台北倆伴

Open Now

Now Closed

食物：我哋叫咗個臭臭鍋，好正又惹味！雖然對我哋唔太食得辣嘅人黎講有啲太辣⋯🥶餐廳無得提供免費水，一定要叫台式飲品，不過得甜味都唔係太解辣！但個芋泥飲品真係幾好味，值得一試等候時間：因為晚市，等得比較耐，大約20mins

今日放假同屋企人喺圍方行街，之前晚上經過見到呢間台灣野大排長龍，今次下午茶時間到見到人龍唔多，而且tea time價值又抵食好多。職員好有禮貌，座位又舒服。🍲主食：老阿嬤焢肉肉鬆滷肉飯 $52爌肉飯每天滷好多個鐘，超級入味，入口即化。滷肉飯肥瘦均衡我好快爬完碗飯，而肉鬆也增加口感，我超推薦！麻辣鴨血臭豆腐拌麵 $56嫩鴨血入口滑嫩口感濃郁，拌麵微微辣，超級索汁又開胃🤤，臭豆腐温香入味夠曬臭，真係好正宗😝。大腸麵線 + 淡水焢肉刈包 $56以彈牙麵線搭配鮮嫩豬大腸，大腸口感QQ，口感豐富味美。焢肉刈包超讚，肉肉入口即化的口感再加上刈包唔會有油膩，好味。逢甲肉鬆榨菜蛋餅$48共有4大塊，分別用肉鬆、榨菜、同蛋餅製成，味道不過不失。🍧甜品：芋泥三色芋圓 $46一碗有齊仙草、地瓜包心芋泥、三色芋泥，食特好滿足😌。🥤飲品：飲品熱飲同部份凍飲係跟餐免費送，部份特飲要加$8-$12。無論凍飲定熱飲☕️，都做到地道嘅台灣味，尤其是珍珠奶茶同桂圓紅棗茶，完全99.9%係台灣飲到嘅味道。1）古早冬瓜茶（凍）跟餐送2）黑糖薑母茶 跟餐送3）珍珠奶茶 跟餐+$84）桂圓紅棗茶 跟餐送台北倆伴 (大圍)大圍車公

大圍圍方台北兩伴係一間非常受歡迎嘅台式餐廳，我同老公下午兩點左右去到餐廳諗住食下午茶，但已經有很多人等位。餐廳裝修優雅，雖然客人多，但侍應的服務態度仍友善。鹽酥雞肉鬆滷肉飯$62鹽酥雞肉酥炸得香脆，搭配上滷肉飯飯粒飽滿，滷肉鮮嫩多汁，每一口都能夠感受到鹽酥雞肉嘅香脆同滷肉嘅鮮美，十分滿足。地瓜酥香脆煙靭，紫菜貢丸湯不會鹹，好飲。大腸麵線併淡水焢肉刈$52大腸麵線的黏稠度啱啱好，大腸夠稔夠味。焢肉滷得入味再加埋包嘅鬆軟，十分滋味。彰化花雕雞卷$62雞肉卷煮得嫩滑，雞肉嘅鮮嫩加埋酒味嘅香濃，愛吃。九層塔起司培根蛋餅$62蛋皮煎得香脆，內有九層塔、起司同培根，口感豐富。大甲芋頭芋圓鮮奶跟餐加$18，仙草奶茶跟餐加$8大甲芋頭芋圓鮮奶帶有濃郁嘅芋頭味同鮮奶嘅順滑。仙草奶茶則有清涼嘅仙草味同濃郁嘅奶茶香，兩杯飲品都唔會甜，好飲

今日早咗收工同朋友嚟大圍食嘢成日都見呢間一直有人排隊今日特登揀下午茶時間 都要等陣好在都係大概5分鐘入得我哋兩個叫咗以下幾樣嘢食- - - - - - - - - - - - - - - - - - - - - - - - -1. 鹽酥雞肉鬆滷肉飯＋熱桂圓紅棗茶(套餐)鹽酥雞仲係熱辣辣 望落金黃酥脆但係入面仲保持到嫩滑口感撒咗少少鹽酥粉喺上面 好香口啊～肉鬆滷肉飯有肉鬆、滷肉都唔夠仲要加隻溏心蛋 視覺味覺都好享受呢個餐仲配有紫菜貢丸湯、地瓜酥同埋一杯飲品 咁多樣嘢都真係好抵食尤其嘢飲揀咗熱桂圓紅棗茶好讚足料之餘 發現裡面仲加咗少少菊花、杞子2. 逢甲肉鬆榨菜蛋餅＋熱黑糖薑母茶(套餐)因為今日唔肚餓嘅關係 叫咗最似輕食套餐蛋餅餅皮好薄 煎到金金黃黃 食落口感酥軟入面包住唔少肉鬆、榨菜 肉鬆好有咸香榨菜有啲酸夏辣辣 酸辣同咸味道互相平衡面頭仲有淋咗少少酸甜醬汁 真係多重味覺享受呢個餐仲配有一杯飲品 熱黑糖薑母茶都係超讚足料之餘 發現裡面仲加咗少少玫瑰花3. 彰化花雕雞卷/古早烤台灣香腸(小食)彰化花雕雞卷厚薄適中 用咗花雕酒醃雞肉吸晒花雕酒嘅香氣 淹完肉質更加嫩滑食嗰陣會有淡淡酒嘅甘香味道

和先生在圍方逛玩具店，又買到玩具恐龍給孫仔了。之後到玩具店附近的台灣餐廳食個豐富下午茶。餐廳以木系裝修，飾以雀鳥圖案，感覺舒適，店員勤快有禮。下午茶餐選擇多，豐盛美味，而且非常抵食。我們叫了兩個下午茶套餐連飲品，有麵、有飯、有包。可是我又好想食蛋餅，原來蛋餅也屬下午茶套餐之一，於是共有3杯飲品。我相信台灣人和潮州人都特別愛芋泥，所以先生連點了兩樣芋泥產品，一鹹一甜。就這樣，豐富到晚餐可以直接取消。.🏅大腸麵線+淡水焢肉刈包（$52）麵線湯底濃郁，滷腸好吃，還有厚片冬菇和金菇。焢肉皮彈肉嫩又入味，配酸菜清爽不膩。🏅紅燒牛肉麵+古早滷肉飯（$58）紅燒牛肉厚身，肉質軟嫩，筋位同樣入味不韌。滷肉飯有滷肉、滷蛋和肉鬆，甚有誠意。🏅逢甲肉鬆榨菜蛋餅（$48）肉鬆和榨菜都足夠，淋上的甜醬也好夾。🏅咸蛋黃芋泥酥（$46）外酥內軟，芋泥口感軟糯。芋泥三色芋圓（$46）芋泥保留顆粒和口感，芋圓彈牙，仙草軟滑，甜度適中。黑糖薑母茶（$0）古早冬瓜茶（$0）愛文芒果綠茶（+$18）

我今日去大圍辦事，順道約同好友去位於大圍車公廟路18號圍方5樓528號舖的台北倆伴食台式下午茶，環境舒適，坐得舒服。我點左個紅燒牛肉麵配古早鹵肉飯$58，好友點左個花雕雞卷伴麵＋紫菜貢丸湯及地瓜酥$56，另外點左蟹黃秋葵$58，淡水控肉刈包$38，逢甲肉鬆榨菜蛋餅$48，餐飲係愛文芒果起司奶蓋$22（跟餐），及桂圓紅棗茶（跟餐）。牛肉燒得軟腍入味，鹵肉飯香口；雞卷的花雕味濃，地瓜酥香脆；秋葵配蟹黃好特色；刈包好味，蛋餅好好食；芒果起司的芒果味濃好飲。

放假逛圍方見台北俩伴有人排隊取票，價錢都抵食，餐廳装潢光亮坐位舒適。我們點左私房麻辣牛三寶$128，（有牛腱心、牛肚、牛筋）厚切牛𦟌炆得入味淋滑可口，粗粗牛筋很軟滑入味，牛肚都不錯😍😍下午茶套餐：红燒牛肉麵拼古早滷肉飯$58配紅棗桂圓茶，滷肉飯：肉碎、肉鬆、流心蛋，滷水味香濃，牛肉麵質煙韌，牛𦟌肉質腍滑入味，湯底清香，紅棗茶好飲。鹽酥雞拼肉鬆滷肉飯配紫菜肉丸湯$62配冬瓜茶，鹽酥雞炸得香脆、滷肉飯好味，流心蛋香滑，紫菜貢丸湯味道不錯，地瓜酥鬆脆可口，冬瓜茶不太甜都不錯👍👍台北俩伴大圍車公廟路18号圍方5樓528號鋪

古早起司芋泥肉鬆蛋餅好滿足的口感，芝士好多，芋泥好滑加肉鬆好香口，加上蛋皮，好好味😋士林夜市蟹蓋蟹蓋入面有蟹肉絲，加埋紅蘿蔔絲，同埋少少蝦肉。口感好豐富！鹽酥雞肉鬆滷肉飯滷肉粒肥瘦層次均勻，加上好味既日本珍珠米，好香！鹽酥雞好脆，入面的肉好嫩。仲有一個小食，好似炸年糕。粒粒藍莓起司奶蓋芝士奶蓋有芝士咸香，口感好濃厚，下面的藍莓汁好清新。咁樣就唔會好漏。鮮鳳梨水果茶入面有一粒粒燈味的粒子，增強口感，主要係鳳梨味加橙味。芋泥三色芋圓芋泥上面淋咗一啲黑糖，偏甜左，芋泥不太滑，有顆粒感。不過芋圓三色但味道唔同，都幾好。加上涼粉，口感都好豐富。服務員態度好友善！

台北倆伴大圍車公廟路18號圍方5樓528號舖食物推介：T07 大腸麵線淡水焢肉刈配冷泡阿里山綠茶 $52，T08 麻辣鴨血臭豆腐拌麵配炭培烏龍起司奶蓋 $56+$18，T09 花雕雞卷麻辣拌麵配紫菜貢丸湯及仙草奶茶 $56+$8，T10 鹽酥雞肉鬆滷肉飯配紫菜貢丸湯及大甲芋頭芋圓鮮奶 $62+$18大腸麵線淡水焢肉刈：大腸味道鮮美而有咬口，麵線口感軟綿，焢肉軟嫩多汁，再配上香氣濃郁而口感細膩的冷泡綠茶，一流！麻辣鴨血臭豆腐拌麵：鴨血的質地軟嫩而口感辛辣，臭豆腐質地軟綿香氣濃，拌麵麵條煙韌醬料美味，再配上濃郁而滑順的炭培烏龍起司奶蓋，好味！花雕雞卷麻辣拌麵：花雕酒酒味濃郁，雞卷鮮嫩多汁，拌麵麻辣足，貢丸口感彈牙，紫菜湯味道鮮香，再配上清涼消暑的仙草奶茶，完美配搭！鹽酥雞肉鬆滷肉飯：鹽酥雞外層酥脆內裡鮮嫩，肉鬆蓬鬆滋味，滷肉飯軟嫩多汁，再配上濃郁香甜的大甲芋頭芋圓鮮奶，味蕾最佳享受！

紅燒牛肉麵係我近期食過都幾差既牛肉麵牛肉韌到要扯先扯得開湯底得鹹味另外個小食夠經典櫻花蝦甜不辣 唔知放堆蝦乾粒上去係咩作用再淋Pat平時食豬扒既豬扒汁成舊野係唔知發生咩事 可以講得上難食我為左呢碟野決定俾個食評呢樣野都上得枱我懷疑個廚司係冇味覺仲有個排骨麵就正常既都。。。唔知其他野好唔好食 不過呢兩樣就搞唔掂（聽到隔離枱話雞卷冇味🤓）咁多好評唔知邊度黎(￣▽￣)佢話要二百字先可以評分，所以我為左話俾大家知個櫻花蝦甜不辣有幾兒戲同幾難食所以我夾硬打左二百字以上

大圍新商場圍方真的太好逛了但是一到飯點就真的讓我很苦惱人太多，最後找到了這家性價比很高的台式餐廳，裝修都係以木系元素，環境唔會太迫，整體而言價錢合適午市套餐很多都是好吃不貴比較推薦的是紅燒牛肉麵湯底也算是濃郁的還有酸菜和香蔥肉量也不少花雕雞卷微微花雕香味 幾正雞肉亦算嫩士林鹽酥雞即叫即炸好香口份量比想像中多因為是午餐加的小食沒有想到這麼多古早鹵蜜汁排骨麵炸豬扒真的份量很豐富外皮炸得很脆再泡了滷水蜜汁微甜很好吃—————————————————𖠿𖥣 台北倆伴 (大圍)〒大圍車公廟路18號圍方5樓528號舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgirls @eathkgirl#eathkgirls #食港女

今日同老婆行大圍新商場（圍方），行到攰見到有間台灣餐廳環境幾好就入去試下。剛好到下午茶時段，睇下有咩arm食，好多款下午茶餐，緊有一款arm食，下午茶時段都幾多人，係門口都要等多陣。由於冇食早午餐，下午茶一次過食夠本。點完餐好快就到。逢甲肉鬆榨菜蛋餅：將姿飯既餡融入蛋餅，又幾特別，幾好味。紅燒牛肉麵配古早魯肉飯：雖然係下午茶，但份量一d都唔細，牛肉好淋好入味，牛肉湯飲得出唔係味精湯，麵係台灣麵，浸得耐都唔會發脹，魯肉飯細細碗但好足料，好滿足。沙茶牛肉鍋粉絲：開頭以為係好普通一個粉絲煲，點知低估左個鍋，牛肉好大塊好新鮮，仲有牛肚/牛筋/百頁豆腐/牛丸/豬肉丸/甜不辣，真係好豐富，最後仲可以揀配飯/粉絲，依個煲絕對夠2個人食。每個餐都跟杯基本飲品，加錢仲可以升級做特飲。Ps:估唔到圍方有間咁性價比既台式餐廳，價廉物美。

這間台式餐廳下午茶時間入座爆滿 非常熱鬧 裝修以木系為主 配以雀鳥牆飾 既清新又華麗下午茶餐、小食和台式飲品選擇相當豐富與友人點了兩個茶餐、兩個小食及兩杯飲品呢！《花雕雞卷麻辣拌麵配紫菜貢丸湯和地瓜酥》依個SET非常豐富 有麵有湯有肉有甜品麻辣拌麵的辣度恰到好處花雕雞卷入味且口感嫩滑 紫菜貢丸湯帶來清爽的口感 貢丸彈牙可口地瓜酥外脆內軟 煙煙韌韌口感配上淡淡地瓜味 好滋味.《大腸麵線拼淡水焢肉刈包》大腸麵線幼細 配上醬汁 有啲似碗仔翅風味刈包的質感軟彈 包住香茜同淡淡焢肉 好美味.《古早起司芋泥肉鬆蛋餅》蛋餅薄脆 內裡材料十足 有濃郁芝士、香濃芋泥和豐富肉鬆 芝士同芋泥質感味道好夾加上鹹鹹香香的肉鬆整個蛋餅充滿層次感 口味豐富 十分推介. 《蟹黄秋葵》秋葵的鮮脆與蟹黃的濃郁相互融合 整碟好多蟹黃汁 美味可口.《愛民芒果起司奶蓋》＋《粒粒藍莓起司奶蓋》一杯充滿香甜茫果味 一杯有藍莓及提子味 兩杯芝士奶蓋濃郁 口感豐富 NICE

台灣菜是我喜愛之一，與朋友shopping過後，有一點肚餓疲累，經過看見有下午茶，便入去醫肚下午茶多款，價錢由$46-66， 有台式小食或主食及台式飲品🥰❣️花雕雞卷 麻辣拌麵$56（配紫茶貢丸湯及地瓜酥）雞卷雞肉不肥膩，有酒香味可以去除雞的腥味，麻辣拌麵的麻辣味濃郁❣️鹽酥雞肉鬆滷肉飯$62（配紫茶貢丸湯及地瓜酥）一個便當有幾款食物，確實不錯，雞肉鬆滷肉配醬油蛋，醬汁撈飯不錯❣️ 土林鹽酥雞$48經典台式小食，鹽酥粉剛剛好不會太鹹❣️ 咸蛋黃芋泥酥$46吃起來的感覺是外脆內煙靭，口感不錯❣️ 炭培烏龍起司奶蓋跟餐加$18抵飲

放假去咗圍方睇"但願人長久"❤️真係好值得睇👍🏻 散場出黎肚仔已經咕咕聲 所以極速搵野食 就係咁比我搵到間正野😃門面半開放式設計 牆身貼上藍底金雀嘅牆紙 有Feel👍 ▫️麻辣鴨血臭豆腐拌麵配紫菜貢丸湯及地瓜酥 ($56)你無睇錯 係真係有咁多野食🫵地瓜酥外脆內Q軟 鴨血香辣軟滑 麻辣拌麵個人首推😍😍 香濃嘅辣汁配肉碎蔥花及酸菜麵質軟硬適中 非常惹味 枱上仲有酸菜任添▫️紅燒牛肉麵拼古早滷肉飯 ($58)呢度嘅茶餐完全滿足到我樣樣都想食嘅人🤣 牛肉麵嘅湯底香濃 牛肉軟腍滷肉飯配有溏心蛋 肥肉有油香 好惹味！▫️士林鹽酥雞 ($48)熱辣辣又香脆 曬上鹽酥粉 好香口▫️古早起司肉鬆芋泥蛋餅 ($62)蛋餅煙煙韌韌 餡料幾足料三樣野加埋味道都幾夾架喎▫️鮮鳳梨水果茶 +$18（套餐加配）水果茶入面有波蘿碎同橙角片 唔會太甜▫️愛文芒果起司奶蓋 +$22(套餐加配）奶蓋香滑有鹹香 ▫️芋泥三色芋圓 ($46)心思思想食埋佢嘅甜品大大碗足料😮 芋圓Q彈 仙草爽滑芋泥有嚼勁 加埋花奶 出色👍