錦麗 (創紀之城五期(apm))

Open Now

Now Closed

錦麗越南牛肉粉專門店，有9間分店，太太推介說，在香港食越南河粉，可推介錦麗。錦麗綜合粉，有生牛肉、熟牛肉和牛丸，$66。 河粉好滑，牛丸好吃。錦麗熟牛肉粉，$60，熟牛肉合格，唔硬。 可以選擇加很多香料配菜越南特色，太太喜歡，小朋友不。香茅豬扒撈檬，$65，豬扒好吃，撈檬有很多菜和紅蘿蔔。越式炸春卷(4件)，$38，一般。環境清潔整齊，食物質素很高，大人應該喜歡吃，可惜小朋友不喜歡香茅和香料，未能夠欣賞好吃的越南河粉。

喺APM附近開完會, 見差唔多晚飯時間就入MALL醫肚仔。求其亂入左呢間餐廳, 因為未來過就隨便點了個「綜合」款的, 貪佢咩都有, 點都有樣啱食掛!一上菜已經聞到陣香味, 賣相又吸引, 果然冇令我失望!! 綜合有生熟牛肉及牛丸 ---- 牛肉好冧好入味, 牛丸好香咬落又多汁, 仲好彈口添, 應該係自己手打的, 湯底好清但又好夠味。綜合粉ON THE SIDE配有生芽菜、BASIL LEAVE及青檸, 唔夠可以免費任添, 呢樣幾大方又貼心, 仲可以淨要生芽菜添~

來到觀塘apm見到從前要排隊的錦麗沒人等位，於是入去吃個雜錦越南牛河，感覺沒以前好味了，湯汁好咸，除了牛丸有牛味，其他都不太好吃，而且吃後比較口渴。水又要自己去倒，如果一人來吃實在不太方便，店員沒什禮貌，只顧與同事閒談，這次再來實感失望。

又辛苦左一星期啦，Happy Friday放工緊係要搵淡好野食啦，今晚就同阿女去錦麗食我最愛嘅越南湯河😋🍜錦麗綜合粉 - （生牛肉、熟牛肉、牛丸）生牛肉好林滑，肉味濃郁；熟牛肉，我覺得其實係牛坑腩，最鍾意痴住d筋，好有咬口；仲有牛丸，夠彈牙😋

朋友早排去越南回來，送了幾包越南牛肉河粉當手信，佢話越南的牛肉河係好好食今晚屋企冇飯開，所以到錦麗食佢地的越南河粉，睇下係唔係真好食。門口有個大招牌，話係越南胡志明市最好吃的品牌，咁就要試佢地的招牌河粉叫咗個生牛肉河粉，嚟到，聞落好香，先飲湯，個湯底好鮮甜，有牛肉味，加上蔥花香牛肉，浸多一陣，熟多少少，好滑，有牛肉鮮味河粉，條條分明，入口又軟又滑

把幾火，等好耐位唔緊要，好心你話俾人聽一半餐牌嘅野冇得食吖。餐牌已經唔係多野揀，全部撈檬冇，好多小食都冇，自己呻一聲「冇咩野揀咁」，伙計話「係咁㗎啦。」其實呢，一句唔好意思呀，好多貨供應唔穩定，我會收貨㗎。

位於觀塘Apm既錦麗，地理位置方便，係食lunch既不二之選呢個牛丸河真係好好食好有牛味，而且口感好特別好爽口，而且個湯好濃味，今次小食點咗蝦餅，都唔錯但如果要選我會揀牛油雞翼

每次食越南野只會叫生牛河，第一次食錦麗，唔知叫咩好既情況下，叫左個雜錦試下，湯幾清夠味，芽菜、香葉好新鮮。最期待試生熟牛同牛腩，結果係鞋鞋地之餘好淡味，頓時覺得錦麗麻麻, 但食到最唔期待既牛丸時，竟然有驚喜，超juice又香（本人平時有得揀係唔會叫牛丸，因為太乾），因此，每次去錦麗只會食牛丸河。另外一個驚喜係牛油雞翼，蒜香同牛油好夠味，雞翼本身好夠味又滑，皮脆粉薄，正野飲推介凍庶汁，唔係好甜，好清香，飲完好舒服。

早幾日放工終於去食左錦麗既越南河粉😆之前見好多人去排隊次次見到好長龍所以就冇試食到今次食完終於明白點解咁多人排隊！APM 呢間係比較快餐式既餐廳啲客大部分都要併枱坐地方比較窄 多數食完坐一陣就走所以雖然有幾個人排隊 但好快已經有位俾我我叫左個生熟牛肉河粉枱面有教點食係做好味既我都跟住佢既教法試😆首先飲左啖湯 確實係好濃既牛肉湯底仲有甜甜地既味道 調味做得十分好👍🏻 之後就可按個人喜好加啲香料、青檸汁、辣椒同芽菜我就唔偏食所以咩都加哂🤣🤣雖然就唔係太食得出有咩分別🤔主角既生熟牛肉 兩款牛肉都係好軟 而且都唔係薄片既牛肉片👍🏻配埋軟軟既河粉同牛肉湯啖啖都有好濃既牛肉味道充斥個口 第一次食到咁好味既pho🙈最尾仲會忍唔住飲多幾啖湯🤣我仲叫左個崩大腕杯飲品唔算中伏 但未必人人都接受到😂佢係可以揀幾隻味 我就揀左綠豆 感覺下火啲😂第一啖飲落係好甜既然後就會有陣青葉味散發出黎我個人飲落覺得還可以叫做好fresh 🌿但如果唔中意青葉味既朋友可能會接受唔到🙈整體黎講 我覺得呢個價錢既食物係相對高質👍🏻牛肉同個湯都有啲驚喜所以平價又抵食如果唔介意比較快餐式既可以一試😉

店內環境不算大，座位之間較少空間，人客多的時候感覺較擁擠。店內燈光較暗，衛生情況看上去也不錯。食物方面只有很少的選擇，記憶中只有5-6款主食（都是湯河），6-7 小食。朋友推薦我嚐嚐牛丸湯河粉，果然名不虛傳！牛丸大顆，肉質彈牙爽口，咬下去的時候會滲出一點點牛肉汁，一試難忘。湯底方面較清淡，沒有味精，感覺比較健康。小食吃了米卷，份量較少，味道不錯。嚐了一口朋友的牛肉，質地不會過硬，吃下去挺有口感，不錯！

同朋友經過觀塘，係度食埋lunch, 佢話呢度有間越南野幾好食，仲要有滴漏咖啡，咁梗要試下。佢點左個蝦紙卷做前菜，個蝦都幾大粒同結實（即是唔梅），係唔錯既。我點左個雜錦粉，乜都有試下。個湯一般，生牛肉唔錯，但係要特別提個牛丸係十萬級出色。完全唔係港式牛丸個種咬落去只係一粒有牛味既丸，佢會爆汁😱，仲要牛味勁香濃，我完全可以為左粒牛丸再黎。到左最期待既凍既滴漏咖啡，等啲咖啡滴落黎都要一陣，食完碗麵就岩岩好喇。然後就搞勻啲奶同咖啡，倒落去啲冰度。完成。真係幾好飲既，都有牛奶咖啡既香濃幼滑。值得一試。

老公收工同佢食粉麵，去左錦麗。聽聞係最正宗最好味嘅越南粉，正唔正宗我就唔肯定，不過確實係幾好味嘅😋，定應該話好難會整得難食🤣😋📍錦麗綜合粉$66👉🏻有齊晒生牛肉熟牛肉牛丸，啱晒有選擇困難嘅我！👍🏻湯頭清徹好味道，牛丸爽口彈牙，牛肉香濃，好好味！📍香茅豬扒撈檬$65👉🏻豬扒醃得入味，上枱時剛炸好，酥脆好味😋配合檬粉醬汁，酸酸味味，好開胃😋😋📍法式牛油雞翼$40👉🏻個人認為必叫，牛油味極香濃，雞翼好香脆，超級無敵正！📍大蝦扎肉米紙卷$30👉🏻米紙卷晶瑩剔透，包有蝦肉、扎肉絲、粉絲和金不換，配上魚露，清新好味道！📍椰青$40，🥥夠凍夠新鮮🍸📍凍薏米水$22，好有薏米味，唔係溝勁多水水果種，覺得幾好👍🏻呢間野確實係幾好味，粉麵好難做得難食，好味實屬正常。但係個炸雞翼真係十分出色，食得好開心。晚餐來講算平價之選💰✅✅

錦麗係我目前為止食過最出色嘅一間越南食店，而我同時間都介紹左錦麗比好多身邊既朋友！👍🏻 佢好味既地方係佢擁有獨特既湯底，出面係食唔到，而佢既牛丸十分彈牙，爽口得黎又多肉汁，六十蚊一碗性價比係十分之高～另外值得推介既都有佢地既滴滴仔越南咖啡～佢咖啡味十分香，並且夠滑～值得一試❤️

黎到lunchtime APM次次都好多人 呢間係比較易等 因為人流得快 佢無得拎ticket 係人肉排隊 雖然睇落好長 但好快就入到去好多人都會叫牛肉河 雜錦個d 但真係要推介大家食佢既牛丸河 佢有6粒 真係好鬼好食 唔似平時d丸 佢係好濃好濃既牛肉味 咬落去係會爆d油香既汁 好鬼juicy 我去過vietnam既錦麗 佢既牛丸都係香港呢間咁正 佢既粉好滑 湯底清而香 佢會俾你加芽菜 青檸 金不換個d香料俾你 加入個湯更香你可以加配埋薏米水 好消暑

點了個熟牛河食，湯頭出奇的又清又甜，應該是我食過的越南粉中湯頭最好的，加埋五層塔丶芽菜丶青檸味道更加豐富，這些都可無限添加。河粉亦有彈性，只是細碗左少少，價錢亦偏貴（$60）。