越蘆越南牛肉粉

Open Now

Now Closed

越蘆牛肉粉 咖喱牛腩煲法包 $78 + 凍青檸紅茶 （free） 呢個午餐，我真係要突登寫呢篇食評！ 太好食啦！ 打工仔，lunch可以食道令你re-charge 既食物真係好重要！ 而呢個餐好正，咖喱十分濃鬱，而且黃咖喱黎講，少少辣，配埋個牛腩燜到好諗，簡直係絕配！雖然我寫到好似普通茶餐廳都做到甘~ 但你去食一次就明我講咩噶啦~！仲有個，超脆法包，點落D咖喱汁，真係食唔停口，如果可以無限添法包，我一定可以食十條，哈哈。 如果店家看到我呢篇食評記得記得，法包一定要脆！一定要keep 住熱！ 否則就浪費你個咖喱牛腩呀！！！ 跟餐有野飲，講真，呢杯係出面一定要加你錢啦，所以計番條數，50蚊一個咖喱牛腩煲，20蚊一杯野飲，幾蚊比餐廳環境既，值得啦~ 我其實已經食左好多次啦~ 係我食厭之前，我都會keep 住食呢個餐。 反而我沒有食其他餐，越南河粉之類。有機會再食，聼同事講都唔差，但個個比我荼毒左之後都轉食呢個餐，哈哈。 所以店家千萬不要因爲多單，就唔烘熱烘脆個法包呀！

本来一开始是很期待的，但是一进店这位女服务员态度很差，想问一下她点单的事她就不理而且还说她很忙没时间。接着我们因为忘带现金和信用卡，想问问能否微信支付，她说不行我们就准备回去拿现金，但她又说那样太麻烦，可以直接微信支付人民币162元，结果最后账单上显示港币162，问她这汇率差价二十多块怎么办，她语气非常强硬且理所应当，说不给这个差价给她她是不会帮忙的。其实这20多块不算很多，但是她可以提前先说，这二十多块当做服务费了，我们也能接受，拜托不要搞这种事后坑你一把把人当傻子的恶心操作OK？就这样吧，大家注意避雷

上環又係一個超多美食之地，今次黎食越南野！次次中午都見到好多入，今次過黎睇睇個menu, 咦，一個有瀨尿蝦既lunch 只係$66？未試過，感謝好特別食lunch 竟然會食到瀨尿蝦🤩 【 會安蕃茄蝦檬 】$66一個餐有野飲，有瀨尿蝦，蝦丸同扎肉，看似不俗。味度竟然同樣有水準，湯底唔算濃 ，但有埋炸蒜其實已經好夠味好夾！瀨尿蝦味度一般，不過lunch 食真心少有。重點係蝦丸同扎肉！！！超好味，扎似入面有d軟骨好似豬耳既咬口，好好味，大大力推介！❤️

誤打誤撞見到呢間越南餐廳環境闊落乾淨企理而且仲做緊下午茶就入去試吓啦下午茶選擇都好多，價錢相宜抵食侍應服務態度不錯有禮貌主餐牌竟然有啲地道嘢食鴨仔蛋醉蝦牛骨髓都有幾有意外驚喜比起平時出面嘅越南餐廳增添更多新鮮感！！！登登登登！！燒牛骨髓配蒜蓉包好大份好香蒜蓉味而且個賣相都好靚，打卡一流個蒜蓉包好足料 焗得好酥脆配合一啖啖嘅牛骨髓牛脂十足，撈埋上面嘅醬汁一齊食好入味，超級邪惡10分入面我比10分真係好好味😋而且仲係$98超級抵食出面西餐廳食呢款菜式起碼都挨近$200出盡飲奶嘅力都要推薦呀👍🏻烤牛肉撈檬配菜酸蘿蔔絲酸酸甜甜好開胃而且夠爽 伴碟嘅生菜都好鮮下午茶個份量又係超大碟我一個女仔都未必食得晒而且烤牛肉唔會好乾食落口依然食到嫩滑口感肉質鮮嫩夠入味👍🏻👍🏻👍🏻夏天真係一定要食撈檬食完個人超級清爽😋暫時依家係我喺香港覺得最好味嘅越南餐廳👍🏻👍🏻👍🏻👍🏻👍🏻今次醉蝦賣晒，下次一定再幫襯希望試到🤭

清爽 簡單又滿足的一人高質晚餐 ～～～媽咪話收工唔想煮飯，所以收工就自己近近地去咗屋企附近嘅呢一間越南餐廳度食晚餐，餐廳環境幾舒服，餐牌選擇都唔少。～～～一個人食野，簡簡單單一個主食，兩個小食就已經好夠。香茅豬扒撈檬 $72傳統蝦卷$66西貢醉蝦 $98～～～香茅豬扒撈檬嘅檬粉份量比得超多，好大方，醬汁方面有素汁同越式愚魯汁，可以滿足唔同人嘅需要，幾貼心。清爽嘅撈檬，加埋嫩口香茅豬扒，濃淡中和恰到好處。🥢～～～兩款小食就各有千秋，傳統蝦卷同樣都係清清爽爽，毫無油膩感，蝦肉彈牙配搭大量蔬菜，食完覺得好舒服。🦐～～～西貢醉蝦就調味特別，醉汁滲透入賴尿蝦嘅內層，非常入味，就算一個人食，都可以輕鬆ko。～～～越蘆越南牛肉粉 (上環)上環皇后大道西2-12號聯發商業中心地下B舖

本身見餐廳有裝卡機，以為收信用卡。點收個收銀員勁大聲係咁講八達通、現金。其實有收加一服務費。駛唔駛咁樣？野食就一般啦。但態度太差。野食再好都係假。所以食野前自己諗下去唔去啦

凍冰冰嘅檬粉鮮蝦柚子沙律$86～前菜來一客零舍開胃🥰，即叫即整，柚子肉大大件，拌上花生碎紫洋蔥，充滿口感，酸微微嘅醬汁令大蝦食落更爽口，清新感Level up🙌🏻越式咖喱軟殼蟹$138～另一半鍾意食飯，冇返啲咖喱汁配搭點得😆，即叫即整，大約等20分鐘就有得食，軟殼蟹香脆，有6大件，醬汁又濃又香，帶點香料嘅口味，會難以自控配上白飯❤️越南素春卷撈檬$66素春卷會配上素酸汁，好細心，內裏材料有木耳、甘荀、冬菇、椰菜等，一絲絲，口感爽口，外皮春卷皮脆卜卜而不油膩，隔油又做得幾好👍🏻同凍冰冰嘅檬粉好夾。

.📍越蘆越南牛肉粉📍香港上環皇后大道西2-12號聯發商業中心地下B舖越南咖喱軟殼蟹(138hkd)軟殼蟹很香脆，裏面很juicy，配上椰汁🥥微辣的咖喱汁絕對一流，如果有肚量的話可以加配蒜蓉包/法包/白飯，真是下飯神器😂每次去這間都必點咖喱👍🏻蟹肉春卷(78hkd)外皮炸得超酥脆，而且剛上枱超級燙嘴，裏面有蟹肉、豬肉沫、粉絲和蔬菜🥬，口感很豐富，不算油膩，平時超怕食炸物一口油的感覺青檸紅茶(28hkd)點了走甜，很清爽解膩，超夾炸物和咖喱，好refreshing😆#foodiblum東南亞

餐廳係上環地點方便易搵裝修用了翠綠色主調室内光猛 空間感十足主食試左生牛肉湯河湯底香濃入味 牛肉薄片嫩滑可口加埋辣椒 青檸同食更有層次河粉軟硬度適中會安蕃茄蟹檬材料有 蟹肉 豬肉 蝦丸 扎肉湯底酸酸甜甜 好開胃小食推介：越南蟹肉春卷手打蝦餅每客兩件 即叫即炸新鮮熱辣 春捲非常之香脆皮薄餡靚 蝦餅彈牙 惹味飲品都好出色 好多選擇凍話梅柑桔水凍青檸紅茶我個人鐘意牛油果沙冰微甜綿清另外發現有鴨仔蛋食！香港好少見有興趣嘅朋友可以一試

位於上環皇后大道西的「越蘆越南牛肉粉」，係一間主打正宗越南牛肉湯粉的餐廳🍴店內燈光明亮，裝修簡約舒適。餐牌上有各式各樣越南特色美食可供選擇馬拉盞炒通菜通菜新鮮碧綠，加入鹹香惹味馬拉盞炒，好有鑊氣保寧雞絲扎肉湯粉湯粉可以選配河粉、檬粉或金邊粉，我地揀咗河粉。鮮雞湯味道適中，鮮雞味濃～雞絲口感嫩滑；扎肉肉味濃郁，好好食哦會安番茄蟹檬配料有豬肉、蟹肉、蝦丸及札肉，頗足料呢！番茄湯底幾鮮甜，加咗洋蔥、炸蒜及豬肉碎，格外香口～配上越南直送的檬粉，口感爽滑，吸湯一流鮮椰青大大個新鮮椰青，清甜滋潤又解膩

港島好多食肆都偏貴，但上環呢一間越式餐廳價錢便宜，食物質素佳，晚市仲超多人外賣。今次在下茶時段到訪，抵食又多野揀，忍唔住叫左超多～野食都好岩胃口，仲試左坊間少見既鴨仔蛋🥚🦆！🌸🌸🌸🌸🌸🌸🌸🌸🌸🌸🌸🌸🌸 🍀生牛肉牛腩片牛肉湯河$62牛肉不會過熟，食起來嫩滑無渣，亦有肉甜。 河粉薄滑。全碗幾款配料，豐富；當中牛腩片味道最好，香腍味濃、黑椒牛丸彈牙！配料多，湯底清甜，親民。 🍀會安蕃茄蟹檬$68鮮茄蟹膏蝦丸湯檬👏🏽湯頭鮮味！蟹膏份量十足，而且真係有蟹腳係入面😱估唔到呢個價錢都可以食到咁足料嘅湯檬！配上蕃茄和蝦丸，大滿足！🍀傅統越南法包$58餡料有肝醬、扎肉、扎蹄、胡椒豬肉、酸菜、青瓜！法包香脆、扎肉有三大塊，胡椒豬肉都幾厚身，酸菜青瓜解膩👏🏽咬落去有多重享受，好豐富。🍀鴨仔蛋跟餐+$28👍鴨蛋就食得多，鴨仔蛋真係完全未食過。是尚未發育完全的鴨仔，嘗起來是鴨肉油脂、蛋同埋骨髓綜合體。食落去有少少卜卜脆，蛋中亦都帶點肉，不太腥，鴨仔蛋中的湯汁是精華！都可以加鹽、胡椒、辣椒、九層塔一同食用👏🏽🍀河內傳統蝦卷跟餐+$26米紙夠薄，入面包住蘿蔔絲同埋鮮蝦，選擇一陣鮮蝦真係好新鮮，透出一陣甜味。另外米粉

上年偶然經過越蘆，食過一次之後，成日心郁郁掛住佢碗Pho。趁住今日阿媽去開海味街入貨，帶佢黎試下，順便自己回味一下。到啦到啦，一路搭車一路驚緊佢仲有冇開，疫情期間好多餐廳都頂唔住，何況仲要係好味道既餐廳，好彩仲係度！下午茶時間入座，疫情期間唔駛排隊。直接「重課」叫左3個小食+2個正餐。好彩廚房醒啊，上左小食先，跟住先上2個Pho。傳統蝦卷越南出名既米紙，包住啊蝦，青瓜、蘿蔔絲、生菜同埋米粉，食落清新，搭配個醬好開胃。峴港手打蝦餅本身以為係2D扁扁嘅蝦餅，但上到黎變左3D既蝦球。不過話鬼知佢，食左先。輕輕既胡椒味，好香，入面應該係蝦肉、豬肉、魚肉、香蔥整成，外皮炸過黎，微脆。胡椒豬肉串跟住係必食既胡椒豬肉串，索一索陣胡椒香，入口係煙熏過既豬肉香味，次次都覺得唯一缺點係好快就食曬，又想再叫。跟手就到正餐，大大碗既生牛肉牛腩牛展湯河，牛肉好嫩個湯夠濃。我想講….好彩我無食早餐，岩岩好食得曬，超滿足！順化牛肉粉阿媽叫左個順化牛肉粉，入面有牛展，扎肉。面頭有少少辣醬，超級似高級版既越南「日式拉麵」。薄荷青檸梳打青檸底同梳打水分開上，岩岩好中和翻個超級飽既感覺。椰汁珍多冰就係椰汁珍多冰應該有既味道

又一星期的抗疫疲勞，忍不住要出外吃午餐了！曾經吃過北角的「越蘆越南牛肉粉」，朋友都說味道不錯，今日就去近上環的分店！今日想時正好是下午tea time，各式越式河粉及飯都只是 $46至 $68，還配飲品。所有粉類可加錢加餸。《會安蕃茄蝦檬 （尿蝦、豬肉、蝦丸、扎肉） $66》附青檸及辣椒蕃茄湯底香濃有豬肉碎，尿蝦有三隻，肉不多但賣相佳，蝦丸兩粒好吃彈牙有蝦鮮味，扎肉有軟骨粒口感佳，配搭檬粉掛汁。+《滴漏咖啡（凍）加$12》食越南野一定點杯越南咖啡，喜歡香滑又濃郁的咖啡加上煉奶的香甜味道，天氣熱不仿凍飲。《會安鴨仔份（鴨仔蛋、鴨肉）$62》附青檸及辣椒十分地道的越南菜式 - 鴨仔蛋！人一世物一世就試試，其實口感和味道比雞蛋香糯及硬一點之外都沒大分別，不仿一試。鴨肉嫩滑帶點咸香，加上湯底都不錯。《順化牛肉粉（牛展、豬手、扎肉）$62》有三款肉類感覺豐富，湯帶小辣。牛展不韌筋位有膠質，豬手都爽彈，扎肉帶軟骨有口感，飽足感滿滿，同樣好吃。+《越南老薑蜜 （凍）》味夠薑辣是我杯茶！+《鮮椰青加$18》天氣熱飲凍嘢青十分爽，椰青大個又多汁，野肉又可以刮來吃，只加$18很化算。小食：《清遠粉包$26

早幾年仲係上環返工個陣，久唔久都會同同事來呢度食lunch~覺得呢間餐廳個豬扒好好食，次次來都一定係叫呢個😚quit左之後就冇再幫襯過了😞襯今日係上環附近，就同fd來呢度食返個tea~去到餐廳大概係四點三左右，餐廳唔多人~睇左陣menu，就叫左個越南蛋餅香茅牛肉飯、香茅豬扒撈濛、峴港手打蝦餅、凍話梅咸桔水同薄荷青檸梳打~🐮越南蛋餅香茅牛肉飯 ($62)會叫呢個係因為見個蛋餅好似幾特別咁😏不過個蛋餅，er……我有少少失望😂🥚蛋餅有2件，裡面有D木耳絲、肉碎，係幾特別，不過有D乾🤦‍♀️fd覺得幾好食，我就覺得麻麻😐🐮牛肉幾滑又夠味，唔錯~🐷香茅豬扒撈濛 ($58)豬扒幾大塊，好好食，不失水準，外皮好脆，豬扒好淋😍如果可以有少少甜味，咁就更加正了~🥒青瓜絲又長又粗，不過我唔食青瓜😂份量好大碗，一個人淨食撈濛都夠飽有特😝不過個撈濛嘅魚露汁略嫌有D辣，對唔食辣嘅人來講，就未必接受到😢落少少又唔夠撈濛粉，落得多又辣得濟未必食到😞🍤峴港手打蝦餅 ($26)本身以為係扁平彈牙嘅蝦餅😋但上枱發現，呢個係一個蝦球😳一上枱，熱辣辣，等食完濛粉先慢慢食佢，仲係暖嘅~個蝦餅應該係蝦肉、魚肉同豬肉加埋整成嘅，冇我

平時有去開D間，食物可以。Waiter 都有禮貌、係個企收銀櫃男經理黑口黑面。收完＄多謝都冇！我都冇理。噚日去食，waiter帶我入去坐近垃圾袋位，我要求轉坐卡位、又係果個冇著制服嘅男經理突然走過來，勁無禮貌啤住我話你坐底啦！我答佢同waiter講咗轉卡位。見佢哋拾好枱，我咪坐過去，點知惡男經理又走來鬧，我叫你坐果度啦，D度未得，我好嬲佢好似專蝦女人咁。我反問佢點解未得囉？卡位都冇嘢啦！佢寸嘴答我話未得就未得，當然其他食客都見到佢鬧我！我話佢點解咁無禮貌對客人、佢立即走開…我問一位四眼女waiter 佢係咪D度老世，佢話唔係，又係好冇禮貌問我你問嚟重乜，我話要投訴D個男經理！佢都唔肯比電話我投訴，一味話全店只有男經理管理冇老世可以理佢哋做咩！唔怪之得個男經理可以咁惡對客人（留意係OpenRice 都有幾位客一樣係留言投訴佢態度差）可能真正老世都唔知道有咁差嘅男經理！比佢係間鋪作威作福鬧客！講真D嘢幾好食食都係假，請D咁嘢員工搵鬼再去食！噚日比佢鬧完，我都立即走，以後永不再幫襯！