越式越好味 (Closed)

Happened to be in the area and walked past this place by chance. It looked quite authentic, so I decided to try. As I took my seat, I knew right away that I was in a good place, as the owner and all the staff are Vietnamese. They have afternoon tea set from 14:30-17:30. I ordered Vietnamese style deep fried spring rolls, as I always believe, whenever u go to a Vietnamese restaurant, you can instantly tell whether they’re good or not, by having their spring rolls. I ordered a Vietnamese baguette

深水埗多吾同種類嘅野食，而且價錢貼地好多人都知道，今次專程去越式越好味食正宗越南粉，因為係越南人開所以食物份外有風味。今次點左素扎肉撈檬、蝦餅撈檬、河內生牛肉河粉。素扎肉及蝦餅撈檬好正宗，青瓜絲、紅蘿蔔絲、芽菜、花生碎、炸蒜粒都好多，檬粉又爽口彈牙，最緊要落埋越南酸醋汁，十分醒胃，素扎肉好味，蝦餅夠鮮甜。河內生牛肉河粉個湯底係傳統越式牛肉湯，河粉亦滑，加埋半生熟高質牛肉，食到停不了口。正宗越味喺深水埗

今日我約咗朋友們一齊喺深水埗食晚飯，誤打誤撞入咗呢間餐廳食越南菜。呢度啲食物價錢都好親民，可能主要都係做街坊生意多，價錢方面都唔太貴！都係$50-70左右。我哋各自嗌咗個湯河、撈檬，加埋其他小食可以一齊食！我就叫咗個雞翼撈檬，望落兜野大大碗，雞翼炸得好脆口唔乾，配料都幾多，但略嫌檬汁比較淡味…越南春卷真心推介！原本冇咩期望，睇見條春卷幾足料好大條，咬口十足而且包得好紮實！最後豬頸肉食落都唔錯，但唔算特別吸引！整體來講呢度性價比高，環境乾淨！可以試吓先！

深水埗正宗越南美食✨各款越式美食不同選擇🍱，Pho、撈檬、越式炒河、炒飯，🍛選擇豐富，街坊價錢👏🏻食物有質素。👍🏻香茅豬扒撈檬$49豬扒炸得鬆脆🍖外脆內軟啖啖肉好好味😋，而檬粉撈埋酸醋清新開胃，啱曬而家敢熱既天氣食。👏🏻蕃茄蟹肉扎肉湯檬$59店舖好細心敢將湯分上🍜唔會令到檬粉浸冧👍🏻蕃茄湯底非常濃郁🍅配湯檬粉一流🍻而蟹肉扎肉份量充足，性價比高。🫕越式炸春卷$36炸物一向都我喜愛既食物🫔越式炸春卷炸得金黃香脆🌯用生菜包住食就可以平衡油膩感覺🍤。任何主食例如湯河、撈檬、飯等都跟飲品🥤而熱飲免費，真正性價比高。🥂

今日要去深水埗買手作材料，見時間尚早，先去附近吃頓 early lunch。大熱天時，冇乜胃口，想食得清淡少少。喺寶血醫院斜對面見到有間越南餐廳，走近細看，門面光鮮，而且店外還擺放了不少小盆栽，風格清新舒服，加上見到餐牌嘅價錢都幾經濟，一於試下。餐廳由越南廚師主理，主打一系列正宗越南菜式，當中包括有越式飯類、湯河粉、特色撈檬、濱海、春卷及米紙卷等。我哋點咗香葉豬肉卷、米紙卷同一客撈檬。軟殼蟹米紙卷 ($55) 賣相好吸引，以煙韌嘅米紙皮包裹住炸到脆卜卜嘅軟殼蟹、自家製酸甘筍同青瓜絲等，食落口感好 fresh，同爽脆的生菜配合得天衣無縫，有助消暑。第一次食呢款香葉豬肉卷 ($56)，好特別，賣相烏卒卒。外層微脆，內裡又不會太乾，入口啖啖肉香，加上中間仲混入咗少少紅蘿蔔粒，帶來多重口感。另外呢碗越式扎肉撈檬 ($49)  水準亦甚佳，扎肉爽滑有彈性，入口鮮味十足。檬粉粗身Q彈，爽口帶米香。加入碌冧，味道酸酸甜甜，帶魚露嘅鹹鮮，好開胃，與甘筍、青瓜絲、生菜絲同花生碎等拌勻一齊食，清爽又唔膩口，正！點河粉、撈檬或飯類等，會跟熱飲一杯，另外入座時，店員亦會為客人送上清香嘅班蘭茶，服務挺貼心。

黎到深水埗，食啲乜野好🤣天氣咁悶熱就想食啲清爽啲嘅嘢，經過挑選之後就揀咗一間越南嘢🤪網上都有好多人話呢間嘢係有由越南人打理，要食就梗係食正宗㗎啦😎我哋一去到咁當然係嗌一個生牛肉湯河啦，因為一講起生牛肉湯河大家自不然就聯想到越南菜🤣然後睇咗一陣Menu都未揀到就食啲咩好，老闆娘就介紹我哋食墨魚餅😋佢話個墨魚餅好好味，咁當然係要試吓龍與鳳啦，然後再加左一個豬頸肉小食😁碗生牛肉湯河上到嚟就聞到好香嘅牛肉湯底味😛飲咗啖湯，的確好清甜，加上有青檸同辣椒，真係好開胃；然後個墨魚餅撈檬上到嚟見到啲墨魚餅熱辣辣，試咗一啖好彈牙好爽口😌然後每咬一啖都有食到墨魚，個口感真係好正，超推薦！👍🏻最後個豬頸肉都OK，燒到好香口，下次一定會再嚟試吓其他嘅菜式。越式越好味 (深水埗)深水埗元州街131-133號龍鳳大廈地舖

深水埗確實係一個充滿寶藏既地方，冇諗過呢度會搵到一間地道越式餐廳。餐廳無論係老闆定廚師或樓面，全部都係越南人，佢地會用越南話傾計，一邊食野一邊聽住越南話既對話，真係有種去咗越南既錯覺🤣食物當然充滿越式風情，冇諗過每道菜都咁有份量，點到成枱都係野食😋越式香茅豬扒湯河粉（$49）河粉既湯底鮮甜，香茅豬扒入口鬆化柔軟，係誠意之作！安南鮮蝦米紙卷（$42），晶瑩既米紙包住鮮蝦檬粉同青瓜絲蘿蔔絲花生碎等食材，簡簡單單但食落好清新越式魚餅撈檬（$52）塊魚餅係自家製，加入咗好多特色香料。食既時候加埋魚露酸甜汁，超級開胃！越式串燒雞肉豬肉（$40）雞肉串燒係雞脾肉，而豬肉串燒就選用豬腩肉，無論係豬肉定雞肉都唔會烤得太乾身，豬肉更係肥瘦適中，香而不膩。餐飲點咗熱華田同龍眼茶，龍眼茶用料豐富，飲落甜甜地，唔錯！另外想提一提佢地既斑蘭熱茶，入座就會提供，飲落好清香~餐廳內擺放了一整列越式調味料作裝飾餐廳外的盆栽為路旁增添了不少綠意

平時成日都經開呢間餐廳，門面雖然唔多起眼，但從玻璃望入去，見到成日都好多人幫襯，今日就試下買外賣返屋企食。 軟殼蟹米紙卷：軟殼蟹炸得好鬆脆，米紙卷包住青瓜絲🥒、甘筍絲🥕、生菜🥬，成個感覺都好fresh，亦減少軟殼蟹嘅油膩感。 香茅雞翼煎蛋飯🍳：雞翼表皮香脆，肉質多汁，惹味香口。太陽蛋煎得好靚，蛋黃顏色好吸引😍。 越式香茅豬扒湯濛：豬扒份量都好多，又夠厚，香茅味濃郁，豬扒肉質鮮嫩。加埋香料一齊食嘅湯濛係最正㗎，好有越南風味。😌🤤 呢度外賣自取仲有9折呀，買滿$300仲送埋扎肉米紙卷一份。😋😋

As it was raining heavily today, we planned to buy food back home and since I have sudden craving for Vietnamese food, I decided to buy from Pho Lotus Vietnamese Cuisine. It was located at  Un Chau Street, several minutes walk from Sham Shui Po MTR.Their menu was comprehensive, serving pho, cold vermicelli, snacks, banh mi and drinks etc.Fried chicken wings with lemongrass in Viet style - Chicken wings were huge in size and deep fried till the skin was crispy, and yet the chicken was juicy and s

下了一星期的雨，是日總算有停一下的樣子，做完事在四周走走，見有間越南食店感覺唔錯，就食下佢先。店內都幾大，舊風格裝修感覺頗有年歷，唔知開業幾耐呢？睇下餐牌，諗緊食咩個陣店員送上茶一杯，味道很特別，有股淡淡的清香味，不甜但入口很順喉，幾好飲喎。越南菜都係食碗越南牛肉河吧，加份小食同特飲，夠哂豐富。賣相很不錯，叫了呢碗生熟牛肉湯河粉，湯頭鮮甜清澈，熱騰騰好好飲，加點辣椒同青檸另味道更有層次。牛腩炆得軟腍入味，肥牛片嫩滑，兩樣都好正。跟餐加了香茅雞翼為小食，一客兩隻自私食剛剛好，香氣十足又脆皮，內邊仲肉嫩多汁㗎，好食。最後就係特飲薄荷青檸疏打，呢啲納悶天氣飲番杯特別提神，很清爽，酸酸的好正。整體感覺不錯，食越南野的好選擇。

深水埗可以說是一個美食小區，最點更是價廉物美，而且更有不少隱世食店。在深水埗幫忙親友做完步兵後，往乘地鐵時，巧遇這一家「越食越好味」，是否又一家隱世小店？反正要買晚餐回家，相請不如偶遇，就試試看吧！小店裝修平實，卻又不失雅致，整潔明亮，簡單的格局，就成為了街坊飯堂。如果你選擇堂食，店員更會送上一杯越南香茶讓你品嚐。如一般的越南餐廳，食物選擇上都是好些越南小食、濱海、春卷、米紙卷、蔬菜、越式飯類、湯河、撈檬、下午茶及二人或四人套餐、……等等，而飲品當然有越南滴漏咖啡，此外，更有不少特飲、沙冰，而選主食，已包了基本熱飲，另可以加錢轉其他飲品。外賣自取更有九折優惠，滿$300更送扎肉米紙卷。不過，只買了兩款食物加兩款飲品，就未達送扎肉米紙卷的指標，因為食物定價不算貴！很少見以牛油果、軟殼蟹來做米紙卷，所以，很想試試這一個「牛油果軟殼蟹米紙卷」（$65），米紙卷非常薄透，入口煙韌，裡面捲着牛油果及軟殼蟹，味道豐富，前者軟滑，後者酥脆，加上生菜、米粉、青瓜絲、甘筍絲，口感豐富清爽，真是不錯啊！豬肉卷？好少見這東西，故此好奇地試了「越式香葉豬肉卷撈檬」（$49），估不到份量十分之多，檬粉跟配料拌勻

深水埗一向都集合左各國既抵食餐廳，最近開左間新既越南餐廳，連擺設同風格都好有味道越或豬頸肉 $58豬頸肉肥瘦岩岩好，好均勻，外層香肥，食落肉興嫩滑，配埋酸甜醬汁好開胃越式炸春卷(4件) $48越式春卷春卷皮好薄 炸得香脆 內餡料充實飽滿，有一啲蔬菜同肉末，幾香亦不會膩，貼些魚露更好味，配搭埋生菜包埋一齊食，感覺更健康順化炸蝦餅 $58蝦餅香脆得黎又無熱氣感，食落有蝦粒真材實料整體食物質素：4 / 5推薦指數：4 / 5

☀️夏天梗係要食清爽嘅越南野😎呢度嘅越式香茅豬扒撈檬($44)好足料，而且即叫即整！西貢牛肉撈檬（$44）調味好特別好香。炸物亦都十分惹味，尤其係越式炸春卷（$43），用生菜包住食唔會覺得好熱氣，餡料十分之夾，拎到返屋企仲係好脆口💕.Chow down at this authentic Vietnamese resto ! Their Pork Chop Vietnam Vermicelli($44) was made to order, meaty and juicy. The spring roll was still crispy after an hour of bus trip💕

今日去深水埗搵屋企人食飯，本身打算食泰國嘢，見到對面間間茶餐廳變咗間越南嘢，成八點幾都差唔多滿座咁，感覺唔錯就入去試試。新店係越南人主理嘅，成間鋪得4、5位店員忙到大家跑黎跑去。咁忙都好，佢地都好耐性答我地咁問題，而且落單之後會確認對錯。因為同表妹想試啲特別啲嘢，見到嗰越式濱海雜錦，以為係海鮮，問店員話係越南濱海煎炸物，有豬頸肉、豬扒、米粉嗰啲。生菜做底，夠大塊又夠新鮮；啲春卷、豬扒大細啱啱好，唔會太大嚿，包住啲蘿蔔同青瓜絲好爽口。每一檯都有一大樽越南酸甜辣汁，啖啖紙米卷都酸酸甜甜咁咁，幾好味嗌咗杯牛油果沙冰，大大杯、飲落似奶昔入口綿密即溶。見到張張枱都嗌牛油果沙冰同芒果沙冰，下次可以試埋其他飲品！店主店員都好開朗親切，見到大家都體諒佢忙唔會特別催，一直講多謝大家。

呢一頭好多食店～舖頭好大但唔算好起眼～但原來夥計全部都唔係本地人一聽就好似即刻正宗咗😌蝦醬炒飯好有鑊氣即叫即炒炒得好夠乾身～～食落唔油膩有大蝦🍤櫻花蝦、紮肉好食到一個人可以食晒一整盒食到停唔到口呀簡直～～就算我take away返到屋企食一樣咁好味唔怪得好多人等外賣飯類加錢仲有香茅雞翼添一睇就睇到有幾飽滿雖然只係十幾蚊但都裝得靚靚～～個蔥油都做得好惹味下午茶好平而且有好多種類就算約埋朋友想叫好多嘢share都絕對冇問題