Piccolos (Closed)

作為街坊，久唔久都幫趁呢間，喜歡佢食物有水準之餘環境較舒適。但最近一次午餐令我覺得好失望。。。我幾乎每次都叫COB salad with chicken同Marinara spaghetti, 今次亦唔例外，salad保持水準，味道配搭得宜。但個spaghetti 就好咸，初時諗住算，但見間中都嚟就諗住好心提吓，點知個女侍應話咁咸係正常，我嗰吓真係呆咗，我話我食過好多次都唔係咁，但佢堅持"it's normal"。算！我叫佢俾碗水我等我冲淡啲汁，點知佢俾凍水我！真心失望！

行完西貢就去搵野食。。。途徑有好間西餐廳 但某幾間逢星期1,2都有買1送1優惠。。推介蟹肉意粉 份量十足，味道鮮甜 意粉彈牙，海鮮意大利飯 酸咪咪好開胃。配埋杯mixed fruit smoothies真系用新鮮生果制作

有人介紹下黎到試新野，因為星期一二，有買一送一🙂🙃，即刻好抵叫左個蟹肉意粉，同一個意大利飯，蟹肉份量十足又冇腥味個海鮮意大利飯都好足料，可惜等既時間比較長，一班人傾下計等下都還可以，唔係都要比啲耐性，不過150$個餐Buy 1 get 1抵

今日我又入黎西貢做嘢喇！請客人去食西貢新開的Cali-mex連鎖墨西哥餐廳隔離呢間開業很久的西餐廳食早餐，味道真好，招呼周到，原來客人在幾個月之前的星期一黎過呢間餐廳食晚飯，買一送一，好正！個女經理仲好靚女，識講廣東話的。餐廳枱上面有兒童畫畫的蠟筆。1）水波蛋早餐套餐跟熱咖啡（客人話好正，連沖咖啡嗰啲奶都係熱嘅）2）煎蛋，肉腸，煙肉，炸薯餅，焗豆套餐跟熱的伯爵茶（我呢個都唔錯，只是焗豆稍為硬左啲，所以應該唔係罐頭貨）因為我患左感冒要食藥，給女經理發現了，她為我斟來一杯暖水，服務周到，當時枱面上每人有一杯有檸檬的冰水。

閒日夜晚進入，都好多人捧場。捧場客以附近既外國同本地居民為主，都有小數我尼類既區外客，主要係被佢既氣氛同推廣吸引。“main course buy one get one free”夜晚擺多幾張枱仔係門口，點下蠟燭，搭返個西式篷頂，寫意到呢…一行3人，叫左4樣野十3杯野飲(本人飲既係富果香味既啤酒$65/杯)。我地等上菜個陣，不斷見到侍應捧住碟頭都幾大既菜分發去其他枱，而且色香味俱全，引到人未食先興奮侍應既服務態度都值得一讚，同埋五加收切餅費，裝修佈置都好warm好有心思。

是日父親節，特意早起與父親大人到西貢享用早餐想選一些較靜的餐廳，所以選擇了piccolo，大部分客人都是外國人，而且坐室外，風景也較美但父親大人怕熱，我們選擇坐室內，座位也挺舒適的餐桌上的小擺設十分精緻，亦附上蠟筆可以讓小朋友畫畫飲品是跟餐的，我叫了hot chocolate 味道調配得不錯，很濃郁，不會太甜。餅乾沒有用很多牛油，容易入口主菜我叫了Eggs Benedict with smoked salmon and cheese, 對面的是Breakfast Burrito。Eggs Benedict 蛋做得不錯，塾底的多士口感十分好，與蛋十分匹配，唯一美中不足的是醬汁酸了一點，與smoked salmon不太配，而沙拉雖簡單，蔬菜十分新鮮，整體來說還是不錯的順帶一提，係需要付加一服務費架😘

與先生到西貢用午膳，在西貢順步而行，到了這個西餐廳集合的廣場，花多眼亂，時間尚早，很多店都還開門不久，人客不多…先生選了人較多一間，室外位置只餘一枱，待應說已Reserved，我們覺得待應說謊，室內有大量位置，它們只希望留最後一枱吸引其它客，由於很多餐廳都有室外位置，我們便欲離開…待應才讓給我們…，這無傷大雅的慌話也太差了吧！點了一個Egg Benedict，配菜點了菠菜及蘆筍！等了也頗長時間，不過我們也不忙，享受一個清閒的Lunch！枱布上舖上一張大白紙，枱上有臘筆……等菜無聊時可以畫一下畫…客人用餐完他們又可以不用清枱，把白紙一併掉了……不太環保！食物上枱了…賣相原本是可以的，但幼薯條加茄汁實在大煞風景。沙律菜新鮮，Egg Benedict的Poached Egg正正常常，反而墊的包烘得不錯，很香口，菠菜及蘆筍也算新鮮，就是調味不足！這個價錢…食物水準及份量只是一般……但是室外座很是休閒！

香芧雞肉意大利飯﹕成年無入西貢，今日襯有假期，同太太入去行下順道搵食。一早做左功課，見佢既香芧雞肉意大利飯既食評一面倒…”好”，就唔洗點諗啦，個餐飲Juice當然唔係鮮榨…無咩好講。香芧雞肉意大利飯一上黎，賣相就無咩，不過呢個我反而無所謂。個飯好香香芧味，入口咸味適中，好特別，以新鮮香芧應該無咁既效果。意大利飯略略煮過左少少，岩晒香港人！一路食，一路讚…老婆唔食雞都食左兩匙…食左7成既時候，恐佈既事就發生啦，見到碟邊有一層油浸住D飯…都有D奇！於事側起隻碟啦，D 油越出越多，足有兩三湯匙油，油於意大利飯稠身，有D油就測起左都出唔到黎，可想而知頭先連埋D飯入肚既油有幾多…再去問待應係咩油，佢答我牛油，即時跌入地獄！………….點解唔係Olive Oil?.....牛油香D好食D 我當然明啦！問題係，煮意大利飯只係開始用油爆香配料，之後用上湯煮飯，D飯應該吸晒D油同湯汁…點解上枱仲有油？後加？牛油浸飯…大家又想唔想食呢？諗起都想嘔…

原來今日是情人節。沒有有任何計劃去慶祝, 只是由農曆年尾病到年頭, 見身體好轉不少於是帶小女兒到郊外去走一走, 吸收些新鮮空氣順便曬下太陽殺殺菌。到了餐廳最集中的灣景街, 揾間未試過的“Piccolos.” 灣景街的西餐廳都分為室外及室內用餐區。不少外國人都拖狗來用餐, 有些置身外國的氣氛。原來打算坐在室外扮下渡假, 點知外籍店員立即帶我們到室內, 而且上了樓梯去到閣樓。其實當時室外、室內都有不少吉位, 真不太明白為何要我們坐閣樓。當時閣樓空無一人而且連空調都未啟動, 氣氛悶熱。莫非只有外國人才能夠坐室外吸引途人?MENU封面是熱女郎內容簡單, 没有圖文並茂, 菜式主要分為Salads, pizza, pasta and sandwich, 款式大路。沒有午餐供應, 每款主菜大約百多元。如果多叫杯飲品, 連加一要過二百, 以午餐來說不叫實惠。<和牛漢堡 $155> 漢堡及薯條用木盤送上。份量大份, 只靠一人力量難以完成。由於配料只有蕃茄、生菜及洋蔥, 老公可以輕易把漢堡切開一半。漢堡用和牛做成的免治漢堡, 漢堡肉質嫩滑, 可是牛肉味不夠濃郁而且肉汁不足又無牛脂香, 應該

平時與家人經常在西貢吃飯，中菜、粉麵與泰國菜都吃得很厭了，襯著家人生日，來點新意，不如去吃西餐。試過西貢很多間西餐廳，除了一兩間好吃但價錢太之外，老實說大部份質素只屬普普通通，價錢又不便宜。撇除掉幾間難吃得不會再去的餐廳…價錢比較相宜的剩下不多，記得有朋友介紹過 Piccolos 就來這裡試試吧。曾經以為西貢市中心這間 Piccolos 與 Piccolo Pizzeria & Bar 有關係…原來一點關係也沒有…大家別搞錯啊。【招牌沙律】（港幣 $145）吃西餐例牌點個沙律作為前菜醒醒胃。招牌沙律可以自選配牛肉或雞肉，雞肉大大片，份量又多，我向來很怕大片雞肉煎得焦香卻太乾身，但這裡的雞肉又出奇地非常滑嫩多汁，不錯。底下的蔬菜份量夠多，只是新鮮度不足，開始有點出水的情況，咬落又不夠爽脆，但仍可接受。只有兩塊乾到硬脆的火腿…亦帶來失望，但奶滑柔軟的牛油果與藍芝士的濃郁香氣又補償了不少。【夏威夷豬仔骨】（港幣 $175/半份、$298 全份）沙律都未吃完就送齊主菜…家人記得我愛吃豬仔骨就點了這道豬仔骨，豬肉烤得軟腍，很容易骨肉分離。只是肉質肥得很…滿口脂肪過份了點。慶幸豬肉十分入味

開始踏入秋天，西貢既水上活動都開始要暫停啦，今日同朋友們去玩完一個下午既獨木舟之後，就行左黎Piccolos食晚飯。我地叫左2個頭盤同埋四個主菜，落完單無耐侍應就送上麵包俾我地，麵包送到上黎仲係熱辣辣添架。頭盤我地叫左白酒煮蜆同埋招牌沙律。白酒煮蜆: 蜆都幾細隻，味道都OK，只有少量既蜆殼係未開，味道帶少少辣，酒香偏淡，賣相唔錯。招牌沙律: 可以揀拌牛肉式者雞肉，我地揀左要雞肉。沙律醬汁份量適中，唔會過多，雞肉份量亦都比預期既多，沙律菜新鮮爽脆，比例都好足，食起黎感覺好清新，值得推介。和牛漢堡: 和牛略為肥，味道一般，做配菜既薯角整得好脆好好味。蟹肉扁意粉:蟹肉都算多，醬汁入味，意粉淋度適中，都算大碟。蘑菇意大利飯: 呢個意大利飯一D都唔油，又唔會好重芝士味，一D都唔漏，蘑菇份量又夠足，值得推介。Huli Huli Pork Baby Ribs (full): 呢個Ribs有分一份同半份2個SIZE，我地6個人SHARE所以就叫左一份啦，除左有Ribs之外，仲有薯條同沙律做配菜。Ribs香口肉味濃帶少少甜味，薯條薯仔味都好濃，炸起黎都唔會過油。六個做左成日運動既餓鬼食以上既食物份量好似

星期日自然醒之後好好享受一個悠閒的brunch原本是一件快樂事，但要花兩個多小時慢慢等一些味道不佳的食物送到面前，便徹徹底底破壞了整日的心情！餐廳主要提供意大利菜，但餐牌中亦加了不少西式食物，可算是環球美食大集會。問題便發生於這方面。能力有限，而且又不集中於自己所長，最後不能用食物取悅顧客。只為了金錢，為了可以有多些食客同時進餐而強行增加了很多枱櫈，可是明顯人手不足，不論樓面或廚房都不能應付。於是我們便要等很久很久才有食物。白酒煮蜆 － ＄108不論賣相和味道都相當出色。白酒的清香配合各種不同的香料為平凡的蜆帶出不平凡的鮮味。脆雞沙律 － ＄78如果這個沙律叫做乾雞沙律，應該沒有顧客會再投訴。雞塊乾涸程度難以形容，出神入化！炭燒牛肉漢堡 － $138於意大利餐廳吃漢堡其實是一件十分大膽的事。結果奇蹟沒有發生。要求5成熟的漢堡變成9成熟，完全沒有肉汁。難得麵包亦作出了配合，堅硬非常。但在旁的著角沒有「同流合污」，美味非常。鮮茄肉醬扁麵 － ＄108如果中式乾炒牛河大約有5匙油的話，這鮮茄肉醬扁麵肯定有15匙油！味道是可以的，但我已經被油份令到胃很不舒服，完全沒有享受食物之感。最後還因為油

小妺當天跟友人行麥徑二段,由浪茄走到赤徑,共12KM.那份的疲累, 肚腹那份的空虛, 不是一般餐廳 及食物能滿足的 .很雀躍的見到 Piccolos, 尤如 沙漠發現水源。坐位很舒適, 便立刻點了1. 墨西哥烤雞薄餅2. 美式漢堡 (很抱歉, 忘了爲 burger 拍照, burger 是很搶手的)墨西哥烤雞薄餅, 很好吃! creamy 滑滑的 guacamole (牛油果青醬) , 配甜甜.酸酸.少少辣的 Salsa (沙沙醬),再加 白滑的 sourcream (酸忌廉) , 夾在烤香了的雞肉，微焦的洋蔥 和青絲 的薄餅內.十分好味道 , 十二分滿足.吃完也不膩的 Fajitas.幾個朋友下午茶聚, 分享的吃著吃著, 也不錯.若是在夏天, 加杯 strawberry daiquiri or sangria , 更愉悅。

Having nothing to do and no plan at all on Sunday, me and my b decided to take a long drive to Sai Kung.It was quite crowded here on Sunday; it was quite an hard time to find a parking place.The view was great here and the only thing popped out in my mind was a very nice set of eggs benedict.After some random search using the Openrice app, we found this restaurant and turned out it was a very good experience.The restaurant was greatly decorated with a second floor where the view seems much bette

想問大家一個問題, 究竟你選擇一餐的時候, 是否會先做定功課, 一早定好了在那裡吃呢? 對我來講, 當然是先作好準備吧, 就算中招, 也無辦法.好像好久沒有憑感覺去惠顧一家餐廳, 是日一早來到西貢, 就想反傳統, 甚麼預備也不做, 就隨便走進這裡, 看看水準又如果. 這裡環境簡潔, 樓底幾高, 加上門前的空間, 其實是幾適合小朋友前來的. 店子看中這一點, 也提供了供小朋友畫畫的工具, 見是日就有不少一家大細前來吃早餐的客人. 看看餐牌, 都是相當大路的早餐選擇, 那還是來一客我們的心頭好Eggs Benedict, 再來一客pannini吧.Iced-Chocobana 雪香燕麥鮮奶 $40: 8分, 見這裡的good morning drinks是幾吸引的, 就來一客Iced-Chocobana, 跟餐的話只要另加$20, 但如果散叫就是$40一杯, 其實也是合理的價錢. 主要材料就是香蕉, 朱古力粉, 朱古力醬, 再加上麥片及鮮奶, 幾款材料加在一起, 又是幾匹配的. 因為加入了鮮奶, 是減輕了朱古力的甜度, 而麥片的出現, 亦是健康一點的選擇. 飲落口是凍冰冰的, 透心涼, 最