越南牛肉粉專門店 (Closed)

胃口不佳，但中午始終要食，吃碗越南湯河吧！還是選一款較醒胃的，就香茅豬扒撈檬。吃這味，最喜歡的是那個醬汁，酸酸甜甜，帶微辣，又有魚露的鮮，連同爽滑的檬粉吃，確是開胃。豬扒則幾香口，尚算鬆化，有香茅的香氣，可以接受。飲的是咸檸七，未算很好。唔知係咪最近工作較累，邊食，邊想著去旅行。

由於，最近要去灣仔上個短期課程，所以，老闆娘特許我買下午茶返公司食！實在太好嘞！5:00 左右，當然要享受下午茶餐，難得有呢個機會呀！每次經過匯豐銀行，都會聞到好香...原來來自<越南牛肉粉專門店>，但平日中午時段，真被門口一大條人龍嚇怕！ 今次，下午茶時段，終於可以一嚐！ 第一次幫襯，食咩好呢？下午茶餐款式不少，我覺得湯河比較飽肚！香茅雞翼湯河 & 越南香茶 $25 ( 下午茶餐 )芽菜、九層塔、青檸分開上，相當細心！ 一放這些配料落碗湯，九層塔 & 青檸即時散發清香！ 令我未食都流哂口水！ 大量芽菜，浸一浸湯即食夠爽口！ 兩隻香茅雞翼煎得金黃，十分滋味！ 雖不算大隻，咬開雞皮，肉滑入味！攪到同事都好想食！河粉份量剛好！尚算幼身！質感 OK! 香茅雞翼湯河令我回味無窮！越南香茶 一杯熱香茶味道清清！比較其他中國茶淡味；可以解膩，確實不錯！

從摩囉街找完書,信步返回中環,見有一段日子無食越南河,忍不住試試.店內裝潢簡潔,伙計笑容可掬,手快腳快,印象已經好了不少.看看牌餐,下午茶的選擇可算多,但反正尚未肚餓,就來一碗生牛肉河.河粉未到,先來一小籃芽菜及九層塔,好讓客人放入湯內一齊食,不過牛肉湯似乎未夠熱,牛肉上檯時仍是姻紅,呷口湯,牛骨味偏輕,再夾起河粉一睇,比較粗糙,以牛肉粉而言,個人難以接受.另上一杯荔枝冰,反而清清涼涼,感覺討好.如不是服務好,真的會給喊臉

今天我前往上環、中環一帶逛，在上環找到一間環境不俗，食物合我胃口，而且價錢相宜的食肆－Pho Tai，於是便坐下，並叫了一客熟牛肉河粉+青檸梳打。不消十分鐘，它們就端上來。我吃熟牛肉河粉，覺得河粉很爽滑，湯底很鮮美，而且牛肉一點也不靭，只是"鞋"了一點。至於青檸梳打，喝起來不會覺得"甜到漏"，而且更喝到青檸的真正味道，相信是用了不含糖份的梳打水，而非含糖精的"七X"、"雪X"之類的汽水之故。總之，這一餐雖簡單，但卻帶給我驚喜！

我同2個朋友一齊去試依間分店好唔好食。叫左火車頭，生牛肉轉熟牛肉。好食。湯又清又香又有味；牛肉係牛輾之類，牛肉味濃而清；楜椒牛丸的牛肉味比坊間一邊牛丸更濃。不過，牛筋就無乜味，閃光中意台灣牛肉式的濃甜味牛筋，但我可以體諒。呢隻火車頭可以食得出呢間的湯河係掂，湯掂，河粉又掂。越式蒸粉卷，好好味！糯米、肉碎，足料。食入口仲有一種好濃又不一樣的甜味。由於我比較不好甜，所以點魚露，好好味。呢間 Pho Tai 湯河又掂，小食都掂，我好中意。可惜今次無試飲品。下次試越式滴漏咖啡...

friend 介紹呢間的生牛河正，同澳洲的有得揮，我gym完就來試吓生牛河個湯係靈魂，呢個牛河牛肉同粉都ok，跟粉的配套(芽菜香菜之類)又多，個湯唔係唔好，但就係差咗Ｄ靈魂講咗甘多廢話同靈魂，其實可用「普通」形容仲有，有好多蚊之仔陪我食，老細最好攪攪佢

今日...心情好差..朋友們夜晚話去唱K...自己唱K前走左黎依到食碗河叫了一個$49的set，可以揀一碗河+一個小食，就叫左個生牛肉湯河同埋扎肉(半份)。生牛肉湯河...牛肉有點行...湯底清左一點，一般般。扎肉所謂的半份只係得6片，仲要切得幾薄片，同埋實左少少。定係我心情太差...好似食不出味道...

我偶而也會幫襯這間就近屋企的越南河粉店，品質及地道越南口味一直都算對辦，之前見樓下的網友說這裹提供的生牛肉湯河水準下降了，今日在寒潮下持續低温，周末下午忙過後便來Pho Tai 食碗熱辣辣的生牛肉湯河暖一暖身。看相中湯面上的生牛肉片在上枱時仍見血色，從红潤的血色可見薄牛肉片很新鮮，當然在滚熱辣的湯中浸泡一會便會轉色，沒有肥羔的牛肉入口感覺很柔軟，肉紋像絲般成一條條直線，這不是那種脂妨滿布的雪花肥牛，是較有質素的牛肉，但不肯定是不是越南人喜愛的黄牛肉呢?! 很久沒來今天試過後，發覺依然保持水準。茶市時段廿三蚊已包熱飲一杯，平日正價湯粉單叫也要三十元一碗，這裹散叫飲品也不相宜，所以吃套餐會比較抵食。

因為被店外的香味吸引, 好耐之前都幫襯過, 記得係唔錯的, 今次再嚟, 都幾失望叫咗個香茅豬扒湯河, 同以往一樣都係自己加配料如芽菜等, 不過我加完都係覺得個湯河好'疏落', 豬扒得幾件仔, 睇都出唔係由一塊豬扒切開的, 湯就好多, 但係河就好少, 朋友食撈濛, 但係俾得一小碟汁俾佢撈, 人哋嗰啲係放成支响枱的一食完侍應就好快收咗隻碗, 唔係我咬住之飲管唔放, 佢會搶埋我杯飲淨少少的奶茶走添, 我知食晏時間人多等位, 我都已經食得好快ga啦, 駛唔駛咁趕客呀好日都唔出嚟食晏, 唉, 都係留响公司叫外賣飯盒算了

好耐都冇到pho tai食lunch, 呢日約左個朋友去食, 嘩~~好失望, 以前覺得佢好好食, 但係嗰日去到, 叫左個豬扒檬, D豬扒得幾條, 仲要係豬扒唔係豬扒囉, 食落去成條都係炸粉, 仲要有味架, 仲要係放左好耐冇人食, 炸完嗰個味. 35蚊個LUNCH都唔算平, 但係真係好差....我以前都成日食, 但係過左一排冇去, 質量差咁多, 我以後都唔會去食!

一心懷著興奮嘅心情去食越南河，點知失望而回。分別叫咗生牛肉河同火車頭。今日Pho Tai嘅湯底差咗，如果平時啲湯底有十分，而家只係得六分。同平時嘅味唔同咗，差咗，味精重咗。啲材料雖然好，但由於湯係成碗粉嘅靈魂，所以無以前咁好。

記得自去年夏天吃過越旺的豬扒撈檬後，往後去到越南餐廳便會點這個菜，不過不是間間都有好吃的豬扒撈檬非常近公司的就有這間，看過評語好像OK，我當然不放過這機會。Order了之後正想著哪有筷子?往後看恰巧看到有個女人從其桌側拉開抽屜，我才知食具在裡面呢...每桌都有，夠自助但有提點的話會更好還是點了香茅豬扒撈檬，跟熱檸茶。撈檬很快便送上，一督便留意豬扒，的確是幼小，但數量還可以。豬扒雖然弄得將香口，但脂肪多，吃不到啖啖肉至於撈檬，OK，份量更ok，因為少吃到撈檬有這麼多檬粉不過好像不太新鮮，有點淋，感覺mama。配料份量算小但尚可，魚露我覺得可以酸一點。熱檸茶ok，不會太澀。本想要熱檸蜜(越南餐廳不是多數有檸蜜的嗎?)但這裡沒有，真失望。在港九新界都吃過撈檬，還是覺得灣仔的越旺最好食

七月三十日(星期四)是日去上環吃,路途上有幾陣雨,亦無阻礙我們搵野食的決心呢!每次路經Pho Tai時,都見到有很多人排隊,次次都想試,不過都已經吃飽了!今日行到去時間比較早,不用多等就有位了!首先,店員拿了些生芽菜,我還以為是拿錯了!原來是前菜呢!我們點了set!我點了個香茅豬扒凍檬,要了凍檸檬茶老公點了個生牛肉河,香茅雞奕,要了檸檬梳打香茅豬扒凍檬,香茅豬扒不錯!很惹味,不過比較薄呢!凍檬好吃!魚露是比較甜的,我喜歡!生牛肉河,好味道!特別是河粉!比較幼的!湯底很香,老公說牛肉也不錯香茅雞奕,比較細小呢!吃起來不錯!推介!記得要早點來!

Central on Sunday was very quiet and peaceful. I loved its tranquility. We needed a afternoon tea, so we came to try this place. During weekdays, we could never been able to try this place as it had always a queue in front of its shop. So good that could try on Sunday. This shop was rather small in size, so could only organize its tables along the walls, rectangular in shape, with only round stools. It had several empty white bird cages as decorations. Quite elegant, but a bit off with the

好受氣. 叫左個午餐, 落單叫左熱奶茶, 飲左一啖, 真係好難飲, 杯野係偏灰啡色, 而且無茶味, 好怪. 叫佢換左ICE LEMON TEA, 一樣麻麻. 我當日係坐係廚房門口, 見到晒入面架因為無門, 只係得一幅布簾. 嘩, 入面有幾個C9, 地方好亂, 仲有個地係非常之濕, 成地都係水, 仲有跌左落地既芽菜呀, 肉碎... 好彩個日食完無肚痛. 不過好口乾.