稻香超級漁港 (Closed)

昨晚兩公婆去飲有四個驚喜1.通常有三個熱渾,其中一個高湯生猛龍蝦(金銀底),原來金銀底是銀芽及金菇,味鮮甜又爽 口2.伊麵變咗上湯浸菜肉餃,湯底清甜有番茄、小棠菜,餃子菜多過肉非常健康架3.炒飯變咗荷香絲苗,油少有荷葉香味4.講到甜品通常百年好合(即紅豆沙)變咗雪蛤燉紅蓮,味較甜我覺得今餐D食物除咗乳豬較肥膩其他好有營

今日是麵包超人家族族長的生日，族長最愛此品牌食店一班麵包超人家族成員就到來祝賀一番..敬祝族長身體健康，萬歲萬歲萬萬歲。當然，族長愛人(女朋友)，也是身體健康，萬歲萬歲萬萬歲。我們晚上8時到達， 好多人..相信是近中秋...好多人做節我們坐到接近9時才有第一味食物.....1 元雞....好高興...這集團是用1 元雞....:做周年宣傳...其實...已經有好耐歷史.....但真的第一次有機會吃.....味道不錯...似客家咸雞...size 少少..比鴒大少少.....但有肉吃...且不設上限.....雖然我們已叫了酒席...但我們都吃了 3 隻小雞人手不夠.....9.45pm..才上乳豬拼盆...3/5....其他可以入口的只有大海班 3.5/5...好新鮮...煮得剛剛好....壽桃麭..好軟好味好香...最差是那個不知是什麼魚翅....我肯定地說...差左街頭沒有料的碗仔翅...極少極少的肉絲..翅...當然找不到....粉絲..也找不到....只是上了色的生粉水到大約 10.45...d 人開始走...始終是多家庭客...哈哈我們立即被熱情招待...今晚真的好開心....

今日第1次去呢道打邊爐都唔錯又平又好味~呢度都幾易搵同唔太多人~我地一行十人黎打~都係食左七十幾蚊~可能因為多女仔同大家都唔係太肚餓啦我地八點十到黎到九點就有得入去~不過可能因為新開所以唔太多人啦~呢度環境同服務都okay丫~野食好多種類~味道都唔錯~今次試左鴛鴦湯底~幾好味肥牛好好味~魚面都值得一試~其他冇咩太特別會再黎~

昨晚一家七人去食飯，失望叫了個套餐:1. 上湯龍蝦麵 --- 難食，水汪汪，D 龍蝦唔新鮮 兼" 鞋 "口， OVERDONE2. 大班兩味 --- 賣相 差, "色" 唔得，見到都唔開胃，又係水汪汪3. 紅燒乳鴿 --- OKAY,冇特別4. 燒雞 --- SALTY5. 乳豬 ---都算脆，又係賣相 差，伴碟核突這間 稻香比其他我去過的特別差，D 上菜碟好求其希望整體有待改善

這裡的一樓在中午十二時便開始營業,所以不用花太多時間等位,但因為價錢頗大眾化,顧客也頗多.在入座前,知客小姐已問定要甚麼茶,以增進效率,但郤事與願違,把柯打開了雙,兩份茶,兩份滾水,兩份茶具,茶郤是最後來的.剔了一個優惠孖寶$98:有燒鵝一碟,油爆蝦湯米線;點心有:煎釀雙椒,鼔椒牛仔骨,燒賣,炸雲吞.燒鵝:是髀和少許腩,不好也不壞,六分.油爆蝦湯米線:很差,是魚湯底,呈白色,很淡而無味,很腥,有幾隻無鮮味的甩頭小蝦在面,幾片青瓜.剛上時還熱,不太難吃,放涼了便不能入口.米線太淰,吸了勁腥的湯便很差.只可以給二分.煎釀雙椒:魚肉的味道還可,但很薄,很油,雙椒一紅一綠,像塑膠製品,不能咬開.五分.鼔椒牛仔骨:是真的只有骨,味道則ok.二分.燒賣:四隻,是稍為可接受的點心,七分.炸雲吞:三隻,是泠的,油不斷滲出,有"益"味.二分.假如這樣的水平,要我再來也休想.

僅九度的寒雨夜，跟女伴、父母到這兒吃廣式火鍋。點了特價$88 的醉雞鍋底配黑豚肉，再點了十二樣配料粟米配蘿蔔、青芥墨魚丸、菠菜、雜菌、珊瑚蚌、牛骨髓配牛百頁、芋絲、水餃配魚皮鮫、肥牛、鱔、魚鮫、魚麵…等）。配四罐汽水，埋單才$66x，平均每人$170，料鮮味足量多，吃到撐！唔貴，仲幾抵！那醬料tray 相當cutie，有花生碎屑、金蒜碎屑、銀蒜碎屑、蔥粒、紅辣椒粒、沙茶醬、辣椒醬、腐乳醬。場面超多人，訂六點半，可以食到成八點九，唔錯！絕對有下次。

今年公司唔知搞咩，居然喺中式酒樓度開xmas party，慶幸嘅係成班同事都玩得好投入、好盡慶！由於我哋公司只係擺咗十圍，於是酒樓只係間咗一邊俾我哋，講真，裝飾就無乜聖誕feel架喇，靠我哋自己帶去都唔帶得好多，不過在場嘅店員都好合作，盡量配合我哋，成個場出到黎結果都幾好睇。未開席之前有好大"兜"fruit punch俾我哋飲，乜中式都有呢家嘢嘅咩﹖最impressed嘅係每枱枱面都有座「生果山」，幾種唔同嘅生果堆到勁高，廿人都食唔晒！好喇，到上菜，一開始就係我最鍾意嘅乳豬，燒得啱啱好，正！雞絲翅入面d翅都幾多，咬落去都彈彈吓架！其他嘢例如魚、飽魚果d都幾好味，最鐘意嘅係有人分埋餸上枱，唔洗煩！差咁d嘅係全晚掛住玩，搞到d嘢凍晒先食，如果唔係應該更加好味！臨走前忍唔住走去問店員拎咗張宴席嘅菜單，諗住屋企做節可以黎喺度，價錢ok！唔知係咪最近先食咗一餐類似嘅宴席，搞到有比較，覺得呢間無論喺服務同食物方面都抵好多！

這酒樓甚為怪雞,一樓叫迎喜,二樓叫稻香,是同一集團的酒樓,問知客小姐,她說是營業時間不同,仔細一看,牆上掛著不同酒樓,不同時段的點心價目,早餐時間和下午茶時間比繁忙時間,即十二時至二時的大中小點價錢約便宜二元.知客小姐說不介意搭枱二人便立刻有位,否則要等.於是等了十五分鐘才有位.直上二樓,給帶至挨牆的小方枱.好在還不算太擠.茶是知客小姐一早上樓前柯打了的,所以很快便有茶飲,不過由頭到尾也喝不到任何茶味,是真的不可置信的.點心紙有多款,以配合各時段,便宜的數元一樣,但郤變了蛋家雞,因時段不對.叫了:綿花雞,煎雙椒,雞札,燒腩仔,黑椒牛仔骨,牛肉腸粉,鴨掌柚皮,山竹牛肉.值得一提的是燒腩仔,斬成一截尾指的大小,皮脆但肉味和肉汁欠奉.牛肉腸粉的饀料有怪味.最好味的算是煎雙椒.其他的乏善可陳.最反感的是茶,淡得豈有此理.服務亦不佳,由頭到尾也無人換骨碟.食具全部有茶漬,使人不安.個人覺得廚房在食客的旁邊甚為不妥,因常聞到油煙味.

新開的稻香, 廚房竟然是開放式!!失望的是餐牌上的食物不計海上鮮只有十款左右, 比茶餐廳還要少, 連例湯也沒有!! 驚喜的是食物水準不壞, 咕嚕肉尤其好味, 炸雞也不錯, 比較差的是甜品, 大概是早上飲茶賣剩的, 賣相差, 味道更差。可能是新開張, 又可能向來稻香均如此, 食物是一批批上的, 就是說如果你鄰檯也有人叫同樣的食物, 那便很快可以吃到, 如果只有你一檯叫, 大概要等到有另一檯人再叫廚房才會整俾你, 等待時間可以長達大半個鐘不止!!

呢間好新下，我都係上個星期先第一次黎。同老老的伯娘慶祝生日，筵開兩席。菜式好好味，同去飲都無咩分別。碟頭全部都好大下。咁多樣最唔好味就係個翅同雞。後來的壽包好得，食完一個都仲想繼續。: P祝伯娘生辰快樂!!!!!