薄餅博士 (Closed)

表妹搬屋, house warming食乜玩乜, 主人家話事除咗自製, 佢地還叫了外賣PHD......薄餅食足幾多次, 幾多次都係咁好食 即拉薄餅個麵團, 就算焗好咗送到屋企, 都感覺到麵團的新鮮度很高, 就算無加芝心邊都可以連條邊都食埋 但係今次d料好似少咗d喎至於飯及意粉類, 佢地嘅汁唔知係唔係中央工場整, 所以間間無乜分別, 但係飯及意粉應該係鋪頭自已煮, 咁我覺得煮得ok, 無話過熟至太淋或者生到有骨。薯角就唔係好得, 炸唔透, 淋pat pat咁說真的, 今次house warming我食得最多的就一定是表妹家自製的菜肴

同男友一直想試,呢日等睇戲就去買左個黎食我唔食肉,但都有好多choice,男友想食吞拿魚有兩款 : 繽紛吞拿魚同鮮蘑菇吞拿魚本身係想食繽紛吞拿魚,因為呢個無菠蘿(我仲咳到甩肺),點知我個成日買錯野既男友今次又出事佢又買錯左鮮蘑菇吞拿魚不過算啦,我都慣左鮮蘑菇吞拿魚 : 加左錢要360º芝最批,好食到拍哂手掌!批邊芝士絕對多過平時既pizza hut,最緊要既係平!一個大批仲要有芝士,埋單先$80,男友不自覺食左成五件,厲害

上星期的事......絕對係自己的衝動,愛人不需要公佈天下,可惜我做錯了!我們仍是朋友?Only God knows! I feel so sorry,可能令妳唔知點面對我!What should I do?Anyway,這是食評,還是講飲講食!失望後,自己向弟弟講:「不如今晚Pizza Time!」弟弟毫不知情,當然拍手叫好!Order 1 個二人餐,Pizza係肉食大王(芝心批),有個吞拿魚芝士螺絲粉,仲有2個布甸甜品!我有coupon,所以送了墨西哥薄脆(Mexican Tortilla)First,薄脆配肉醫汁,我欣賞個肉醫汁,真係希望佢俾多個我!肉食大王用Tomato Sauce,有免治豬肉雞肉等,香口之餘仲好飽肚~芝心邊加左$12,下次唔使la~吞拿魚芝士螺絲粉中規中矩,不過芝士真要讚讚!下次可以嘗試葡汁焗雞飯/意粉而甜品我過左2小時先食(實在好飽),不是我杯茶!我比較愛cheese cake,尤好餅底! ^^"唉!食物雖好,但心情欠佳,食而不知其味! 唉......係俾笑的,但誰給個哭臉我?P.S : 之後發覺,PHD is by"Pizza Hut",仲以為食緊新店!

今天o係荃灣睇完戲，見到對面有間PHD做緊自取半價優惠，買一個大批都係$64(咁筍)，梗係即時落order整個返屋企試一試，店員推介肉食大王，見佢全部都係肉o岩曬我口味，原來跟住仲可以半價要多一款小食，於是就要左個雞條薯角，埋單都係$78(平到發癲)。講完價錢，梗係到品質，pizza 比我想像中好食，口感較軟身，不油膩，最緊要係多料。正...另外雞條薯角味道則較一般，咁既價錢，絕對可以接受。

有日肚餓見到電話旁邊有張單張,見到有pizza叫,心唸就試下啦! 就叫左個$120套餐.. 有一個Pizza , 一個意粉 , 仲有2個豆腐布丁.. 都幾抵~ 聽電話個位女仔,都好有禮貌... 等左大約25分鐘, 就送到黎 真係超快呀!!! 個Pizza個樣都幾靚仔,, 意粉都唔錯 布丁都算幾大杯 食左一啖之後,味道出奇地勁好,野味... 啖啖肉..個Pizza厚薄適中, 同Pizza hut 好唔同...最緊要無咩油~ 我自己一個都食到半個pizza , 意粉就普通d , 但都夠熱,夠香! 最後要提提個豆腐布丁 , 平時我對甜品一向都麻麻, 怕好甜既野.. 食左一啖之後... 哇...好味!又唔太甜又有朱古力味,仲有淡淡豆腐香味!!

之前見間野有外賣自取50%off,一個大批先$64菠蘿雞肉丸(大批)個雞肉丸同燒烤醬汁都ok肉食大王(大批)味道太濃..d肉有d怪味夏威夷風情(迷你批)配料少,個醬都麻麻蜜糖BBQ雞翼個汁唔好食,雞翼炸得唔好卡邦尼雞皇意粉屋企人話唔好食除左菠蘿雞肉丸批之外,其他都唔好食..雖然係平,但唔會幫再襯

星期5晚, 嫲嫲話想食pizza, 就叫左個2人套餐食.打去訂ge時候, d staff態度好好, 好細心咁講介,又有效率,不時提供意見.佢話40分鐘後到...結果15分鐘已經黎到,,真係超級快!!!d野好熱, 個套餐有一個大批, 一個飯,同一盒雞球.批要phd多寶,咩料都有! 飯要芝士豆腐雞肉飯,好好味! 樣樣材料適中,d飯軟硬適中.樣樣都好好味, 成個套餐都係$137蚊, 加埋360度芝士批都係+11蚊.食到我地5個人飽死仲有得剩.

遲來的聖誕party~在12月27日家中舉行其實只係3個女仔的聚會~一年一次~(雖然平時都會見~但係大食會係另一番風味)一早想訂呢間phd了因為唔係區區有~咁啱我嗰區有~但一路都好少機會會訂回家食的今次終於可以一試因為係聖誕期間的星期六~怕多人排~5點半打去訂~點知服務好好wo~呢d時候都會慢慢同你講點會抵d結果發現~推廣期間~自取的話~大批仲平過普通批!!!!普通批要$80~而推廣期間的大批只係$70!!!!因為平d~我地3個女的~居然訂大批!!而且可以半價換意粉~即係加$16蚊~有多盒意粉~好抵!!本身我都近嗰度~咁我就去自取了問佢幾耐先有得拎~佢居然答我10分鐘!!!我冇聽錯~佢真係話10分鐘...我只好推說~我10分鐘嚟唔到~(我身在銅鑼灣地鐵呀....)改第二個時間on the way我同好友都好期待~因為係打正旗號話手造~會好味d呀ma~仲plan埋去超市買菠蘿腸仔~同埋壽司+凍蝦(可看另一個食評： http://www.openrice.com/restaurant/sr2.htm?shopid=27012)拎完pizza~買完嘢~回到家中~pizza仲係暖暖的~立即食!