新越越式料理 (Moved) New Location

又到大閘蟹的季節今次約埋鍾意食大閘蟹嘅朋友一齊食88分鐘江蘇大閘蟹放題。地點係：Pho星登陸越球餐廳食越南嘢，任食除咗大閘蟹之外，仲有唔少越式嘢食，例如串燒、pho星生熟牛湯河、越式春卷、香茅雞翼、木瓜蝦沙律等等。亦有蟹粉小食，例如蟹粉水餃、蟹粉時菜、蟹粉花枝丸、蟹粉粥等等。對於小食我嘅興趣唔係太大，不過都想提下pho星生熟牛湯河唔錯！河粉嫩滑，湯底入味，食蟹肚空空，食返一碗好滿足。飲品方面選擇都算多，我飲咗檸檬茶、柚子檸檬水，仲有食完蟹飲薑茶。講返今日嘅主角大閘蟹：10月頭蟹未算好爆膏，不過每隻蟹都有適中蟹膏，膏與蟹肉一様鮮甜，有少少蟹膏都有痴口。食完一隻又一隻，好幸福，哈哈！我同朋友顧住傾偈食得比較慢，每人食咗7隻。而家回想返都好想再encore，等遲吓十月中再去食爆膏嘅！新越越式料理 (九龍灣)九龍灣展貿徑1號E-Max 國際展貿中心2樓25號舖

秋風起梗係食大閘蟹啦🦀食大閘蟹梗係食放題大閘蟹先夠過癮🤩九龍灣有間餐廳有88分鐘大閘蟹放題即刻約埋閨蜜一齊去食餐廳唔算好大，職員好親切餐廳有其他食物可以選擇間餐廳係越南餐廳梗係食下越南河粉啦乜都未食之前梗係食個河粉先啦河粉好滑好正，湯底好清而且比我想像中大碗大閘蟹好快就到啦不過餐廳唔夠貨，所以我哋食嘅蟹係四至五兩但職員都好好見我哋一場嚟到專登比四隻六兩我哋試吓😍開心到發光🤩有興趣嚟食嘅朋友記得打電話預約啊🥰大閘蟹雖然唔算好大隻，但係啲蟹膏好鮮甜我哋食得好盡興餐廳好好，就算過咗88分鐘，都俾我哋慢慢食埋啲蟹腳先之後仲有薑茶飲添🥰新越越式料理 (九龍灣)九龍灣展貿徑1號E-Max 國際展貿中心2樓25號舖

今日黎開附近做嘢，發覺展貿都好多嘢食！食肆都應該有10幾廿間！林林總總！各式各樣都有！不過同事鍾情越南菜，所以我哋揀咗越南菜食😁呢間價錢唔貴，合理水準！前菜嗌咗木瓜蝦沙律，木瓜幾爽口！個汁都開胃！主我哋嗌左穩陣好味嘅海南雞配上兩隻唔同嘅醬汁！任君選擇！廚師仲要比雞脾，大大件又滑滑！雞肉晤錯！叫咗串燒有豬肉同雞肉！陳奕迅陣陣香味！飲品方面，同事嗌左佢最愛嘅珍多冰而我就嗌左經典之選青檸梳打！冇得彈！

從前在九龍城工作，很喜歡和Honey到一間越南食館吃午飯，喜歡這裏的生牛肉河粉和鮮茄牛腩河。後來，這食店結業了。今天我和Honey到九龍灣展貿中心，在美食廣場逛了一圈，還是想吃越南粉。一坐下看到餐牌，很熟悉的樣子 - - 鮮茄牛腩河！然後才看看店名「新越」……是不是就是我和Honey從前在九龍城常常幫襯的？沒想到在九龍灣重遇！我當然叫我最喜歡的鮮茄牛腩河 $68可惜，可能師傅不同了，鮮茄湯不再濃。不過，河粉依然非常滑，而且份量好多。連牛腩份量也不少。大大碗$68包飲品，果然是童叟無欺！我沒有要熱飲，+$9轉椰汁三色冰。三色冰好多料，滿滿的，簡直是飯後甜品。Honey就叫火車頭河粉 $81好大碗呀 ！牛肉片、牛腩、牛柏葉、牛筋、 牛丸……材料好多，而且牛肉味好香，不羶。+$10轉飲滴漏越式咖啡。跟從前一樣香濃。沒想到今天能與舊味道重遇，真好！

越式札肉炒金邊粉外表不太美, 味道一般, 配菜有青椒、紅椒,、椰菜一齊炒, 但成碟都炒得比較林, 調味都比較普通同清啖, 好在油不是太多, 食完唔會覺得油膩。金邊粉的份量比較少, 配菜(芽菜同椰菜) 就好多, 似食緊炒菜多過似炒金邊粉。

叫左個生牛肉湯河加杯椰汁紅豆冰，坐低5分鐘左右就有得食～牛肉係不錯，唔un口，個湯都有牛肉味，仲另外附上香草，青檸，辣椒可以自行落落個湯度。椰汁紅豆冰係正路野。70蚊埋單唔算平，但可以接受。

去九展睇show梗係醫左肚先其實九展選擇都幾多最後揀咗越南餐廳我哋兩個人叫左兩碗檬粉加小食生牛肉湯檬我唔食蔥同芽菜 所以要求全走味道好好 牛肉份量都幾多越南春卷都夠脆 不錯串燒沙嗲一共有四串（包括雞肉及豬肉）唯一比較遜色既係椰汁冰呢杯係似椰汁加汁 唔係椰汁冰

嗰日同朋友去食晏晝飯， 突然好想食海南雞， 今晚餐廳又有， 所以就叫嚟試下。 佢個飯嘅雞油味好重， 溫度亦都相當好， 新鮮熱辣， 個雞肉唔算超級嫩口， 但都算滑嘅， 啲雞皮好嫩滑， 再配埋側邊嘅薑蔥蓉， 就特別惹味。 而我鍾意啲薑蔥蓉唔係好咸， 亦都砌得好細好細粒！！雞嘅份量唔錯同埋有疊兩條菜。正！最後我好鍾意將啲雞肉點落去個酸辣汁， 比起傳統點薑蓉醬更加 刺激！！！

今次介紹九龍灣展貿中心的新越越式料理， 每次到都會食生牛肉河粉， 生牛肉河粉的湯底一定要夠熱， 這裏做得到👍🏻， 生牛肉嫩口好味， 份量又夠多， 價錢亦很抵！ 近期天氣熱， 除咗熱辣辣的生牛肉河粉之外， 今次仲食雞扒撈檬， 雞扒大大塊， 啖啖肉又有肉汁， 撈檬嘅精髓當然係酸酸甜甜嘅醬汁， 刺激味蕾又開胃， 夏天首選！雖然九龍灣國際展貿中心唔算係就腳嘅地方， 但近呢幾年都開咗唔少餐廳， 疫情之前更加會經常揸車入嚟睇戲食飯， 希望快啲可以過返正常嘅日子！ 新越越式料理地址: 九龍灣展貿徑1號E-Max 國際展貿中心2樓25號舖

今日去九展想睇Comic World展覽,所以喺food court果層求其搵左間越南餐廳食吓河粉算去到要喺阿姐個counter度嗌左嘢食先搵位,有八達通付款都幾方便我嗌左先🍅🐂🍜鮮茄牛腩湯河$59,跟餐仲包杯熱飲,個湯河個湯底🍅番茄味好濃,牛腩有炆得好琳,係幾好食👍男朋友好大食,嗌左個🍜火車頭湯河$81,又係跟餐包杯熱飲,見到裏面啲料都好多,佢話碗嘢都ok我跟餐嗌左杯柚子茶☕️, 其實相同埋真實睇到嘅角色水都係黑色,同平時啲柚子茶☕️有啲唔同,怪怪地,個味道都唔係好濃, 係飲到落底先好甜,有機會我未攪勻嘅🙈

同朋友去九展 shopping，順便食埋個lunch， 佢話想食越南嘢，見呢間餐廳餐牌價錢合理，不妨一試先到櫃面落order畀錢，跟住佢哋會將食物送到你面前。畀完錢返埋位，生牛肉湯河已經送上，出菜夠快，啱曬喺呢頭返工嘅打工仔。生牛肉大大塊，配上洋蔥，芽菜同香口炸蒜粒，湯底香甜朋友叫咗咖哩羊腩飯，羊腩加薯仔，另外一大碟白飯，份量十足，羊腩同薯仔入曬咖哩汁味套餐包飲品，加9元仲可以轉特色飲品。 叫咗三色冰，同比較少有嘅海底椰冰，甜甜地，又解渴仲叫咗我哋嘅至愛嘅沙嗲，牛肉，雞肉各兩串，沙嗲汁惹味兩個人食夠曬飽，價錢也合理

去開Emax睇戲，就係入面揾間野食下喇，夜晚時段冇乜人，好多餐廳都冇開喇，見呢間仲開緊就入去食喇叫左個豬頸肉湯粉，個豬頸肉真係好高質，望落唔係好肥，但食落又有油脂爆出黎好正😋,而且份量又多，十分抵食之後叫左d小食，有蝦餅，平時出面食係一粒粒咁，佢呢度係好大塊切開左咁架喎，唔講仲以為係炸豬排😂佢炸得好香好脆，配埋個醬酸酸甜甜仲好食😊仲有唔少得要叫米紙卷，佢入面有菜，豬頸肉，好多米粉，上面仲有炸蒜粒，切到一粒粒其實可能係比你一啖食，我嘗試分開兩啖食，結果係會跌左d料出黎😂所以最好係要一啖食哂佢😋最尾我地叫埋野飲，杯海底椰冰好少見，就試下，入面有d白色既應該係果肉，好好食😊下次黎開emax 想食下特色野可以試下呢間☺️

去emax看電影，發現多了很多餐廳，晚餐幾十元就可以吃泰菜，cp值很高。海底椰椰汁冰有非常濃厚的椰子味，特別喜歡海底椰，份量多，煙韌有口感，想不到飲品會像糖水，平時食糖水都要幾十元，飲品都有糖水質素感覺賺到了。蝦餅很彈牙，蝦的鮮味十足，即叫即炸，上桌時很熱很香脆。豬頸肉紙米卷內的蔬菜清甜爽口，豬頸肉份量亦足夠，每件都食得到肉，而且是厚切的。蔬菜的清新可中和豬頸肉的肥膩，兩種食材配搭一起的口層次豐富，讚。

近九展附近無什麼多食肆選擇，特別是中午時間更難找位置堂食，今日中午時份去了九展food court，人流十分多，見到有生牛河，就一個人入了新越越式料理，因為太多人，本已預了等很大久。在櫃枱order完先付款，然後找個位坐就會有店員端上食物。新越火車頭粉，份量其實夠兩個人吃，有生牛肉、牛丸、牛筋、熟腩、牛柏葉和蘿蔔。生牛肉夠新鮮，滾一滾熱湯配河粉不錯。蝦餅調味十足，即叫即炸，所以香味撲鼻，真抵吃！柚子茶因爲茶底是紅茶包，味道就蓋過了柚子蜜。

上個星期到新越點了越式鮮茄牛腩河， 可惜到的時候湯底燶了， 所以改食生牛肉河。今個星期日又到新越吃午餐， 死心不息都要食番碗鮮茄牛腩河$61，還有點了生牛肉河$61，炭燒香茅豬扒湯河$56，跟餐兩杯柚子茶和熱可力。這裏的鮮茄牛腩河真是很好味， 超濃的蕃茄湯底， 牛腩又淋又入味，份量也非常多。 生牛肉河經常都會食的， 食生牛肉河最重要湯底夠熱，牛的肉質夠嫩滑。炭燒香茅豬扒湯河， 反而豬扒比較硬身， 但香茅味濃。食越南粉一定要有這些配菜。