北京拉麵店 (Closed)

下午茶時間,十二元有很多選擇,真的是目不暇給,當下二人各叫了韮菜湯餃子，有八隻，湯底很濃，不錯．蒸鮮肉餃子，有四隻，食物都是即叫即制，熱度十足，每款都跟一大杯豆漿，味道與份量都很滿意，豆漿的豆味甚佳，全部都收貨，服務與座位亦不錯，但奇怪地人客郤不多，只有兩三枱．埋單每位十三元二，如此超值的享受，哪裡找？我們兩人都是給隔壁的仙ｘ林的二手煙廹過來的，居然有意想不到的收穫，想來二手煙也不全是壞事，哈哈．

四川擔擔麵- 濃濃既花生香味~ 我勁喜愛呀~ 但食完勁飽lor~ 因為好大碗！！

星期六去旺角食lunch好似度度都咁多人咁...黎呢度純粹因為就腳同平,十二蚊就有個麵+豆漿的下午tea set, 真係激抵!!叫左一個招牌鮮肉雲吞,一個南京牛肉麵,一個四川擔擔麵。鮮肉雲吞不錯, 幾好味, 可能因為我鍾意冇蝦的雲吞的關係啦, 哈哈!擔擔麵唔掂, 我諗我唔會再食詠黎園以外的擔擔麵了!!南京牛肉麵, d麵一向係我喜歡的, 因為係人手拉,口感特別彈牙有嚼勁, 個湯亦係煲出來的, 不錯,係這天的牛肉就較un同鞋, 都食唔到的!總括來講這店都食得過的, 不過唔可以要求太高囉,因為一分錢一分貨嘛!!!~

出到太子唔知食乜好, 朋友話試過呢間幾好味, 所以我地試下。入到去感覺好擠迫, 都算多人, 但d台好埋, 又無位放袋, 我地成餐飯要”腩”住個袋食都幾辛苦。鱔糊抄拉麵–拉麵應該自己整, 因粗長短不一, 但都算彈牙；鱔糊切得好細粒同咬落有d骨, 唔好食；但有好多牙菜同埋唔太油, 所以齊集都ok小籠包–皮薄肉厚, 一咬好多上湯出黎, 味道都可以金銀蛋時菜–今日時菜係白菜仔, 好大碟味道ok但唔夠淋(我唔鍾意咁爽口)叫完野食先知, 佢地逢Mon-Fri都有兩樣野食特價。另, 仲有加一添>.<

同傻鬼去食個lunch先. 每人叫一個麵食就算(因為無咩胃口), 點左排骨擔擔麵及上海粗湯面. 個擔擔麵個湯唔夠花生味我0係太欣賞, d排骨反而ok啦, 如果另上會好少少. 個上海粗就一般啦無咩味咁, 不過勝在多菜.

叫了碗擔擔排骨麵($19)，麻醬味濃，但唔算辣，冇乜驚喜另外同朋友share碟紅油抄手($19)紅油抄手味道一般，唔辣價錢ok，但係要加一

尋日同屋企人o係旺角食晚飯, 見就腳就入左呢間食, 叫左:酸辣湯拉麵k啦, 我覺得'希'左d担担麵: 我媽媽叫既...佢乜都話好食, 所以不能作評語鱔糊炒拉麵: 好好味, 又唔係太油雞絲粉皮: 岩岩尋晚做半價, 幾好味鍋貼: 普通水準, 下次都唔會叫, 除非好想好想食...4個人埋單$133,環境方向就迫左d, 張'登'又唔係太好坐, 不過service就幾好, 斟水速度夠快.

食了小籠包, 我俾佢零分, d 肉係肉碎尼, 唔係一舊的. 難得一見. 杯豆漿好似水一樣, 酸辣湯面一樣係差.. 比起柯士甸路的北京水餃店差很遠.... 一個寫, 差....

薑汁羊肉炒飯(32) : 好味, 有羊肉味. 薑吁唔會太濃叉子餅(26) : 唔掂, 太厚, 一見到就覺得飽有d surprise原來要加一

又證實左搵食真係唔可以只睇門面!平時行過呢度都唔會留意呢間野，帶點殘舊的中國式裝修，老實說真的有點令人止步的，但之前同朋友黎食過一次覺得唔錯，今次放假黎旺角就試下佢個下午荼。12蚊，本來都唔諗住好大期望，試一試個排骨拉麵連豆漿，都ok交到貨，豬扒入味，麵就ok啦，可能我唔係好鐘意食粗麵。之後多口問下阿姐12蚊個淨鮮肉雲吞有幾多隻，佢話有8隻，12蚊有8隻咁抵又何妨一試。唔試又字可，一試真係O左咀，估唔到12蚊有8粒的雲吞可以咁正，個"咸"夠大，肉多味鮮，我都算大食都覺得好飽，如果有黎呢度真係要試下，冇欺場，12蚊你想點?下次必定再黎。唯一要改善就係裝修，我估如果呢度做番好個外觀唔好講話12蚊，20蚊都好多人食，起碼好過果D咩王之王。24蚊要加一，拭加，咁正俾多些少都係值，你唔加一我都想俾多幾蚊你!

揾左呢間舖好耐啦好彩都比我揾到今日同男朋友仔黎試左下午茶擔擔面配豆漿($12)同埋好似菜肉煎包(唔記得個名)配冰糖雪耳雞蛋($20) 另外點小籠包4隻($16) 擔擔面--幾大碗味道一般差在冇肉碎淨食面比較單調豆漿一般菜肉煎包--熱呼呼味道ok冰糖雪耳雞蛋糖水--清甜滋潤雪耳超軟滑好似食緊燕窩咁幾好味小籠包--皮薄餡多味道ok下次再黎試埋個酸辣湯先~^^~

好想吃酸辣湯...真的好想..朋友好錫我..胃痛也陪我吃2人吃了酸辣湯雲吞... 必吃...夠辣..不會太酸...排骨菜飯...排骨鬆軟入味...現在也想吃素集錦...ok...好飽...京式蔥油餅....推介..今次太飽...沒有吃

一早聽聞佢地0既tea係好抵，不過一至都無機會食到。去親都係星期日下午，唯有散叫。佢地0既酸辣湯拉麵除左夠酸辣，d麵係師父手打0既，十分彈牙。担担麵都好好食。真係要搵次黎食晚飯先得。

之前食過三鮮拉麵,發現北京三鮮同上海0既唔同,不是我杯茶。今次order了雪菜肉絲擔擔麵(免費由拉麵底轉)雪菜好多,肉絲分量好似唔夠.麵好好味,少少稔,我鐘意。我覺得呢到最好係可以免費轉擔擔麵。擔擔麵都夠花生醬,但係晒底,要liu下先有。

本人以幫親過呢間好多年,亦都無數咁多次,佢d小籠包真係正,即叫即蒸,担担麵同酸辣湯都值90分,以佢咁既收費,真係絕對抵食,但係佢既食物水準就唔係次次都咁好,可能你今次覺得好食,下次去再食可能會有參差,同埋環境都幾迫,不過,overall係值得推介