Pizza Max Bistro

Open Now

Now Closed

一間fusion 印度意大利西餐廳，裝修有特色，柔和燈光，牆上掛畫同擺設幾型格，老闆員工都好nice，服務態度滿分燒豬仔骨 Baby Back Ribs (半份)半份豬仔骨，燒得剛剛好，離骨肉淋，軟身但仍有咬口，但BBQ醬只留於表面；伴菜有薯條同沙律，薯條炸得香脆，沙律新鮮解膩馬薩烤雞腿 Chicken Tikka Masala雞腿嫩滑，咖喱辣辣地好開胃，個汁先係精粹，一定要配烤餅或飯用盡佢蒜茸烤餅 Garlic Naan個人推介蒜茸烤餅，烤餅鬆軟，蒜味香濃，點咖喱一流德州薄餅 Texas Pizza好足料，餅底軟熟，批邊香脆，餡料有烤雞肉，磨菇，燒烤醬同甜辣椒醬，表面仲有酸忌廉，提升層次同味道特製醬雞餃(蒸) Chicken Mo Mo一碟8隻，皮太薄但多餡（穿左2隻），雞肉多汁，配埋個特色靈魂辣醬好加分

餐廳是一間多國菜的餐廳 （主打印度及意大利菜）其座位不算多, 座位與座位之間也相對較迫, 但裝修挺有格調充滿異國風情。恰巧是次進餐餐廳內有生日活動, 所以整個氛圍相對較嘈雜及店員落單速度較慢的問題出現😅。 食物味道方面：這餐廳印度菜香料及醬料味偏濃所以其味道會偏咸🥲如果不太偏愛重口味的朋友不太建議進食。 🍕意大利薄餅 （14吋）意大利煙燻巴馬火腿 🧅洋蔥 歐芹香草汁醬配火箭菜 巴馬芝士🧀所有薄餅共分兩個尺寸分別是十及十四吋。 十吋分到六片 而十四吋分到八片。味道方面一個字“咸”😌。可能是餡料方面有煙燻巴馬火腿和巴馬芝士的關係, 因為兩樣餡料同樣是相對偏咸的再加上焗烤的過程令食物味道再濃一點所以產生了這效果。但薄餅也有讚的地方就是份量足皮夠薄和脆身, 喜愛濃味的朋友不防試試佢😬。 🐷德國咸豬手咸豬手賣相吸引周圍仲好多沙律菜搭配抵讚, 咸豬手一切開時肉汁已緩緩流出未食已口水流了🤤。咸豬手顧名思義味道當然是咸啦！但估唔到咸得有點跨張😌幸好周邊的沙律菜可以解一點膩感及咸味, 不然真的有點吃不下去。但老實說豬手肉質不”鞋“口較嫩滑及沒有豬羶味如果調味輕手一點會更好🙃。 🐔去骨牛油烤雞🧈配🍞白烤餅

集西式、意大利及印度餐廳於一身的 Pizza Max Bistro ……今到來，充滿浪漫氣氛！在佐敦一帶，有很多小店，酒吧，支持小店！晚上仍有一班支持者……#Capresse Salad 乾酪沙律蕃茄芽菌配橄欖油鹽成日在網上見到有人整水牛芝士，今次可一嚐水牛芝士，芝士不太濃，軟軟的配上蕃茄，又有新吃法！#Mussels (8pcs)蔥蒜白酒煮紐西蘭青口濃厚的芝士味，青口爽而甜軟軟的，溶化入口！#Samosa(3pcs)薯蓉什孟咖哩角咖哩角反而有點硬，但內餡有薯蓉，喜歡配香草芥末醬，口感清新。另配大衆茄汁又OK! #Prawn Curry椰汁咖哩大蝦#Plain Nann#Garlic Nann椰汁咖哩配上白飯或原味或蒜蓉味的Nann，越吃越滋味。#Cold Cola

Pizza上面放上菠蘿，啲意大利人話好葵介。嚟到佐敦嘅Pizza Max Bistro，餐廳由印度人主理，店主試試新意思，將印度烤雞放上pizza，相信同樣震驚意大利人，但原來味道唔錯，呢種crossover嘅感覺，為味蕾帶嚟新鮮嘅口味。

特製醬雞餃
Chicken Mo Mo係尼泊爾嘅特色菜，一份八隻可以揀煎或蒸，但老闆人超好，可以俾我哋一半煎一半蒸，試晒兩款口味。煎嘅Mo Mo煎到金黃色，煎到脆卜卜，夠晒香口；而蒸嘅咖喱味就更突出，香濃惹味。食嘅時候，可以點上配備嘅辣醬，但個辣醬真係勁辣，怕辣嘅朋友真係要小心。
去骨咖喱雞 配 牛油烤餅
食印度菜又點少得咖喱呢！大大件嘅雞肉預先起骨，食嘅時候啖啖肉，非常方便，至於雞肉嫩滑，索晒香料層次十足嘅印度咖喱。身為印度咖喱最好嘅朋友，當然就係牛油烤餅啦！一份牛油烤餅有四大塊，淡淡嘅牛油香配上濃郁嘅印度咖喱，絕對係perfect match。
Tandoori Chicken 印度薄餅
以三色甜椒配上薄荷沙律醬，令Pizza色彩繽紛，視覺都能投入美食。至於Tandoori Chicken 印度薄餅用上薄身嘅餅底，脆身更具口感，而配料有嫩滑嘅印

支持誠意小店約朋友食飯又想坐耐啲又想食西餐，諗起佐敦呢間fusion 菜，有pizza 亦有咖哩，種類很多，而且味道不錯，仲有餐前飲杯drink 傾下計，老闆調酒誠意推介

尖沙咀&佐敦交界既餐廳比較多。但最近幾個月發現到一間印度菜館。我朋友介紹要去食。因為他老婆係極之喜歡食印度菜。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。唔係太逼的感覺。燒豬仔骨 Baby Back Ribs。肉汁鮮嫩可口多汁。最重要一環係個燒豬醬汁好獨特美味。墨西哥脆片 Mexican Nachos +雞肉。呢個佳餚美食不能不點。墨西哥脆片配上多種配料。特別是牛油果醬美味可口。咖哩雞+ 烤餅。以前大家都知道佐敦有間出名既阿龍咖哩。我話你哋知呢間食既咖哩雞有過而無不及。咖哩好香好正宗。再搭配烤餅食更加美味。絕配的佳餚。

今日去左佐敦試間西餐佢地有好多款Lunch set可以選擇，性價比都相當高我地叫左個小食Buffalo Wings, 個醃料既味道香得黎又夠哂特別，新鮮炸起非常香脆，兩個汁都好matchSeafood Risotto with tamato & basil $89呢個意大利飯足料又creamy,上面加左d芝士令到個飯更加香，有蝦同魷魚等海鮮，十分滿足8 oz Rib eye steak- served with Veggi & Mushroom sauce with Fries$109牛排煎得剛剛好，外有焦香、入面juicy,薯條新鮮炸起夠脆口，磨菇汁都好正Iced lemon tea 正常發揮👍🏻

Pizza Max Bistro位於佐敦 用餐環境幽靜舒適 適合情侶 朋友 家庭聚會 餐廳內部採用左溫暖嘅木質調 營造出一陣舒適休閑嘅用餐氣氛！ 🔖蒸尼泊爾餃子(雞) 80餃子味道幾好，用尼泊爾嘅調味餣雞肉餡料。餃子皮軟，肉饀香且富肉汁，味道唔錯🔖Texas pizza 159Pizza絕對值得推介，首先皮底軟熟，皮邊焗得香脆。配料豐富，有蘑菇、烤雞肉，配燒烤醬同泰國雞醬，味道濃郁之外，亦帶酸甜，能夠平衡及中和燒烤醬帶來嘅味覺刺激。加上表面淋有酸忌廉，令口感同味道更温和、醇厚，令pizza層次及味道提升🔖雜菜扁意粉 125意粉不錯，恰到好處，唔會太硬太淋。佐以忌廉蕃茄醬，茄醬較滑同creamy，入口帶淡淡蕃茄的酸甜味，非常好食。配料有甜椒、蘑菇等，健康、素食之選🔖Mango lassi 48Lassi比較杰身，幾香乳酪同芒果味，入口味道濃郁，推薦

今日和朋友來到佐敦上海街的「Pizza Max Bistro」食意式印度菜，環境，服務和食物質素都很不錯。咖哩有三類，雞、羊和海鮮，今次先試羊扒《Lam Masala》$125馬薩香羊扒切成粒狀，以大量香料醃製，混合在滿滿的咖哩醬汁中，還有一隻非一般的雞蛋，雞蛋的外皮是脆的，咬落口感很特別。羊肉沒有絲毫的騷味，卻充滿咖哩的甘辣香，有嚼勁之餘而沒有絲毫的肥膩感。《蒜蓉烤餅》$30印度餐當然要食烤餅，有那麼多咖哩醬汁，叫一份烤餅配醬汁一齊食就最惹味，大大塊烤餅灑滿蒜蓉，外脆內軟，正。《意大利肉丸扁意粉》$145茄汁意粉軟硬適中，灑上了芝士粉，味道更濃郁，肉丸軟腍，一口一粒很滿足。

吃印度菜怎能少了咖喱😉先來一份白烤餅，🫓再往上面淋一大勺咖喱醬和雞肉，連餅帶醬一大口送進嘴裡，😍久違的咖喱香，椰子香！淡淡的辣更讓這道菜錦上添花🌶喜歡吃餅的，也可以用餅蘸著咖喱醬吃😙也是十分的香啊。菠菜煮滑雞，🐤絕對是我今天晚上最愛的一道菜！雞塊沒有骨頭，而且肉十分軟！入口的時候有淡淡的香草味道，🌿與印度香料完美的融合！光我一個人就吃了好幾塊！吃之前不妨和creamy的菠菜一起食🥰更有風味，超級解膩！

位於佐敦上海街的「Pizza Max Bistro」，係一間主打印度及意大利菜的西餐廳🍴店內裝修雅緻舒適，餐牌上供應沙律、印度咖喱、薄餅、意粉及主菜等等食物，選擇頗多元化，定價適中雞肉牛油果沙律份量十足的沙律！新鮮軟滑的牛油果🥑配上翠綠的雜錦沙律菜、鮮嫩雞柳、雞蛋及蜜糖蛋黃醬，口感豐富，健康滋味意大利肉丸扁意粉肉丸口感彈牙，味道濃郁，啖啖肉！配上茄汁醬扁意粉，每條都掛了滿滿的蕃茄汁，酸甜開胃公司特選薄餅PIZZA可以選擇中或大size。呢款公司特選薄餅材料包括：甜椒、洋蔥、蘑菇、自家秘製雞肉腸、橄欖、鮮甜菠蘿、墨西哥辣椒🌶️批底厚薄適中，頗香脆，pizza用料充足，味道同口感都好豐富呢

Pizza Max Bistro今次要介紹佐敦一間印度菜餐廳叫「Pizza Max Bistro」，呢間餐廳係由印度人主理，我都係第一次食印度菜，入面所有店員都好nice，幫我移好張枱叫我慢慢泊好就得，唔記得講呢間餐廳門口都係有一級，我又係出動我塊斜板，餐廳入面算大，入面裝修同佈置好有地道特色，午市套餐都係$90有找，有一個主食+餐湯，第一次食印度菜嚟講性價比好高！1.Pepperoni Pizza With Jalapeno+Iuncluding Soup $88（9.5/10）呢個pizza都算大個，可以切開4大舊，pizza係薄批，一咬落去好脆，味道辣辣地酸酸地，仲可以輕微拉到絲，pizza上面材料有辣肉腸、青椒、芝士同大量茄汁等，非常好味！Iuncluding Soup：呢碗湯好濃稠，問店員先知入面有紅蘿蔔同南瓜，真係飲唔出係呢兩個材料，好好飲！2.Chicken Curry Served With Rice+Iuncluding Soup $88（8.5/10）呢碟咖哩雞飯個咖哩味好濃郁，至於咖哩嘅辣度唔會好辣，雞肉就有4舊，肉質有少少硬，仲有一大塊薄脆片，點下咖哩汁幾好味，

今日我食嘅餐廳叫Pizza Max Bistro，位於佐敦嘅一間印度菜。現場除左有印度人之外，仲有幾多香港人！！！呢度既價錢比較親民，而且選擇都算多，咖哩雞好香濃，雞肉好嫩滑，配埋香脆嘅garlic naan，好惹味。我揀左呢個係好香既芝士味道👅好惹味呢個薄餅好特別，燒烤醬底好香，配埋印第安烤雞同蘑菇，口感好豐富，酸忌廉甜辣椒醬令到成個薄餅嘅味道更加有層次。呢間印度菜環境唔錯，味道同口感都好正宗，好有驚喜！

人生第一次食印度披薩，薄脆披薩派，配香料烤雞，Kebab常見的薄荷醬，特別又超級好吃😍愛了愛了！難怪這麼多人推薦 must try dish here 還吃了蒜蓉Naan/印度薄餅 和點了一個masala咖哩羊肉。這裡的naan脆到每咬一口都有聲音，雖然不是平時的style，不過是好吃的！而且蒜蓉味好香。masala羊肉咖哩少少辣，羊肉的羊騷味不會很重，有啲香料味，淡淡肉好多舊，都幾好味架。佐敦果然有好多高CP嘅美食啊🥰鍾意西餐and印度菜 的話，黎呢度食fusion菜啦

餐廳主打係pizza之外，仲有其他多款唔同西式等菜色，選擇非常之多，如果一大班人黎食既話，絕對可以試到多款唔同既菜色，而且食物既份量都幾多，黎聚會定慶祝都岩哂!!!我地叫左個烤挪威三文魚，三文魚烤得好香脆，本身已經有芝士忌廉汁，佢會再另外配多份芝士洋蔥蘑菇忌廉汁，呢個汁真係不得了，勁creamy勁香濃口感好細滑。而且配菜方面仲有波菜, 薯仔等等。主食黎講，大碟得黎係真係大份，好味!而個茄汁海鮮意粉，味道夠哂開胃，海鮮方面有蝦, 青口, 魚肉 等等。意粉夠哂煙un彈牙好掛汁，酸酸甜甜，黎到仲出哂煙，真係即叫即整!!