續上菜，排骨便當都是15分鐘內就上枱，服務態度幾好，每位店員親切有禮有笑容，提醒用餐時間是1小時，下次會再黎試牛肉鍋。

💙鹽酥雞肉鬆滷肉飯配紫菜貢丸湯地瓜酥4件鹽酥雞粒，滷肉飯好香口，仲有半隻糖心蛋，好食🥰.💙麻辣鴨血臭豆腐拌麵裝菜配紫菜貢丸湯地瓜酥拌麵辣辣地，有少少肉碎，呢隻辣未到好辣，辣得過癮～ 地瓜酥幾特別，長條形，煙煙韌靭，淡淡地瓜味😆.💙古早起司芋泥肉鬆蛋餅芝士份量夠多！芋泥口感綿密！加埋甜甜地既肉鬆，係絕配既組合🤤🤤.💙 芋泥三色芋圓芋泥係有咬口個種質感，食到粒粒芋頭咁，芋圓煙靭，底有花奶同涼粉，好滿足😍.💙愛文芒果起司奶蓋芒果味香濃，芝士奶蓋好出色🥹 好濃郁既芝士味，仲食到碎碎芝士粒👍🏻👍🏻.💙炭培烏龍起司奶蓋炭培烏龍茶夠香，芝士奶蓋同樣咁出色，推薦！

第一次去圍方，亦第一次試這間台灣菜👍🏻餐廳裝修好舒服，坐位亦好闊落。我同朋友兩個好想食台式火鍋，所以點左個沙茶牛肉鍋。個鍋好多料，十分豐富，有津白、金菇、冬菇、甜不辣、芋頭貢丸、福州魚丸、蛋餃、鵪鶉蛋、牛筋、牛肚、牛版腱仲有蜂巢，豆腐。所有材料都好新鮮，當中芋頭貢丸超香，口感一流，牛筋超淋，牛版腱濃濃肉香。超推介大家試古早起司芋泥肉鬆蛋餅。先講佢嘅層次感係多而又多，旦皮煙韌，裡面包住綿綿超香香芋泥，起司拉絲，肉鬆鬆化，食完想encore!!必點推介。彰化花雕雞卷濃濃花雕酒香，雞件肉質結實，伴上新鮮杞子，好睇又好食。

黎到大圍新商場想搵間平平地既餐廳食晏，見到台灣菜「台北倆伴」都幾旺場，望一望menu 2:00就有下午茶，時間岩岩好一於就試下啦。下午茶套餐$46起，包一杯台式飲品，另可加錢升級特飲🍹我地三個要兩個餐再加蛋餅同麵線！好想食蛋餅🥹套餐都幾多選擇，幾鐘意佢有唔同既配搭，紅燒牛肉麵配古早滷肉飯，有麵又有飯食🍜🍚唔洗三心兩意揀唔到食咩，咩都有得食下🤣牛肉麵正常發揮🐮滷肉飯就好啱我口味，滷肉肥瘦均勻，唔會好鹹撈飯食好好味，仲要有啲肉鬆同溏心蛋，加分💯份量仲要好多，女仔呢個set可能都食唔晒🤰🏻另一個set仲豐富，有鹽酥雞、紫菜貢丸湯、地瓜酥、滷肉飯，賣相好靚，味道都唔錯，都係好標準的台灣風味👍🏻古早起司芋泥肉鬆蛋餅😍餡料滿滿，加左芋泥甜甜地，面頭又有醬油膏，鹹鹹甜甜好食呀😋再加左個好懷念的大腸麵線，每次去台灣都會食的。大腸好似食極都有咁，加左啲醋好開胃😍飲品方面都係加$18升級特飲，價錢好合理，要推薦大甲芋頭芋圓鮮奶，好足料，芋圓幾有咬口😋🔸紅燒牛肉麵古早滷肉$58🔸鹽酥雞肉鬆滷肉飯$62🔸大甲芋頭芋圓鮮奶+$18🔸炭培烏龍起司奶蓋+$18🔸逢甲大腸麵線(輕量)$42🔸古早起司芋泥肉鬆蛋餅$62

同同事番夜1645落到圍方應該唔使排隊，試下呢間台灣野～兩杯野嚟到都幾吸引分別係炭培烏龍起司奶蓋愛文芒果起司奶蓋烏龍茶就唔係好飲到炭培味，不過起司奶蓋幾濃有d芝士粒粒我叫左花雕雞卷麻辣拌麵紫菜湯～好似有個甜不辣首先麻辣拌麵個味唔錯過，麵條不過不失，甜不辣正常，花雕雞卷幾入味夠淋，紫菜湯有驚喜，唔似味精湯有少少甜同事叫左麻辣鴨血臭豆腐拌麵一樣都係有甜不辣同紫菜湯同事都覺得紫菜湯同麻辣拌麵唔錯再叫左一個古早起司芋泥肉鬆蛋餅頂頭個醬係咸既，但芋泥係甜既，個醬同甜不辣個醬一樣但同甜味既蛋餅唔多夾，芋泥係唔錯奶香奶香，個皮唔係一咬就斷要比d力，所以咬開一半d餡就會跌出嚟……我地係下午茶時間，呢個價算唔算high tea🤣🤣

大圍開咗一個新商場叫圍方，新開關係好多人，間間餐廳都要排隊，我經過攞咗四間嘅飛，有食日式、台式、上海菜同火鍋。大約等咗二十分鐘，最快係台北倆伴，餐廳座位舒適。餐廳選擇食物都好多，價錢合理，午餐有宜蘭蟹肉蟹黃拌麵（限量），當然要試下，包一杯飲品，叫咗桂圓紅棗茶，另外一樣係彰化雞卷便當，飲品係黑糖薑母茶。蟹肉蟹黃拌麵都好大碗，試一啖食不出蟹肉同蟹黃味道，加埋黑醋一起食感覺好食一點，還有一碗海帶湯。花雕雞卷有淡淡嘅花雕味，雞卷味道正常，還有兩片鴨血，飯面有肉燥同半隻糖心蛋，味道好食。整體味道不過不失。

之前去圍方見呢間食店門外咁多人等以為係好野嚟，今日見無咁多人諗住試吓，點知係貼錢買難受。我哋點左一個便當，一個牛肉麵，蛋餅同2杯飲品。牛肉麵點完5分鐘都未夠就嚟到，快到令人吃驚，味道正常。便當等左一陣都到左，肉燥有點甜，焢肉有點乾，食到痴牙，2舊鴨血無味，質感一般，慶幸無單叫鴨血。2杯飲品不過不失，無期望無失望。到接近半個鐘份蛋餅都未見，諗住要1個鐘交枱就同職員講野食仲未到，點知果個戴眼鏡唔知係店員定店長嘅男人就話好多人都叫左蛋餅，呢樣野係得一個人做，係要耐啲架喇，佢語氣好似我催左佢好多次咁，攪到隔離幾枱人都望住我哋，令我地非常尷尬，我地再等多十分鐘都唔見就直接行出去埋單取消個蛋餅就算，費事好似求佢比野我地食咁。呢間野無下次。

2023年10月4日 星期三今日又同老婆去咗圍方幫襯新餐廳，好好彩我哋去嘅時間尚早，所以唔需要等太耐就可以入座餐廳裝修得好雅致又光猛，坐落去好舒適，唔覺得好迫夾入座嘅時間仲係下午茶時段，所以有下午茶餐牌，價錢經濟好多，而且都有幾多款式可以選擇，每個餐仲附有一杯台式飲品添，最後我要左一個台小鍋，而老婆就要咗一份米粉，再另外加小食飲品好快就嚟到，係我點嘅芋香珍珠奶茶，珍珠差唔多有四分之一杯，所以飲落去每一啖都食到珍珠，口感好煙靭，另外好重芋頭香味，同珍珠奶茶好夾之後台式小鍋就嚟到，我要嘅係沙茶牛肉鍋，份量都唔少，裡面嘅配料有米血糕、甜不辣、鵪鶉蛋等等，如果淨係以為會得肥牛，但估唔到仲有牛筋牛肚，浸到入晒味，牛筋膠質好濃郁，而牛肚又唔會煮都好韌，每一款配料都沾滿沙茶醬汁，夠晒惹味，一個人絕對食唔晒原本呢一個沙茶牛肉鍋配咗飯或者粉絲，但係我加錢要左王子麵，同樣地係個鍋食到7788既時候就加落去，麵質吸收晒剩餘嘅沙茶醬汁，口感彈牙又有濃郁嘅沙茶醬味，煮得啱啱好至於老婆就要咗台南芋頭貢丸新竹米粉，份量一個人啱啱好，貢丸咬落去好彈牙，裏面仲有芋頭粒，而米粉都好爽口，真係新竹米粉黎小食方面，呢個係逢甲

開咗一段時間終於有機會坐低食, 每晚都好多人排隊, 圍方基本上間間食肆都有人排, 我哋5點幾拎飛, 等上一輪既人走左, 都仲未夠六點, 我地已經可以入座, 疫情真係令所有人都早咗食飯一行四人連工人姐姐, 叫左牛肉麵, 限量蟹黃麵, 豬扒便當, 東坡肉麻辣麵, 小食叫咗蛋卷, 鹽酥雞所有餐都有餐飲, 亦都可以加錢轉特飲.附送嘅紫菜湯, 真係鹹到一個點, 飲咗一啖，直接叫四眼經理收走, 雖然佢話跟進, 但係到我哋走都冇搵我地, 反正係跟餐, 我哋都冇再出聲限量蟹黃麵, 都係好鹹, 冇咩蟹黃味, 芡汁好杰反而牛肉好食, 牛腩夠淋, 唔un蛋卷同埋鹽酥雞, 正常發揮總結 去台式餐廳, 都係食返主打野, 例如牛肉麵麻辣麵

今日晚上和老婆往大圍圍方台北倆伴食晚餐,我們點了古早起司芋泥肉鬆蛋餅,彰化花雕雞件便當和櫻花蝦娃娃菜,古早起司芋泥肉鬆蛋餅芝士味香濃,蛋味香滑,芋泥和肉鬆食落有層次,口感一流,彰化花雕雞件便當賣相豐富,除了花雕雞件外,還有鴨血,紫菜貢丸湯和肉燥飯,花雕雞件肉質鮮嫩,食落有啖啖花雕酒香,鴨血口感扎實,不會一夾就散,紫菜湯鹹度適中,紫菜味道爽口,貢丸肉質彈牙,肉燥飯肉燥肥瘦適中,食落有油花,送飯一流,整份花雕雞卷便當賣相吸引,份量十足,最後櫻花蝦娃娃菜櫻花蝦味道香口,娃娃菜食落爽口,餐廳食物美味,份量十足,食了一頓美味台式晚餐

今日試咗一碗台式酸菜肉鬆蛋餅🥞，同一杯台式冷泡茶🍵同台式凍奶茶🥤，整體嚟講，呢啲菜式真係好好味！😋🌟先講台式酸菜肉鬆蛋餅啦，餅皮鬆軟，口感香脆，裡面配埋酸菜同肉鬆，味道鮮美。每一口食落去都散發出濃郁嘅口感同豐富嘅香氣。🥞💕然後就係台式冷泡茶，清涼怡人，茶香四溢。呢杯冷泡茶口感清爽，有淡淡嘅花香同茶葉嘅香氣，好解渴又提神。🍵🌺最後就係台式凍奶茶，杯中嘅凍奶茶夠濃郁，奶香十足。一啖落肚，奶茶嘅香氣同口感即刻充滿口腔，帶嚟一種濃郁嘅滋味。🥤😍總括嚟講，台式酸菜肉鬆蛋餅🥞、台式冷泡茶🍵同台式凍奶茶🥤都係好值得試嘅台灣特色美食。唔論你鍾意酸辣口味、清涼茶香定係濃郁奶茶，呢啲菜式都會帶嚟一個美味嘅享受。😊👍

同朋友嚟圍方行街見最頂層呢間台灣餐廳好多人以為成個商場都係中高價餐廳望下門口餐牌，係街坊價錢下午茶平均五十幾蚊已經有主菜．湯 同飲品叫咗三個Set 都唔洗$200抵食過去快餐店好多🥢老阿嬤熔肉肉鬆滷肉飯滷肉同飯嘅比例恰好熔肉口感有點似東坡肉軟腍又肥美🥢古早滷肉飯 大腸麵線大腸麵線去台灣必食呢度加上大腸，增添味道同口感味道唔會太鹹🥢鹽酥雞肉鬆滷肉飯 鹽酥雞係我至愛配上有滷水蛋嘅滷肉飯係完美嘅配搭🥢地瓜酥蕃薯味道甜甜又甘香夠乾身．唔油膩🥢仙草奶茶滑嘟嘟嘅仙草加入台灣奶茶之中味道唔會太甜🥢桂圓紅棗茶入秋季節．飲杯滋潤一下就最啱喇雖然全場爆滿但店員服務依然貼心周到以後嚟大圍食飯又多個抵食選擇喇