北京拉麵店 (Closed)

同阿媽黎過一次食tea (2-3點左右la…)…其實果日本身都係諗住掃街gei…但行過阿媽話d tea好抵wor…咁就入左去食la…真係好抵…無記錯gei只係$12加一…即$13.2就有一碗la…叫左個擔擔麵同水餃麵share食…2個都ok…唔係話好突出…但係如果平平地一餐黎計又真係唔錯…至少擔擔麵好夠香…阿媽話好正…到最後好飽都仲堅持要清晒碗…個人覺得份量好夠…因為其實我地果日係好肚餓gei…但係都食唔晒law…初初仲以為咁平會係mini size…食完之後可能仲要掃街…但結果係飽到夜晚果餐都唔係點洗食law…

兩個人叫左排骨菜飯, 韮菜肉絲炒拉麵, 小籠湯飽. 排骨依然咁好食, 炒拉麵普通, 小籠湯飽一咬d 湯就唧晒出黎. 比較春天拉麵小籠飽既叉子燒餅, 除左肉餡係一小碗而唔係一大盤之外, 餅既數目係一樣, 都係四塊. 價錢$28, 比春天拉麵小籠飽既$58 平成截.

見係門口有個亞姐派十蚊現金劵..貪平...又見當日係鍋貼做特價$8碟...所以入左去食...自己要左個排骨菜飯($20)..朋友要個回鍋肉菜飯($26)...另加一客鍋貼....個排骨味道都唔錯...而且好"淋"....好入味....個鍋貼都OK...個底夠脆...張coupon 要食滿$50先可以當$10 用....點知到埋單時至知如果要用現金劵係唔可以特價食鍋貼架...哎呀...最衰自已冇睇清楚....不過個鍋貼原價都係$12唧....都有賺....其實都好抵食架啦....如果個亞叔唔播粵曲我諗我會開心好多囉....唔知係咪比佢聽到我同朋友講..所以佢轉左碟...改播刀郎....亞叔...真係估你唔到囉....

對上一次食呢間已經係起碼一年前既事.今次叫左冷麵,叉子燒餅,紅油水餃同埋一樣唔記得左.冷麵幾好食,麵質唔錯,不過隻醬唔係幾好食.叉子燒餅個餅就幾好,不過餡既味道就真係麻麻,可能係我唔鍾意佢隻味.水餃一般.結論係都食得過既.

本黎今日想去IKEA行街,點知已經CLOSE左,所以就起附近搵間野食晚飯,朋友見到話想食擔擔麵,SO我地就黎試試價錢真係好抵,食夠$50就有$10COUPON用,所以今日埋單只係$47兩個人食左三樣野,排骨擔擔麵,四川擔擔麵,韭菜水餃,個人覺得韭菜水餃係三樣中最好,雖然皮有D厚,相信係因為防止水餃湯漏出黎,所以先整厚少少,但味道OK兩個擔擔麵分別不大,因為兩個都唔夠麻又唔夠辣,冇花生又冇蔥花,只係得DD肉碎,麵係幼麵,朋友仲話如果排骨可以分開上會好D,因為浸起湯入面已經"林"晒仲有,今日星期五有優惠,雞翼同銀絲卷都係半價,雞翼($14有7-8隻)銀絲卷($4!!!!!)我見好多人都有ORDER雞翼,另外隔黎台有人食酸辣湯麵,麵係粗麵,而且好大碗,賣相好得,我諗應該會唔錯今餐味道唔可以話好好,但真係好抵食囉,應該會再黎食第二D美食

$16一天碗湯麵，而且可以隨意更改為粉絲、米線或年糕；包點也只不過是$12一款，很划算！兩款茶餐都包豆漿或汽水一杯。星期六那天叫了碗燻魚粉絲和豆沙窩餅。整體來說，味道尚可，湯底很清甜，並不是味精湯；窩餅夠脆，只是豆沙餡頗甜，值得一去。

星期六下晝響附近搵野食, 求其揀左呢間, 本來想試拉麵, 不過見到人地食緊果d, 係黃色粗身果種麵, 唔岩我口味. 於是叫左一碗淨菜豬肉水餃, 等就等得耐左d, 不過原來茶餐都有成8隻, 仲要咬落去係爆汁既. 肉餡好夠味, 不過實左d. 再連埋杯豆漿, 都只不過係$12+10%, 抵到笑啦~~

除了擔擔麵叫做好d外，酸辣雲吞、燻魚同蔥油餅好難食。

幾好味架, 酸辣湯拉麵幾好素餃就唔係幾熱wor ~不過麵質似乎要改善, 比較硬, 友人更食到一小舊未煮熟的麵團..2點左右黎, 埋單只係收左我地$40, 計錯數?!不過原價都係六十蚊, 抵食!下次可能試下炒野/小菜

我同阿媽今晚原本諗住食粥,點知間粥鋪竟然執左笠,亂打亂撞就黎左呢度食麵。其實之前都o係呢度食過糖水,今次就第一次試麵。叫左一碗酸辣湯拉麵同一碗排骨担担麵,兩個人都覺得個酸辣麵好食,不過食落又真係幾辣。至於個担担麵,其實都唔差,不過個湯底有花生醬就比較"漏"。原本諗住叫多個雞絲粉皮,但兩碗麵實在太大,食到好飽,所以冇叫到,淨係要左一個川貝蜜糖焞蘋果。呢個糖水就太太太甜喇,食到我驚。但anyway,食滿$50就有得減$10,我地食到咁飽都唔洗$50又真係好抵o既,起碼抵過霸王山莊啦。

紅油炒手, 蒜泥白肉, 酒釀丸子o都係較common同popular o既菜色, 我o係北京食過, 都幾鍾意o呢o度o既唔錯, 收費合理; 兩個女仔食已好飽, $68咋!!

入到去環境尚算ok，雖然叫北京，但有d上海店feel。我叫左一個普通既午餐，入面有"蝦仁抄蛋"、"湯"、同飯，蝦仁抄蛋埋相欠佳，同其他店比輸左小小，但係食落都幾好，湯幾清甜，但飯就硬左d啦~ 另外，我朋友就叫左個"拉皮"食，依樣野就唔錯呀!d料以麻醬為主~價錢都算公道，但食茶餐會較"低"~

裝修幾好, 好有中國feel, 見到有d外國人在旁邊食麵, 又好似去o左外國唐人街咁, 幾得意ar.冇試好多o野食, 不過好喜歡佢o既南京牛肉麵, d牛肉同d麵都好好食. 不妨一試.

平日下午茶無乜人，食的都不錯，叫兩個下午茶餐，可以當午餐o架。最好飲豆漿，汽水無乜氣。

南京牛肉擔擔麵幾好食，d牛肉好入味。不過個紅油抄手就冇飽餃店咁好食。價錢方面都算抵，因為碗麵都唔細ga。