Pillowtalk Restaurant & Bar

Open Now

Now Closed

慶祝好地方，之前已經bookmark過這間餐廳，因為據聞情調很好。今日終於有機會一試，傾向於酒吧型式的裝潢，係輕鬆的感覺，的確適合pillowtalk。今日叫了兩個主菜。第一道：原隻德國豬手配蜜糖芥末醬豬手一上枱，份量非常大，外皮烤得脆脆，豬手肉厚，醃得入味，烤的時間控制得剛剛好，因為肉不會太乾身，還有肉汁。以往有些餐廳的豬手是配芥末醬，配上蜜糖芥末，有點甜甜的味道，令到豬手的層次更豐富。配菜有薯角和沙律，薯角即叫即炸，所以上枱時是熱辣辣的，餐廳都絕不吝嗇，附上很多薯角。沙律菜十分新鮮，加上胡麻醬，不但開胃，更可以中和食啖啖肉的油膩感。第二道：燒豬肋骨配薯條，秘製烤肉醬豬肋骨一條佔據了整個盤，份量非常多，烤肉醬醃得很入味，豬肋骨燒得剛剛好，保留了肉汁，肉質不會韌，咬落去是爽脆又容易骨肉分離。薯條份量都十分多，亦都是即叫即炸，餐廳用的是比快餐店較粗身的薯條，墊在豬肋骨的底，吸收了少少燒烤醬的味，再加上我至愛的番茄醬，一條接一條。除了薯條外，還有胡麻沙律。另外，只要加48元就可配餐湯、飲品和蒜茸包，因為主菜太多，所以我們只加了一份，蒜蓉包塗滿蒜蓉和牛油，烤得脆卜卜，每咬一口，都有咔滋的聲音

今晚收早嚟到景峰輕鐵站附近呢間酒吧餐廳食晚飯。呢度環境幾舒服,餐廳播放著輕快歌曲,又提供玩具,岩晒一家人或朋友吹水食飯、飲酒嘅好地方睇嗰餐牌啲嘢都唔錯,我哋就點咗黑松露大磨菇長通粉和焗原隻法式去骨春雞配薯角,仲可以+$48額外升級,有餐湯/沙律和飲品,價錢又不是太貴,所以轉咗套餐黑松露大磨菇長通粉黑松露磨菇意粉洋溢濃厚的松露香,與一般餐廳不同的係呢度用上超juicy 的特大磨菇,食落好滋味;另外意粉軟硬恰到好處仲好creamy 唔膩,每條麵條都沾滿黑松露醬汁,令整碟意粉都非常好食焗原隻法式去骨春雞配薯角春雞皮烤到微炸,雞肉嫩滑,吃後發現十分入味,皮上佈滿香草,內裡的雞肉滲入了淡淡香草味,加上原隻雞的份量也頗多,色香味俱全伴碟嘅薯角炸得幾脆又夠熱和風田園沙律沙律菜新鮮爽脆,食上感覺健康清新黑松露磨菇湯+蒜蓉多士餐湯非常濃郁,全湯用咗好多菇菌加入黑松露打成,味道天然,菇香十足,愛菇人士必點;配上香脆蒜蓉多士,另有一番風味

剛剛同老公去屯門虹橋探朋友，走嗰陣都6點了，所以喺嗰頭搵嘢食，經過見到呢間pillow talk, 好似萬綠叢中一點紅咁，睇下餐牌，啱食喎，試下先。環境方面：門口整得靚，尤其喺舊區嘅襯托下，真係吸引嘅，入到去有高枱卡位、矮卡位揀，我哋就㨂咗高卡位。另外，地方乾淨，有wifi👍服務方面：職員妹妹好有禮貌，有耐性，我老公好多嘢問，妹妹都耐性回答，執枱亦都好快😍食物方面：巴拿馬火腿沙律配義大利黑醋，菜新鮮，火腿不太鹹，醋開胃，我覺得唔錯👍雞軟骨串，正常，無乜特別。德國豬手，呢個好正，首先唔會太鹹，啲皮雖然唔脆，但好易咬，夾住啲脂肪，一啲都唔膩，好出色，必點😍👍方式燒春雞配薯角，個燒春雞係去咗骨，好方便食，醃料好香又入味，有肉汁，感覺好似新鮮雞咁，我都列佢為必點系列😂其實佢仲有Pasta 同飯選擇，但係由於我晚餐唔食炭水，所以無試，下次lunch time 嚟試下。總結：2個人食500蚊，價錢合理嘅，因為食物質素的確高嘅，不過我哋都笨咗，其實可以加錢轉做set, 有沙律／湯，加杯飲品，不過唔緊要，呢間對我嚟講又近，質素又高，下次再嚟食過

呢到離屯門市中心有dd距離，不過就勝在環境靜啲同坐得舒服d呢到叫set dinner都幾抵食！百幾蚊就大大份，而且味道都幾好！燒羊架燒羊架總共有三支骨，而且唔會話無咩肉。佢每一份都燒得好淋好juicy,不得不讚佢好手勢！德國豬手德國豬手都好大隻，幾個人share黎食都可以。豬手外皮非常香脆！肉質方面唔會鞋口，味道都岩岩好。佢配左一個蜜糖芥末醬，同豬手爭夾，加分～最後就係佢有埋薯角同沙律，食埋真係好滿足。

屯門市中心人比較多，每次夜晚多數都要等位。網上見到起附近景峰區有間不錯的西餐廳，旁邊仲可以泊車，真係適合環境寧靜的我，可以慢慢享受晚餐！餐廳特色除左係食西餐仲係酒吧，所以今次試左佢個套餐頂級安格斯肉眼配薯角$218加$48可以跟套餐優惠飲品肉眼5成熟，切上去肉質鮮美，加上黑胡椒汁，令到牛肉味道更加濃郁！薯角好脆，旁邊沙拉🥗令人胃口大增😋焗原隻德國豬手配蜜糖芥末醬$188香口的豬手，脆脆的外層咬落肉質再點上個芥末醬汁，令到味道增加新鮮感！不錯的配合。再加上一杯紅酒🍷就更加好！餐廳裝修環境不錯👌🏿

紅橋這間西餐廳🍴想試好內，難得同老公放早，一於試吓😛😛有Outdoor座位，屯門很小地方有呢😜😜落雨就坐入面位，工業風，裝修睇得出落左心機，店員服務仲好好👍👍Dinner set選擇成十款，仲可以加$48 跟湯、沙律🥗和飲品頂級安格斯肉眼配薯角 $218賣相好吸引，份量亦足夠！牛味濃郁 而且口感很好 夠淋夠juicy 😍😍五成熟pink pink 好有食慾😋😋配著炸薯角外脆微辣，好飽肚😛😛蘑菇忌廉湯蘑菇味香濃仲有粒蘑菇添用嚟點除波波句多士就最正喇玫瑰士多啤梨🍓窩夫🧇🤩 wow上枱超靚 靚靚食得又睇得既玫瑰🌹窩夫口感松軟 吾太甜 加上decorations 真係特別開心🥳真心吾錯！價錢合理 服務好用心，食物高質！一定會再來

呢間位於屯門虹橋既「pillowtalk」都幾吸引架！酒吧餐廳環境有情調，唔算好大，但都有戶外座。天氣涼番啲坐出去都幾chill下。員工好有禮貌，落單嘅時候都好用心去解釋!👍🏻磯煮飽魚甜蝦意粉.龍蝦汁意粉沾滿龍蝦汁，磯煮過既飽魚入口質感一流!軟殼蟹漢堡配蜂蜜芥未醬一上枱就超震撼，隻軟殼蟹有兩個包咁長，咬落口都幾鬆軟，D芥未醬流曬出黎!而薯條炸到好脆，成個餐超正。鹽燒牛舌有嚼口得又唔會硬，油脂豐富，亦比較柔軟👍🏻，口感一流!秘製BBQ雞槌d雞槌出煙夠熱，即叫即煮👍🏻，少骨又厚肉，味道帶bbq sauce，夠juicy。整體來說，味道環境不錯，仍值得一試。

屯門區唔係我嘅地頭，今日膽粗粗搭屯馬綫+輕鐵入咗去同朋友敘舊，約定喺依間人氣Cafe酒吧餐廳晚飯。除咗有酒飲，仲有多款精美西餐，小食， ～半戶外位置亦有兩三枱座位。餐廳裝修有點美式復古風，播着輕快音樂加上柔和昏暗嘅燈光，每檯點起小蠟燭都相當有情調💕🌟想鋸扒主菜亦有安格斯牛扒，法式羊架。轉套餐另加$48可包括飲品、餐湯或沙律🥗餐湯:蘑菇忌廉湯，有點黑松露的香味，蘑菇打得幼細。配上烤焗得香脆嘅蒜蓉包🥖朋友揀咗「野菌汁忌廉蟹肉燴飯」，比一般西餐廳水準還高。 除咗有蟹肉，仲有相當份量嘅蟹膏，野菌忌廉汁濃郁美味，而且份量十足，絕不要小看碟裏面嘅容量。邪惡芝士大蘑菇和牛漢堡🍔$138其實芝士🧀並不十分邪惡，芝士嘅鹹香反而令和牛漢堡又滑又香。喜歡這個漢堡包嘅包塗滿牛油亦帶有少少鹽，夠脆又夠厚。和牛漢堡肉味香濃，厚厚的入口勁滿足！大蘑菇夠Juicy 配上煎香嘅和牛漢堡超美味。餐飲凍檸茶🍋正常發揮。套餐加$38 可upgrade mocktail🍹加$48 仲可以upgrade cocktail 🍸 🌟 

本身見到食評都期待，最後失敗到嘔 同男朋友食飯食到尷尷尬尬由starter 到dessert係無一樣嘢好食！如果大家仲想試都可以去試下😵‍💫成餐係失望到極，呢個價位係完全唔值🙏🏻員工都好明顯無well trained過 一啲serving技巧都無上菜可以成碟嘢bang一聲放落枱個豬仔骨好明顯白烚完再燒，同煲湯個啲豬仔骨無乜分別，連個dessert都係送都唔係好想食嘅程度Sorry 真係好失望！ 成個用餐經驗好差

環境幽暗浪漫，侍應說話好細聲，我和友人都聽不清楚。鹽燒牛舌 \ $32 /這個價錢有4大塊，性價比高。超級厚切。黑松露芝士火鍋 \ $148 / 超足料，看似很少的芝士漿，其實吃到最後是沾不完的。麵包烘得有點硬，加上較大塊，一口吃下的話，會刮口。其他配料都好美味，剛炸起，很香脆。黑松露味不夠突出。頂級安格斯肉眼配薯角 \ $208 / 不過不失，不過大大塊幾抵食。upgrade \ +$48 / 蘑菇餐湯配蒜蓉包好正。不過甜品超參差，質感很怪，而且是隨機上的。

今日同朋友去試人屯門區的人氣餐廳。預先同餐廳溝通，餐廳提供畫畫服務，大讚👍🏻👍🏻Total 叫咗三樣野食，羊架、避風塘意粉同芝士火鍋芝士火鍋有驚喜，芝士醬加埋黑松露醬，用個蠟燭仔heat住。暖暖既芝士醬包住法包、雞粒同薯角，食唔停口😽🙀香草羊架配上薯角，細心已配上薄荷醬，令一直怕羊臊味的我，也可以接受！軟殼蟹意粉就正常發揮，意粉偏乾身，蒜味突出最滿意是飲品❤️ 分別叫咗忘情水、菠耶菠蘿咪同Mojito，三樣都易入口，造型同味道都值得Encore！最最最驚喜係Chip n Dale😍😍 一黎到個個Wow wow聲，點解可以畫得咁似架！！不忘影相打卡😆用心之作，絕對值得再黎🙈🙈

相信唔少人都試過同好姊妹，或者另一半pillowtalk💕食pillowtalk又唔知試過未呢😂今次叫咗一個龍蝦汁磯煮鮑魚甜蝦意粉，份量唔算好多，賣相亦都比較平庸。但係龍蝦汁嘅味就好出，唔錯唔錯！意粉嘅軟硬度都適中，幾啱口味！

懷舊復古嘅風格，1947年的美式裝修，講緊嘅正正係位於屯門既西餐廳，Pillowtalk。今晚咁岩黎到虹橋呢邊，搵下有咩好食就搵到呢間餐廳。入到去，店員就serve左一個湯一個沙律比我地先，我地之後叫左頂級安格斯牛扒配薯角，牛扒煎得岩岩好5成熟，夠冧有牛味。主食就試左好似幾出名既Fushion避風塘軟殼蟹意粉，軟殼蟹炸得幾脆，不過粉漿再薄d會更好，而避風塘風味炒意粉味道就幾有趣既，最後就由一杯檸檬茶同Cake of today結尾。

黎到虹橋，竟然發現咗😱呢一間門面好有格調嘅酒吧，出面有一張長枱俾人喺戶外食嘢。入到黎嘅裝修風格都別樹一格，好多大膽嘅相片掛喺場上，每張枱都有一盞蠟燭作為點綴，氣氛一流，適宜三五chill一chill😜😎香草醬法式羊架配薯角🥩🥩（$188）羊架有三塊，擺盤有心思👍羊肉脂肪分布平均，有微微羊嘅酥香，連我呢一個平時唔識羊嘅都覺得好好食😆🥰😋，肉質嫩滑，肉汁好多，配上佢酸酸的香草醬汁，perfect💯！意大利火腿水波蛋卡邦尼意粉🍝🍝（$118）雖然呢個水波蛋有少少fail😂😂😅，不過鹹香嘅火腿配上卡邦尼醬汁，已經拉高返佢整體嘅分數，卡邦尼醬掛汁之餘剛剛好不會覺得太漏，比例好好芝士薯條🧀🍟（$48）平時去開有薯條嘅餐廳我都必點，純粹個人口味。哈哈🙋🏼‍♀️🙋🏼‍♀️

屯門📍重遊舊地良心西餐廳😋🍴其實係屯門只要係你用心去搵 就會發現有好多好食嘅小店🥂💛頂級安格斯肉眼配薯角 $198 👍🏿絕對物超所值😍！以我食過咁多次西餐嘅經驗 依間嘅肉眼扒 可以話數一數二 叫咗medium rare 肉質厚實又軟～唔會話勁多筋 油脂比例適中推！！FUSION避風塘軟殼蟹意大利粉 $128呢個組合都幾得意 比較中式🤣 軟殼蟹炸得好香脆！有成三大舊 就算放耐咗都唔會淋pat pat 不過個意粉真係要趁熱食！凍咗就冇咁好食㗎啦😢菠耶菠蘿咪 $88飲品嘅選擇都算幾多 叫咗杯Cocktail 係菠蘿為主 偏甜啲 易入口啲 不過略厭太多冰❄️🌬+45 UPGRADE 套餐必須係要加埋45蚊有套餐食最抵！ 蘑菇忌廉湯正正常常嘅忌廉湯 菇味唔算太重 蒜蓉包較硬身 點湯食會better~朱古力芝士蛋糕👍🏿一開始以為係朱古力mousse 點知原來係芝士凍餅🤤超愛！真材實料又好味 明明極飽都三兩吓比我食咗😂Pillowtalk Restaurant & Bar (屯門)地址：屯門青棉徑5號金寶大廈地下6號舖食物：👍🏿👍🏿👍🏿👍🏿👍🏿環境：👍🏿👍🏿👍🏿👍🏿價錢：💰💰服務：👍🏿👍🏿👍🏿👍🏿性價