越一越南牛肉粉專門店 (Closed)

今日又去荃灣🤭，又到咗🤔食乜嘢做决擇嘅時刻😅，於是再次到越一食越南嘢🍜，因為離地鐵站近，又坐得舒服、啱食順化香茅豬扒湯檬粉$38.00🍲 有河粉、金邊粉、檬粉可選擇，夠熱、湯香氣味濃，檬粉爽滑驚喜，好有份量，古唔到咁大碟，好啱我這個無肉不歡嘅食肉獸， 香口、肉身有質感另外再加$16.00 可以有一個小食👇 西貢札肉蒸粉包又幾好味喎，粉包裹面滿是素菜👩‍⚖ 短期內去咗兩次食嘢，整體感覺店面整潔、光猛、坐得舒服，食物質素做得唔錯，價錢合理，可以再去

由於返工的關係，多咗落荃灣食嘢， 講多嘢食梗係路德圍 附近係周圍兜咗一個圈，見到間食越南嘅店舖就入去試因為7點的關係,所以都好容易搵位咁我哋就叫咗個招牌嘅生牛肉河粉， 嘩一上嚟真係大大碗， 牛肉大大片，河粉分量好多，湯頭又好飲 ， 食到咁上下，再加少少青檸，同埋辣椒落去 。又有另一種味道，十分可口跟住叫咗個椒鹽軟殼蟹，估唔到咁大碟， 咬落去脆卜卜，蒜香又惹味真係好好味， 同埋隻軟殼蟹比較大件， 有膏，有驚喜 價錢98蚊十分之抵跟住叫埋碟酸辣鳳爪，少少辣，鳳爪大大隻，另外伴碟的所有嘢都可以直接食用青檸梳打， 大大杯好抵飲， 椰青好清甜果肉好冧 總括嚟講 呢間越南食店 ，食品類很多多選擇， 價格都十分便宜 ，環境大， 乾淨舒服 ， 值得一去再去

💁🏻‍♀️越一越南牛肉粉專門店 (荃灣)🍴-身為荃灣地膽，今次又比我哋發現到隱世平價越南餐廳！系紅十字會隔離架，轉個彎就見到。呢到地方闊落，坐落舒服，而且價錢都唔貴，推薦啊！越一生牛肉湯河（$45）🇻🇳牛肉鮮嫩，加埋啲香草，超級有越南🇻🇳風情，個湯都好清甜，河粉唔會太淋，而且份量都好足，唔會太濃味👍🏻👍🏻海南雞飯（ $52 ）咁嘅價錢來講，分量真係好粥，佢話唔計好大份，而且肉質亦都好嫩滑，至於油飯亦都好香，令人食到停唔到啊！值得一提嘅係，呢度嘅午市套餐會包埋嘢飲㗎，超級划算，我哋兩個人夾埋食咗$00只係，有機會會再嚟。📍越一越南牛肉粉專門店 (荃灣)#荃灣 青山公路275號富裕樓地下G4-6號舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #西餐

自從返工的地方調離荃灣之後， 就好耐都未嚟過啦咁啱約咗人去荃灣，咁就提早啲出去行下先喺大河道掃完街之後，等個friend收工就一齊再食過，就呢間越南嘢啦，真係好佩服自己又食嘢店內光猛整潔，座位闊落，令人感覺舒服下午茶餐平日兩點至六點都有好多嘢揀，仲可以每個餐加十幾二十蚊叫小食 最啱我哋呢D想試不同嘢食嘅人生牛肉湯河主打牛肉湯粉，上枱時牛肉還是生的，要靠湯嘅熱力浸熟， 肉質鮮嫩，很有牛味 河粉彈牙爽滑，完全吸收到湯嘅精華，加埋九層塔、蘿蔔 、洋蔥、青檸和辣椒， 好滋味啊~炸春捲夾埋酸菜生菜 一齊食， 爽爽脆脆 、熱熱氣氣炸蝦餅炸到金黃，外脆內軟 ，加埋 炸個嗰啲蝦乾同鹹魚仔，配合酸酸甜甜、微辣嘅醬汁，非常開胃咸檸七點少得佢吖，簡直係我嘅至愛報告: 食物多元化，價錢相宜， 環境坐得舒服，食物質素也相當高,係一個不錯嘅餐廳ps~ 可以當晚餐食😚

荃灣區一向都係多好野食，尤其路德圍一帶附近多不勝數，今次行遠少少，係力生廣場樓下，就有一間越式餐廳可以試試呢👍🏻越南菜主要都離不開檬粉和牛腩河，這都是越南菜最著名的食物，還有牛油雞翼和紙卷啦！餐廳有二人套餐供應，每人不用$100就有一碗粉麵，兩款小食和一個上湯生菜，還包括一杯飲品，十分抵食呢！👍👍豬頸肉米紙卷：米紙卷餡料豐富，有蘿蔔絲、生菜、檬粉等等，味道清新，可以減少豬頸肉的油膩感，沾上魚露汁吃味道更豐富呢！😋😋牛油雞翼：大大隻，好惹味，炸得卜卜脆，牛油味超香濃，超正！必食推介！令人充滿罪惡感的一道菜式！😫😫香茅豬扒湯河：豬扒大塊厚身，香茅味重，入口更覺滋味，河粉亦夠大碗滑身，男生們絕對足夠！😝😝牛坑腩湯河：牛坑腩生熟程度剛剛好，不會太淋身，份量亦不少，湯底味道香濃，河粉入口滑溜，亦都算做到越南牛肉河粉的特色👍👍

今日享用咗二人套餐系列 b餐$198 呢個套餐足夠二人食用 份量超多又抵食 食物質素相當高 等我介紹下有啲咩啦你冇睇錯 呢度的確係二人份量套餐嘅食物 仲包埋嘢飲 抵食到喊可選上湯生菜或上湯蘿蔔 我揀咗生菜 生菜夠嫩夠新鮮 用上湯來煮清清地 幾好牛油雞翼四隻 外面雞翼嘅脆漿唔會好厚粉 凹落去鬆脆可口 上面仲有炸蒜蓉 非常惹味 內裏雞翼依然保持肉汁小食四選一 揀咗香茅豬頸肉米紙卷米紙卷包著大量蔬菜 是一道非常健康的小吃 蔬菜新鮮而且爽脆 配上濃味嘅豬頸肉味道非常夾生牛肉湯河做得非常出色 有越式嘅香葉，青檸和辣椒伴著一起吃 味道酸酸辣辣好開胃牛肉片還是生的 要靠湯底嘅熱力灼熟 這樣牛肉才不會變嚡 入口嫩滑牛味重河粉又細又滑 充滿米香 每條粉都吸收曬湯嘅精華套餐仲包咗兩杯18蚊或以下嘅飲品呢間餐廳無需加一 好抵食 而且呢度以越式食物為主打 個人認為呢度嘅生牛肉湯河味道正宗 可以再encore

收工同媽媽搵野食，咁岩行過呢度，見到開左間越南河，又咁耐冇食過，所以就試下，門口有電腦取票，撞正食飯時間，都幾多人等位，等左十分鐘左右就有位有套餐選擇，唔岩食既可以散叫，選擇都幾多呢度環境好舒服，柔和既燈光都令人好舒服，油畫同掛係牆上既單車令到人有一種好relax既感覺食越南野一定要食生牛肉湯河，餐廳仲會配埋青檸同指天椒，都幾正宗既食法，配菜同香料都好足牛肉份量都算多，唔會過生或過熟，湯底味道岩岩好，唔會好似食味精湯咁，呢度係用幼河粉架，好滑好好味另外見到廚師推介有香茅豬朳，所以就試埋，豬朳係分開上既👍🏻👍🏻，豬朳新鮮整出黎，上面仲加左蔥油同炸蒜片，夾埋一齊幾好味估唔到呢度有椰青飲呀，清甜解膩👍🏻另外仲叫左杯青檸梳打，唔會太甜，飲落去好fresh ，食完野最岩就飲返杯整體黎講食物質素唔錯，價錢又唔貴，選擇都好多，值得一試！

男友之前食過呢間越南菜話幾好食今日就帶左我黎一試果然唔錯喎十大推介既都好吸引而且價錢相宜---見到都已經餓本身已經鍾意食牛既我當然要點大受好評既生牛肉湯河粉生牛肉份量夠晒多而且因為係生牛肉,所以肉味好香濃河粉好爽口又滑溜蘿蔔好淋,而且入晒味香茅豬扒撈檬檬粉都爽口好清新,食到好開胃香茅豬扒好香口香茅味十足,而且豬扒都好軟熟美中不足係略咸左少少好新鮮爽口既柚子鮮蝦沙律最鍾意佢D柚子甘甘地唔會苦而且份量都好夠蝦就可圈可點一人一個主食加個沙律先150左右性價比真係好高

上星期四晚食過呢間越南菜餐廳，試咗2人餐，份量好多而去價錢吸引，最重要係味道都好好，值得推介生牛肉河粉。牛肉片薄得嚟唔怕太少太寡，味道濃郁。河粉亦好多，上枱時牛肉仲係粉紅色，浸泡多一陣就熟晒，時間控制得剛剛好。香茅豬扒金邊粉。豬扒滿滿的一碟，厚度足足一支筷子尾咁，而且香口嫩滑。重重的香茅味令人食指大動！伴碟的青檸及辣椒片亦都令湯底更加昇華。牛油雞翼。濃厚的牛油味包圍著雞翼，口腔內每一寸空間都充斥著爆香的蒜蓉及牛油的甘香味！雞翼好厚肉而且好有味，給我一碗粉或麵，簡直可以作一主菜食！越南春卷4件（小食）春卷炸得熱辣辣上枱。外皮鬆脆而內面仍保持多汁滋味。內面的陷數唔清楚，應該有蘿蔔、木耳、椰菜、豬肉、蝦肉、冬菇等等，多重的口感非常吸引！上湯生菜。

經過呢間越南粉專門店，一直都好想試，但lunch時段成日都坐滿人，所以這天趁未到晚市終於易搵位！一踏入餐廳，越南湯河嘅香氣立刻撲鼻而來，要立刻叫番一碗食呀！我叫左一碗河內綜合牛肉湯金邊粉， 加咗個扎肉蒸粉包小食同埋一杯熱嘅薏米水，呢個份量一個人食已經好夠飽㗎喇，碗湯嘅份量非常之多，綜合牛肉姐係有生牛肉、牛腩同埋牛丸， 牛腩非常之淋，但係又唔似其他餐廳咁，好似落咗好多鬆肉粉嘅質地，牛丸非常之彈牙同埋香，生牛肉亦都唔韌，好好味，個湯一啲都唔覺有味精，飲完都唔覺得口渴，加左少少青檸汁！個扎肉蒸粉包，新鮮蒸出黎，立刻熱食，裏面有蝦米肉碎，皮薄餡多，鹹鹹地配埋扎肉一齊食，呢個我一定要推介大家食👍🏻其他餐廳嘅薏米水通常都得薏米煲，但呢度裏面有埋冬瓜，甜甜地好好飲！服務員嘅態度好友善，又同我推介餐廳特式菜，值得一讚。

下個月先去越南旅行，一直心思思想食越南餐，好明顯我的身體很誠實很想去旅行。同友人訴哭後佢約左系荃灣食越一。越南PHO即是粉。餐廳主打越南粉，當然先來一個生牛肉粉！牛肉上台呈現半鮮紅色，因為我不習慣食得太生，所以浸一浸 生熟程度剛剛好。牛肉的分量都算多，d粉滑溜，湯底有薄荷等香料，好有特色。另外也叫了豬頸肉紙米卷。豬頸肉燒得剛剛好，本分我好怕豬頸肉整得好油膩，但餐廳的做法令到豬頸肉逼出多餘的油份，使豬頸肉爽脆得來之餘還能保持肉汁，紙米裡面的粉絲和粉皮好多，我的小嘴分開幾口咬又會散，唯有一啖放入口。食一舊已經好多好飽～～第一次試越式咖哩牛腩 原本以為會好辣 但只是微辣 反而有點點甜味， 牛腩夠淋，蒜蓉包夠脆，真系好想要碗白飯撈汁 可惜已經食唔多。再來一個柚子鮮蝦沙律。蝦唔算大同新鮮，酸酸微微，不過不失。

好耐冇黎荃灣食野今日同朋友食新之城打完機見肚餓周圍行下之際見到呢間幾吸引咁就入左去試下啦必須一提既係呢到既環境好光猛而且好舒服好適合同三五知己一聚==============================款式都算多十大推介既都好吸引又唔會貴店員話必食生牛肉河粉果然冇介紹錯夠晒大碗,兩個人食都夠生牛肉好新鮮,生生地所以可以保留到原味同口感最重要係份量好足食極都仲有河粉既靈魂--湯底都好鮮甜河粉好軟滑,而且食到淡淡米香蘿蔔軟淋淋入晒味又冇渣小食拼盤份量都唔少,款式又多春卷炸得幾香脆,而且唔會油膩炸蝦餅口感幾爽口彈牙,但唔太食到蝦味香茅豬扒好香既香茅味,醃得好入味亦都炸得岩岩好,唔會乾身香茅雞翼炸得係唔錯既,但略為咸左少少怕熱氣,叫左杯薏米水清一清呢杯薏米水可以話係非常足料足足有半杯薏米食緊都仲有,多到好似食多左碗飯咁非常有誠意不過美中不足係D薏米未散開,雖然係熟既,但係一舊舊咁兩個人食到飽飽先200蚊唔洗抵食

新年行荃灣，想食得豐富又經濟，我會推介越一 PHO 1，地點非常好，鄰近荃灣地鐵站，行到腳都跛，一食完過返對面就可以坐地鐵Home Sweet Home 喇。兩口子要食得精明，揀左$198二人套餐，全日免加一，全個套餐有豬、牛、雞、蝦，兼兩杯$18以下飲品，會計妹上身，如果散叫就需要$228至埋得單。法式牛油蒜蓉雞翼 $39，有四件，炸得脆卜卜，見到墊底生菜流左好多牛油就知有幾香；上湯蘿蔔 $18，個餐可另選上湯生菜，柚子鮮蝦沙律 $62，蝦夠大隻，柚子多而且甜；牛坑腩片河$45，原來想叫生牛肉河，但當日已售罄😱順化香茅豬扒檬 $45，厚厚豬扒，炸得香口；薏米水 $18，咁多薏米嘅薏米水，真係少見；凍鹹檸梳打 $18，半粒大鹹檸，夠哂味👍🏼

這天跟隔了半年未見的朋友吃飯。本來友人提出試區內一間有名的米線店，礙於近期外出吃得較豐富，所以想晚餐吃清淡一點。我見這間在路德圍的越南菜餐館有不少人入座，以晚餐來說價錢上叫合理。店內空間感適中，座位舒適寬敞，長時間坐下也沒問題。朋友先點了杯椰汁三色冰 （$18）。飲料尚清甜，內有椰汁糕、紅荳和綠豆蓉。這裡菜式選擇眾多，我們都比原定時間稍遲到達，有點餓意，所以點了兩份前菜：峴港鮮蝦米紙卷 （$42） 和紅河炸蝦餅 （$52）。米紙卷餡料豐富，內有數隻蝦仁、紫蘇葉、醃蘿蔔絲、生菜、檬粉，米紙質感黏韌、味道清新輕怡，蘸上少許魚露酸甜汁吃就剛好。蝦餅則相對香口惹味，吃完一件已有一定的飽腹感，若外表再香脆點會更美味。我們各自點了碗麵食。到這裡就是想滿足口腹吃生牛肉湯河 （$45）。上菜時牛肉片仍呈現淡紅色，數量稱不上多，但能做到新鮮嫩滑，牛肉味可以更濃郁。湯底牛肉味天然，濃淡適中。河粉夠軟滑有彈性，不會過生成了一團或是糊掉。我未有試朋友的生牛肉牛丸咖喱湯檬粉 （$51），但她覺得不錯，比前菜更對胃口。這餐之中最喜歡就是生牛肉湯河，其他都算是水平之作。來荃灣除了吃街邊小食，想吃簡單點可以考慮這裡。

不嬲都鍾意食越南野, 行過荃灣發現有一間之前未食過嘅越南菜餐廳，同朋友就決定入去試試佢😏一入餐廳發現整體格局較為狹窄，但係座位尚算坐得舒服。食物種類方面算多，亦有提供二人餐或者三人餐等套餐比一家大細或者情侶享用。今次我同朋友就選擇左呢個牛油雞翼二人餐，價錢為198, 揀左四隻牛油雞翼，上湯生菜，香茅豬頸肉米紙卷，生牛肉湯河同埋香茅豬扒湯河，夠曬我地兩個大男人食😌米紙卷都算足料，入面包左醃紅白蘿蔔絲，生菜，香茅葉同豬頸肉，點埋越式酸甜魚露夠曬開胃！上湯生菜比預期入味，亦唔會浸得過稔。牛油雞翼嘅炸粉厚度適中，夠脆口，入面肉汁豐富，牛油味好濃厚，配埋面頭嘅炸蒜一齊食有驚喜👍🏻👍🏻主角生牛肉湯河嘅生牛肉分量有四五大片，生熟程度視乎個人喜好浸湯選擇，肉質有咬口而不韌，湯底香濃，湯河為幼身河粉，啱我口味👍🏻朋友食嘅香茅豬扒湯河亦都頗為不錯，豬扒肉嫩唔柴，亦唔會太油膩。最後飲埋杯清爽嘅青檸梳打，perfect 😋