稻香超級漁港 (Closed)

本來無咩衝動寫這編食評，但為了寫昨天不倒翁的一編，所以就補番這編先啦話說天氣忽然轉冷，咁更係想吃火鍋，點知臨近聖誕節掛，又或者無左佔旺角事件，條街暢通番，旺角的食市又超爆，原定又係去富臨的我們，看見創興大廈個條等電梯的食客人龍，都無晒食慾，再加上都成8點了，都有肚餓感，唯有改送去非任吃的火鍋，最近的似乎較企理些的，應該算這間了。幸好一上去有位，但這店人手超不足夠，我們叫了的是皮蛋炎茜清湯，但半個鐘都無煲來，只看著一碟一碟的生肉配料，我倆好在都忙著傾計，唯有再傾住等，反正都找不到待應問，後來我見鄰桌終於等到個鍋，而後面桌又開始投訴，就望住俾客埋怨的部長，卻忽然有個待應急腳行過，跟我們說你們的鍋轉頭到，我去拎！真搞笑，果然轉頭就有，但咁大個女吃火鍋，等個普通鍋都要等成半個鐘，真的是第一次兩個人當然眼闊肚窄 吃了牛肉同芋头，菜，脆鲩都飽了，但因脆鲩好細碟，不夠喉，再加一碟，又再加埋魚皮，終於都吃不晒魚皮，因為都不太鬆化囉，感覺是叫來浪費的！！！以上食物，不過不失，沒什麼驚喜或突出之處，但埋單都$600幾蚊, 只喝茶啫，這價錢都不算抵，但就無回味之處囉！環境都坐得好迫，好嘈吓架lor

今夜與家人到稻香用膳。有孖寶套餐，蜜汁叉燒和蒸魚。蜜汁叉燒味道不錯，甜甜的，肉質稔身。不會有很多肥肉，而且份量也算多。口水雞，不辣的。但味道偏鹹，一上桌看到那層厚厚的橙色油已被嚇怕。奇味鴛鴦雙耳，是豬耳和雲耳。味道鹹鹹甜甜，是不錯的餐前小吃。柚子蜜汁骨，雖然不會有汁，但不會太乾身。炸得脆脆的豬骨，配上味道甜甜的柚子汁，酸酸甜甜很開胃。腐乳炒通菜，整碟也偏油。味道剛好，菜算爽，份量也足。整頓飯味道不錯。

父親一向喜歡飲茶，差不多每天都上茶樓，就算沒有伴，一盅兩件，靜靜地看報紙，輕易消磨一兩個小時，眼見很多老人家也是這樣子打發時間。這天我們去了九龍，下午茶也是上茶樓飲茶，第一次來這間分店。我們點了比較素的食物，廚部雙併一項，點了素鵝與拍青瓜。素鵝外層香脆，中間有金菇、紅蘿蔔絲，木耳絲等素食，加一點香醋，味道更添層次。拍青瓜很爽口，有些微蒜辣和醋酸味，但不是很濃，媽媽則說青瓜拍得不夠爛，不夠入味。另一項素食是紫菜上素湯米線，真的很素，配料味道比較淡，只有芽菜，紅蘿蔔和紫菜，跟素鵝與拍青瓜一起食用，味道才變得豐富。素食，給我的感覺是潔淨，但不易維持，間中一餐，好讓腸胃輕鬆一下。

食小菜卻被安排坐在火鍋區，熱到出晒汗，成班服務員仲嘈過啲茶客，上菜又唔夠位。最差係啲服務，—張單錯幾樣野，又冇跟進，三催四請，最後都係錯！叫左個乳豬例牌，入機變成了乳豬拼盤，送菜時跟服務員解說了，第二次上菜又是同樣的乳豬拼盤，服務員堅稱冇錯，講極都唔明，比埋張手寫單佢睇，仲係檬檬下，最後食晒所有餸，催左n次後才到。另外叫左個西湖牛肉羮，點知又冇入到機，又係要重覆講幾次，服務員先知咩事，個個都發緊夢，改完又唔出番張新上菜紙，催一次問—次查一次，不停重復錯誤，激到吐血。未落單前一坐底巳叫服務員留2個椰汁燉燕窩，到叫上甜品時就上得1個，還推說我們只叫了1個，最後又係要對單，當然又係佢地入錯機啦！改番單後，等極都冇，催親都話黎堅，最後又係冇到，差啲要拍檯鬧人，先至肯認真跟進。總括而然，服務員你推我讓，聽完就算，做野冇程序，得過亂字，食物水準是不錯的，但會被激到吐血及浪費大量時間！

因為需要步行十幾分鐘，所以唔系日日去.今日去到唔使點等就有位，環境OK, 午市食物選擇仍然很多，價格合理。我個女次次都會食碗仔翅，煎堆仔碗仔翅都幾多料，落多啲醋好好味，煎堆裏邊系芋蓉，唔會好甜。我地就會食泰式酸辣鳳爪，辣得過癮，煎杏汁糕細細塊，有杏香味，少少甜，而黑椒魚雲就系老公至愛最欣賞系服務，個個有問有答，沖水亦很主動。很滿意，一定會常來

妹妹話呢間稻香打邊爐又抵又好食,近阿妹放工行幾步就到,所以選扯呢度,原本想打邊爐,但因有BB,所以還是選小菜食, 咁就開始我地o既慶祝父親節搵笨實難食之旅啦!!先講個女待應, 都未齊人就猛咁sell我食呢個set 好抵,免茶介同加一,仲送啤酒同果汁先生一渣, 我話等齊人先, 過左幾分鐘又行埋o黎同我sell呢個sat好多人食,真係好抵食o架,我都明做待應係要向客人推介的, 但每個待應都行埋o黎sell就變左好煩囉, 齊人啦 (5大1bb), 媽媽就話唔好煩啦, 散叫都係差唔多, 就呢個set 啦,咁佢又想食龍蝦, 所以順利成章要左呢個龍蝦set 半席啦 ($988)!!上湯波士頓龍蝦伊麵 - 名不付實, 得半隻龍蝦, 殼多肉少, 龍蝦無味, 伊麵勁多, 上湯味咸乳豬拼盤-有乳豬皮5件(香脆), 义燒6件 (瘦而柴口), 鼓油雞(雞胸位共6件,冰鮮雞冇味肉霉), 海折 (一般), 燒鴨(肶位,味道可以)碧綠抄蚌肉-明明菜單係碧綠抄星斑球,唔明點解會冇左星斑,但又冇通知我地改左蚌肉,但算啦, 菜芯老到死, 蚌肉淡而冇味, un到食唔到,抄到過晒火.黃金海鮮卷-ok"足"笙燴鮑參-一個勁多獻

煎堆仔freshly fried, outer layer has many sesames and inside is some 芋頭蓉 but not seasame, quite special and not too sweet and not oily at all, 1 dish have 4 mini one~Corns congee with porkhot enough, corns are sweet, but not much pork….the congee base is quite smooth and not much MSG I think~雞絲粉卷it’s different from other restaurant, the outer layer is not 粉皮but付竹, it’s not smooth at all, 粉皮 is better, inner one is some chicken, carrot and mushrooms~芥菜fresh, they add some oil to boil it and they gi

星期六同阿爸阿媽飲早茶10點幾去到見佢仲有早茶點心紙(落order只限去到11點)拿拿聲叫左3個孖寶2個咸魚雞粒飯:阿媽話咸魚好梅香1個芋頭排骨飯:我唔食芋頭但排骨好少,仲要好骨下,無咩肉馬拉糕拼檽米巻:馬拉糕好好味,唔太甜,檽米巻不過不失鳯爪:都係一般,無咩特別唔記得係菠菜餃定咩:總之皮好厚,又係無咩特別我記得稻香同潮樓係同一GROUP所以野食好似一模一樣稻香$6/位茶錢&加一潮樓就茶錢加一咩都係免一模一樣都係食咁既野潮樓就$61找數仲可以叫多籠蝦餃呢度就要$58.5不過潮樓就污糟D+迫呢度舒服好多+乾淨3個人食早餐+午餐一人都唔使$20,食得過

呢日同爺爺飲茶，呢間又唔算太貴。所以又再黎呢間，呢間都坐得幾舒服，野食又算幾好食架。蒜蓉蝦春卷平時唔係呢隻，今次黎唔知點解有得食。真係唔錯既，蝦就唔係好覺有。不過蒜味就幾夠，而且炸得幾脆架。牛柳脆卷同春卷差唔多既，不過味道都係咁上下。個牛柳都唔係好覺，係好細細舊既。肉餅飯個份量係比好多年前既細好多，但味道都唔錯。肉餅整得好入味。齋腸粉雖然係好似食緊舊粉，不過我又幾鍾意食。清清地，好健康架。奶皇包依舊咁好食，流沙既奶皇流出黎真係好正。又唔係好甜，次次黎都會食既。其實唔只食咁小既，只不過呢印象深刻先寫既。可能係食飯時候，人始終唔係好夠。

自從返左學之後，無乜機會飲到茶。呢日有時間，當然唔會放過去飲茶既機會啦。呢間都去過幾次，價錢又唔算太貴。坐得又舒服，所以又再黎啦。叉燒瀨粉佢起初係黎個飯，之後先黎返個瀨粉。個叉燒都幾好味，又唔會太鹹。瀨粉都可以既，唔會太韌又唔會太淋，過得去既。奶皇包次次都會食既，奶皇甜甜地，真係好正。菠菜豬肉餃呢個菜就幾多，肉就唔多舊。好彩既係係，個餃既皮唔算太厚，唔係就唔好食啦。炸茄子呢個似食炸粉多，唔係唔好食既。個茄子其實幾好食架，個個粉太厚，食左幾啖先食到茄子。炸春卷呢個都幾好味，有蝦同有菜。無乜特別。淨腸粉雖然無乜料，不過淨腸粉既好處係比其他腸粉滑好食。呢餐都幾抵食，四個人都係三十幾蚊一位。

上個星期，同屋企人去呢度飲茶。呢間都好耐無黎過啦，唔知幾耐啦，不過呢度好似呢度都唔算太貴既。午市有個燒味飯加個點心都係二十幾蚊，算幾抵架。叉燒瀨粉叉燒係羊肥瘦果隻，都幾好食既。而瀨粉都幾爽口，最小唔會淋到太難食，算唔錯。齋腸粉幾耐無食過，腸粉好爽口，好好食。炸春卷本來都唔想食，但見到有蝦就食啦。味道都唔錯，春卷好脆口。剪薄呢個好多時都會食，配料同平時一樣。又唔會太油，呢個算唔錯既。奶皇包個包好好味，奶皇又夠甜，次次都會食既。杏仁糊呢個就幾好，杏仁味好重，又creamy。有時間都好想飲下茶，但有時時間唔許可。就唯有忍下口啦。

妹妹跟舊同事來打b爐呢~ 9時後入座會便宜1點~由於都是他們負責拍板, 等吃的妹妹這次的資料可能不夠詳細, 唯有從簡的數數那樣火鍋配料好味道@w@豬骨湯底, 很有多很多豬骨, 不過湯底卻不是成正比的濃。象拔蚌~ 很鮮甜, 但切得不夠薄, 有點"un"。雲吞~ size適中, 是bite size呢~ 蝦又大粒又新鮮, 幾乎每粒都有2隻蝦, 而當中沒甚麼豬肉。＊鮮帶子~ 切成細細粒, 比較容易焯熟, 都很滑很鮮甜哇~＊珊瑚蚌~ 這個蚌屬於爽口的1類, 鮮甜度絕不比之前提及的2種蚌遜色喔~＊手打魚滑~ 好像有4款的, 妹妹吃了鯪魚滑和墨魚滑, 2種都充滿鮮味, 咬落去是軟軟的而不是像橡膠波那種虛偽的回彈力-3-魚皮餃~ 裡頭油份甚多, 味道不算突出。韮菜餃~ 綠色的外皮, 妹妹吃下去才知道是韮菜餡料, 韮菜是很濃味的嘛吃完會有陣揮之不去的味, 這個倒好像沒有這情況喔; 但皮很易穿, 1不小心烚太久就體無完膚了-^-芋絲~ 偏乾身, 略嫌有點粗o鞋不夠滑溜溜炸魚皮~ 雖然妹妹沒吃, 但這兒的是新鮮炸起上桌, 朋友們都說輕輕放湯1焯來吃很棒呢~＊鯇魚片~ 徹底的起了骨, 很新鮮完全沒有腥味,

兩兄妹相約飲茶, 中午十二點也甚多空位, 可能是海嘯的緣故.服務也改善了, 剔了多樣的點心, 其中以下幾款最難吃:柚皮鴨, 幾件鴨骨加一件很難吃的柚皮,蝦腸, 最難吃, 蝦不新鮮, 腸粉像橡皮, 又厚, 又韌,排骨鳯爪, 不知, 因為妹妹試過, 阻止我試, 稍後她覺得肚子痛. 好彩.其他的點心, 只可以說不過不失而已.

星期六晚上約左auntie去食飯, 但佢要上堂,我地八點多去到, 捻住坐底食一蚊雞但聽到9點優惠時段8點半開始有飛攞, auntie又要9點先放學,等多兩個未就攞左飛出去行下9點前準時返嚟, 先開始叫訂枱, 等一陣就有位 仲有卡位坐auntie佢地9點10分就到, 我地立刻比張order紙比服務員,哈哈, 當然叫左佢d特價菜啦...咕嚕肉 連auntie都話好食紅燒豆腐 一樣好味謠柱粟米羹 真係有謠柱椒絲蒸魚頭......4 個人食...頭三樣菜都好快就到, 仲熱... 不過蒸魚頭等左好耐, 我地以為要蒸要耐d,再過左一陣我地就問d服務員, 佢話幫我地睇下....再過左仲未嚟, 其他食物已經食完, 又再問....去到差不多10點, 有個服務員同我地講賣晒...唔係呀, 落左order成個鐘先同我地講, 仲只係講佢見到order話冇魚頭完全冇歉意我地就結賬, 突然想起應該有張order list 會釘係張咭刑,問佢地想攞嚟睇下, 佢話出左單冇得print番出嚟我地一次過入order, 點解可以一個鐘先同客講話冇,仲要冇order list, 收單個個仲係著黑衫, 應該係高

天氣咁寒冷, 緊係要打下邊爐喻, 突登約9點後黎打既, 其實有幾平就唔太記得喇, 只係記得有個$1豬骨湯底,雖然個湯底應該唔係煲左好耐, 但總算有料, 真係見到有幾舊豬骨, 栗米, 枝竹既材料起入面而食物方面, 都幾新鮮, 唯獨是魚蛋同魚皮餃唔係咁好味,魚蛋又唔彈牙,魚皮餃又勁油, 但其他總括黎講, 都好好味, 要讚既係我第一次食既炸腐皮卷, 好似炸魚皮咁, 浸一浸落d湯度就食得, 仲有佢地既墨魚麵都好正, 要自己ji出黎, 但由於太飽, 只係食左一條食物環境都好ok, 可能地點唔算太便喇, 唔使等位就入得席喇, 不過d侍應生就麻麻囉, 叫佢好似聽唔到, 仲有我明明食緊野,碗入面仲有野既, 佢話幫換碟, 點知佢收埋我個碗, 比個全新既碗我, 我食緊架嘛, 有個阿姐仲搞笑, 問佢果樣係咩丸, 佢問番我地轉頭...知就唔使問你喇...