Video
3-min walk from Exit B, Quarry Bay MTR Station
continue reading
Introduction
熟客食客吃過紛紛讚好，馳名糯米雞，足料及大份，要試八寶鴨的話，敬請預約！
continue reading
Opening Hours
Mon - Sun
06:00 - 23:30
Above information is for reference only. Please check details with the restaurant.
Signature Dishes
Review (39)
呢日 #小秘書 本來諗住 #簡簡單單 食兩舊 #蕃薯🍠就走人，點知同事 #盛意拳拳 話要帶我哋去食好嘢... #耳仔軟 嘅 #小秘書 當然又落搭啦😅原來呢日佢想帶我哋嚟 炳記飯店，一間我一直想試又一直唔敢去試嘅 #餐廳😃 事關好多人都同我講「#炳記 啲嘢以前係好正㗎，而家就...」🤔加上 #炳記 又無咩花錢裝修，舖面真係唔係太吸引，所以一直同 #炳記「無緣」。唔知係咪我哋早咗少少出門口，當時成間餐廳就只有我哋四個客😏 #疑似事頭婆 一輪咀介紹，佢同我哋講「呢度啲 #椒鹽鮮魷 好正㗎，試吓我哋啲 #酸甜排骨 吖」🤪 為咗順應民意，就跟佢嘅提議嚟一碟 #椒鹽鮮魷 啦！另外聽 #同事介紹 加咗個 #三杯雞、#啫啫通菜。#椒鹽鮮魷 係唔錯嘅，外皮脆脆地、但係魷魚肉又唔會炸得太乾身，配埋啲炒香咗嘅椒鹽，好好味！不過個 #三杯雞、#啫啫通菜 對我嚟講就認真麻麻，#三杯雞 太多湯汁，無咗乾煎嘅香氣。至於個 #啫啫通菜，本來都ok嘅，但食落硬係有種怪油味🤪 用 $90@ 嚟食一餐又可以見識吓 #鰂魚涌明物，OK啦🥳
continue reading
同事提議試下食呢間，係一個幾隱閉的巷入面，午餐時間來到，人唔多，環境好住家的感覺，食物都係。餐牌就係牆上，冇套餐，全部小菜，價錢都唔算平，平均78-100一個，晚餐的價錢。小店應該係兩夫妻經營既。我地四個人叫左四個餸，秘制三杯雞、涼瓜班腩煲、XO醬炒豬頸肉同埋咸菜豬肚浸勝瓜。所有餸都妹有鑊氣，三杯雞唔係食開果種味道，酸酸地醋味，雞肉幾新鮮，不過味道就唔係幾岩口味。涼瓜班腩煲，涼瓜唔錯，但啲班腩就得塊皮，炸粉，唔係好食到魚肉。豬頸肉質感幾好，但冇乜XO醬味，咸菜豬肚都幾香，但係啲豬肚個質感似臘味，奇奇怪怪。總括來講，幾唔好食，除左好有鑊氣之外，食完成身都有油煙味
continue reading
香港，有好多好多食肆都素有歷史性，有好多好多的街坊老店，真係只有街坊及識食老饗才會知道他們的存在的。這一天，由一班好友帶領，我們一行十個人左右，來到了鰂魚涌站附近的麗池花園大廈，一齊拜訪一間老牌小菜館，名字叫《炳記小廚》。地方很舊，是典型的老菜館風味。店方沒有設置餐牌，要吃喝什麼，就在牆上的菜式名字中及柱位貼出的剪報中指及點，老牌小菜館有乜食，有什麼新奇趣怪的食品，可以說是一目了然。我遲到了，朋友早已經點了一客滷水鳳爪，滷水很多，多過鳳爪，味道濃郁得很，之不過，骨肉皮未達到酒樓蒸鳳爪那樣的腍，果真，是美中有不足。椒鹽鮮魷是一個非常香口的食品，好難會不好食，因為夠新鮮的鮮魷魚，本身已經是非常之香口，一口魷魚、一口飯不會滿足的，一口魷魚，一口啤酒才是正道。豉汁燒鱔球，是《炳記小廚》的其中一道招牌菜，醬汁濃濃的，是好味道的源頭，鱔球香脆，亦是可口的源頭，之不過，例牌的份量的確是好細，落單時，店方阿姐有 warning，我們有聽，所以我們其實是先後叫了兩碟。杏汁豬肺湯，基本上是此店的例湯，我來到時朋友們早已經點好了。不過，我可以說，這一個杏汁豬肺湯，味道不夠濃。而且真的好 "例湯"。姜蔥焗魚鰾，同我 expect 的有一點不一樣。因為我心目中的魚鰾，是炸過的那一種，不是就咁的魚肚。但我可以說，這姜蔥焗魚鰾非常之香口，而且又好好咬口，除了有少少韌同腥之外，基本上是一個可以叫滿足的東西。我們看了牆上的報紙而點的醬油雞，醬酒濃濃的，的確是一件令人感覺非常開心的事情。不過，雞骨比雞肉多......雖是一件好送飯的濃味菜式，但肉唔夠，亦即是唔夠食。老口味，重口味的香港菜，點少得砵仔焗魚腸。不過，我可以說，這一個砵仔焗魚腸，焗老了，蛋太老，有燶味.....失手之作.....馬拉盞通菜，有蝦醬，蝦干，豬什等等的濃味東西來伴，非常之香口，味道雖好，但食落其實好油。大良奶炒帶子，是一個很香口的食物，炒奶味道香，帶子雖不大隻，但總算夠香口爽甜，伴飯食非常好，伴啤酒也感覺不錯。香煎琵琶豆腐，豆腐似是炸多過煎的，但奈何地真正地做都外脆內軟，再者，有一個百搭的豉汁，直接地令這一個小菜顯得香口。 西檸煎軟雞，酸酸檸檬汁配上炸雞塊，我又要說，這是外國人最喜歡的食物。是日的西檸雞，香口，酸味適中。同樣，我可以說，伴飯食，伴啤酒都非常之好。此店其實有名物糯米雞，是把糯米釀入原隻雞內再蒸煮的。不過，我們是臨時臨急約的，沒有預訂，所以暫沒機會品味了。此店，風味很好，夠老派，但我可以說，出品是很參差的，是日所叫的所有小菜，有好有不好，有一些翻叫的，第二碟同第一碟係可以做出有分別的....不過，想感受一下老港式飯店風味而又不想過海既，《炳記小廚》也可以試下既。
continue reading
知道兩隻小魔怪不回家吃飯，我倆外出回家前也先吃飽為妙，省卻一些功夫，下車後，不想吃茶餐廳，不想吃西餐，見横巷有一小店，是飯店模樣，炒炒下，我喜歡，試一次吧！店內地方不大，只放了三、四張大檯和些少細檯，牆上貼了各樣菜式和價目，另外亦有一些明星照片和簽名，店子小小，但似乎頗有名氣。點了薑葱魚雲煲和薑葱霸王雞半隻，魚雲煲端來時有酒香，有魚雲，加了薑蔥，無腥味，很不錯，惟件數不多。薑葱霸王雞，賣相看來不吸引，也許雞隻不夠肥美，雞肉頗熟，也許怕禽流感，所以煮熟些？過熟的雞，雞肉變鞋和實，不好吃。白飯兩碗，兩位茶，共＄196，頗貴！若是在茶餐廳，$120內，應該可以成事。
continue reading
炳記小廚以小菜爲主打，因自稱有頗多款招牌菜，所以不能一take過試菜。先來杏汁豬肺湯，很潤。如要挑剔些，我比較喜歡'喜雙逢'，'庭苑洒家中出會所'及'信得過'這三間的杏汁豬肺湯，因杏汁味及湯底會濃一些。咕嚕肉，份量不大，同行者很快掃去整碟，只趕上吃剩下來的青椒，所以未能評論主角美味與否。班腩煲，炸皮不太厚，不會只得一口皮。炒麵炒得頗香，但加了不少油。炒鱔球，炒得香，可能蒸鱔會更出色，只是今次未有機會試。東江鹽焗雞，沙薑醬調得一般，將整碟雞的分數拉低。黑椒牛柳條帶點辣，加些條狀翠肉瓜，很不錯。啫啫生菜煲的菜較多水／汁。吃了那麼多肉，來一客鮮菇金菇豆苗就最好不過，很好味。紅荳沙也值得試，因為＂起沙＂。整體菜色頗夠獲氣，可再光顧它其它小菜。
continue reading