必勝客

Open Now

Now Closed

今午去了藍田必勝客食午餐，叫了迷你凱蕯沙律，萄汁雞肉意粉，飲品選了凍柚子茶。凱蕯沙律菜不爽脆，不新鮮，菜份量很少，芝士不夠，麵包條好味加另上的沙律醬一齊食很配合。萄汁雞肉意份汁太多，但味道很怪，而且汁太多佷腻，意粉量很少，雞肉嫩滑但只得三至四片很少呢，意份真係三住就食晒。必勝客食物份量都很少，價錢又不是平，這個餐食左我48元，但我食完這個餐都好似無咩落肚甘。如果必勝客不是坐得舒服同無人趕，我一定一定唔會去，因真係唔抵食

憑著某大機構的優惠卷，比正價便宜三十塊的烤雞，在女友的慫恿下，帶著Pizza Hut應該食Pizza的疑惑心情，就試了優惠價烤雞…當然，這優惠卷並不能只能買一隻烤雞就賣單，所以天真的我們另外加了一個大過60塊的Carbonara作“main-course”。上菜的時後，有一點令我Surprise的是。 。 。為什麼我們以優惠價買的烤雞，無論是賣相，還是分量，都比Carbonara還好很多。不說太多關於Carbonara，本身就是意粉，配白汁和ham，好味還是好味的，但是對於男孩子來說，試問區區一個Carbonara怎麼能撐起果腹呢?正當我煩惱的時候，烤雞就端上了。雞的外形差不多全雞翼和雞脾上, 外面的皮炸的剛剛好，不太油，就算是連皮吃都行。通常烤雞的最大特點是外面脆，內面是“鞋”的，感​​恩節的火雞是俵俵者，但是出乎意料，這個烤雞內面的肉很嫩，而且很有肉味，真的喜出望外呢。其實，下一次光顧Pizza Hut，除了選Pizza以外，可能烤雞也是另外一個好選擇。

十二月九日 (星期日)必勝客，於我們來說，是久違了的連鎖食店，也是陪着大家一起成長的地方人長大了，也被其他各類食肆所吸引，也漸漸將之遺忘是日真的要多謝店方和公關的安排下，我們能舊重拾昔日樂趣，與另外兩位食友前來，試試必勝客的新品架架仔小時也在藍田長大，不過都有差不多十年八載沒有回鄉，人生路不熟，便相約食友在觀塘搭的士沿途塞車，差不多遲了半小時才來到，最不幸的，是發現商場就在港鐵站附近，真的蠢鈍如豬!今次吃的，是專為冬日推出的芝士火鍋老實說，吃芝士火鍋的經驗不算多，只知城中較有名的是尖沙咀的瑞士餐廳傳統的芝士火鍋會加入酒，不過不是人人都喜歡酒，尤其是必勝客這類不少是一家大細前來的餐廳，所以這裡的芝士火鍋也是沒有酒的還記得這裡的周打魚湯和蒜蓉包，曾幾何時，是我們的兒時恩物，每次來到必點如今食品推陳出新，更有龍蝦湯供應，也點一客來試試喜出望外，這裡也有提供有酒和無酒的龍蝦湯無錯，喝正宗的龍蝦湯，最好就是加一點干邑，將湯味逼出，真想不到就是連必勝客也照顧得如此週到加配了酥皮，十分鬆脆湯熱烘烘的，呷一口，湯味鮮香，還有不少龍蝦肉，肉質也算爽口個人覺得，酒味還是可以濃一點的當然，絕不會拿它跟上百元

今晚嗌pizza當晚餐, 兩個人嗌兩個意粉加半隻烤雞伴格格薯塊, 份量多到要留番第二日番工食.我叫左香蒜肉絲意粉, 一如既往的簡單好味, 意粉好彈牙啊! 好大陣蒜蓉味, 好此道者自然正中下懷.家姐的菠菜雞皇長通粉, 醬汁餸料都算多, 最怕醬汁少少唔夠撈曬成個意粉.其實我最想講係隻烤雞, 外表都幾靚仔, 但係金玉其外, 敗絮其中, 一食佢嘅外皮, 像是先炸後焗, 一食便知係翻焗.至於雞肉部分, 試想下當隻雞連雞脾肉, 雞翼肉都係嚡嘅時候, 雞胸肉的肉質可想其知--------嘩~~十級嚡呀! 我仲取笑此烤雞之雞胸肉肉紋有如頁岩(岩石的一種, 紋理分明, 層層雙間)一樣. 吉X島售三十多元一隻的烤雞還比它好味得多呢!隔離的薯格可能凍左, 都係一樣唔好食

十月下旬‧晴年紀大了，真的是九年也吃不了一次這裡的薄餅。是日，要吃一吃。就是金黃芝士批，大大個也配上芝士紐紋邊，雖然厚度比以前的減少了，也感覺膩。配上傳統煙薰火腿，還有菠蘿在內，好吃的。不過芝士真的太多，加上紐紋邊內的芝士，吃得很飽。吃一件就夠。

今晚一家6人一齊尼到pizza hut食dinner今日係bb第一次落街食飯佢成程都好開心好搞笑我地叫左一個2人餐另外再加左d小食同埋一個飯因為叫套餐就可以用半價去叫小食先講餐湯忌廉湯普普通通不過不失咁啦冇咩太大既特別餐飲我就加8蚊升級做特飲個特飲就係冰雪朱古力有香濃既朱古力味我鐘意=]個pizza呢就係新出既口味個餡有香腸,肉丸,菠蘿,車里茄等個感覺幾fresh唔錯沙律只需半價就可以食到啦所以好滿足如果個沙律醬可以多返d就perfect啦因為而家係好多菜但唔係好夠醬法式田螺焗薯蓉又係半價就ok了所以真係好抵既味道都仲keep到唔錯唔錯=]滋味釀雞翼呢個小食都係半價哈哈佢將雞翼拆左骨然後釀返d雞肉同粟米落去唔錯呀而且有香味!海鮮闊條面係跟餐的我真係好鐘意食呢個貴得尼有價值個汁d味好夠濃,味道真係一流!呢個墨魚汁雞扒飯個賣相唔錯不過我太飽冇食到哈哈下次有機會再試下啦=]

之外同同學仔去左食PIZZA HUT.我地叫左個午餐每人32$,計埋加一每人35.2$,姐糸埋單=70.40$餐有2件蒜蓉包+湯+主菜+飲品.我就叫左葡汁雞皇意粉.凍0水葡汁雞皇意粉D汁多左D.整體吾錯.蒜蓉包E個超正,脆卜卜,好香牛油味忌廉雞粒磨菇湯好好飲.>W<好香好正GD凍0水加埋糖漿好好飲我同學就要左個香蒜肉絲意粉同凍奶茶.香蒜肉絲意粉吾糸幾好.奶茶OK.

姨甥想食pizza，又係下午茶時間，所以就擇咗呢度食tea 。呢度環境ok，又唔多人。我哋order咗兩個超級至尊批($44)，多士，雞翼($28) 和波菜長通粉，全部跟餐飲。超級至尊批- 有青椒，菠蘿，肉粒和沙樂美腸。批底香脆，味道不錯。雞翼 普普通通啦。多士- 很香嘅蒜蓉味，有蕃茄，芝士和煙肉。味道幾好。波菜雞肉長通粉- 忌廉汁味道幾香，雞肉都嫩滑。汽水可以refill，咖啡香濃。埋單$192。

新年街市大多都放假冇餸買所以叫外賣食要左個2人套餐(大批)鬆厚批(大批) * 1 飯 / 意粉 * 1 百事罐裝 / 雀巢檸檬茶罐裝/ 蘑菇忌廉雞湯* 2價錢是 $162，都算抵食大批要左 千島海鮮 轉 芝心批 加HKD $16飯就要左 芝士焗石斑吞拿魚飯 飲品方面揀了雀巢檸檬茶 2罐由於買滿$ 180 送意粉的關係所以就揀多個蒜蓉包 $20最後價錢 $198 送的意粉有兩款，揀了焗肉醬意粉千島海鮮批有大量的蔬菜但海鮮只有少量不過味道算唔錯，而且有很多吞拿魚但送到時，批已經歪歪斜斜蒜蓉包送到的時候是微暖的但到食果陣已經凍左芝士焗石斑吞拿魚飯入面有大件的石斑..不過石斑冇咩味..而且有點硬白汁味道都幾濃，不過個飯係冇吞拿魚的雖然肉醬意粉是送的但絕不馬虎有很多材料味道都唔錯...只係麵質有點硬飲品是已經冰好的方便客人可以即時飲下次想再試新野...暫時唔會叫PIZZA HUT

因為得到一張免費的意粉Coupon~就趁下午無咩人既時間去試下新出既意粉~去到只係得幾張枱有人~待應就帶左我地去坐卡位~諗左一陣就先用coupon叫左個"芝士白汁伴菠菜意式雲吞"另外有張下午茶半價coupon, 問待應可唔可以同張coupon一齊用,雖然佢唔清楚但都即刻去問~幾好~之後另加2個下午茶餐"墨西哥吞拿魚雞肉烤卷"+"吞拿魚煙肉腸螺絲粉"~講真以咁少人黎講等上菜都算耐....首先係飲品~pepsi light同凍檸茶~汽水可以無限添飲~ 不過每次佢收左果杯後都要等.....而且後尾refill既已經唔係light了... = =首先係"吞拿魚煙肉腸螺絲粉"~ 上枱時熱辣辣的~唔錯~不過份量真係好少....每人分少少已經沒有了.........但都要$37....真係好貴....味道正常~ 煙肉腸份量都算係咁~ 雖然係下午茶餐但如果整體份量衡"正常"返d就好~之後係"墨西哥吞拿魚雞肉烤卷"~相比黎講呢個份量幾正常~ 餡料的雞肉都幾多~ 味道不錯~ 幾清淡~唔會太油膩~最期待既"芝士白汁伴菠菜意式雲吞"終於上枱!但摸摸個碟點解等咁耐都係凍既....唔理~即刻試下....的確係凍!

係31號晚,男友係我度訓!!!由於佢放左工先過黎既關係,我擔心佢會肚餓,所以9點就係網上order左外賣俾佢做宵夜喇!!原本估計送貨時間係22:58,不過佢係10點就送左黎喇!!我冇準備好$既關係,要人地等左我一陣,果個人好有耐性呢!!join左menber,d分又到期喇,順手用埋佢先!! 有76分,可以換螺絲粉,不過男友唔中意食冇計喇!!所以叫左: 千島海鮮 - 芝心批(普通批) x 1本身$112.00 ,不過會員有9折,折左100.8,好抵食!!!另外用40分換左蒜蓉包 & 20分換左百事 (一罐)!!!total 用左60分! 千島海鮮 - 芝心批,都好多材料下,不過就唔係海鮮黎而係椒,海鮮佔極少部份!!男友黎到咩都凍曬喇,變到好乾身,好硬,所以拎左去叮!!加左少少水去叮,所以好香,好軟身,d芝士都好正!!而蒜蓉包 ,我就冇食到喇!!所以冇咩comment!!食淨左既pizza留反第2日食,叮反熱一樣咁正,不過我加水加得太多,有點過淋!!d芝士好正,可以成條拖出黎!!

今日又懶煮飯,又太耐沒有食過薄餅.見到某銀行有特價套餐.晚餐一於吃這個點了2人套餐 磨菇忌廉雞湯x2:磨菇有好幾片,湯無乜特別,有少少洋蔥味的罐頭湯 小食滋味有腸仔,雞翼,哈哈笑薯蓉和雞塊,腸仔無乜味道.雞翼一貫好味道.哈哈笑薯蓉熱辣辣好好味道,最重要樣子趣緻可愛.雞塊炸得香脆. 海鮮寬條麵:仍然逃不過焗得太乾了,海鮮也不夠多,汁也太少了.味道唔太吸引 千海海鮮扭扭批(大批),批送到來時還是熱辣辣,所以扭扭批的芝士還是半溶狀態,好好味.材料有青椒,蟹柳,吞拿魚,汁用上千島醬濕濕地好好味道,批是薄薄的,唔係厚批.薄薄地好味過厚的啊! 木糠布甸x2:面層有好多餅碎,整得好滑又唔算甜,雪凍食一流值得讚今次好準時到達,pizza和食物還是很熱啊這個餐215元

我哋原本要到九龍灣食晚飯，但因為三號風球，所以取消咗。最後我哋四個人喺藍田嘅 Pizza Hut食。呢度好少人，可能因為打風啦。我哋order 咗一個超級至尊pizza ($102)、什菌雞肉炒天使麵($49)、歐式小食拼盤($46)和kid meal ($40)。 超級至尊pizza 有好多料，D沙樂美腸焗得好香口，好脆好好味。 什菌雞肉炒天使麵個 sauce 嘅味道好似 cream of mushroom 咁，有好多菇，雞肉都OK，味道唔錯。 歐式小食拼盤有墨魚餅、炸蝦、蝦多士、薯條。墨魚餅、炸蝦、蝦多士都幾脆，但味道一般啦。 Kid meal 有腸仔、雞翼、肉醬意粉、Jelly和橙汁，味道一般啦，但仔仔好鐘意食，尤其是啲Jelly。我哋喺member，所以唔洗加一，埋單$237。

尋日懶得煮飯..上PIZZA HUT個網訂野食反黎我見有265分..咁我就可以用250分去換一個PIZZA叫左..車打海鮮焗飯..同蒜蓉包...係會員既關係..仲有9折添換既批得2款可以揀..又唔可以轉芝心wo..有d美中不足個飯好多海鮮係度..不過味道偏淡蒜蓉包..好好食..個批唔洗$嫁wo...抵到爛喇..不過d辣肉腸有d鹹食左咁多野..都係$67.5咋...夠曬我地3個人食

早前同男友去左e間野度食晚餐叫左個..千島海鮮 + wow1人常餐..wow1人常餐既夜晚..都係第1次食..不過唔可以將個意粉轉做pizza ..真係ma煩囉除左d配菜係岩食..個意粉真係好差...個汁根本都唔夾個pizza hut 更不知所謂...千島海鮮..如相中見..紅綠色都多過d海鮮喇個批邊又焗得差過人...最激氣既係..我地食左半個鐘到..d人係咁催...又趕wo果陣明明先8:45到..pizza hut有咁早收工咩