北京拉麵店

Open Now

Now Closed

今日嚟咗西九龍中心 唔想食food court 所以就睇下有冇其他野食😗 見到呢間都幾多人食 所以就入咗去餐牌嘅食物都幾多元化 我地最後嗌咗蜜汁豬扒担担麵 上海炒年糕 蜜汁豬扒乾炒拉麵 五香雞翼(六隻) 招牌小籠湯包 酸辣湯水餃 同一碟素鵝🙂蜜汁豬扒担担麵 豬扒同麵係分開上嘅 豬扒幾林 味道亦唔錯👍🏻 担担麵嘅花生味幾重 可惜佢冇得揀有辣味嘅 如果有 應該更好食😛上海炒年糕 材料都算多 望落份量唔多 但食完都好飽肚🙊蜜汁豬扒乾炒拉麵 豬扒是上面介紹嘅味道係一樣嘅 乾炒拉麵都幾大碟😮五香雞翼(六隻) 好香脆 上面有少少蜜糖汁 好惹味🤤酸辣湯水餃 酸辣湯味道唔錯 但水餃外皮有啲厚 而且入面個豬肉餡有啲唔新鮮😥招牌小籠湯包 同水餃都有同樣問題🤧 有啲失望素鵝 比想像中好食 外層腐皮煎得好香脆入面嘅冬菇有好多⭐️呢間野都有啲野食係好食嘅 但衛生可以再做好啲 啲碗仔有啲明顯污漬🤮

豬扒擔擔麵超咸。豬扒超甜。垃圾菜飯。分開上。狗吃。香芋奶茶無味。飲水未食個一間咁無質素的拉麵店。無人服務。無人添水。行過好耐無食。試下。點知中伏環境可以。如果坐下飲杯水。食個小龍包係唯一的選擇。

8點鐘唔洗等位直接入座。我叫咗個酸辣湯雲呑，朋友叫咗個雞絲涼皮同酸辣湯拉麵。買滿200定250可以再用半價加兩款指定食品(份量會小一半，而家諗返起有啲揾笨)咁我同朋友半價叫咗雞絲涼皮(小)、小籠包(小)1.酸辣湯係完全冇酸味，兩碗都係！要自己加醋。2.千祈唔好買紫米豆漿！唔係水吧沖俾你既，係岀面賣既樽裝，得個300ml仲要賣成$16，餐牌個紫米豆漿既圖片係杯裝又冇寫明係樽裝，所以我有俾人呃既感覺。3.個小籠包同岀去惠康、百佳急凍賣既$7十粒一盒既南翔小籠包味道口感一樣，都係外皮乾真真，內𥚃一啲湯汁都冇。4.雲呑唔知點解特別重鹼水味1.侍應姐姐好細心，見我有gel甲就幫我扭開樽紫米豆漿既蓋。2.酸辣湯份量頗大，湯內算多料3.雞絲粉皮真係超級好食，花生醬味勁濃，重口味既人一定啱。多得個雞絲涼皮拉高啲分，為咗碗雞絲涼皮會再去

熊大同熊妹嘆完咖啡，去左鴨寮街睇熊大野，終於買左對運動手套俾熊大玩4月的斯巴達賽，然後就去左西九行下。西九多野食真係出哂名，熊妹都係呢度的常客，會同熊大呀，朋友仔呀，熊妹家族呀黎試唔同平價美食。今日熊妹無喇喇好想飲酸辣湯，唸起3樓的北京拉麵店係做得唔錯的，就拉埋熊大同call急埋無野做的卡肥落黎一齊食去食喇，食野當然大顆兒一起吃開心點喇。晚上8點幾黎到，晚餐時間都好多人，裝修以紅色為主，古式古香，帶出古代宮廷的感覺。話就話係北京拉麵店，熊妹同妹之前黎食過係食上海野喎，唔理喇，岩食就得喇。好多典型上海菜都有， 價錢超級親民，仲要食滿$80可以半價揀一款上海小食，$150就揀兩款，$300就揀3款，全日供應，真係超級吸引 。首先，當然先點了熊妹專程為它以來的酸辣湯水餃，好大一碗，湯的濃稠度調得很好，一啲都唔稀，酸辣味適中，配料好足，有雲耳，豬肉絲，冬菇片，豬皮，水餃大大隻，有8粒，好實的菜肉饀料，不會虛有其表，這就是點解熊妹會咁掛住呢味佳餚的原因。再來，熊大點的蜜汁豬排菜飯，熊妹開頭怕豬排會好乾，點知以蜜汁黎煮又幾好味喎，肉質嫩身，一啲都唔乾，都幾大塊，切成5小件，配埋菜飯就健康之食喇。

今日约了兩個家姐食晚飯，透過團購，再次光顧這家"北京拉麵"，心裡充滿期待。五年前，它给我感覺是食物質素與價錢都是高的，今天感覺不同了。老實說，食店生意差，其中一個救亡方法是用團購形式令生意額提升，食客流量變大。點選了酸辣湯，豆沙鍋餅，兩款是我家姐至愛的，所以食到至於支竹牛腩煲就是我至愛了味道濃郁，牛腩太韌，支竹充滿腩汁另一個豬軟骨湯麵也不輸蝕，口感一流。可能團購關係，點了的蔬菜和咕嚕肉份量似乎少了很多，幸好味道又依然好正失败之處是多款食物味精太重，口渴非常

今日中午黎到深水埗續牌...趕時間關係去左旁邊西九龍中心食野~由於上次食左龍鳳祥餃子~今次就試下其他啦....唉~早知就睇OPENRICE先啦~又晒左我錢了諗住小菜配呢個價仲有湯連野飲~唔錯咁喎~TRY TRY LA~糖醋魚塊配紅米菜飯(+$3)~叫個飯要催十年...廚房煮野勁慢~個個客都要催佢幾次咁~D大媽店員又只會圍堆~一齊傾計~一齊落單~一齊上菜~一齊催單~乜都一齊~勁高效率囉~望下D飯...全部碎米黎...仲要唔熱既....有D凍既~有無搞錯呀...埋單仲好意思問人好唔好食你請我都唔食囉總結:伏

店內紅紅綠綠的裝修好搶眼, 有一種傳統的感覺, 配合返個店名”北京”, 舖頭入面都有好多京劇面譜/人物公仔的裝飾, 連一點提示的標語都有面譄公仔。食物方面, set lunch 有飯有面有小菜, 都有好多選擇。 我地叫左蜜汁豬扒湯拉面, 加小籠包set, 另外再加左個豆沙鍋餅做甜品。蜜汁豬扒湯拉面 – 見到蜜汁, 好自然令我聯想起叉燒, haha, 來到后個賣相唔錯, 豬扒同面分開上, 但份量唔算大。個拉面都算彈牙, 有點咬口, 個湯清清地都ok。但個豬扒唔得, 上菜的時候個豬扒係凍的, 呢個真係好扣分。豬扒比較,薄身, 但食落唔算好實, 少少乾身, 個蜜汁味唔夠重, 冇蜜汁的感覺。呢個仲要係廚師推介, 的確有點名不符實。小籠包 – 入面有湯汁, 味道都算ok, 但個皮就厚左少少豆沙鍋餅 – 呢個算係成餐飯最好食, 金金黃黃咁, 入面的紅豆餡唔會太甜, 外皮又夠香脆, 食完都唔覺得漏

去到個到坐底張枱已經有粒飯 啲茶仲要有油既 啲酸辣湯無酸味 要我自己加醋先有返小小似酸辣湯既味 啲豆沙鍋貼 無以前個啲咁好食 無以前個隻味道 啲小籠包 仲要啲皮包到好厚 仲要無乜湯 仲有最後 杯珍珠奶茶啲珍珠 唔知自己咬緊乜好似無浸過咁 好硬 一啲都唔彈牙😤仲叫左杯香滑奶茶 但都係麻麻。。0香滑😤

今晚黎到深水埗，諗唔到食咩於是去左西九尋食就揀左呢間北京拉麵店，唔洗等位D野食平均都好平! 仲做緊PROMOTION，食夠$80就可以用半價加一個小食$150就可以用半價加兩個小食叫左個排骨拉麵排骨份量有d少，但拉麵麵質都幾好食！湯底雖然色就好夠，但就偏淡小食又係去到邊都會叫既 紅油抄手味都OK既！但個皮都幾厚不過一碟有6粒，都算係幾多喇！另外，叫多個豬頸肉菜飯菜飯GOOD! 豬頸肉都入味，而且肉是軟的。小籠包 - 皮好厚

以往太子及荃灣仁濟醫院對面也有這餐廳，但後來結業，西九龍這家好像是餘下唯一一家北京拉麵；可能跟西龍傳飯團同母公司，看到掛上該店圍裙的店員亦來這店幫忙。前菜味道不錯，佐飯亦可。花雕醉雞菜飯，花雕的味道不太濃，雞也普普通通，細細碟內細細件的雞，又小又有毛痴住，既細件還多骨，吃得挺麻煩的。菜飯的菜粒不多，只是將菜粒舖在面頭，扮作多菜粒。小籠包四件，皮頗厚，內裏肉汁算多，如一口咬下可能外瀉，幸好肉汁味道不太差，否則厚皮就難吃。珍珠奶茶加$6，味道不太甜，比起某些澀味為主的茶餐廳可能更濃。珍珠挺韌，不算過硬，數量不多。坐著午餐至離座，頂多半個鐘，收取加一服務費無理。

經過上次差d咬到牙都爆之後，今次照舊叫菜飯糸列食，睇番其他貼文，好多人推薦豬軟骨菜飯，就決定試下。豬軟骨菜飯菜飯冇上次超硬，豬軟骨炆得好冧唔硬，真係冇介紹錯，值得推介。酸辣雲吞湯我唔知點形容味道好，買相幾好，但好結身，味道好淡但有超重豆辦醬味。材料豐富，有木耳絲，籮白絲，雲耳絲，豆腐，蛋絲。雲吞材料得豬肉，皮厚味淡，可能碌完在放上湯裡，令到冇乜味，怕辣建議食，因為都辣下。炸銀絲卷本應想叫炸曼頭，可能自己思覺失調攪錯咗，講番呢個卷，外脆內軟，在配埋練奶，味道好好。如果今次同上次比，我會評今次好，因為食物水準好過上次，如果在有團購真係可以買得過，雖然只可以散叫，但已經值回票價！

屋企人比張團購我去食咪試下，睇完餐牌叫三樣食物。1:豬扒菜飯，豬扒ok但d菜飯有一d可以咬到牙都爆。2:五香雞翼，唔知係咪忙，d雞翼炸到乾。3:招牌小籠包，三樣之中呢樣最合格。價錢大眾化，食物有待改善，都可以值得一試。

廿幾年前已經係西九龍中心蒲～ 印象中係完全冇變得裝修都係紅紅綠綠～ 好多臉譜（臉譜(/ω＼)驚驚。話明拉麵店緊係食拉麵啦！擔擔排骨麵：嗯～ 好重麻醬味。一d都唔辣（其實有冇人可以話我聽正宗既擔擔係辣定唔辣既呢😂我係未去到北京上海先試到）豬扒微微炸過～鹹鹹豉油味。但幸好冇討厭既鬆肉粉味。拉麵麵質軟淋冇咬口。招牌蜜汁排骨拉麵：湯底毫無特別。拉麵亦煮得軟淋冇咬口。唯一讚賞、蜜汁豬扒。微微炸過嘅豬扒淋上蜜汁，香香甜甜，絕配。最後當然黎客小籠包：正常脹卜卜有肉湯汁既。Um...總結...可以一試但只此一次。

因為係團購買咗現金券, 所以就去咗試黎食我地三個人去食, 所以分別點咗三碗麵食由於我已經唔記得邊碗打邊碗啦個名豬軟骨個麵都幾好味, 肉質幾好, 口感唔錯好濃色個碗反而係冇乜味, 湯啖, 完全唔掂紅燒牛肉麵個碗中規中矩, 但湯都幾好飲我地咗杯芝麻珍珠, 芝麻味唔濃, 一般般反而個朋友點香芋珍珠, 幾濃, 好飲另一個點普通珍珠奶茶, 冇奶味又冇茶味, 不知所謂 總結, 唔係團購既話都應該唔會再去食晚餐, 午餐價就可以考慮

罕有的去深水埗吃lunch由於之後有事做,,和老公隨便pick了一間就這樣伏已中！我點了口水雞set lunch老公則點了酥炸排骨湯麵另點了小籠湯包口水雞lunch set~有前菜有湯前菜是拍青瓜,,味道夠酸很開胃湯是沒有味的湯,,猶如白開水Orz口水雞香麻而不太辣但肉質粗糙不夠滑酥炸排骨湯麵~老公說湯底淡而無味所以十分難吃!小籠湯包的外皮厚,,湯汁也很少整體就是不好吃！但價錢也不算便宜！