PHI Coffee & Pancake (啟德零售館1)

Open Now

Now Closed

喺啟德體育園又多一間食甜品嘅地方，喺food court大大個招牌，好多唔同味道嘅疏乎厘，賣相仲好吸引添。疏乎厘一件$45 ，有七種口味，我哋揀咗近排大熱嘅開心果味，同埋Lotus海鹽焦糖疏乎厘。開心果疏乎厘，面頭有一大啖開心果醬，同埋粒粒開心果，咬落去除咗果仁嘅味道，仲有啲脆卜卜嘅口感。而Lotus海鹽焦糖，我覺得就更好食，鹹鹹甜甜嘅味道，食落唔會咁膩，一塊Lotus餅仲可以增加口感。我哋另外嗌咗兩杯嘢飲，推薦天然蜂蜜棒棒冷熱咖啡，奶味比較濃郁，加上蜂蜜嘅天然甜味，啱晒我呢啲鍾意咖啡香，但係又怕苦嘅人。另外一杯就係無花果藍莓沙冰，不喜見到真係有四五粒藍莓，藍莓沙冰的表面仲有一層奶蓋，飲落除咗果肉嘅酸酸甜甜，仲有一陣奶香。