北京拉麵店

Open Now

Now Closed

等完又等 成間鋪啲枱都係空 亦無人落單 無人serve咁忙 不如執柒左佢咪輕鬆啲囉野好唔好食已經係其次仲好意思加一服務費 完全都唔知個醜字點寫態度傲慢服務欠奉質素參次嬲都嬲飽

今日午餐本來唸住食迴轉，結果太多人就換咗来呢間，睇到價錢本來以為係正嘢，结果却失望。3个人叫左水煮牛肉面，南京牛肉面，鲜肉云吞面同茶鸭。超级难食，上餐好耐，水煮牛肉面，除左配菜芽菜，其他全部淡白白，特别系牛肉，都唔系牛肉，似急冻肥牛，无味。南京牛肉面，同五香肉丁面一样，卖45蚊，云吞面，得4粒云吞，仲要好细粒。茶鸭，又咸，份量又细，60元。饮品方面，冻奶茶无得少甜，佢地话系调好ge，不过超级甜，甜到濟。最重要‼️，佢地有加1服务费，但系纸巾要比钱4元一包，服务员态度麻麻，下次唔会再来。

肚餓求其入間食入到去坐低 餐牌都無張叫佢比餐牌 喺到行左行右都未拎到比我明明就無乜人食個啊嬸望到我等緊佢拎餐牌 又扮睇唔到仲勁得閒喺到同人吹水坐咗5-10分鐘 嗌多次先比餐牌我😅嗌嘢食又叫我等等 嗌完野食啲嘢又等勁耐先到如果你有好多時間想嘥嘅你可以去食完埋單就快快手衝岀嚟收錢 好意思收加一🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭

午餐時間, 唔係太多人, 好易揾位。叫左個回鍋肉飯餐, 有湯又有飲品, 加$2可以變菜飯, 菜飯用菜心切粒, 比較大粒, 唔易入口；回鍋肉多肉少菜,味道少少辣, 偏咸, 都算好味。杯凍檸茶麻麻地, 無咩茶味。

醉雞不過不失，份量都算多，價格相當合理，味道正常。瑤柱小籠湯包d瑤柱無味。要點醋先有味，而小籠湯包個包皮好硬，似北方餃子，唔似上海小籠包咁軟熟，但味道一樣好味。最正係個叉酥盒子，我已經忘記了佢個名，但記得豬肉碎同三色豆爆香黎炒，炒後香口，而個叉酥盒子幾脆口，但又唔熱氣，加上粒粒芝麻，美味極了！佢幫間餐廳加唔少分數呢！

餐廳位於深水埗，鄰近地鐵站路程五分鐘左右，位於大型商場之內，地理上還算方便快捷，餐廳外表充滿中國特色，還算不錯。這裏是一個四川菜為主的地方，但沒想到光鮮的環境背後，居然存在著一個嚴重的衛生問題。吃飯途中並發現有動物在店內走動，絕對是一個無法接受的現象。即時向店員反映，換了位置趕快盡快離開。味道普通，性價比不算高，在沒有服務的情況下，居然還需要加一服務費，有點意外和失望，但令我最失望的還是現在這裏的情況。

呢間拉麵店嘅酸菜魚超好食午市套餐$53 ，有一碗酸菜魚上海麵再加嘢飲湯底有酸菜，泡椒加魚柳，花生雲耳同娃娃菜，個湯超好飲，食左幾次，次次啲湯都俾我飲晒試過有一次叫佢多湯，個湯即刻唔好飲，所以千祈唔好叫多湯，會唔同左味架佢個拉麵都煙韌，唔會林啤啤，以我唔係話好鍾意食上海麵嘅人來講都覺得好ok嘢飲叫咗凍奶茶多奶都好飲之前食過牛肉拉麵都係好食，大家都可以一試環境方面，舖頭有大概六至七張卡位，但係位置就比較狹窄，但係總括嚟講都好值得一而再再而三咁黎幫襯

去開西九龍中心行街，順便喺嗰度食埋午餐，點知。。。餐廳嘅裝修幾有特色，店內都坐滿人，而且價錢相宜，不過食物真係唔啱我口味，回鍋肉比較油膩，食完碟底仲有成碟油，而且味道太鹹🧂🧂🧂另外，餐廳嘅人手完全唔夠，一開始點菜嘅時候舉咗手好耐都冇人見到，還好啲野食算嚟得快，不過飲品就等咗好耐都未有，連野食都食完😪......如果人手多幾個就更好😅

叫左個酸菜魚湯麵，小籠包，菠蘿咕嚕肉，荷葉飯，豆腐。酸菜魚湯裡面有啲生菜扮下酸菜，麵很多但唔入酸菜味，湯有種家樂牌雞湯味多過酸菜湯味，魚就ok~ 但整體係車仔麵既水準。叫左小籠包，啲皮偏厚，有小小食麵團既感覺。菠蘿咕嚕肉就幾好味既，肉嫩又夠多，呢個推薦。荷葉飯既料同酸菜魚湯麵既料一模一樣，只係無左啲酸菜，飯很多。應該沒有下次了。叫左2枝豆漿，台灣製，味道不錯。由落order到送到家35分鐘左右，野食保持溫熱，整潔，包裝良好，給個讚~

已經第三次嚟食啦，雖然 我平時好少食麵，亦對拉麵麻麻地但唔知點解唯獨是係對北京拉麵館呢度係特別情有獨鍾，食過咁多次佢嘅水準都keep到嘅，價錢亦都冇點變過所以我覺得係平價之選今晚中秋節約咗朋友入嚟深水埗所以帶佢嚟呢度食 我又係一如以往地嗌咗牛肉拉麵次次嚟親我都食呢個拉麵，哈哈正呀，因為我好鍾意食牛肉我就對佢嘅味道情有獨鍾啦～雖然唔算話真係特別係超好味嗰種拉麵但係佢嘅麵條，係我會鍾意食嘅果類食落都幾爽口彈牙，只係我覺得佢嘅牛肉嘅份量可以再多番少少個人而言就略嫌啲牛肉有啲少拉麵都係，如果份量再多番啲就好啲佢嘅湯底係比較偏清淡，如果鍾意清淡嘅人就啱食，夠健康，會覺得啱啱好只係我鍾意食重味啲嘅嘢所以就覺得佢嘅湯太清淡我就習慣咗會加啲辣椒醬落去 吊下味辣辣地咁 都幾惹味幾好食所以我次次都成碗麵清曬一啲都冇剩我朋友嗌嘅係 滷牛肉配菜飯 同埋香芋珍珠奶茶佢d珍珠奶茶都唔錯嘅，珍珠幾彈牙奶茶好大杯，食埋個餐都絕對會飲剩好多我覺得味道就啱啱好，不過朋友話嫌佢太甜我試咗一啖佢啲 滷牛肉真係好好味，啲醬汁 好香而且 滷得好入味，咬落去好腍唔會話食到韌到咬唔開嘅情況

北京拉麵店深水埗欽州街37號西九龍中心3樓307-308號舖話時話真係好多年無黎過西九龍中心，難得今日約左朋友係呢到聚會，行下個場真係好多鋪頭都唔同晒，知道頂樓有個foodcourt好多特式嘢食，但係我地想坐得舒服d , 最後就揀左呢間小店，感覺好傳統，好有中國特式我地3個人揀左個2餸晚市套餐，因為貪佢有湯又有菜飯，跟住再加左D小食，見到餐牌上面都有幾多選擇，樣樣都好吸引又有選擇困難症啦，哈哈跟餐既酸辣湯真係幾正，非常足料，不過就略嫌辣左d, 如果唔食得辣既朋友，建議都係揀返雞蓉粟米羹會穩陣d , 另外，菜飯望落都好吸引套餐小菜就揀左花雕醉雞同支竹牛腩煲，首先個醉雞份量都幾多，而且啖啖肉好香花雕酒既香味，而個牛腩同支竹就簡直係絕配啦，支竹吸收晒d精華，好入味，正呀最後不得不提既就係呢到既小食，雞絲粉皮濃濃既麻醬，入口真係好香，雞肉再加埋青瓜絲一齊食係最夾架

呢間餐廳早幾年試過， 印象麻麻，主要因為食物水平同服務質數都差。前幾日見到外賣平台, 外賣自取5折，又想食下辣野， 所以再次試伏。今次叫左3 樣１）酸菜魚份量不少，平心而論，酸菜魚的湯味道不錯，有鹹鹹酸酸辣辣，也有點酸香氣，而且不是加了醋的假酸味用的應該係魚柳但魚的外層包得太厚粉２）　豆沙燒餅煎得夠脆，豆沙餡甜度適中，但餡太少３）滷水拼盤粉皮變左海蜇牛展，太多筋，而且無味口水雞好嚡好老，無雞味，口水雞醬只有苦味，沒有辣味個人認為５折左個價先同個食物水平成正比，但５折左的價錢，又可以有其他更好的選擇。

話說位於西九龍中心嘅「北京拉麵店」可算係一個都市傳說😂，佢分分鐘喺個場到屹立超過廿年(since 1995!!!)，就連舖位都無搬過。之但係佢出名在於佢嘅負評，無論網上分享定親身經歷我都聽唔少，依方面絕不比昔日嘅明將壽司遜色。其實我細個成日嚟西九龍中心行街、或者而家喺呢區返工，但都無堂食幫襯過。主要係因為性價比唔算高、無研究過有乜食，同埋聽得太多評論🙈。由於疫情嘅關係，我用多咗外賣App買嘢食，就畀我發現某平台嘅獨家優惠：外賣自取下單即享4折折扣‼️，仲要無最低消費門檻。就係咁，呢日終於有機會一嚐！同事本身唔肯陪我試伏，但最終都屈服喺我嘅威嚴之下😆。落完單後約15分鐘，我哋去到餐廳，外賣已經準備好，但就就咁Hea咗喺門口張枱度。我哋問店員駛咪對單，佢都只係話係你個號碼就可以自己拎，唔駛話佢知😅，咁都得！好彩普遍香港人都自律嘅，但始終有機會唔小心拎錯...。折完後，真係平得好誇張。依到咁多嘢食，都只係百一蚊！我哋兩個人叫少份麵都未必食得哂👍。首先不得不講嘅一定係京心滬大拼盤(外賣App原價:$130)，佢絕對無因為折咗比你而縮水。拼盤有五樣嘢食，要分兩盒先裝得哂！仲要鋪得靚靚😛。第一盒係五

西九龍中心呢間北京拉麵店平時都冇乜同事會幫襯，搞到個感覺好似伏味甚濃咁，但最近發現網上外賣平台外賣自取有四折，折咗之後真係平過食頹飯，所以今日決定一戰！生煎鍋貼折實價$15.6，價錢非常合理，皮不算薄，但個餡係好食嘅，可以推介！我哋仲好豪咁叫咗個小食拼盤，總共有五款小食，包括五香牛肉、四季豆、口水雞、拍青瓜和川北粉皮，份量多到分咗兩個盒嚟裝，全部味道都好食，五香牛肉係牛𦟌，口水雞辣到適中，拍青瓜就帶點麻辣味道，我尤其推介佢嘅川北粉皮，因為真係好薄好滑。蜜汁豬扒擔擔麵折實價只係$21.2，試問呢個價錢喺邊度可以食到一碗麵，見有食評批評話塊豬扒係甜嘅，咁講明係蜜汁豬扒，其實帶甜都好正常啫，擔擔麵湯底濃度適中，有香濃嘅花生醬味，不過外賣啲湯係冇分開上，所以到食嘅時候啲麵就比較淋身咗啲，但味道嚟講絕對係OK嘅！麻醬雞絲冷麵折實價$22.8，唔好以為呢個價錢份量得好少，佢無論冷麵、雞絲同麻醬嘅份量都超多，食晒一盒超飽，不過可惜佢又好似有點餘溫，未至於係冷麵嘅感覺。不過都係果句，呢個價錢味道正常，我都係會俾一個好評！

見佢門面有啲裝修，點知中晒伏😰😰回鍋肉午市套餐係深水埗食個午餐60蚊但仲衰過屋邨茶餐廳一上黎啲餸凍既；飯唔夠熱，例湯都係室溫（茶餐廳洗鍋水）😡😡😡唯一叫唔錯只係附送既黑醋白蘿蔔🙄一世食一次都嫌多🤮🤮🤮