Video
Opening Hours
Mon - Thu
11:00 - 22:30
Fri - Sat
11:00 - 23:00
Sun
11:00 - 22:30
Above information is for reference only. Please check details with the restaurant.
因係Pizza hut既會員, 所以不時都會到Pizza Hut食野.特別係Tea set係最抵食, 而且間唔中都有會買2送1既Coupon, 就抵上加抵.最中意食佢叫迷你厚批.即焗即食既Pizza同平日外賣返到屋企先食既Pizza根本係2種味道.又熱又脆又鬆既餅底, 加埋D肉腸 青椒等等既配料, 好Match又Fresh, 食落唔會覺得好油膩.
continue reading
話說老細前排請同事食下午茶，有人建議黎呢間Pizza Hut，話呢度下午茶唔錯，於是我哋就一路開會一路食嘢今次我叫左雲呢拿雪糕配草莓窩夫～～我想講好耐都冇食過咁高質嘅窩夫！！！首先外皮焗到好鬆脆，上面淋上草莓醬，亦放左一啲草莓同藍莓，藍莓超大粒！響雲呢拿雪糕上面仲吱左忌廉，好多層次，食落成個口感好豐富，勁幸福！下午茶餐仲包括一杯嘢飲，我就叫咗咖啡，雖然咖啡相對普通，味道不過不失，但係以60幾蚊嘅價錢來講都算抵食
continue reading
行完旺角黎食T，是但就腳就上咗黎。叫tea set,每個餐都包嘢飲，當中有四個特飲都係唔駛錢加嘅，我揀咗青檸魅力。第一啖無攪，真係好似飲糖醬咁撈好咗還好...柚子熱情，係透心涼嘅，不過都係要撈好先無糖醬感。墨西哥海鮮餡餅，比想像中好食，好足料，包住海鮮嘅皮稍腍（合理嘅），但係遠離啲餡嘅勁脆，都幾正。薯菜正路。超級夏威夷迷你批，不過不失。不過呢間人侍應真係相當特別，都係唔係好服務咁。關鍵應該係因為唔夠人，所以成個鋪面成日都係1-2個人看，難怪做到灰...
continue reading
有時懶得諗食乜嘢就會去連鎖式餐廳🍽最近見Pizza Hut出咗新款嘅點芝扭扭批即刻走左去試😋除左Pizza仲叫左杯新出嘅特飲👅〰️👉🏻點芝扭扭批 - 海中狂點 $168🍕👉🏻雪糕啫喱冰 $36🍹👉🏻雞翼x4pcs *80積分換取🐣幾中意食扭扭批，因為個批邊係bite size好方便食🤣而且仲可以點佢個點點芝士醬🧀不過覺得個芝士醬可以再濃味少少🥴值得讚嘅係海中狂點幾足料，每件都有一隻蝦係上面🦐不過如果唔食海鮮嘅朋友就可以揀陸上爆點🦆岩曬中意食肉嘅人👍🏻另外用之前草落嘅積分換左4隻雞翼，熱辣辣幾好食🥰另外銀城廣場分店環境都幾大幾舒服，好啱同一大班朋友瘋狂食Pizza🤪總結係今次新出嘅點芝扭扭批玩得影得又食得～
continue reading
喺門口等左兩三分鐘先有人出嚟，（絕對吾忙，冇爆場）侍應帶我入去坐低之後乜都冇講，Menu就咁放喺枱面；當我睇完份Menu諗住落order，舉手舉左6分鐘，期間輕聲叫，冇人理！搞到隔離枱都係咁望住我；終於叫到個侍應，個侍應先同我講原來有lunch set,求其拎左份Menu再俾我睇然後同我講：你再慢慢睇！呢度已經用咗15分鐘；叫完野食跟住唔知點解個意大利菜湯同意粉居然同一時間上；個湯仲要係凍嘅；之後叫埋單；個經理同我講《自己出去埋啦》；嗰一刻我覺得自己好似食緊茶餐廳咁；雖然可能消費唔高但係都唔使咁樣嘅態度咁我不如去食茶餐廳？到最後我表達意見，點知個經理望住我求其敷衍我幾句話個同事係咁㗎啦。我以後肯定唔會再黎！我都係做服務性行業，我好理解前線工作人員嘅辛苦；但係當下已經唔係炒檔時間，我見其他枱嘅客都等到好嬲！甚至有一台好大聲咁叫唔該想寫嘢都冇人理。唉，我從來都唔會寫差一間餐廳，但係呢間餐廳本身其實冇咩大問題；係人好有問題🤨完，謝謝。
continue reading