葫越 (AKVO酒店) (Closed)

之前黎過幾次，都少無問題嘅，係今次黎到，首先佢話得一個人喺廚房住晒咁多枱，我地3個人等左半個鐘都未有一碗粉，已經覺得伏伏地。我嗌嗰個香茅雞扒飯，一上枱賣相已經差，隻蛋黃已經係爛左。點知食食下有舊雞肉唔熟！透透地，佢攞入去煮多左下，俾翻我，等二次了，都係唔熟。。。真心我同啲同事食完係肚痛。。。絕對黑名單我唔係高要求，係真係基本煮熟都無，仲要攞翻碟嘢，話再煮過，而唔係換過碟俾我。。。都唔緊要啦，仲要唔熟，真係無嘢好講

星期日上環好多餐廳都冇開 呢間價錢唔平但味道一般嘅越南嘢食🫨🍜🍤唔會encore越南牛肉湯河粉 （自選生牛肉牛柏葉） $73 唔推❌個湯好濃 但有啲味精feel 🤭生牛肉上到黎已經熟晒 味道普普通通 牛柏葉係細細舊 味道幾好小食方面 芒果芋香炸炸網卷 4件$48 🥭🍤唔推❌裏面完全搵唔到芒果🥹但芋頭餡幾好食 幾綿密但個炸物表面好多油 如果冇油又會好啲炸蝦餅 $46 唔推❌蝦餅太薄 所以冇晒口感 裏面啲料都好少同埋都係好油🥹可以唔使叫啲炸物都一般太油

個人覺得，上環餐廳選擇不多😢去左蘇杭街搵食，見呢間越南野門面正正常常就入左去。叫左4樣嘢，～豬肉海鮮網卷撈夢 $69先講個網卷，幾脆和相對少見的餸菜，不過只有3件，好似少左啲，夢粉份量都好多👍🏻，味道不錯👌🏻～生牛肉牛筋湯河粉 $69生牛肉太硬🥹牛筋正常味道，但湯底太咸，有點失望～素扎肉湯河普通扎肉好味啲🙈～炸蝦餅香茅豬扒飯豬扒偏乾，蝦餃ok，整體也算過得去。呢間越南野唔係唔好食，但係無乜特別，而且價錢唔平，一般。🙂

晚上很大雨，不想去太遠的地方吃，就選了這間在我寫字樓附近的葫越吃河粉。我不是第一次來，他們剛開張時我常來，那個時候牛肉河好吃，價錢也合理；後來不知是轉了老闆還是怎樣，無端端轉了河粉，很難吃，就沒有再來。已經很久很久沒有來過，無論如何也不會想來這裏，沒有想過今天還是要來重大伏一下。去到門口，往時的難忘影象再次出現，但服務員很主動去到門口，熱情招呼我進去；真是一時沖昏了頭腦，就進去了。坐低之後，很後悔。第一，我不覺得他們會在一年後突然間河粉變得很好吃，第二，他們收的真是酒店價錢，一碗牛魔皇河粉賣 HKD89.00，一杯凍薏米水賣 HKD24.00，如 benchmark 就以隔離的生記牛腩河計算，他們最少要好味過生記一倍才算等價。我心想，一碗河粉，一杯凍飲，坐在禧利街街邊，收我 HKD113.00，我真的想走；這個價錢，我去生記叫個牛腩河，再去生記粥品吃碗粥，再去生記米線吃碗雜錦米線還可以。真的想了很久，算吧，看到他們生意這樣差，也沒有人，就叫了。環境也算是可以的，但只是可以，任何的越南餐廳都有此裝修。牛魔皇來了:和我一年之前來的那碗走了樣的河粉比較，不是一樣差，是更差。廚師沒有味覺嗎？我

經過上環見到呢間越南粉就試下，食越南嘢通常我必叫香茅豬扒湯河，同越南春卷加左杯咸金桔，先講講個香茅豬扒湯河先，佢有分香茅豬扒湯河同香茅豬扒雞湯河，我就叫左雞湯，但我食唔係好到有雞湯未，味精比較重少少，而且同普通湯無分別，豬扒就ok夠香茅味，至於個春卷，因為朋友仔唔食海鮮所以就叫左個粉絲芋頭做餡嘅春卷，大為失望，因為我好鐘意食春卷，佢炸到個春卷所有餡到燶哂同硬硬地，而且成餐飯食完好似無食過嘢咁，好細碗同唔夠飽

嘩嘩嘩~.攸桐媽都開始要回復正軌返工啦~.因為WFH我真係無出去, 長期與張椅子為朋友(.....唔係一件好事.....).有機會外出返office, 當然都想出去行下啦~ 於是我上星期就無帶飯，同同事2個人走出去食lunch relax一下!!!.我哋去咗公司附近食越南嘢!!Pho Woo (葫越)我選擇咗食佢嘅越南牛肉湯河粉 (Beef Pho).佢可以揀2樣餸架, 有咩選擇?.生牛肉、牛肋條、牛腩、牛筋、牛丸、牛柏葉同埋扎肉比你揀。.我就揀咗生牛肉同牛柏葉啦~.佢嘅牛肉嫰滑，牛柏葉又好爽口~ 重點佢個湯底都好夠濃~.總之攸桐媽我真係大愛呀~.下次等我都帶鍾意食越南嘢嘅攸桐爸去食啦~.Pho Woo (葫越)地址: 上環蘇杭街57號AKVO酒店地下#攸桐媽飲飲食食遊蹤 #攸桐媽 #攸桐媽媽遊樂團 #三桐攸 #zozimama #越式美食 #上環美食 #PhoWoo #葫越 #hkmama #hkmamablogger #hkmami #hkmamiblogger #hkkol #親子kol #親子blogger

Very nice curry with an egg topped on the rice. Was quite delicious and served me well during my lunch break. Never really had a vietnamese curry before so didnt really know what to expect. Was filling and tasty. Location is in a busy area in Sheung Wan in one of the backstreets, Be prepared to share tables as its local style.

下晝嚟食晏，見開咗冇耐就去試吓..叫咗兩個雞湯河，等左差唔多半個鐘，催佢問下咩情況.. 點知同我講落漏左！！ 又見佢隔離枱啲嘢食成日都上錯！牛肋肉變咗生牛肉..... 隔離枱都成日催單..之後黎到又唔好食，河粉份量又少..... 雞湯一啲雞湯味都沒，感覺全部都係味精，啲手撕雞肉又唔好食，好似係隔夜整定咁😥然之後啲樓面又懵下懵下，水都唔俾杯人，真係慳成本😂中上環 好多同樣價錢但一定比佢好既越南粉！唔會再幫襯！

一試就中伏，等左半個鐘，一追啲伙記原來未落單. 佢就甘擺左張落單紙係部電腦隔離！我地問佢係咪無落到單，佢先承認，仲要態度極差。 我叫雞湯河，個湯係史雲生雞湯甘。勁細碗，食完都唔飽。 眼見每張table都有出錯，咖啡比錯隔離table，有一張table要凍飲佢地比左熱飲。有一張table要牛腩，佢比左牛肉。 有啲外國人叫左小食，等左半個鐘都無，要狂追。 同埋呢間野唔provide水，仲要唔平 都幾貴。寧願食中環其他pho都唔食呢間！ 一定無下次

正宗又有誠意 牛魔王湯河粉料足，湯底清小食份量都可以，雞翼最推薦，非常野味椰子咖啡沙冰好特別 椰子味夠濃 唔會太甜上環試過好多越南餐廳，哩間雖然唔係價錢最平，但係真係so far 最正

啲嘢食嚟錯晒，叫咗牛肋肉變咗生牛肉,加錢叫檬粉點知黎左河粉，檬粉係要加錢的，埋單時又收左檬粉錢。最嬲係店員無時無刻都留意緊我地幾時食完，一放底筷子就叫我地埋單，我都仲咀嚼緊，隔離台本身到左2個人差個朋友好快到，迫落左單先，坐好企圖迫調位，我以為間野好多人排隊，點知走時得4個人，洗唔洗咁趕客走呀！其實食飯時間食完就走係好正常，但唔會係立即囉，食餐飯都受氣，又唔係特別好食，又唔係特別平，我下次就唔會去啦。

平時係上環食開嗰間越南嘢平靚正，點知今日一去到執咗無辦法啦，已經一心諗住食越南嘢，唯有食另一間行過隔離街見到依間，唔使等位就入咗去一戰雞絲撈檬 $68嗌大走左蘿蔔同走葱，所以望落好似好清淡雞絲無乜特別，無乜味，又唔算好鞋既如果有返少少味應該會好味啲至於啲花生太大粒又硬又唔夠香好醒胃不過啲料沉澱晒，淨係倒到啲水出嚟自創特色雞翼 $20都少少辣不過即炸，又香又脆又juicy, 依個雞翼唔錯唔錯比平時食開嗰間貴啲又無咁好食又係時候要物色過其他嚕

今日好hungry黎到上環lunch上openrice睇到呢間食越南河粉感覺就好似ok唔錯咁就搵路去啦😁一去到 佢個門口好窄呀 好細個門口入去一坐底睇下個餐牌價錢唔算平 仲要冇嘢飲 感覺唔係好抵最後揀咗個自選三餸河粉生牛肉牛丸湯河粉 $68好快碗嘢就上枱啦賣相都唔錯嘅生牛肉牛丸牛肉其實都可以接受唔算好但都唔算差牛丸牛丸好細粒應該係一粒切到好細粒份量超級少 好唔抵最後總結一碗越南湯河好細碗食幾啖已經食完60幾蚊仲要冇嘢飲好唔抵食

食物 : 牛魔王湯河，料湯河粉都好食，無水。環境 : 坐bar檯 感覺唔錯幾好坐，可以抖下。服務 : 下午茶時段無人，但好似好想你快d走，有禮貌。整體性價比低。備註 : 有wifi search 到，但沒有密碼

扎肉手撕雞湯轉檬粉(+$5)🥢 + 鹹柑桔雪碧• 雞絲份量算好多，味道偏咸咗少少；• 扎肉就相對上較少，得兩片；• 檬粉份量適中，個人覺得比起河粉，檬粉同雞絲更加夾；• 其他配料尤其芫茜都交足貨😋，幾乎食到尾都仲有；• 至於湯底就真係偏咸，一開頭邊食檬粉邊飲湯都還可以，但係食到最尾飲幾啖湯果陣發覺真係幾咸😖• 鹹柑桔雪碧要$29杯，都幾貴下，建議可試其他嘢飲；📍 餐廳環境都企理，不過吧枱略為高咗啲，食嘢果陣有點吃力。