PHI Coffee & Pancake (啟德零售館1)

Open Now

Now Closed

PHI Coffee & Pancake在啟德零售館也開設分店啦🥞位於Food Court內，主打外賣型式的輕食店，所以餐點也比平日餐廳出品的更精緻可愛♡⧐ 開心果梳乎厘 HK$45 ⧏也許是外賣店的關係，這裡的梳乎厘造型都變得迷你🥞開心果控當然要試試開心果口味的～賣相不錯，梳乎厘口感鬆軟有彈性，搭配香濃的開心果醬很出色ദ്ദി ·͜·⧐ 石板街梳乎厘 HK$45 ⧏喜歡朱古力的人一定要點石板街梳乎厘♡朱古力味道濃郁，加上杏仁和棉花糖便成為石板街～這款也是很經典的口味，很推薦.ᐟ⧐ 無花果藍莓沙冰 HK$68 ⧏本來以為這杯會是帶點酸味很清新的味道 𖠚ᐝ沒想到是香甜的味道，這樣更好喝～雖然是外賣杯子，但賣相仍然很美ദ്ദി ·͜·⧐ 伯爵茶鮮奶咖啡 HK$48 ⧏冬日時分喝上一杯伯爵茶鮮奶馬上變得和暖起來♡伯爵茶的味道很幽香，淡淡的很舒服☕️賣相也是有花心思的，雖然那片橙乾的味道不太夾 (笑)

本身一直都係Phi 既fans，因為覺得佢既Soufflé Pancake真係整得好食，又會定期推出唔同口味。近日啟德體育園開幕，行上1館既food court見到竟然開咗間輕食版PHI，專賣細份獨立版Pancake同飲品，一見就好興奮，因只需$48就有一份Souffle Pancake ，新店開張期間仲有第二份半價，而且細店亦有d平時大鋪無既口味，另外如果著運動服既，就可用$12買任何飲品。雖然優惠吸引，但個Souffle Pancake ❗️就好失望❗️完全唔同平時PHI食既質素，有d粗製濫造😢我相信如果食過本身PHI大鋪既人，都會有類似感覺！我叫咗一個冬季限定既栗子味同開心果味Pancake，細鋪出Pancake都係用獨立下賣盒咁裝住每一件Pancake，方便可以比人外賣拎走食。一打開Pancake，個賣相已經比我地開始懷疑有無比人呃咗🤔因爲望落份Pancake完全唔識震，無梳乎厘個種空氣感，實的的，似美式厚pancake多d。果然，一切落去好實，同平時PHI食開既係兩回事，無蛋香，無空氣感，只有成口粉既麵粉蛋糕咁，好失望！Pancake上既Cream既口感雖然落咗特別口味味道，但都

咁啱喺啟德零售區food court食午餐見到呢度原來有PHI以前都有食過PHI其他分店都覺得啲pancake好好食好鬆軟不過呢間唔知係咪外賣店嘅關係Pancake醬汁都好食不過開心果味就奶味比較重泰式奶茶味會比較好食但pancake就唔夠鬆軟建議去返其他分店食好啲

Weekend去啟德體育園行街，行行吓竟然喺food court度見到PHI，$48就食到一大塊梳乎厘⁉️梳乎厘有7款唔同口味選擇，有幾款都係平時去Phi唔會見到嘅，例如抹茶紅豆，仲有秋冬限定嘅栗子梳乎厘，梗係要試下！🤩🥞開心果梳乎厘 ($48)面頭有好多開心果脆脆同幾粒開心果粒，加埋大量開心果醬，好幸福😍🥞秋冬濃濃栗子梳乎厘 ($48)面頭有半粒栗子，整體食落幾甜，如果cream嘅栗子味可以濃啲就好🥹梳乎厘一塊嘅大細同平時喺PHI食嘅size差唔多，不過當日口感冇咁鬆軟，反而偏實☕️所有產品+$18有自選飲品一杯 (Coffee/Chocolate/Matcha Latte/House tea/Juice etc)

今日又去左啟德零售館行下，見到PHI Coffee & Pancake 有 $48 梳乎厘‼️真係幾抵，而且仲有我最鍾意嘅開心果味💚，即刻買黎試下！💚開心果梳乎厘 $48梳乎厘上面有層厚厚嘅開心果醬，仲有好多開心果碎😍，梳乎厘口感輕盈，而且重蛋味都幾好食。🌰秋冬濃濃栗子梳乎厘 $48 朋友叫左栗子味，有好多栗子蓉，🌰味濃郁。🍯天然蜂蜜棒棒咖啡：呢杯咖啡我幾鍾意，真係有舊天然蜂蜜，味道好自然。🤎提拉米蘇咖啡

今日嚟到啟德體育園行完一輪後，有啲肚餓，就嚟到美食廣場food gala, 食物選擇不少，下午茶時間選擇了PHI的疏乎厘💗🌟#Lotus海鹽焦糖梳乎厘Lotus海鹽焦糖梳乎厘好靚，外層金黃，內餡綿密，質感較紮實，有口感🫶🏻焦糖的香甜與海鹽的微鹹融合，層次感的享受💗搭配上香脆的Lotus餅，為疏乎厘增添口感👍🏻🌟#士多啤梨梳乎厘士多啤梨梳乎厘色澤誘人，散發新鮮草莓芬芳🍓造型非常靚，士多啤梨上灑上士多啤梨乾碎，滿滿的士多啤梨醬，酸酸甜甜，清新可口😋搭配上疏乎厘，非常滿足🫶🏻🌟#藍莓梳打藍莓的酸甜味與梳打的清爽感非常搭配👍🏻藍莓的濃郁與梳打水的清新交織，令人感受到一絲絲清涼✨🌟#伯爵茶鮮奶咖啡將濃郁的咖啡與芳香的伯爵茶融合，鮮奶柔滑，帶來絲滑口感，茶香與咖啡的苦澀完美平衡，令人感到舒適😌

好耐之前就係荔枝角同旺角堂食試過PHI的pancakes 估唔到最新佢哋係啟德零售館1號館2樓food court隔離開左個分店 不過主打外賣形式🥞開心果梳乎厘($48) 呢個口味之前冇試過 開心果醬夠濃郁勝在唔太甜 配埋一齊仲食到梳乎厘本身的蛋白香💚 秋冬濃濃栗子梳乎厘($48) 相對黎講個栗子蓉就甜好多 仲帶微微酒香 不過食落相對冇咁濕潤🌰 而叫所有產品可以+$18自選一杯飲品～ 大推伯爵茶鮮奶咖啡($46) 又有伯爵茶香味又飲到咖啡同奶 超級平衡唔會太甜☕️ 冬日栗子咖啡($48) 當日完全唔夠熱 雖然栗子味好夠 所以飲落好甜身又唔暖胃 有點可惜🥲

跟街方係啓德新開零售館逛一逛，發現呢度有賣相好靚既梳乎厘！作為港女嘅我哋當然系打卡最重要😆。 所以我哋各人都點咗個梳乎厘。 我地點咗Lotus 海鹽焦糖疏乎厘同開心果疏乎厘。 另外再點左咗兩杯飲品有豆花咖啡同綠茶鮮奶! 開心果疏乎厘彈口感輕盈鬆軟，配上濃濃慨開心果醬，加埋原粒開心果同腰果，唔膩又好味。Lotus 海鹽焦糖疏乎厘Lotus焦糖餅碎,配上海鹽焦糖食落香甜口感亦很豐富豆花咖啡有啲喜出望外嘅感覺甜豆花底➕鮮奶咖啡底層豆花好甜 一定要攪拌後再喝攪勻之後苦咖啡液可以中和一些甜味令豆花存在感更高的拿鐵綠茶鮮奶香甜的牛奶與綠茶的清新，一口下去，滿滿的幸福感就油然而生。

之前喺第二啲分店已經食過PHI好開心啟德零售館都開咗一間主打食甜品嘅🤘🏻最signature嘅疏乎厘以一個為一份每個用獨立盒 方便又唔驚食唔晒👏🏻⭕️ 經典英式伯爵茶疏乎厘/ 秋冬濃濃栗子疏乎厘($48 each)疏乎厘鬆軟 蛋香夠 面層嘅伯爵茶cream唔會太甜同太多 恰到好處仲有少少脆脆 增加口感另一隻🌰味道更加rich除左有成粒栗子係面 仲有兩層栗子蓉同cream一人食完一個已經飽飽地👍🏻⭕️ 焦糖脆脆鮮奶咖啡 ($46)/ 藍莓梳打 ($42)離開時當然要買埋杯drinks一路行一路飲caramel latte擺盤好靚 面頭既焦糖脆脆比得慷慨飲起上黎好smooth另一杯soda陣味好岩小朋友🤩 雖然係藍莓🫐味 但飲落似係甜甜既黑加侖子味 下次去food court食完野 可以係度食埋甜品🍮同朋友飲杯野chill下🍹

啟德體育園，這個地方真係超大！🏢💖佔地如三個商場般的零售館在啟德站的零售館1號Food Gala美食廣場提供了各式各樣的特色美食包括中、日、韓的豐富選擇，實在讓人眼花繚亂！🤩🍜🍣🍱 食完正餐後，我選擇了PHI Coffee & Pancake的幾款甜品1. 朱古力（熱） - $42 🍫☕這杯熱朱古力濃郁香滑，搭配上輕盈的奶泡，飲一口就令人感到溫暖，真係好享受！😍☁️2. 無花果藍莓沙冰 - $48 🍧🍇這款沙冰清新可口，無花果的甜美配上藍莓的酸味，讓人感受到清爽的口感！🌞💦3. 石板街梳乎厘 - $48 🍨🍬這款梳乎厘外脆內軟，搭配上朱古力的醬汁、幾粒棉花糖和杏仁，真的好像在吃石板街雪糕，口感層次分明，令人驚喜！🎉🍭4. 抹茶紅豆梳乎厘 - $48 🍵🫘抹茶的香氣濃郁，紅豆的甜味恰到好處，這款梳乎厘不僅外觀迷人，味道也非常出色！💚🥰🚩 地址：啟德承啟道38-39號啟德體育園啟德零售館1，LA203-206及209-214號舖 Food Gala 9號舖 📍🎊🍽️🥳

喺啟德體育園又多一間食甜品嘅地方，喺food court大大個招牌，好多唔同味道嘅疏乎厘，賣相仲好吸引添。疏乎厘一件$45 ，有七種口味，我哋揀咗近排大熱嘅開心果味，同埋Lotus海鹽焦糖疏乎厘。開心果疏乎厘，面頭有一大啖開心果醬，同埋粒粒開心果，咬落去除咗果仁嘅味道，仲有啲脆卜卜嘅口感。而Lotus海鹽焦糖，我覺得就更好食，鹹鹹甜甜嘅味道，食落唔會咁膩，一塊Lotus餅仲可以增加口感。我哋另外嗌咗兩杯嘢飲，推薦天然蜂蜜棒棒冷熱咖啡，奶味比較濃郁，加上蜂蜜嘅天然甜味，啱晒我呢啲鍾意咖啡香，但係又怕苦嘅人。另外一杯就係無花果藍莓沙冰，不喜見到真係有四五粒藍莓，藍莓沙冰的表面仲有一層奶蓋，飲落除咗果肉嘅酸酸甜甜，仲有一陣奶香。

今日經過啟德體育園，發現原來呢度開咗我超鍾意嘅PHI Coffee & Pancake!呢度係佢哋第12間分店，所以都有好多經典同特別嘅souffle pancake味道，後來發現原來身穿輕便運動服嘅人更加可以有埋嘢飲折扣，真係勁抵！因為今日要同朋友慶祝生日，所以就特登外賣咗兩款疏乎厘，當然都唔少得要買咖啡啦，咖啡就要咗honeycomb dirty 同chestnut coffee，兩杯都整得好香濃，尤其鍾意栗子咖啡，真係有一種栗子香味，冬天嘅時候飲更加有feel！

就其實見到啲食評都預左會唔係咁好食，但又覺得可能會只不過係某一兩次舖頭失手所以整得唔好食。🤔ummmm點知食第一啖就知道自己買左件有醬既雪芳蛋糕。又好正常地冇梳乎厘剛出爐既温度。姐係熱都唔熱下，室温🫠放涼左再加醬。如果餐牌唔係寫梳乎厘班戟心理會平衡啲。🤦🏻‍♀️

🌸士多啤梨慕絲梳乎厘，暖暖嘅梳乎厘口感輕盈，上面淋滿士多啤梨慕絲，仲有士多啤梨果乾，果香撲鼻！甜度啱啱好，仲好清新🌸秋冬濃濃栗子梳乎厘質感好軟綿，蛋香味仲好突出！梳乎厘上面淋滿香濃嘅栗子cream ，再配埋栗子蓉同埋栗子！栗子味道好濃郁，口感順滑，真係好好味🌸焦糖脆脆鮮奶咖啡，牛奶咖啡加入焦糖脆脆，焦糖脆脆溶入咖啡中，味道層次好豐富🌸凍朱古力，好濃郁嘅朱古力味餐廳主打梳乎厘同埋飲品，都有好多唔同嘅款式可以挑選！店內仲有唔同嘅餐廳產品可以購買呢！

個疏乎厘好似食緊便利店嘅檸檬雪芳蛋糕一樣，只係上面淋咗一啲疏乎厘嘅醬汁，質感非常之結結實實，完全冇鬆嘅感覺，唔好浪費自己肚皮嘅空間。應該係預製食物，如果要買預製食物，我不如去7–11買。另外嗰杯Mocha完全冇咖啡味，冇朱古力味，得啲奶味，失望之中嘅失望。初初諗住係一間正正常常嘅咖啡店，大家唔好浪費時間喺呢度。唯一正常少少嘅係杯抹茶latte，但係都係欠缺抹茶味，奶味比較重。個food court有其他應該會好食好多嘅嘢🥲