錦麗 (創紀之城五期(apm))

Open Now

Now Closed

叫完份外賣，等左1個鐘以上，餐廳先至cancel我張單。然後打10幾個電話比間餐廳都冇人聽。非常之冇責任心，價錢又唔係平，絕對冇下次。咁差嘅服務都有。我唔會再幫襯

今日入完長洲 諗住出返觀塘工廠區食韓國野 點知太遲book唔到位 就轉去apm揾野食 見到錦麗排隊人數唔多就去左試下點菜好簡單 用返qr code 門口好大張海報貼住第二份半價 仲要係全日套餐 錦麗生牛肉粉配咸檸檬青檸梳打 原價$66 而家第二份半價 兩份總共$99都幾抵 可能呢個套餐相關熱門的關係 一點菜唔駛五分鐘就上菜 唔知侍應係咪太忙 完全冇畀牙菜香葉 湯底還可以 牛肉都好嫩滑 有牛味套餐可追加小食 我哋就叫咗越式蔗蝦 金絲網蝦春捲 兩款小食都只係加$36 條春捲好幼 入面好似冇餡淨係食個皮咁 另外越式蔗蝦d肉仲小過長洲大魚蛋 兩款小食唔難食 但無特別 法式蒜蓉牛油雞翼 $45因為係即點即炸 熱辣辣 但雞翼就唔夠入味只係外皮放上牛油 炸得好硬 整體味道就一般般 因為雞肉真係冇味餐廳被華爾街日報評為胡志明市最好食嘅牛肉粉 可能胡志明市真係好食 但香港嘅錦麗真係麻麻地唔會再去

雖然錦麗既價錢係比較貴左小小，但係佢又真係好食喎，食過德福，銅鑼灣，觀塘，喺食物方面都係好食，個湯底真係好正，今次仲係撞正做緊50年優惠，叫左個餐，都幾抵食，有2碗生牛肉河，同2杯鹹青檸水，另有仲可以用優惠價錢追加小食，蒜香牛油雞翼一定要食啦，支持😋

非常熱衷於越南菜，越南菜有自己獨特的一種味道，特別善用不同種類的香料製作美食，越南菜的酸辣味與眾不同，食落非常開胃！錦麗綜合粉實在係大愛，生牛肉的質感好正，滑嫩，而且唔會係好肥嗰d牛肉，個人更喜愛食偏瘦的。湯底好香濃，平時好少會喺出面食麵飲埋d湯，但呢個味道太吸引，酸酸辣辣，我會擠曬d檸檬汁落去，加埋幾粒辣椒，成個味道更上一層！

最近經過APM錦麗，門口大大塊牌寫住錦麗堅持50年，香茅豬扒香濃雞湯金邊粉配一杯美祿（凍或熱）買一送一，平均每份$34。今日lunch就專登為左呢個買一送一同同事落黎食下，餐廳都已轉左同QR code落單，但係搵黎搵去搵唔倒轉凍美祿🙄算數，杯飲品並唔係我今日黎食嘅主菜😬。店員話今日呢個餐要轉撈檬，我心諗，呢排咁鬼熱，食撈檬清清爽爽仲醒胃😋。撈檬黎到，唔好以為買一送一就就細細份，一大塊炸豬扒撻左係度🤣，仲有好多肉鬆、青瓜絲，紅蘿蔔絲同芽菜，跟餐仲有一杯撈檬汁，淋埋落去酸酸甜甜，清清爽爽，好鬼好食，豬扒雖然唔講得好有肉味，但係熱辣辣炸出黎， 香茅味好香，真係要講多一次好鬼好食😋。不過杯美祿就好難飲，啲水應該唔夠熱，美祿粉沉澱左係底，攪極都唔多勻，仲甜到爆晒燈，最後只係飲左一啖就放棄啦😝。

第一次食錦麗就獻左俾APM呢間分店，因為朋友介紹話好食就試啦😄錦麗牛肉粉$58湯底就一般越式味道不過不失，牛肉就幾好軟嫩得黎又有牛肉味，唔會鞋口，另外跟青檸同芽菜，金不換係都新鮮，芽菜夠飽滿😉法式牛油雞翼$34好有驚喜嘅小食，非常之脆好一口咬落去好似食薯片咁，好正又過癮👍🏻，之前係其他越南餐廳都食過，但都冇錦麗做得咁脆身，肉仲好嫩滑總結：暫時牛油雞翼係我食過最正嘅，為左佢會再返黎嘅😋😋

傳聞中越南過江龍，身邊好多人都推介過，可惜一向對越南菜興趣麻麻，所以提唔起心肝食。 但今日朋友揀左想食呢間，唯有陪下佢。叫左個雜綿，貪心啲希望一次過試晒佢所有餸款。芽菜同香葉係另上的，呢點真係要讚下，可以自行調整自己想食既份量。牛腩肉比較乾同紮實，油脂少，所以食落麻麻。生牛肉唔知係咪湯唔夠熱，需要浸好耐先開始轉色，屬正常牛肉片，沒有太大特別。牛丸好食，可惜一只有一粒半，唔係好鍾意裝久類切開一半再上，視覺上令客人覺得份量多，但令到牛丸水份同肉汁不能被鎖住，而且一係就俾兩粒，咁樣切開一粒半扮三粒，真係唔夠大方。炸春卷無肉，內裡只有素菜絲，而且味道怪怪。但夠熱的。

2/5(中英雙語，Chinese and English review)除咗豬扒同牛油雞翼正常小小。湯底麻麻，個麵成餅嘢。炸嘢油淋淋，春卷甜都唔緊要，個餡得粉絲。(Google translate)In addition to the pork chops and butter chicken wings are normal. The soup was meh, and the noodles became cakes. The deep-fried wonton is dripping with oil, and the spring rolls are sweet and poor filling only with vermicelli. #queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

疫情下好多公司都wfh，觀塘區都少左好多。呢日黎apm，人流少，感覺上都好啲，如果仲係人多都幾弊。唔駛排隊就有張多人枱俾我哋，同事講平時店員態度麻麻，今時今日接你入餐廳時四萬咁口。戴口罩有手套都係基本。生牛肉粉，63元。黎親越南嘢，都係鍾情撈檬系列，豬扒撈檬，65元。加魚露無得輸，配料都夠嘅。豬扒煎得唔錯，香茅味就淨小小。多小小人就可以叫下小食，大蝦札肉米紙卷，30元兩件，蝦夠爽口，好有口感。炸手作蝦餅，40元2件，好食，蝦味夠，係熱上，唔係翻整。法式牛油雞翼，40元4件，都幾香牛油味，我個人怕太油，佢還好啦。

本身就唔係因為某個食評話佢係全香港最正宗所以先入去試嘅，但係因為APM入邊啲餐廳都食到悶悶地，所以就就不如入去試吓睇吓有幾利害啦咁咁。其實都好多人食，所以被安排坐喺近門口嘅地方，咁食個快嘅晚餐咁都冇咩所謂啦。Menu入邊選擇唔算太多，越南野都係湯河類啦，炸嘅雞翼呀，咁目標係想試嘅所以每類都叫咗少少嘅。講個湯河先啦咁，其實d 湯第一啖飲落去真係覺得話OK喎，個味道好濃厚，好刺激食慾，加上香料，芽菜，辣椒，配起上來真係幾好食，但係繼續食落去呢就發覺，"咦佢係咪好似加咗味精呀？"因為越食越口渴咁樣，我本身冇嗌飲品，所以忍唔住啦要去拎幾杯水返嚟，係真係會渴。咁碗粉入邊有牛丸啦生熟牛肉啦咁，牛丸係好食嘅，但係個牛腩就好鞋好韌，好誇張好難咬同吞，另外生牛肉都熟晒咁滯個雞翼炸唔錯嘅加埋牛油真係好香，個價錢唔平但係如果你係一人一兩隻其實我覺得都OK既小食來講。咁另外嗰個卷呢佢係正常發揮既，食落去都好清新嘅，加埋個source 其實就食落好舒服，要講只能講入邊嘅蝦其實浸冰水浸浸到冇晒味，而且唔夠爽。咁以快既晚餐來講，其實整體都OK嘅，價錢唔算太平，如果有朋友提出想去食嘅話我都會再去食既

最近，我都過著返工返屋企的日子，甚少出外吃飯。今日放工，即興約左朋友去觀塘apm 錦麗食晚餐。平時見呢間好多人在外排隊，一來鋪面比較少座位，坐不到太多人，所以好多人需排隊等候入座，形成好多人光顧假象。我這次也等了一段時間才能入座，鋪內擺設精緻，而且食桌和椅子比較窄，空間感好迫焗。我自己袋都要放係大腿上進食😅這可能香港地寸土寸金關係，所以係apm商場的食鋪都要善用每一吋地方做生意。我地點左：錦麗綜合粉（$62）、大蝦扎肉米紫卷（價錢忘記）、熱玫瑰龍眼茶（$18）一齊share 食。我比較喜意大蝦扎肉米紫卷，配埋佢地既醬汁，非常滋味！ 但錦麗綜合粉，比較咸和份量好少，性價不值呢個價錢；佢碗有生牛肉、熟牛肉、牛丸，少量粉，再加杯芽菜幾片九層塔調味。最後，我認為佢性價不值呢個價錢，試一次便足夠。我們因為點的不多，所以埋單也是200元內。

去APM 錦麗，每次都會叫生牛肉湯河，呢個簡直係我至愛，牛肉軟滑，加埋杯牙菜，幾片九層塔，另湯底更加清新。燒雞紫米卷，除左燒雞外，卷入邊包住好多新鮮嘅蔬菜絲，好爽口清新😋越式春卷，呢個都係好好味，每次食都係即叫即炸，熱辣辣上枱。凍薏米水，薑味唔算太出，勝在唔太甜，好岩而家呢個咁乾燥日子飲👍🏻

今日突然間超級想食越南嘢食，喺附近搵黎搵去，只搵到呢一間，於是最後尾就過咗嚟試一下叫咗一個牛丸河粉，同一個大蝦米紙卷，啲牛丸幾好食，河粉都幾滑，係典型嘅越式好食，雖然唔去到驚艷嘅程度，米紙卷都係正常嘅，不過不失

中午同同事食lunch打算食牛丸河粉啲侍應呀姐服務超差 坐位超逼，由其冬天大家啲褸都比較厚，仲要勁多人圍一張枱，到食野個陣真係要小心啲湯彈到人。到食物黎之後，食物份量又少過以前好多。到食得7788 同同事講左兩句only, 個侍應呀姐就邊扔紙巾落黎碗未食完既河粉到邊問係咪唔要,阻止都阻止唔切。 心諗，呀姐你都扔左垃圾落黎，我仲點要呀！總括而言，食物尚算唔錯既，但食完餐飯感覺你唔係去食野囉，只係去比錢，仲要係排隊比錢。唔會有下次囉！

去到觀塘APM ，同朋友唔知食咩好啦！我地就玩抽籤睇下食咩，我地一抽就抽中咗食呢間。呢間一直都有見要排下隊先有得食，不過見連鎖店品質應該普通所以都無特別諗嚟試。我地嗌咗有生牛肉，牛腩，牛丸個個牛河啲肉同粉都幾多。首先跟佢食法飲啖湯，個湯真係好出色！飲得出係足料去煲，好香牛肉味，事後都唔覺口渴。生牛肉啫係肥牛，我就覺得普通，可能太瘦。熟牛肉就唔錯，腩位唔老，食落好淋身。牛丸就真係好出色！好juice，又彈牙我覺得真係好似食神咁用嚟打乒乓波，同大嗌好好味呀！