必勝客

Open Now

Now Closed

去朋友屋企夾野之前，就要去搵嘢食填飽個肚，先有力㗎。咁啱啲積分換咗優惠券，就去咗Pizza Hut食呢個葡汁雞皇飯同埋蒜蓉包。個飯超重味，超多醬汁，蒜蓉包又多油同蒜，今餐好重口味啊Btw 餐廳經理非常友善。

見到佢新出左黑松露蘑菇醬芝bite  Pizza，咁啱我又鍾意食黑松露，又鍾意食芝士，即刻買咗個同屋企人試，而家外賣自取仲有七折，普通批原價$170一個Pizza依家$120就有啦😄用Pizza Hut app網上訂都幾方便，大概20分鐘左右就可以攞，仲送兩罐白事汽水。因為係Pizza Hut會員，佢哋好多新出嘅Pizza我都會試，今次呢個Pizza係我試過呢幾期比較好食嘅😋佢加咗啲黑松露同芝士醬喺Pizza邊，味道都幾濃郁， pizza餡仲有海鮮同中等大細嘅帶子，都有好幾粒，餡料都幾足，如果黑松露醬可以再多啲就好啦😁質素真係唔錯，可以encore😃👍🏻

快餐情意結🍕🍔🌮🍟鑱咀萬萬歲!🙌🏻ChamZeoiLongLongLife🙌🏻🐭 Pizza Hut萬歲！....🐭快餐總係有種奇怪嘅魔力，雖然你明知佢唔係最優秀亦唔正宗，但每隔一排就會好想好想食，食唔到就會周身唔自在，可能係源自一種由細食到大嘅情意結。呢日戚起條根，突然好想食Pizza Hut 嘅鬆厚批！....🐭個人覺得呢幾年佢嘅小食丶意粉丶飯，每況愈下，係失望的。想當年「海鮮闊條麵」威力無窮，震懾四方，但此情已不再。所以基本上每次我都會叫大批孖寶（$288 2個大批）。....🐭Pizza Hut 一定要食鬆厚批，薄脆批係唔好食嘅！好中意鬆厚批食落口好厚實又軟綿綿嘅口感，邊邊位又脆又香口。反而薄脆批永遠都做唔到該有嘅效果，唔夠薄又唔夠脆，相信係因為佢所選用嘅麵粉只適用做厚批。....🐭超級至尊 （$288 2個）賣相👅👅👅👅👅味道👅👅👅口感👅👅👅👅👅份量👅👅👅👅性價比👅👅👅👅必須讚一讚外賣速遞通常都好快到，所以Pizz仍然保持到啱啱焗起嘅新鮮程度，賣相吸引，香氣四溢！配料有：火腿、辣肉腸、豬肉粒、牛肉粒、蘑菇、洋蔥、青椒、橄欖、菠蘿，即係咩都有😂 味道層次非常豐富。味道扣左少少分

今日難得唔洗返工，一於就請屋企人食晚餐啦！好耐冇食過Pizza啦，久違地叫返個Pizza Hut外賣吧。雖然屋企得3個人但我哋叫嘅係4人餐。跟餐包括一個指定大批、2個飯或意粉、一份小食、一份菜、4份湯或可樂。其實睇落都夠食嘅。我哋就叫咗一個意式雞皇意粉係我老豆食嘅，一個葡汁雞皇焗飯係我食嘅，兩份都幾好食幾香口下。一份葡汁焗蔬菜，呢個就麻麻地。西蘭花同椰菜花都比較硬，紅蘿蔔球更加硬，味道亦都唔太好。但係忌廉雞湯係真心好飲，同市面上買到嘅忌廉雞湯都係有啲分別嘅。一份小食就叫咗辣雞翼加腸仔，呢個比較普通，辣雞翼肉質比較霖，可能係擺耐咗啫；腸仔真係普通，冇咩好講。批方面我哋就叫咗個三文魚誘惑大批。見到實物又真係幾誘惑下喎，一打開盒即刻聞到佢嘅香味，pizza上面仲有放到芝士粒、蕃茄仔、洋蔥、蝦同主角三文魚，非常之咁足料呀！！！食落都真係惹味，因為有芝士嘅原因，咬一口真係有拉絲出黎，食pizza就係為咗呢一刻。

今日又三號風球又一號風球大風大雨放lunch唔想濕身就叫外賣最好啦上網睇有咩餐。。。有好多選擇 星期一至四會正d不過星期五六日就有外賣自取8折見雨細左就自取叫左個$170 2-3人餐一個普通pizza加雞翼同兩個湯見有個梳夫厘芝士蛋糕可以加18蚊就加左了要等20分鐘左右因為好近我office所以好快就落去拎lu好彩雨都好細，去到見到佢做緊好多order我地嘅就仲未有不過佢一見我黎左可能有壓力好快就拎得lu拿拿聲拎番去食。。。一打開仲係好熱平時call速遞就算熱但都唔會脆今日又熱又脆好似堂食咁呢個係套餐指定嘅其中一個肉好多，所以啖啖肉👍🏻👍🏻👍🏻辣味雞翼係必點嘅有8隻😋😋😋好味道！湯就有兩個 雞粒都好大方食完都7成飽嘅。。。不過下次3個人都係叫多個粉好d加18蚊嘅蛋糕好。。。。細囉手掌心咁細 18蚊都算貴好在佢係夠凍同幾濃芝士味所以係好食嘅 下次應該自己order一個😋8折左$154食到3個人 都幾抵食👍🏻

星期日最懶出街,是但叫PIZZA核出左隻新批,批邊有芝士菠菜雞蓉,看似爽歪套餐約310蚊,夠4-5個人食,辣味雞翼最好食,少少辣,雞皮入味,雞肉嫩滑重點係個批係唔得.佢完全無流心既效果,3種食材也沒有撈埋一齊,好似分開了味道帶一點點的芝士味,除此之外,就是咸咸地,如果呢個效果,不如食番普通芝心批仲好都係等下一次新野出先再試啦今次本身諗住行去買張會員卡,點知無貨.會員卡都會無貨,仲要幾間分店都無,想儲下分都唔得(買500蚊COUPON送會員)

大伯是食素,但佢都想食PIZZA,我就找一款素食的比佢PIZZA HUT還是有美式的味道,餅底較厚,但有脆脆的邊,合格!材料也算豐富,有瓜,olive,蕃茄,菇,粟米加上大量芝士和蕃茄醬,茄醬味道略咸,剛好提升味道對於食肉獸既我來講,也不差

Friendly staff. Pizzas OK but no real wow when you see the price.  Next time I will just eat something else or see if any stores have microwave pizzas. I reiterate nothing bad but nothing good.

下了整天大雨, 最好就是叫外賣...Pizza Hut近日推出的意式手制薄餅 (Tuscani Gourmet Pizza), 外型很吸引, 反正吃厭了超級至尊, 就來試試新口味吧...Tuscani 有3款口味, 包括熱情貝拉、燒烤滋味、菲達之海... 2人套餐包括雞翼拼意式迷你腸、2份百事可樂/蘑菇忌廉雞湯, 海鮮寬條麵... 信用卡優惠 $187.2...燒烤滋味 - 意式手製(普通批) -- 因為較早前體驗過「薄批薄如紙」, 所以今次打醒12分精神, 要厚批!!! 火箭菜很新鮮, 香味濃郁... 軟忌廉芝士又香又滑, 軟如綿花, 份量奇多, 有點喜出望外... 炸肉腸像炸肉丸多一點, 都是很乾, 帶點香草味, 談不上好吃... 燒烤醬甜甜的, 很滋味... 我和另一半都認為味道出奇地OK, 有驚喜...海鮮寬條麵-- 白汁濃郁, 寬條麵過腍, 海鮮都是雪裝的, 談不上鮮...辣味雞翼拼意式迷你腸 -- 雞翼還是辣味比較好吃, 但很油, 不敢吃皮, 只敢咬走中間的肉... 意式迷你腸像水煮, 一點味道也沒有...蘑菇忌廉雞湯 -- 一天比一天稀, 忌廉味淡... 雞絲近乎絕跡,

Pizza Hut又再推出平價pizza吸客...$68一個大批外賣自取又真係幾抵食.回家前order左肉腸菠蘿pizza作晚飯, 初時都以為$68一定唔會好多料, 點知出奇地今次個批都好平均每塊都有肉腸同菠蘿,面層滿滿既半溶芝士餅底又鬆軟, 真係令我有驚喜

姐夫去飲，姐姐回娘家join我們晚飯，見人齊於是叫Pizza Hut外賣速遞！ 上網睇menu揀定新出的芝味七重奏pizza套餐（渣打卡優惠那款），落order後職員說大約40分鐘送來，點知20分鐘便送到，真係快，半個鐘唔駛就有得食！全個餐total $298（唔駛加一，好抵）包括：芝味七重奏（菠蘿火腿）大批＋吞拿魚煙肉腸長通粉＋車打海鮮焗飯＋辣肉腸芝士酥＋原味雞翼拼豬肉腸＋忌廉雞湯X4！認真抵食夾大件，最後飽到食唔晒！ 芝味七重奏（菠蘿火腿）大批：熱辣辣，香軟滋味！個批真係用左多款不同芝士（包括水牛芝士，忌廉芝士，車打芝士等），雖然呢個批唔可以轉成芝心批邊，但都一樣滿足到我地一班＂芝士lover＂！ 吞拿魚煙肉腸長通粉：茄膏味好濃，但食唔出吞拿魚味！ 車打海鮮焗飯：一貫水準，個汁好rich好creamy！Ｄ海鮮料又夠多，魷魚夠彈牙，Ｄ飯好入味！ 辣肉腸芝士酥：幾得意的一款小食，層酥皮脆而香口，不過肉腸卻俾芝士味搶晒！

是日爸爸不在叫外賣梗係食PIZZA啦雖然禽日都係-O-叫左個唔知咩餐,273蚊千島海鮮,白汁海鮮飯,蒜香咩意粉,腸仔,田螺,4個白湯有張咩COUPON今日到期,送左個白汁雞皇飯個PIZZA都OK,我本身鐘意千島汁,呢個幾好!夠千島味,白汁飯一般貨仔,偏甜,意粉淡味左D,可能其他野重口味啦個腸仔個汁有D怪怪地,唔同普通既茄味!3個人食,邊有可能食得哂,抵死

午餐set 要了忌廉雞湯, 2片蒜蓉包, 1個A4香辣肉腸特脆批, 和可refill的百事汽水忌廉雞湯: 香濃, 杰身, 滑滑的, 熱騰騰, 十分飽肚.蒜蓉包: 新鮮焗, 塗上蒜蓉牛油, 好香好脆, 好味.A4香辣肉腸特脆批: 個皮真的很薄, 用刀CUT不到, 要用手HOLD住食, 都幾特別, 批面的香辣肉腸好香, 蕃茄新鮮, 芝士味香濃.百事汽水: REFILL 了一次, 味道濃, 不是淡淡的.至於個pizza就係辣肉腸pizza, 上面灑滿芝士, 個人覺得可以再多d就好啦。肉腸既香, 配上粟米之後中和膩既感覺, 簡簡單單都吳錯, 但批身就厚左少少

This is the Smaller size, around $148.Its not cheap at all, the taste and the pizza base is commercial like.The twisty bits with 2 types of Cheese or Sausages are quite fun to eat though. Cheese sauce has a really strong cheese taste! Surprising. No 10% Surcharge eating inside sitting at the bench at this take-away outlet.

今日去咗買野食, 食WOW餐叫左個PIZZA , 好似有粟米同腸有湯有包有汽水,都只係30, OK 抵不過個收銀可能唔熟, 態度有D惡仲有, 原來呢間有堂食, 有個D玻璃碟, 不過唔知要唔要加一