越南牛肉粉專門店 (Closed)

行過見佢幾靜就入左去食，之前去過九龍灣間分店都幾唔錯。我今次係上環叫左一個set,香茅豬扒湯河，開頭食落覺得個豬扒好硬，好似石頭，都有香茅味。點知食多幾舊，係一種油益味，仲要有d嗅，好想反胃，食完成晚個胃好唔舒服。好明顯係個豬扒放得太耐變壞左再返炸。。。。已經過左5個鐘，個胃仲係好唔舒服，好似消化唔到咁食左半碗無食。我個朋友食左個熟牛河，個湯底都還可以。但好肯定以後唔會再去。d野好唔新鮮，建議大家唔好再食，好！唔！掂！

個日夜晚見佢唔多人就入去試下。我地3個叫左3個套餐有小食包埋野飲。我叫左青檸梳打，雞絲撈檬同埋牛肉米紙卷。開頭以為價錢都OK點知佢食物真係唔掂。撈檬通常都有一樽汁加入去 佢竟然就係俾左一細碗比我加 d汁加左落去完全浸唔到d麵 要乾爭爭咁食 。杯青檸梳打仲怪 飲飲下發現有砂糖 食過咁多間越南野 真係第一次飲到有砂糖。牛肉米紙卷 塊牛肉比火腿仲薄 完全食唔到有牛肉係入面。最精彩嘅黎啦個落單阿姐好冇禮貌 每次傳菜就咁張碟食物 掟係抬面 然後好似怕你聽唔到佢傳咩菜咁大大聲講「米紙卷」，「撈檬」，一d服務態度都無。 隔離枱問佢攞個碗仔，佢就大大聲講「枱面咪有lol。」人地好聲好氣講埋唔該問你攞野，你洗唔洗咁大牌，好似間野係你開咁。完全唔明點解平時咁多人排隊等食呢間食物差服務更差嘅舖頭。我地唔係貼錢買難受lol,多謝.....：）

本身自己一個人食冇諗住寫, 但有少少不吐不快。呢間野味道價格實在不錯, 100 蚊唔使份量大飽肚有味精湯都不過份。只係個炸春卷淋到好似毛巾咁實在過份。因為怕出事我一向好少換野食, 最多唔食。隔離檯女士就唔同, 佢一直坐我隔離但冇食野, 到我差不多食完先聽倒佢問:"我個春卷你又話同我再炸O既?點解仲未上?", 伙記馬上展現澳O牛X公司精神跟進, 大嗌入廚房之後上左3條炭上來俾嗰位女士...........<<完>>

中午搵嘢食，見門口排了很多人等位，諗住試吓啦，點知食物服務完全唔掂！叫咗午市套餐，生牛肉可轉金邊粉要加錢，小食叫了春卷，飲品叫了青檸梳打。這是一般越南餐廳嘅基本食品，點知生牛河湯底完全唔掂，春卷好似隔夜返咋，油到不得了，用紙巾索了油之後都不能吃下，青檸梳打仲離譜，用砂糖，完全不能接受。但唔知點解咁多人幫襯，這家不是越南餐廳，只是極不合規格的港式茶餐廳，簡直係魚目混珠！

突然間很想很想吃越南粉公司附近有幾間可以選擇的最後決定試一試Pho Thai 點了一個午餐生牛肉金邊粉 （金邊粉是要加＄2的呵）涷奶茶另外還點了一客3隻的牛油雞翼 （最少要點3隻的）午餐來說是不高不失的我喜歡牛油雞翼上炒香的蔥粒😂

去咗越南牛肉粉專門店買外賣返去食，買咗個招牌套餐，包一客越式粉麵、小食同特飲。香茅豬頸肉撈檬入面嘅豬頸肉爽脆香口，鬆化得嚟仲有少少肉汁。下層檬粉鋪咗啲切絲青瓜、胡蘿蔔、蔥花、炸乾蔥同花生碎，加埋魚露一齊食都幾清新惹味。小食方面原本想食米紙卷，可惜啱啱好賣晒，於是改要炸春卷，細細件咁外皮微脆但又有啲煙韌口感，調味比較濃但可以接受。朋友就叫咗火車頭套餐，包一杯飲品。火車頭湯河入面有生牛肉、牛筋、牛丸同熟牛肉。湯河跟埋包調味料，分別有芽菜、九層塔、青檸同辣椒片，加埋入去個火車頭度一齊食都唔錯。我食咗少少牛丸同牛筋，前者彈牙後者爽口味道唔錯。仲飲咗少少個湯，非常香濃兼有牛味，不過無口乾嘅感覺，我覺得比撈檬更出色。飲品就揀咗熱越南蓮花茶，蓮花即係荷花，飲落幾有荷葉香都幾消滯。另外紅毛丹冰入面有四粒釀咗罐頭菠蘿肉嘅原粒紅毛丹，味道就甜咗啲。

食物味道唔已經唔係好，員工態度仲要差到冇朋友本身間野冇乜人，佢叫我入去坐(連埋我有四個人），咁咪坐住等未黎嘅朋友，點知佢開始人多就叫我岀返去等態度仲要勁劣！仲要幾個員工圍住個客黎鬧，'等人就岀去等，依家繁忙時間呀！'。同你地講返又同我鬥大聲！咩料！開頭入黎我同你講話四個個陣，眼見我得一個，可以唔比我入去先，而唔係坐低咗先叫人岀返去囉！之後仲要係附近指指點點，又眼望望，比晒面色我睇，一走又勁大聲話'個四個終於走喇'生意係咁做架咩？

very disappointed.we should have read openrice review before going in.The noodle is so thick and uncut...The soup is tasteless...The coffee is like instant coffee....Totally not recommanded.

如果你想知道什麼叫做服務差，個個也好像想殺人的話，你一定要來幫襯一下！食品質素不好！個個待應也表演拋掉碗碟！不能相信香港的服務業有問題到這地步！一點越南味道也嚐不到😏😏

天氣超熱,能不煮飯到街外食野就好不過今晚落黎屋企附近的越南店見OPENRICE食評一直普普通通就無黎過今晚終於決定一試!叫左個魚露雞翼湯河分開上, 再搭芽菜先試雞翼,真係幾唔錯,好惹味好入味, 雞翼燒得OK唔會太老諗住你個湯河正常正常就俾番個GOOD你點知.....一飲一啖湯....D味精味勁到.......搞到成碗湯味道好濃好怪結成碗河食哂但無一D湯都無飲整體黎講如果無飲果啖湯係幾OK建議大家叫檬粉,除非對味精有好感

Lunchtime黎左呢度食下越南野入到去都幾乎滿坐，都幾多人今次叫左札肉撈朦個粉都幾多，而且個底有好多生菜啲生菜比平時越南餐廳多好多，食落好清新，都幾健康啲札肉就冇乜特別撈朦個汁比平時食倒果啲甜小小我個人就唔喜歡偏甜嘅，所以依度扣左小小分不過整體黎講都係ok嘅

牛肉河最重要就係個湯低底，呢間店既湯清而不膩，湯入面有牛肉既精華，非常可口。可惜河粉太稔身，一pat pat咁，食得好辛苦，牛肉份量還算多，但係肉味欠奉。整體黎講，$50一個湯河接受到，但佢以牛肉河為招牌菜似乎未夠說服力。

同事想食越南粉，就來這店一試，坐位環境比中區那邊的一些舖還要擠迫，坐下看看餐牌，價格與中環無異，可算頗貴，但衛生情況就不敢提，以免編輯又說是"在食評中發放不實﹑捏造事實﹑惡意 猜測或含誤導成份的內容"的理由禁止發表了，大家從相中也可見其處理廢物的狀況，實在也不用我說了；我試了一個"火車頭"加青檸梳打。青檸梳打，真個原汁原味，只有三四片青檸檬，另加一罐梳打水，自已搞掂，最慘是連少少糖水都沒有。火車頭，河粉應該不是正式越南河，因口感不夠滑，湯底就做得不錯，鮮甜濃郁，但餸料就似乎差要點，生牛肉尚算鮮嫩，入口牛味濃而口感嫩滑，牛丸也彈牙香甜，牛就欠了一點帶爽的口感，味道也偏淡，而牛根就真的太淋，完全沒有噬口，還有點漿口的感覺，味也很淡，但更可惜的是整碗粉內竟然沒有牛栢葉，使得這"火車頭"就始終欠缺了一點，變得不完整。

It is in between Autumn and Winter that the weather is always unstable. Since the tempreature is quite high and stuffy, I have decided to have some cold dish for lunch.I have ordered the set: Vermicelli with Fish Source Chicken with Barley waterIt is a very large bowl, 90% filled with vermicelli. It would be better if the portion of Chicken can be increased to 30% and reduce the vermicelli, as a consideration of the price (HKD51) that is higher than common vietnamese restaurants.The taste is so-

星期日晚上9點，想食清湯腩，點知間間都收晒，揀無可揀之下只得呢間仲未收，點知中伏了湯底好咸，春卷好油，綠豆冰好少綠豆，喺好肚餓嘅情況之下都食唔晒！仲有。。。廁所地下好跣。唯一可取嘅地方係啲呀姐態度唔錯！