必勝客

Open Now

Now Closed

2024年10月20日 (星期日) 11:40am 34°C 餐廳重新裝修後，走時尚簡約風格。 環境光亮整潔，餐具乾淨。 人數：2 人 HK$196.9 不用等位 秘製葡式烤雞焗飯 - 雞肉鮮嫩，飯粒不算乾硬，賣相看似濃味，但實際味道偏淡，感覺反而健康一點。 煙三文魚珍珠帶子忌廉芝士意粉 - 芝士味濃厚，當中同時夾雜著蒜蓉之香，三文魚大大塊，意粉麵條滑溜，不會煮得生硬。整體來說，叫人喜出望外。【推介之選】❤❤❤ 迷你窩夫配朱古力醬 - 朱古力醬甜美，烘烤得金黃。 蘑菇忌廉雞湯 - 忌廉味濃郁，雞肉大粒，蘑菇軟滑。 意大利菜湯 - 濃濃的意大利風味 蒜蓉包半份 - 頂呱呱，蒜蓉香，麵包惹味，全港之最！【推介之選】❤❤❤ 熱奶茶 - 香滑濃郁，提神之選。【推介之選】❤❤❤ 熱鮮奶咖啡 - 跟餐另加 HK$5，香濃咖啡。【推介之選】❤❤❤《 環 境 》：【 溫 馨 提 示】：❶ 另收加一服務費

天氣轉凍，我地發現Pizza Hut都有火鍋食！唔同一般嘅火鍋，今次我地食嘅係Pizza Hut 冬日濃香芝味─Cheesy 經典芝味鍋！採用三重芝士製作而成的 Cheesy 經典芝味鍋,層次豐富嘅絲滑芝士醬底,帶來風味獨特且濃厚嘅芝士香氣,係芝士控嘅 Comfort food!作為經典芝味鍋嘅升級版,首次登場嘅 Cheesy 龍蝦芝味鍋以經典芝士醬為基礎,加入香濃龍蝦湯,煮成完美融合濃郁芝士同鮮味龍蝦嘅醬底,啖啖極致奢華享受,加$20 即可享用!兩款醬底仲可以配埋唔同口感嘅配料,包括傳統瑞士風味嘅法包粒,亦有創新派嘅長通粉、墨西哥脆餅、煙火雞片、香脆薯條、煙三文魚等等,帶嚟豐富嘅味覺享受!另外更可加$19 升級黑松露醬,具獨特香氣嘅黑松露同細膩幼滑嘅芝士猶如絕配,令奢華「芝味」再 Level Up!震懾眼球嘅珍寶火雞髀以鐵板熱烘烘上桌,令火雞肉保持外脆內嫩,咬落去啖啖肉仲 juicy 多汁,配上薯條同烤蕃茄扒,蘸黑椒汁吃更添惹味!^鐵板及薯菜只限堂食提供。2 人鍋配料:煙火雞片、香脆雞粒、車厘茄、法包粒、長通粉芝味鍋- 由即日起喺全線Pizza Hut分店堂食帶來充滿節日氣氛嘅冬日濃

我一個人去堂食下午茶，見遲過我個我嗰幾個堂食都出咗餐，去吹下單 ，你老闆同我轉外賣 午餐都唔好做堂食，全部外賣呀，就係想搵個位坐低食，仲問我點解退錢，你哋我整咗個餐我就一定要加（一個人唔好去堂食，佢哋唔歡迎）

這晚不知道為什麼很想吃薄餅，就去了pizza hut點了一個獨食難肥的外賣一人晚餐😹，點了夏威夷風味，芝士的鹹香及濃郁的香味，拉絲的效果令人蠢蠢欲動，配上脆卜卜的餅底，好邪惡

今日放假想同男朋友食下pizza食下西餐同男朋友去咗藍田啟田商場嘅pizza Hut 入到去完全冇人招呼見到收銀位有兩個職員但係完全冇招呼我哋我哋量埋體溫有嘟一聲都冇人理過我哋之後自己入去坐咗個卡位點知發覺張梳化係爛嘅因為我著住條短褲所以坐爛嘅梳化好拮肉 因為坐咗落去啦費事轉臺因為我自己都好憎啲轉檯嘅人覺得佢哋好奄尖 嗌咗個套餐 男朋友本身想散嗌個散我覺得如果食過lunch但係真係太貴午餐抵食啲，包湯包嘢飲嗌咗個迷你至尊pizza同埋吞拿魚長通粉先嚟咗杯熱奶茶同可樂，正正常常跟住嚟咗兩個菜湯我唔明點解可以倒瀉曬成個菜湯成個碟都係湯但係可以照畀客人 其實做送餐嗰個你見到唔妥你都唔會出畀個客啦我男朋友仲以為係我飲到成碗湯寫曬 之後個pizza好好食，好脆夠熱 但係個長通粉就唔知發生乜事我唔明白點解吞拿魚焗長通粉但係會用茄汁 成件事唔好食，成堆嘔吐物啲通粉仲要唔熟 同埋啲通粉唔夠熱好明顯就係火候唔夠啦 其實我又唔係趕時間可以熟曬啲嘢食先畀人嘅其實啲嘢食熟係最基本常識之後侍應態度其實都ok但係可惜嗰個長通粉既質素同埋入到嚟嘅招呼就真係要改善下

最近留意到PIZZA HUT推出左新優惠，大部份大批及普通批都有五折優惠，大批$97.5、普通批$74一個！筆者最喜歡既超級至尊都有呢個優惠。所以今日放工之後，梗係忍唔住收工後打定電話去點個外賣自取，點知打極佢個分店同埋總店外賣熱線，甚至送外賣既熱線都打過，都係打唔通......搞到我以為PIZZA HUT已經執左，線路可能極度繁忙，建議提早起馬半個鐘打去，但都應該打唔通，我打左20幾次都係冇人聽，電話熱線已經廢左；穩陣起見既話，建議大家可以係佢官網度落訂，可以選擇到付現金，唔洗用信用卡都得！我地點左一份普通批既芝心超級至尊、一份普通批既千島海鮮。我覺得PIZZA HUT最好食既兩款就係呢兩款，超級至尊啲煙肉同埋雞肉非常香噴噴，蕃茄醬同埋芝士恰到好處，作點綴實在係錦上添花，幾種配料揉合係埋一齊產生奇妙既化學作用！另外，推介大家一定要加$19轉芝心厚底，好食好多！買兩個普通批埋單都係$184！汽水自己去超市買定雪藏，唔洗係PIZZA HUT度買，貴十幾廿蚊。原味雞翼如果加買8隻要$60至70，相比起老麥或者雞記都唔係特別好食，所以就走左去麥記買左8隻，又可以平番廿幾三十蚊！

因為慳家成日都會幫襯pizza hut 個tea set 不過認真 佢呢幾年暗地裏不斷加價已經冇以前咁抵食 但好彩 佢tea set 嘅甜品 就完全冇退步過鍾愛甜品嘅女士們應該都明白甜品係幾咁奢侈 尤其有質素嘅pancake 同waffle 更加閒閒地過百但pizza hut 個waffle 只係70蚊包嘢飲之餘仲要落足料有Waffle之餘 仲有雪糕 士多啤梨 藍莓 同果醬至於waffle 個texture 仲要內脆外軟連對甜品零interest 嘅老公都大讚另外叫咗個新出品六六無窮芝彩波全部都係用煙肉包住大舊芝士再灑啲唔同味嘅toppings喺上面雖然話toppings有四款味 但對我嚟講一啲都唔重要因為全部都唔好味反而煙肉包芝士幾惹味但講真食超過三粒已漏到想死建議無論你幾有勇氣 都唔好打算自己一個食晒一碟至於pizza都唔錯餅底夠脆 喺冇乜期望之下算係咁

好耐冇食Pizza Hut，見佢外賣有優惠所以叫咗。比堂食平好多！我叫咗個千島海鮮批同埋海鮮闊條麵。海鮮闊條麵係童年回憶，不過越食越細。一樣都好忌廉味，都唔錯。個Pizza拎到返去淋咗冇咁好食，不過都幾重好味，有好多料。

而家做緊優惠買一個大批加一蚊送一個細批因為屋企離店舖比較近，所以就選擇咗自取，返到屋企等齊人仲係熱辣辣👍🏻今次嗌咗個千島海鮮大批，略嫌海鮮唔夠多，得圖中嗰幾粒細細地嘅，相信大家都見到大部份都係啲紅椒、青椒、菠蘿、洋蔥，完全唔係好食到海鮮，而且嗰邊唔夠脆，大大扣分。另外加一蚊送嗰個係芝士煙肉普通批，個人覺得比較鹹，同樣地嗰邊都係唔夠脆，而且冇乜芝士味。今次嘅經驗唔算好，都幾失望，下次會選擇第二間

同媽媽兩個人夜晚諗唔到食咩 突然醒起樓下有間好耐無食的鋪頭 就係pizzahut 嗌左個二人餐 加左個小食(香辣雞翼) pizza 我就揀左超級至尊 超級至尊: 仲好足料 醫亦都足夠 唔會話太多太少 個批亦都好脆口 亦冇焗到過硬香辣雞翼: 味道十分惹味 一隻接住一隻停唔到口pizzahut果然係薄餅專家

2020年6月30日 (星期二) 12:00pm 33°C 環境光亮整潔，餐具乾淨。 為慶祝本人的 20 週年紀念日，故此特地挑選此餐廳用膳。 人數：2人 HK$173.8 不用排隊 葡汁雞焗飯 - 熱騰騰，椰子汁味撲鼻而來，食慾大增了！雞肉焗得軟腍，葡汁濃郁，拌勻白飯一起吃，感覺相得益彰，互相平衡。【推介之選】❤❤❤ 迷你窩夫配朱古力醬 - 脆口又冰涼，炎夏之選。 雞翼 - 烤得金黃，口感香脆，一碟只得 2 隻，實在太少了耶。 黑椒海蜆炒意粉 - 味道非常惹味，既香且辣，蜆肉炒得很夠火喉，鹹鹹香香，麵條滑溜。整體來說，蜆肉份量多，絕無欺場，味道一流，讚啊！【推介之選】❤❤❤ 蘑茹忌廉雞湯 - 蘑茹份量多，濃稀適中，忌廉味十分香濃，正呀！【推介之選】❤❤❤ 熱奶茶 - 香滑提神，茶味濃郁。【推介之選】❤❤❤《 餐 牌 》：【 溫 馨 提 示】：❶ 提供午市套餐❷ 結帳付款須自行到收銀處❸ 另收加一服務費

由於會員又係有買二送一優惠，咁就黎呢到食啦！星期五下午兩點半黎到都多人，待應太忙關係水無餐牌無。唔緊要睇番上次自己影低的餐牌吧!買二送一係計送最平果個，咁就緊係揀番咁上下價錢先無蝕底。最後揀左一飯一粉一麵包。飲品係檸水加一個湯同朱古力曲奇咖啡冰（加8元）。（每餐包飲品一杯或餐湯），但唔係個個餐都可揀餐湯。公司三文治配薯條$59，有4件三文治，材料有薄如嬋翼雞蛋，雞肉，菜同蕃茄。包烘得香脆。薯片今次唔夠熱，無之前咁好食。同埋個擺盤絕對有進步空間唔好搞到打仗咁啦！葡汁雞焗飯$60，今次飯夠熱，汁夠多唔會乾爭爭咁。雞肉份量足夠卡邦尼煙肉意粉$64，汁太杰又小，意粉又煮得比較硬，熱度欠奉。每次叫呢個都覺得唔抵，意粉小，菇又小。。只是二人食三個餐份量太多，就叫小份量一點。如果無買二送一必定唔會叫來食後記：買二送一的話，三個餐平均只需四十多元一個，在舒服環境食野算抵。今次可能太多人，食物比之前差左d希望下次去時有改善吧！

三人行，到此下午茶。店子挺大，顧客極少，連我們在內只兩桌，所以特別算得寧靜舒適。蝦煙肉薯蓉蒜蓉包：薯蓉美味，蒜蓉包外脆內軟，不錯。墨西哥雞肉饀餅：饀餅外皮香脆，饀料較清淡，味道尚算不錯，連薯條和沙拉同上，很豐富，沙拉用的是芝麻醬，好味道。威尼斯迷你批：本來不太喜歡吃甜的薄餅，估不錯挺好食的。凍檸檬茶：很大杯，正適合邊喝邊聊天。

今天同事一齊叫左pizza hut，我地睇到出左新批緊係要試試喇🥰，新批係環球邪惡芝味批鮮魔帆立貝，同事們都喜歡食海鮮關係，緊係要叫帆立貝喇😆聽聞個pizza 有5種唔同嘅芝士，大家都好期待。除此之外，我地仲叫左意式風情☺️外賣員好準時，d 野食黎到都係熱辣辣👍🏻👍🏻先講環球邪惡芝味批鮮魔帆立貝，個批真係做到拉絲效果，睇落以為個批會好炸，因為好似深色左dd，但原來都係芝士黎😂，食落成口都係芝士，好似食緊加料版嘅芝士條面包，帆立貝都算ok 起碼都多多地，但更多會更好😋。意式風情 (千島醬) 餡有雞肉、火腿、意式香腸、蘑菇 、菠蘿，都好香好脆☺️都好好味😋

公司lunch time 大家突然想食pizza, 咁我地就叫左2個set 一齊食😋今次試左佢地個新pizza 叫點芝扭扭批-海中狂點😍pizza 仲係熱辣辣嫁😋這個批嘅批邊好似小小嘅面包包左好多流心芝士😋仲有食落係啖啖嘅海鮮味，配料都好足料😍有魷魚🦑，蝦🦐同帶子☺️批的醬料唔係普通的茄醬，而係類似千島醬味，食e 個pizza 要點埋佢地特製嘅海鮮醬🤤今次個批係薄批黎，脆脆的😋E 個係辣味嘅pizza🤣唔好睇少pizza 上面嘅🌶🌶佢係指天椒黎，食中嘅話都好辣🤣我地都估唔到pizza hut 有這款pizza😝仲有佢地嘅招牌焗飯同意粉都好好味🤤雞翼嘅味道都好正，但都係以前果款辣味雞翼好食d🙊