必勝客 (Closed)

因係Pizza hut既會員, 所以不時都會到Pizza Hut食野.特別係Tea set係最抵食, 而且間唔中都有會買2送1既Coupon, 就抵上加抵.最中意食佢叫迷你厚批.即焗即食既Pizza同平日外賣返到屋企先食既Pizza根本係2種味道.又熱又脆又鬆既餅底, 加埋D肉腸 青椒等等既配料, 好Match又Fresh, 食落唔會覺得好油膩.

話說老細前排請同事食下午茶，有人建議黎呢間Pizza Hut，話呢度下午茶唔錯，於是我哋就一路開會一路食嘢今次我叫左雲呢拿雪糕配草莓窩夫～～我想講好耐都冇食過咁高質嘅窩夫！！！首先外皮焗到好鬆脆，上面淋上草莓醬，亦放左一啲草莓同藍莓，藍莓超大粒！響雲呢拿雪糕上面仲吱左忌廉，好多層次，食落成個口感好豐富，勁幸福！下午茶餐仲包括一杯嘢飲，我就叫咗咖啡，雖然咖啡相對普通，味道不過不失，但係以60幾蚊嘅價錢來講都算抵食

行完旺角黎食T，是但就腳就上咗黎。叫tea set,每個餐都包嘢飲，當中有四個特飲都係唔駛錢加嘅，我揀咗青檸魅力。第一啖無攪，真係好似飲糖醬咁撈好咗還好...柚子熱情，係透心涼嘅，不過都係要撈好先無糖醬感。墨西哥海鮮餡餅，比想像中好食，好足料，包住海鮮嘅皮稍腍（合理嘅），但係遠離啲餡嘅勁脆，都幾正。薯菜正路。超級夏威夷迷你批，不過不失。不過呢間人侍應真係相當特別，都係唔係好服務咁。關鍵應該係因為唔夠人，所以成個鋪面成日都係1-2個人看，難怪做到灰...

有時懶得諗食乜嘢就會去連鎖式餐廳🍽最近見Pizza Hut出咗新款嘅點芝扭扭批即刻走左去試😋除左Pizza仲叫左杯新出嘅特飲👅〰️👉🏻點芝扭扭批 - 海中狂點 $168🍕👉🏻雪糕啫喱冰 $36🍹👉🏻雞翼x4pcs *80積分換取🐣幾中意食扭扭批，因為個批邊係bite size好方便食🤣而且仲可以點佢個點點芝士醬🧀不過覺得個芝士醬可以再濃味少少🥴值得讚嘅係海中狂點幾足料，每件都有一隻蝦係上面🦐不過如果唔食海鮮嘅朋友就可以揀陸上爆點🦆岩曬中意食肉嘅人👍🏻另外用之前草落嘅積分換左4隻雞翼，熱辣辣幾好食🥰另外銀城廣場分店環境都幾大幾舒服，好啱同一大班朋友瘋狂食Pizza🤪總結係今次新出嘅點芝扭扭批玩得影得又食得～

喺門口等左兩三分鐘先有人出嚟，（絕對吾忙，冇爆場）侍應帶我入去坐低之後乜都冇講，Menu就咁放喺枱面；當我睇完份Menu諗住落order，舉手舉左6分鐘，期間輕聲叫，冇人理！搞到隔離枱都係咁望住我；終於叫到個侍應，個侍應先同我講原來有lunch set,求其拎左份Menu再俾我睇然後同我講：你再慢慢睇！呢度已經用咗15分鐘；叫完野食跟住唔知點解個意大利菜湯同意粉居然同一時間上；個湯仲要係凍嘅；之後叫埋單；個經理同我講《自己出去埋啦》；嗰一刻我覺得自己好似食緊茶餐廳咁；雖然可能消費唔高但係都唔使咁樣嘅態度咁我不如去食茶餐廳？到最後我表達意見，點知個經理望住我求其敷衍我幾句話個同事係咁㗎啦。我以後肯定唔會再黎！我都係做服務性行業，我好理解前線工作人員嘅辛苦；但係當下已經唔係炒檔時間，我見其他枱嘅客都等到好嬲！甚至有一台好大聲咁叫唔該想寫嘢都冇人理。唉，我從來都唔會寫差一間餐廳，但係呢間餐廳本身其實冇咩大問題；係人好有問題🤨完，謝謝。

臨近聖誕想話黎試下芝士火鍋，嗌左個芝士火鍋set同酥皮龍蝦湯，性價比係高既，比起其他餐廳，呢到二百幾蚊係扺既，但要對食冇乜要求先係扺 ，因為全部野食得個咸字，所有配料都好咸，酥皮龍蝦湯極咸，芝士又好咸之餘又冇乜芝士味，兩個人狂飲水，好失望，覺得晒左幾百蚊，明明我地入餐廳前係好肚餓，但係最後係咸到食唔晒，龍蝦湯又飲唔晒，要落街掃小食填肚。pizzahut d野真係差左好多。不過環境都幾好，乾淨，坐得舒服。

表姪女生日，沒有鋪張的生日會，反而邀請了好友到pizza hut參加兒童開心之旅，學學餐桌禮儀整整pizza，第一次見證著pizza的誕生，連大人都驚喜萬分！活動開始時由職員姐姐解釋西式餐桌禮儀，小朋友們聽得專心又認真，姐姐問的問題都答對，得到貼紙作獎勵其後開始動手製作pizza，材料明顯比平時的pizza多，芝士更是加了一次又一次都加唔完pizza入焗爐後就是參觀廚房的時間，廚房內不准拍攝，只好乖乖把相機收起。參觀廚房後pizza還未焗好，但大家已經飢腸轆轆，沒想到這時職員為每個人遞上一碟意粉一杯汽水，真貼心！開動沒多久pizza就上枱，很多芝士呀！吃的時候小朋友竟然分到哪些配料是自己加的，太厲害了吃過pizza，活動接近尾聲，最後大家為壽星女唱生日歌送禮物，為這次開心之旅畫下圓滿的句號。

地點係銀城廣場3樓係旺角咁熱鬧既地方，下午茶時間人不多環境寬闊，又有卡位，幾好坐下午茶到6點，當食個早飯都可以Tea set有意粉，飯，pizza，小食類等等我地2個人叫左個迷你pizza🍕，肉醬意粉🍝本來都夠食，但又想食小食，就叫多左個白汁雞翼拼盤tea.最好食既仍然係個pizza餅底，pizza邊都焗得脆脆地焗肉醬意粉亦都熱辣辣意粉唔會好淋，肉醬滿滿舖在意粉上面加埋芝士粉🧀好味相對個小食拼盤就無乜特別飲品方面檸🍋茶糖水可以自己加餐可選飲品或湯😊

一直習慣叫外賣，因為價錢抵好多。但係今日行街經過Pizza Hut就想入去試吓新鮮熱辣辣嘅Pizza。因為平時叫外送速遞不能點酥皮，所以今次堂食就叫左一個酥皮忌廉湯，辛苦忙碌完，好想食一啖香脆酥皮。滿心期待之下結果侍應送上黎嘅酥皮湯表面嘅酥皮係平平的完全不像以前那樣，會拱起圓軲轆咁當然口感亦有影響，脆度不夠，浪費了好好的一塊酥皮。辣味雞翼：堂食的確有堂食嘅好！雞翼外層香脆之餘裏面水份亦都能夠保留着，小小既辣味令雞翼更惹味！最後很想讚一下銀城分店的侍應，侍應都好勤力我每次去嘅時候都係晚上九點幾，係佢哋工作嘅尾聲時間，但係佢哋依然都無減步速，好勤快咁樣為客人送上食物，令到食物既溫度能夠得以保存，非常之欣賞佢哋嘅勤力👍🏼👍🏼👍🏼

在旺角這樣的鬧區,找一個安靜的地方吃下午茶,不用排隊,環境又大.真的不多.這裡也有提供BB 櫈和餐具提供.公司三文治還是美心旗下的最好吃,分量對女生來說真的很夠.外皮又脆,料又足同新鮮!薯條是粗款.魚柳拼盤,剛看到以為會很硬很燶,結果出乎意料,很好吃很多肉.搭配的肉醬薯蓉,小朋友真的很愛吃.飲料名字好聽,其實就是有氣不同味道的汽水.總結:安靜,環境大,有小孩的,想聊天的,便宜套餐的下午茶.都可以選這裡.

今次叫咗個二人套餐，有兩份忌廉蘑菇湯+$10可以轉酥皮湯，有一份白汁火腿薯蓉，葡式雞皇意粉，超級至尊pizza加$26仲可以轉芝士扭扭批🤤仲有兩杯無限添加嘅飲品，加一都只係$330，食到好飽，真係好抵食架。個人認為酥皮湯係一定要加，因為d酥皮加落d湯到真係好好食，建議下次可以叫蔬菜唔叫薯蓉，因為再食薯蓉會好濟。而葡式雞皇意粉就冇咩特別，同出邊食嘅差不多。最後就係重點推介嘅芝士扭扭批，黎到pizza hut當當然要叫佢地獨有嘅扭扭批，入邊嘅芝士真係好飽滿，係極力推介之一！

Quick and friendly service in Pizza hutSpaghetti Bolognese (Beef) ($39)My forever favourite lunch set in Pizza hutReasonable price, and the bolognese lived up to my expectations, which has the delicate balance of seasoning, wetness...Popcorn Chicken Curry Rice ($39)Curry is way too thick and salty to be mixed with riceFeeling like hitting the maximum sodium intake after spoons of curry with riceItalian Delight Mini Pizza ($42)Crunchy on the outside and soft and chewy in the insideUnlimited soft

呢間之前有嚟過，果次就係食pizza 套餐，今次因為係附近行街有d攰，順便坐低食下嘢，點咗個小食拼盤同個意粉。首先上菜速度稍微有少少慢，拼盤份量唔算太多，整體味道嚟講都可以，個意粉就麻麻地，首先係d意粉整體比較乾身，同埋食落唔算太熱，所以意粉已經一舊舊，加上意粉整得唔入味，食落去簡直就冇咩味，另外其他配料可以講係分開嚟整，最後擺上去咁。兩者味道可以講係分開，未試過食過咁乾又冇咩味嘅意粉，唔知係呢間整得唔好，定係本身就係咁樣嘅。

下午茶時間，喜歡這裏環境寬敞舒適。點了下午茶餐，其實是我的午餐，炸魚＋薯條＋焗薯蓉，天氣熱，還選了柚子梳打。炸魚看上去很「lon」，估唔到D魚肉很滑，並不是雪藏魚，所以都幾好味。焗薯蓉都不錯，薯條都好夠熱，薯類通常好穩陣，都好味～柚子梳打很夠凍同解渴，但不太夠柚子味。下午茶餐選汽水是可以無限添飲的。若不趕時間慢慢食同坐下傾下偈，是很適合的。比想像中份量多，以女仔嚟講，同午餐份量差不多，好夠飽，只是比較熱氣，不過是自己選擇的。

不知幾耐無幫襯過, 原來依加呢度有龍蝦, 燒鷄食外, 仲有埋豬手, 果真要提高市場競爭力!黎呢度一心想食PIZZA, 係唔想多用腦既情況下叫左呢個二人餐!每樣可選一款, 小食要左呢個葡汁焗蔬菜, 細細個相當精緻, 材料有西蘭花, 紅蘿蔔仔, 意大利青瓜片等, 個葡汁相當濃滑, 用黎送白飯都幾唔錯!呢個拿破崙鷄肉煙肉意粉, 以蕃茄醬汁底煮既意粉, 味道酸中帶甜幾開胃, 個鷄肉出奇地滑口, 意粉又有口感, 總括黎講呢碟相當好味!有我喜愛既千島海鮮普通批, 加$26轉配芝心脆批, 鍾意佢材料唔會好複雜, 個千島醬同D材料好夾, 簡簡單單既味道同我一直食開都無變, 個芝心脆批咬落個脆邊有香滑芝士流出, 做到外脆內軟既口感!另外仲叫多左個經典原味鷄翼, 一客有8隻, 每隻肥美飽滿, 一食腦海中既味道記憶返晒黎!餐飲叫左凍檸茶, 賣相相當得, 但茶味偏淡, 下次可以飲第二樣!呢個二人餐算幾抵食, 食完無論肚皮及回憶都好滿足!