Pillowtalk Restaurant & Bar

Open Now

Now Closed

晚餐.景峰一帶帶好多餐廳早幾日嚟食完拉麵今日嚟食西餐😆.1) 芝士火鍋配料有沙律 薯條 炸雞 長通粉芝士鍋要先燒一陣 等芝士醬變得軟身啲炸雞不錯 炸皮唔會太厚芝士醬唔錯 唔太鹹 唔會太過濃.2) 燒雞泡魚乾似平時食開嘅魚乾 但甜啲旁邊個醬唔洗沾都得.3) 龍蝦意大利飯龍蝦都算幾大隻 有得食龍蝦挾 開心😌個飯都幾好味 軟硬度適中 醬汁份量都啱啱好不過洋蔥就多咗啲🤣4) 白汁芝士焗大蘑菇蘑菇都幾大隻 有手掌咁大 仲好多汁加埋芝士焗 好白好味.食物唔會有好大驚喜但勝在價錢算平平日晚上都坐滿了

#屯門黃店 一間好有氣氛 燈光偏暗嘅西餐💛主菜&小食選擇頗多😛頂級安格斯肉眼配薯角$198價錢方面 屬於中上💸一個餐 就可以full了🤓安格斯肉眼 牛味偏重 肉身呈粉紅色💗好味!套餐配是日沙律、蒜蓉包、是日甜品、飲品(另加$45)fusion避風塘軟殼蟹意粉$128較創新嘅菜式😍好有特色! 以避風塘既煮法🍝味道辣辣地 炒得好乾身 好開胃 食食下就清晒成個意粉😋而個軟殼蟹 亦都好大隻 入面仲有蟹膏 好有驚喜🤩甜品(朱古力蛋糕,朱古力泡芙)#朱古力關注組 好香濃既🍫味

今日同朋友打完針，要食返餐好嘅補充體力！我哋篩選咗幾間餐廳，最終揀咗呢間<PILLOWTALK>貪佢夠哂有氣氛，可以慢慢食、慢慢傾！呢度有好多款香港手功啤酒，最衰我哋打咗針，唔可以飲酒！🦪芝士燒蠔（2隻）生蠔嘅size有手掌咁大，但蠔肉唔算大粒，不過不失！入口質感夠滑，芝士醬味道唔鹹，而且帶點甜。開胃小食都算唔錯！🦞波士頓龍蝦意大利飯半隻帶多膏嘅龍蝦，龍蝦鉗夠大隻！肉質鮮甜，而且無雪味！意大利飯夠稠身，咬落有𡁻口，呢個口感會令人越嚟越想食！🐮頂級安格斯肉眼配薯角今日適逢薯角賣哂，改為薯條，無問題啦！安格斯肉眼個size都算大塊！我哋order咗七成熟，但切開差唔多全熟！好彩入口唔算靭，而且牛扒就算唔點汁都已經夠晒入味！我鍾意❤️

屯門紅橋一帶出名多美食，不過西餐就好似冇咩選擇，呢間Pillowtalk都好多人介紹，餐廳位置雖然比較隱蔽，但環境氣氛都好舒服，價錢又唔貴，人均都係$200到，絕對值得一試👍🏻黑松露芝士火鍋($138)配料有麵包、長通粉、薯條同炸雞，炸雞本身已經好好味，但係一聞到嗰陣芝士黑松露嘅香味真係忍唔住係咁點醬嚟食，本身都會驚會唔會好膩，但真係好味到食食下就唔覺意食哂啦😍大蘑菇芝士和牛漢堡($128)細細個覺得漢堡包係fast food係垃圾食物，但係大個咗先知真正嘅漢堡好考功夫💪🏻 和牛煎得啱啱好，肉汁保留晒係入面夠哂juicy，再加上新鮮嘅大蘑菇、蔬菜、蕃茄同芝士，真係食到lamlam脷😋 漢堡包亦都有烘過，豐富左整體嘅口感😙秘製BBQ雞翼($48)燒雞翼我鍾意食🎶 呢度嘅雞翼有肉地得嚟都好入味，食到停唔到口，而且上菜嘅時候都係熱嘅，唔係整定一堆放係到有人落單就上菜，加分❗️

這間餐廳指明星期一至六晚上7:30「離座」有85折。晚上6:00入座，5大1小6:45已經截order，7:20左右叫埋單，單上面寫7:28，埋完單先上甜品，竟說因為你沒有離座所以不會給Discount。字面上間餐廳是沒錯的，「要離座才有discount」。我想請問埋單先，定離座先？我埋得單就會走，正因為你有Discount才食這個時段，你竟然玩字？7:20埋單，你7:28分才拎張單黎，2分鐘如果你拎到張單黎我咪即走囉，最搞笑係餐廳並沒有比Discount你，或者佢根本認為我哋點都「離不了座」？餐廳沒有責任嗎？既然叫得埋單當然是要走，到底是出單先定離座先？還是出單那一刻就沒預到你可以7:30前離座？順帶一提，整體食物一般質素，軟殼蟹意粉心想幾特別，諗住一試，意粉完全是用「硬」字來形容，完全硬食！

呢間餐廳嘅氣氛 十分有十分 忙完成日同朋友係到吹下水摸下酒杯仔 真係好relax因為第一次食 聽唔少人講軟殼蟹意粉好好味 所以都嗌左份 一上枱 大大隻軟殼蟹 真係好吸引 肉質方面都唔會太鞋 炸到表面卜卜脆 避風塘口味亦十分之突出 但意粉偏硬 似有少少未煮熟 個底仲有菇同洋蔥絲 好惹味除左意粉 仲嗌咗龍蝦risotto 個飯表現普通 龍蝦味唔突出 而龍蝦口感都偏韌作為食肉獸 又點少得肉 個豬仔骨拼薯條有驚喜 薯條熱辣辣 而且都幾厚 食落好有薯仔香 豬仔骨都有10條左右 兩個人分絕對夠 口感唔會太韌 除左肉 仲嗌左個青口 青口份量偏少 亦唔係每次掛到汁 無掛汁嘅青口陣腥味就好明顯 而且青口都偏細 青口真係唔會再encore除左主食 同朋友仔都嗌左cocktail 每個個名都好靚同好特別 整體飲落都偏甜 雖然上菜速度都快 但每碟上到嚟都唔算好熱 係炸起嘅薯條比較熱 海鮮類口感唔太新鮮 希望呢方面可以改善下

行入去間餐廳有一種小莊園嘅感覺，裏面嘅氣氛係俾人feel relax同埋有儀式感嘅一間餐廳，餐廳環境較暗又有蠟燭，好適合食𝐝𝐢𝐧𝐧𝐞𝐫❥1.美式bbq豬仔骨配薯條 $158薯條賣相幾靚 不過炸得唔夠爽脆 食落去比較淋豬仔骨有配搭開胃的醬汁 外皮有洋蔥蒜粒 芫荽粒肉質較紮實 外皮口感較乾但啲肉食落去都幾嫩2.𝐅𝐮𝐬𝐢𝐨𝐧避風塘軟殼蟹意粉 $128噗鼻而來有一浸香蒜味 意粉比較挺身 意粉有黑蒜同埋鹽調味 軟殼蟹一咬落去超脆 係意粉底部有啲菇 食落去比較fresh3.Upgrade 是日餐湯❥ $48當日餐湯是黑松露蘑菇湯，黑松露味突出，食到菌類，咸度適中，都幾濃郁٩(ˊᗜˋ*)و蒜蓉包好香同埋蒜蓉味好突出，中意蒜蓉味嘅必試👍🏻將蒜蓉包浸喺湯勁好食♥️4.炸雞配合泰式酸辣汁 脆度適中 雞肉嫩滑同埋啲炸粉唔會太厚，不會蓋過雞原本的雞香味，配合提供的生菜絲會減低炸雞嘅油膩感，美中不足是欠缺雞juicy的口感 𝐎𝐯𝐞𝐫𝐚𝐥𝐥:首先環境同服務態度都好好(. ❛ ᴗ ❛.)整個過程都會食得好舒服，以及店員都有耐心介紹環境方面就會感覺沒有壓迫感同埋成間餐廳好有儀式感，播嘅音樂都好舒服，食物方面就中規中矩，

💬一進到店內已經覺得十分有情調，可以選擇坐高枱/ 低枱 (人流不太多的話，而本人認為低枱比較舒服)。每一枱的桌上都放有一小盞蠟燭，十分浪漫，昏暗環境令氣氛更有情調，可惜我是跟女性朋友來的哈哈。🍽 頂級安格斯肉眼配薯角 HKD 198當晚薯角已賣完、只剩下薯條，大大條又粗又脆的薯條，正到暈、而且不會很油膩。而肉眼扒是七成熟，煎得剛剛好，扒面上有蒜片，令肉扒更加香口。尺寸合適，絕對足夠吃飽。⭐️評分：4.5/5🍽 FUSION避風塘軟殼蟹意粉 HKD 128近年流行避風塘口味的食物。決定試試看避風塘軟殼蟹這個配搭。一點違和感也沒有。軟殼蟹很大份，不會怕不夠與朋友分享。炸得十分香脆、炸粉雖不少，但亦不會吃得整個嘴巴都沾滿炸粉。蒜辣味適中，而意粉亦煮得很入味，只不過是硬了一點，吃得牙較有點累哈哈，如果可以煮久一點相信會更好。⭐️評分：4.5/5🍽 是日餐湯/ 沙律 + 蒜蓉包 + 是日甜品 + 茶/ 咖啡 +HKD 45 (我們叫了兩份)前菜是一般西餐廳的普通忌廉湯及沙津，不過不失，但不能缺少。蒜蓉包十分香脆，包括正中心位置也是極其脆的。而甜品是朱古力泡芙及芒果芝士蛋糕。芒果芝士蛋糕較為特別，因為

呢間西餐廳環境好浪漫，燈光昏暗，每張枱都有蠟燭。入到來好 relax，坐得好舒服，門口有張露天座，店員好nice，屯門虹橋拍拖好勝地。頂級安格斯肉眼扒配薯條 $198賣相好吸引，叫左7成熟，切開中間仲有少少粉嫩。冇筋，有少少肥膏油香。 下次叫5成熟，肉質會便加淋啲。牛扒配有黑椒汁，微辣。 旁邊有加左胡麻醬既沙律，清新一下。大蘑菇芝士和牛漢堡 $128薯條炸到好香脆，漢堡煎到半熟好軟淋，但牛味唔算好出，好正係個大蘑菇好 juicy，好香，有少少Q彈嘅口感。下次試下鰻魚 burger先。套餐加 $45有 餐湯+蒜蓉包+甜品+飲品今晚係黑松露蘑菇忌廉湯， 超香濃，好好味😋，食到有細細粒蘑菇蓉口感。蒜蓉包薄脆，有淡淡蒜蓉味。

21/8/2021 羅宋湯-有較多的肉粒-味道略重蒜蓉包-脆脆的薄片-滿滿的蒜蓉味 白汁芝士焗大蘑菇（$68）-淡淡的白汁芝士味-蘑菇大隻多汁避風塘軟殼蟹意粉（$128）-乾身的意粉-軟殼蟹外皮脆，不會亁身，鹹度適中，內裏有滿滿的蟹肉7成熟的頂級安格斯肉眼配薯條（$198）-嫩嫩的肉質-尚算有牛味-薯條香脆 整體來說，味道環境不錯，但不算性價比高，仍值得一試。10分總分而言它有7分。食完後有一種滿足感。haha。

間舖個環境氣氛好好，啲野又好食，想食要book定枱先，員工嘅服務態度都非常滿意，好周到，今次叫左個牛扒、豬肋骨同埋軟殼蟹意粉，全部都比到好多驚喜我，尤其係個軟殼蟹十分之脆，而且d酒都唔差，值得一試，下次有機會會再去laaaaaaaaaaaaaaaaaaaaaaaaaaaaa 。十分之好味，價錢合適，建議需要慶祝特別日子或者拍拖嚟食啱哂，氣氛完全合適，好柔和，暗暗地，仲有個蠟燭擺咗喺枱面，完全令個氣氛變好。

Happy Friday收工之後又再一次去屯門搵野食，尼間餐廳其實已經留意左好耐，但吾知點解等到今時今日先去😂😂😂一入去，侍應就問有無book枱，過左陣就安排入座仲同我地講可以食到8點半🤣但我望望隻錶，而家先6點幾。。。睇黎尼到系愈夜愈有機咁就叫左個主菜豬仔骨同意粉海鮮甜蝦青芥汁意粉，再加$45轉埋做set dinner，咁就可以試埋湯，沙律同蒜蓉包😋😋跟餐既湯，沙律同蒜蓉包好快就送上沙律系胡麻醬加沙律菜，正常味道，無乜特別～蒜蓉包賣相好靚，期望好高，但點知放落口系凍既☹️同埋好煙韌，有啲失望既！反而湯就好好飲😋好濃郁既蘑菇湯！到上意粉喇，賣相都可以，但系將生既海膽同甜蝦放系熱既意粉上面真系好咩？😬因為到食既時候個溫度好似有點怪怪的，好彩最後無事😝整體意粉黎講，系好食既！我估系有加海膽落去一齊炒個意粉，所以香濃好味！！！好喇～到主菜黎喇😳😳😳其實佢$158尼個價錢我無諗過系咁！大！份！！！！原本諗住４支骨就差吾多喇～我地就一路食一路數，最後數到系１０支骨！好誇張牙尼個份量😂😂😂味道都OＫ吾差既！最開心系尼到有得飲Hoegaarden Rosee～正埋單時發現Hoegaarden Rose

嗌完嘢食等咗超過20分鐘先出，嗌咗一個龍蝦意大利飯，落單時事先講明走洋蔥，點知嚟到之後喺有洋蔥，同樓面同事講，佢哋問完廚房話係有走洋蔥叫我哋再睇吓，隨手就再搵到幾條洋蔥出嚟。個龍蝦肉未食之前已經聽到隔離枱講話好鹹，到我地食落之後真係好鹹。另外仲有嗌過肉眼扒，樣貌係OK，但係食落去返牛扒質素好差，好多筋又「鞋」。唯一可以欣賞嘅只有個氛圍唔錯，燈光幾暗，入邊播啲歌都算特別，同埋每一張枱都會有一個蠟燭著。

Pillowtalk係openrice 屯門區一直都排好前聽人講好多人 食一定要訂枱但openrice訂位得4個人所以我地禮拜六5:50左右去到就唔洗等-芝士火鍋 $138 有薯條 麵包 炸雞 通粉個人覺得呢個真心普通啲通粉浸勁奈都係唔入味唔值得叫-豬仔骨$158 一上枱都嚇咗一跳因為都幾長幾大份下切開5個人都分到2-3舊-豬手 $168 係好食既同埋都大 但一定要點埋啲醬食如果唔係會無味好dry -卡邦尼意粉$118 好creamy但好流 如果多人share每人食少少會好啲-避風塘軟殼蟹意粉 $128軟殼蟹有驚喜呢個無咁流 如果唔夠飽/驚唔夠飽可以叫-啲main course 全部可以加$45 升級會有沙律/餐湯、蒜蓉麵包、野飲、甜品我地有兩個升級咗而啲甜品我覺得麻麻地可以唔洗upgrade 都得😂-叫咗杯維記愛情故事飲落無乜酒味 少失望如果大家想飲酒叫手工啤可能會好啲7:30前埋單有85折！！！

今日放假揀左間都幾多好評嘅餐廳入屯門食，期望越大！失望越大！見咁多好評諗住實冇死，可能expect左佢好食，所以覺得佢唔多掂。一行多人所以都叫左好多個course～～～～～～～～～～～～～～～經典英式炸魚薯條🐟🍟咬落去就覺得好油膩，味道普通，薯條就幾多黑松露芝士火鍋🫕（麵包 長通粉 薯角 雞肉）呢個真係唔掂👎🏻👎🏻👎🏻芝士食得出係奶粉溝出黎，長通粉擺落去唔好食，得麵包浸落去係好少少，餐牌寫薯角但黎到都係薯條，炸雞同某牌雞粒一樣味，感覺呢碟唔係好用心整美式BBQ豬仔骨配薯條🐷豬仔骨都焗得幾淋，味道都算唔差，個汁酸酸甜甜，唯一幾正常德國蜜糖芥末醬焗原隻豬手🍖豬手焗得唔夠脆，而且好淡，凍左食仲有一陣腥味😵頂級安格斯肉眼配薯角🥩成盤黎到已經望到好油，扣左分，不過啲肉算厚，唔會太韌，味道都幾入味Fusion避風塘軟殼蟹意粉🦀🍝呢個係咁多個入面比較好食，意粉好入味，而且有特色，微辣同埋個味似炒麵，軟殼蟹都唔腥大磨菇芝士和牛漢堡🍔個包都焗得好香，芝士由上面流落黎好誘人，加埋大啡菇好香，和牛漢堡都好濃牛肉味，有肉汁，配埋一齊食都好夾是日甜品🍮難食到唔識形容，一陣怪味，口感又奇怪，全部人都試左一啖就算👎