半島漁港/阿翁火鍋館

Open Now

Now Closed

荃灣有太多飲早茶的地方，4～6樓都有各式各樣的茶樓酒家，而首領今次帶我去見識一下’半島茶樓’ 的點心及茶樓裝潢。首領喜歡‘半島’的點心味道而我比較著重於室內裝潢、樓底高的茶樓、坐得舒服又留得住我的心飽覽四周魚群擺設感覺置身於水族館之中食物方面不過不失、百花釀魚肚都算係少數特別(魚肚唔林)但上面有舊魚滑

COVID-19疫情下，生意非常好！星期六，下午茶時段，排號 >20個叫了我們的號，竟然安排搭枱！我們２人，與另外２人被安排同坐１張６人圓枱，中間沒有膠板分隔，決定不吃！跑回前台，批評了安排！我：沒有通知，就安排搭枱，還沒有膠板！前台：有膠板！我：沒有！不信妳跟我進去看看！前台：會加的！我：搭枱就不吃！前台：那妳再等等！(此時，起碼有5、6個客人對前台說，不搭枱！)約５分鐘後，終於有位(不用搭枱)下午茶特價點心的選擇不算多！定價算平宜！點了：#松子芋粒上素餃，芋頭很粉糯，配沙葛和冬菇粒，非常好吃的素食點心！#懷舊及第粥，媽媽很喜歡這個！#香煎蘿蔔糕，有很多蘿蔔絲，比很多名牌酒樓的蘿蔔糕更足料！#魚湯杞子灌湯餃，餃子皮有的糊，本餐唯一不推薦的點心。點心水準中上！服務有待改善！

荃灣出名多野食，這晚和朋友約左荃灣食飯，就想找間可以聊天一個晚上的餐廳，於是就想起去酒樓食飯。之前有看過這間酒樓有一蚊雞的優惠，覺得很抵，就訂了檯來這家酒樓食飯。因為最近都吃了好幾次火鍋，所以就算見到旁邊的客人點的海鮮拼盤多麼的吸引，我們都決定要吃小菜。酒樓現正進行的優惠是，惠顧任何食品，都可以$1換購燒鵝或文昌雞，非常吸引！不過因為我們點了晚飯套餐，所以無緣享用這個$1優惠價。這個晚餐套餐十分抵！四至五人的套餐包括了小食一客、湯、燒味雙拼、三款小菜和糖水，還有白飯或白粥任添。每次去酒樓，我都必定會點醋撈海蜇，海蜇很爽口彈牙，酸酸的很開胃。吃飯之前先來一碗湯羹吧，這個竹笙海皇羹十分足料，有竹笙和蝦肉等等的材料，味道剛剛好，不用加額外的調味料。燒味雙拼當然少不了叉燒和燒肉吧！半肥瘦的蜜汁叉燒，和帶香脆豬皮的三層燒肉，一下子就被我們吃光了。梅菜扣肉煲一送上來就覺得賣相很好看，肥豬肉放置成一個半球體，旁邊是很多很多的梅菜。扣肉煲食落口不太油膩，肥肉炆得很腍，梅菜甜甜咸咸的，拌飯一流。這個薑蔥粉絲海蝦煲，裡面有很多海蝦，四個人每人都至少可吃到三至四隻。粉絲帶有濃烈的薑蔥味，還有海蝦的鮮味，簡直

2口子收工💼搵好野食，今日去到千色匯頂樓，原來有多間食肆，今日我哋搵到這間食中菜🤗 對著大魚缸，有好生猛大海班🐟，龍蝦🦞，鮑魚，長腳蟹🦀。這間酒樓有多款小菜，仲俾我見到有「$1雞/燒鵝」🤗2話不說，即叫了「$1燒鵝」🤭🤭佢俾左髀位我呀🤣😂🤣😂正呀！抵！而且份量都唔小👍🏻 再點了 「上湯龍蝦伊面底」完隻龍蝦，肉質爽口，好新鮮😋 伊面係絕配😍再點了「鮮茄牛仔骨煲」👍🏻👍🏻👍🏻份量唔小，而且有肉有骨，最正煲內配料入哂味😋😋備註： 店員都十分溫馨提示，建議先食完再點菜，驚太多食唔哂🤪 nice!

今晚同家人食飯，因限聚人數唯有要分枱食，這裡嘅套餐都十分抵食，份量足味道有水準，所以分享一下，而晚市有個晚市優惠1蚊就有文昌雞或至尊燒鵝選擇，這個當然十分吸引，但另外嘅套餐都唔錯，在二選一情況下我們就點了二至三位套餐，有小食，又有羹，還有最愛叉燒選擇之餘，可選擇兩款小菜，又有白飯白粥任添！計落都真係抵食，反正分枱座，小食點了醋撈海蜇，爽口彈牙，加埋個醋汁十分開胃醒神！燒味就係最愛嘅叉燒，肥瘦適中，入口陣陣燒得香味嘅叉燒沾滿了蜜汁，入口份外香甜美味！配上香滑白粥，一個濃一個淡嘅味道又係另一種享受！而個竹笙海皇羹入口啖啖蟹肉蛋花，夠晒足料，一人一碗份量額外外一碗左右，絕對夠吃！而兩個小菜中沙爹粉絲肥牛煲份量十足而且夠晒滾熱辣，呢個配埋任添白飯真係一個絕配菜式，肥牛肥美加埋香濃沙爹汁，還有煙韌彈牙粉絲，胃口大開！最後加埋個香濃起沙嘅紅豆糖水，真係十分滿足！街坊何理價錢，座位闊落，位置就腳，真係一個唔錯嘅食飯好地方！

一行四人行完城門水塘，近近地向荃灣千色半島食晚飯點個套餐幾百蚊都有好多嘢食海蜇小食入口彈牙，帶黑醋食好開胃竹笙海皇羮每人飲兩碗加點胡椒粉少少辣燒味揀咗燒三層肉，第一層酥脆金黃色皮，第二層肥油部分不油膩，第三層肉質軟嫩杞子豬潤浸時疏，湯底清甜，加上杞子作點綴有益又健康豬潤夠爽脆令我食指大動的黑椒粉絲海蝦煲大蝦大大隻已入味，再配上粉絲吸盡黑椒的味道 ，基本上成個煲係可以清哂的風味菜式豉油皇炒鵝腸，要令到鵝腸剛好熟，師傅的功勞真的功不可沒最後當然唔少得碗滋潤糖水紅豆沙作結尾

屋企人生日都係習慣食中餐，放工近近地去荃灣食半島漁港，食出真味。最吸引眼球的是 《一蚊雞優惠》，可以揀 《海南文昌雞》 又或者唔鍾意食雞可以食燒鵝，$1 《至尊燒鵝》，真係睇見都流口水。而且仲做緊晚市優惠套餐，真正益街坊。最後我都係揀咗 $398 套餐因為白飯白粥任裝，哈哈！飯桶說很喜歡！小食一款醋撈海蜇酸酸甜甜的味道很開胃，海蜇口感爽口彈牙，味道清新，加上芝麻的香味，令人食指大動。竹笙海皇羹海皇羹真材實料分量又足，竹笙有益又有咬口，海皇羹滿滿的海鮮，味道鮮甜，店員服務值得一讚。燒味單拼我選擇了最愛吃的蜜汁叉燒皇，微微的焦香，肥美肉厚又多汁，這裏的燒味真的不錯，精華的叉燒汁撈飯一流。沙嗲粉絲肥牛煲小菜方面可以選擇兩款，其中之一我哋都想食肥牛呀！沙嗲肥牛粉絲煲是我到大排檔必點菜式，煲仔菜上枱特別有鑊氣，當中的粉絲吸收了沙爹肥牛和蔬菜的美味，精華肉汁豐富，非常惹味。白飯白粥任裝真係特色之一，平時一碗白飯都起碼$10，遇着大飯桶要食兩碗，這個套餐真係變得更加抵食！滋潤糖水陳皮紅豆沙，吃得出懷舊傳統的風味，甜度適中，為今晚畫上完美的句號。

最近多番啲時間出嚟食下晚飯，我都會選擇係返工呢帶覓食一番，是日放工相約友好齊齊去咗荃灣千色匯商場其中一間中式酒樓開飯餐單除了有一系列風味小菜，當然唔少得有多款晚市套餐配搭，適逢平日晚市仲有1蚊優惠美食，分別有至尊燒鵝同海南文昌雞，識食點都要點一款夠晒經濟實惠我哋點了幾款美食逐一品嚐，第一款美食一定係燒味部嘅燒腩仔腩仔燒得層次分明外脆內嫩，入口肉質一肥一瘦嘅腩肉，口感十足啖啖肉汁再點埋白飯一邊食就最正，接住另一款小菜係豉椒味菜炒鮮魷係酒樓食特別好鑊氣，用了豉椒同味菜炒食落惹味又香濃，再食件爽滑鮮魷片，簡單配料已能煮出滋味菜式輪到海鮮類有清蒸富貴斑雖然係斑魚仔一款，但肉質絕對唔會差過星斑，食之前先淋上豉汁熟油，食到啖啖鮮甜香嫩多汁嘅魚肉超滿足又一邊繼續品嚐餘下美食。

平日好少去食中菜，今日嚟唔食打邊爐，試下食小菜。估唔到小菜套餐都好經濟，免諗點咗個4至5人餐小食要個醋撈海蜇，燒味梗係要我至我冰燒三層腩。皮脆肉嫩，加埋肥肉正醋撈海蜇唔太酸夠開胃。當晚老火湯係黃瓜湯，但朋友鍾意食竹笙，所以點竹笙海皇羹。侍應好好幫手分埋落碗，我哋可以一路傾一路食。黑椒粉絲海蝦煲，唔使蝦肉爽，粉絲吸曬蝦嘅鮮味。杞子豬潤浸時蔬，豬潤超滑， 個湯送飯一流。豉油皇鵝腸夠爽口豐富嘅晚餐過後，侍應很好主動問，我哋上唔上要糖水，服務好細心。後尾見到有啲孖寶套餐都好抵食，下次帶埋阿爸阿媽嚟試下。

今日同女友係荃灣行街，行得攰，大家都想搵野食，但平時又成日食西餐/日式野，想轉下口味，試中菜，我地係網上搵到間評價不錯*半島漁港*，決定試下。除左中菜，仲有得打邊爐。裝修新淨，俾屋邨酒樓更高級。店內環境清潔我地揀左孖寶b餐，龍蝦伊麵配蒸元貝，另外因今日閒日，仲可以$1 揀燒鵝/文昌雞，好抵，最後揀左燒鵝。燒鵝先到，份量唔少，而且有燃點蠟燭保溫，很貼心，燒鵝厚肉，肉味濃，而且皮脆肉滑龍蝦伊麵份量多，龍蝦多絕不欺場，而且肉質鮮甜彈牙，配上上湯伊麵，好味蒸元貝雖然得4粒，但很大粒，元貝厚肉彈牙冇雪味，配上蒜容，十分香，粉絲吸收元貝味道，很鮮甜最後仲有甜品紅豆沙，有果皮香，紅豆軟腍，有糖水鋪既水準。我地食到好飽，埋單都係$353，真係抵食，下次會再黎幫襯

臨近中秋諗住近近地同老爺奶奶做節，所以就下老人家去食中菜，又見到呢間算係幾靚仔就入去坐下。佢呢度啲菜式嘅價錢都算幾合理，所以老人家都係比較鍾意啲抵食啲嘅野，一入嚟佢地見到$1 隻燒鵝同雞，已經雙眼發光，我其實本身個心態都唔係抱有好高期望，畢竟$1 野你想點丫點知嚟到嗰時, 份量唔差喎, 仲搵個爐仔㷫住碟鵝，醬料又齊。趁熱食啲皮都仲脆，肉唔羶，$1真係抵到爛。另外我地仲order咗個肥牛粉絲煲，肥牛唔係得幾舊，我地幾個人一人幾碼食到幾舊，而且啲粉絲好入味，又唔係發漲到爛哂。 呢度最重要嘅係佢加咗少少菠蘿吊起沙嗲陣味，真係唔錯。可惜嘅係跟住落嚟呢碟野就失色了，本來我地見到咁大碟豉油王鵝腸真係覺得抵到爛，因為我地平時食開百幾蚊都可能得呢碟野嘅一半都唔知有冇。但當我地入口嘅時候，嗰種羶味真係勁到你食咗一條已經唔想食落去，有位經理見到我地剩咗咁大碟同郁都無郁過咁滯，埋嚟問咗幾句係咪唔啱食，我地反映咗之後，佢就拎咗入去廚房理論，仲好好咁幫我地cancel 咗張單，仲同我地解釋咗一輪，對品質未符預期覺得抱歉。其實一間餐廳我都唔係expect樣樣好食，不過呢位經理咁嘅服務態度，本身已經幾值得一讚。最後

疫情下小左出去食，但今日係朋友到聽到有一蚊食雞優惠即刻問下係邊，放工即刻約埋女朋友gogogo.7點半去到，雖然係疫情底下，但都仲有好多人食緊， 不過都好彩唔洗等位。入到去，每台隔得都幾開，唔洗擔心同隔離台太近，食都食得開心d。點餐方面，當然就即刻搵一蚊雞優惠，驚喜既係發現除左雞，仲有乳豬同燒鵝揀，因為女朋友鐘意食乳豬，所以二話不說揀左乳豬。不過兩個人食晚飯，無理由淨係食乳豬既，望一望menu，發現仲有優惠，係$328三寶餐，有咕嚕肉，富貴斑同叉燒，又平又唔洗揀，岩曬我1. 半肥瘦叉燒又juicy 又香，加埋D汁，送飯一流。2. 富貴斑，師傅煮到岩岩好，D肉又唔"鞋"，又滑，魚肉鮮甜，又係一個送飯既靚送。3. 咕嚕肉，係我最愛既中菜，對於我呢個食開既人黎講，呢個肉炒得真係唔錯，D 汁唔太酸，肉又炸到岩岩好，咬落去唔會太多炸炒，係會食唔停既一道送4. 最後當然係主角一蚊雞乳豬，乳豬皮炸到卜卜脆，肉唔會太咸，一蚊雞黎講真係無得輸。最後最後，仲送埋糖水俾我地食，400蚊食4個送加糖水，真係平到笑出黎，2個人食唔曬仲打包左一半聽日帶飯，真心平到笑   

聽講話而家半島做緊1蚊雞優惠，心諗同屋企人都好耐無出過街食野，所以即刻嚟咗半島漁港嚟到之後發現唔止得1蚊雞！仲有乳豬同燒鵝，咁識食嘅我梗喺第一時間揀咗極品BB豬~另外仲交咗個328優惠三寶，呢個價錢有齊雞、豬、魚、蝦，真喺好唔錯架啦。 其他仲有啲398套餐/自選套餐，下次叫多啲人試多啲小菜講咗「乳豬」先，皮脆肉嫩，完全啱曬我口味，我會點好多海鮮醬再點糖，簡直喺非一般嘅享受，先至1蚊！鐘意乳豬嘅人真喺要黎試下 個「鮮菠蘿咕嚕雞蝦球」攞半個菠蘿盛上黎，菠蘿、雞球同蝦球比例大概1：1：1啦，其實我自己就最鐘意食甜酸味嘅菠蘿嘅，呢到嘅咕嚕菠蘿就喺酸味多啲，都唔錯，雞球同蝦球都幾大舊 「富貴班」真喺今晚嘅明星菜式！！！！！想強調翻我平時喺好討厭食魚嘅，特別唔鐘意有魚味（我覺得腥）嘅魚，不過呢條魚真喺不愧酒樓質素，大大條，時間控制得啱啱好，肉質嫩滑唔腥，食得出喺新鮮嘅質地，我自己都不停夾食咗半條，強烈推薦呢條富貴班！！ 「蜜汁叉燒皇」都ok嘅，口味偏咸，我地加咗個飯埋單400左右，飽了！有下次！

今日2:30去嘆下午餐，真的非常不快，首先食物冇貨落單時冇講，到先催單先知原來賣晒，點解唔一早講呢?????係要催單時先知話冇晒只簡單一句替你取消了😤😤😤😤，好戲在後頭，我媽媽食梗個灌湯餃，仲有小小未食完，(p.s我媽媽個動作係食梗中)，個侍應都可執其他嘢時收埋我媽媽個個灌湯餃呢??佢係盲定有心呢？😡😡😡真係定一定神望住執嘢個個侍應，佢當睇我地唔到，由另一位侍應走過來，我地話未食完仲咩收走左，又只講唔好意思我地收四點半喎，送番紅豆沙比我地，我地話唔駛，p.s個時只係3:30😤如收四點半點解入座時唔講收四點半，? 係咪錢就照收，差唔多就收左d未食完既食物呢？???以後都唔會再去，，好心呢d酒樓做好d服務及質數啦，，，就算冇疫情，你地d服務咁差，d客都唔會再去啦

疫情反覆，萬萬想不到，只享受了短暫的放寬期，又再面對令人無奈的「限聚令」！ 每年7月，本是 BeautySearch 與最多朋友相聚的好日子，如今也不得不暫停了......  幸好，上星期也來到久違了的酒樓，雖然當日只約了閨蜜二人相聚，但也有機會感受到酒樓難得的熱鬧氣氛！ 當晚每枱食客，都必點選燒味部的其中一款食物，皆因酒樓推出「 $1優惠」，不是單一的「一蚊雞」優惠，而是有選擇的，除了海南文昌雞，還有極品BB豬及至尊燒鵝，大家可按自己的喜好揀選，很不錯喔！  而我倆便點選了至尊燒鵝。別以為「 $1優惠」便是便宜貨色，揣來的至尊燒鵝，外皮油潤有光澤，皮脆肉香，啖啖肉，最細心的是至尊燒鵝一直以微溫加熱，令燒鵝保持最佳狀態，不會出現肥油凝固現象，蘸上酸梅醬，份外滋味。 魚香茄子煲雖說是一道常見的家庭小菜，但 BeautySearch 總是未能掌控主理的技巧，在外進餐也喜愛點選，因為實在太惹味，加上茄子煮得十分軟稔，用來佐飯一流。 不過我倆並未有點選白飯，皆因我更喜歡材料豐富，並滿載湯汁的瑤柱福建炒飯。這種簡單的幸福味道，實在令人懷念！