錦麗 (創紀之城五期(apm))

Open Now

Now Closed

I read about this place ages ago online, apparently it has good pho. So I tried it, and it has become one of my favorite pho place ever since.I like the flavor of the broth, I could just drink it by itself haha. It doesn’t taste artificial, or full of msg.I usually order the beef pho, the portion is big enough for me, always left with a food baby.🤪

熱辣辣熱辣辣，好熱好熱～～～～即刻去APM嘆個冷氣順便同另一半醫肚先🤤———————————————————————以上係餐牌，其實好多選擇，價錢又唔貴👍🏻特色小食併盤📣呢個併盤真心出色👍🏻每樣小食又脆又香又夠熱🔥牛油雞翼更加值得一讚，雞肉嫩滑，仲有微微油香，咬落去又脆🤤如果唔想食併盤咁多，就咁叫個牛油雞翼都絕對唔會失望✨胡志明綜合粉👍🏻👍🏻👍🏻湯底濃郁既牛味，牛丸意外出色，牛味重，而且有汁，好有咬口👍🏻牛肉同牛腩份量充足，一定食得好滿足🤤🤤札肉魚餅香濃雞湯金邊粉另一半食呢個，佢話雞湯底好好味，不過要留意有少少偏重味架🤫札肉同魚餅食落去好有異國風情既感覺，清新一下真係好好食架👍🏻👍🏻————————————————————————總括嚟講，所有野都好好食，價錢又唔貴👍🏻其實仲叫左杯暴龍美綠，不過無影相。忍夠茶記淡而無味既凍華田凍可力既朋友，飲完呢杯真係忘記唔到佢😂😂😂

《錦麗》——— 好似係胡志明最好賣嘅越南pho1️⃣錦麗綜合粉粉 $68（生牛肉+熟牛肉+牛丸）生牛肉係澳洲肉眼 👍🏻👍🏻👍🏻👍🏻👍🏻牛丸 好彈牙 👍🏻👍🏻👍🏻👍🏻👍🏻不過份量唔多另外仲會有一碗仔既配菜：生豆芽菜、九層塔、檸檬、生辣椒想食得再正宗啲可以問佢拎拉差醬(=辣椒醬)同埋甜醬黎掂牛肉食推介 ⭐️⭐️⭐️⭐️🌛.2️⃣牛油雞翼 $45 (有四隻)套餐冇得加雞翼 唯有散叫一拎到過嚟就會聞到好香食完個口一定有陣好勁嘅牛油味🤣出面炸到脆卜卜入面啲雞肉好嫩滑推介 ⭐️⭐️⭐️⭐️🌛.錦麗 (創紀之城五期(apm)) (觀塘)觀塘觀塘道418號創紀之城5期(apm)4樓19號舖.#觀塘美食 #觀塘 #觀塘店 #apm #錦麗綜合粉 #錦麗越南牛肉粉專門店 #觀塘食乜好 #觀塘食咩好 #foodiehk #foodstagram #kwuntongfood #kwuntong #越南河

APM的錦麗下午茶時段都很多顧客，我們都要等一會才可入坐。下午茶的選擇也多，最緊要是環境乾淨衛生，讚。魚丸香濃雞湯金邊粉 湯底好濃，濃濃的雞場呈金黃色，入口甜美，魚丸大大粒，彈牙爽口，金邊粉吸收了濃湯精華，很好吃的下午茶。錦麗生牛肉小粉 份量剛剛好，清甜清澈的牛肉湯，入口順滑，牛肉鮮嫩配上洋蔥及青葱等，非常可口。凍的自家薏米水甜度剛剛口，一頓美味的下午茶結束今日的行程。

一排沒來食，估唔到而家改到要手機落單，其實仲方便啦！今次叫左個熟牛肉河，佢既牛肉又真係好大舊，但一d都唔韌，又沒渣，好軟淋淋又未至於入口即化個隻，但真係好食。個河我就勁中意，勁多是拉查醬送來食，真係好正呀～男朋友想食清d，叫左札肉雞絲金邊粉，試左幾啖味道ok，但覺得依度都係牛肉好食d。最後，小食點左炸春卷。佢係好脆入口唔係太油，但唔算好多料包係入面，都係拎來點佢既酸甜醬來食架啦。一貫高質水準，不過下就唔食春卷食番個米卷了。

每次想食pho都諗起錦麗， 今次與朋友到觀塘觀塘道418號創紀之城5期(apm)4樓19號舖的分店。 看餐牌後我們都想食胡志明綜合粉$68， 所以點了兩碗， 然後追加小食家鄉魚餅$22和金絲網蝦春卷$16， 還有飲品熱越南滴滴咖啡$32。胡志明綜合粉～ 又想食牛丸又想吃生牛肉，最適合就點胡志明綜合粉， 牛丸彈牙， 生牛肉嫩滑， 反而牛腩口感有點硬， 湯底熱辣辣的， 配上河粉， 非常滋味。家鄉魚餅～ 魚餅兩小塊， 微辣帶有香茅味。金絲網蝦春卷～ 春卷外脆， 香口小食。熱越南滴滴咖啡～ 每次必點越南滴滴咖啡， 香濃又好味。一向都喜歡錦麗， 食物質素中上， 餐廳整體衛生整潔， 價錢相宜。

疫情期間唔想出去食嘢所以決定買外賣返屋企食一路都好鍾意食越南野之前試過呢間堂食覺得唔錯所以今次決定買返屋企試吓主食我揀咗香茅豬扒金邊粉好欣賞佢將湯底同埋食物分開上雖然行返屋企都需要啲時間但絕對唔會淋(Btw之前食佢嗰個綜合金邊粉都好好味比起香茅豬扒我更加推介綜合金邊粉)作為為食妹嘅我一個金邊粉真係唔夠所以加咗個特色小食拼盤4款小食拎到返屋企依然熱辣辣大滿足其實佢午市係有套餐不過因為我唔係太飲其他飲品所以就選擇左散嗌

初嘗「錦麗」越南牛肉粉專門店，好讚。「錦麗生牛肉粉」第一口試下個湯，自熬的香濃牛湯好鮮味，配上肥肥的芽菜仔，辣椒🌶️青檸等，生牛肉薄薄的，給滾熱的湯焯半熟，牛肉鮮美，整體很不錯。「香茅豬扒香濃雞湯金邊粉」個湯有著濃厚的雞湯香味，顏色金黃的，雞湯給金邊粉吸收了，好好味。香茅豬扒肉質稔滑，香口，再配上上面的炸乾蔥及青蔥，讚啊。追加兩款小食「金絲網蝦春卷」香脆的網油包裹着蝦膠，炸得鬆身香脆，「越式蔗蝦」又是有著彈牙的蝦膠，今餐就是讚不停，下次再來嚐別的。

收工同媽咪去咗食錦麗，嗰時已經八點，所以唔使排隊就可以入座。我叫咗綜合湯粉（$68)媽咪就叫咗香茅豬扒雞湯金邊粉（$60).湯粉嚟咗嘅時候飲咗啖湯，味道都幾咸，牛丸有d 肥膏好有牛味，生牛肉同熟牛肉既牛味就冇咁重。豬扒金邊粉個份量都好多，豬扒有一大塊不過就冇切到一塊塊所以食起上嚟比較困難，金邊粉真係有好多食極都食唔完，但有樣嘢可以改善就係個豬扒唔應該放喺嗰碗麵上邊，因為咁樣會令到塊豬扒變淋。小食就叫左庶蝦同春卷，春卷好食d, 因為炸到好脆。最後飲返杯凍薏米水（走冰）幾特別，因為加左d 薑絲。

係apm行街，見到「錦麗」呢間餐廳名以為食大陸野，睇睇下原來係越南菜，入去試下，小食叫左大蝦札肉米紙卷，薄薄地既米紙卷住大粒蝦肉，幾健康同清新，牛油雞翼都好香好脆口，不過越菜黎講佢唔算好平

我真係好鍾意食牛丸😅今日去駱駝漆拎野前係a.p.m.搵野食，又想食越南野，對腳就自動波咁行左入黎。😅每次我都係食同一個碗粉😆 - 錦麗牛丸粉。唔使10分鐘就食得！一碗有5大粒，麵底就係正常既河粉，女仔食其實都只係岩岩好。佢地既牛丸真係世界級，好少係出面食到，有濃濃既牛肉味，咬落係爆汁，真係百食不厭呀🤤！呢到美中不足係要自己出去斟水，個紙杯仲要勁細個，係呢個疫情下食食下又想出去添水既話要帶返個口罩確實有d唔方便...唯有自己叫杯野飲囉。😅🤷🏻‍♀️

錦麗~ 來過好多次,因為覺得佢啲牛肉粉真係唔錯，衹是份量太少，所以覺得偏貴。今日叫咗一個春卷，啲蝦新鮮好味，但個春卷皮覺得比較厚，所以硬咗啲 。apm呢間鋪啲侍應服務一向一般般，裝春卷個籃我成日懷疑D餐廳有冇清洗乾淨 ？如果唔方便清洗的話，我寧願佢用碟。而家可能因為疫情關係，所以辣椒要另外問佢攞， 牛肉粉keep到水準 好食。

週六來到APM逛逛商場，晚上想簡單食碗撈檬，最後幫襯錦麗。雖然有幾個人排隊，但入座速度都算快唔駛點等，入座後以QR code落單點菜的。特色小食併盤 $70併盤包括金絲網蝦春卷、越式蔗蝦、法式蒜蓉牛油雞翼、香茅豬扒各兩件。春卷以金絲網外皮香脆酥化，蝦餡肉不少，做得不錯。蔗蝦蝦膠彈牙，雞翼就有超濃牛油香，好邪惡。而豬扒厚切啖啖肉，可再砍細件上就更好了。蒜香雞翼撈檬 $66撈檬都有保證，重點係個越式魚露檬汁好味，檬粉彃牙份量唔多，配有三隻雞翼，只夠女仔食量而已。青檸咸檸檬梳打 $28比期望有點落差，只能用酸字來形容，每啖都酸到閉一閉眼，只能說味道一般。

人均消費：$70-120性價比：8/10在香港，要找到一碗美味的越南粉不易，要找到一碗美味又就腳的越南粉更加不易。「錦麗」的存在似乎滿足了這兩個要求。每次來都會點綜合粉，有生熟牛肉與牛丸，滿足了你所有的訴求與慾望。湯底清甜帶肉香，卻不油膩也不帶肉羶味，河粉爽滑，生熟牛肉與牛丸都充滿啖啖牛味，同樣地沒有肉羶味，配上九層塔、香葉、青檸、辣椒與生芽菜，清新又開胃。我喜好肉又喜好菜（簡稱：為食），為了平衡一下菜與肉的比例，於是點了一道牛油果米紙卷，蔬菜與牛油果的配搭很清新，口感也很好，點上酸酸甜甜的春捲魚水，更加開胃滋味，但略嫌米紙卷有點硬。

適逢要去銀行辦些事情，剛巧限聚令晚市放寬到九時，便順道與太太晚飯。本來說好食泰國菜，後來又說牙痛而改食越南菜，就揀了觀塘 APM 的一間有50年歷史的越南菜館。由於不能訂位，所以一放工就行過去，好在即時有位。我們點了推介的胡志明綜合粉 ($68)、香茅豬扒香濃雞湯金邊粉 ($60)、小食有家鄉魚餅 ($20)及越式蔗蝦 ($16)，飲品有凍鹹檸檬青檸梳打 ($28)。差不多所有菜色都一起到來，小食的家鄉魚餅香茅味很重，略帶微辣；越式蔗蝦的蝦膠帶點煙韌，但味道較為淡，無論蝦味及鹹淡方面都有改善的空間。胡志明綜合粉有生熟牛肉及牛丸配越南河粉，湯底牛味濃郁，當然少不免加了不少味精。生牛肉標明是用澳洲肉眼，仍有點紅色，比熟牛肉滑得多，而牛丸亦煙韌有彈性，越南河粉也很幼滑。香茅豬扒香濃雞湯金邊粉的金邊粉相對之下就較為糊口，雞湯只是如過橋米線般帶一層黃色的油，但雞味就一點都未見濃。還好豬扒味道不錯，仍帶肉汁而不致於柴，且很大塊，可是只是隨便切幾刀而沒有切開，也沒有另外分碟上而放在湯粉上，即使不是與人分享，用筷子夾起整大塊豬扒來食，真是有點窘態。凍鹹檸檬青檸梳打的味道還算不錯。