薄餅怪獸

Open Now

Now Closed

今日去土瓜灣探朋友仔😆其實都好小去依邊 不過佢樓下附近竟然有間門面好得意既Pizza店😳 「P I Z Z A M O N A T E R 」🍕入到去環境好舒服 感覺好寬躺 播著輕鬆既音樂好適合談心 ☺️裝修好別致 霓虹燈下好岩打卡🤣我地叫左田園沙律🥗好新鮮好爽口 超級開胃 份量好大好夠兩個人食🤪一定要是招牌炸雞🍗依隻炸雞真係非常非常非常之脆 肉質亦都嫩滑🤤🤤同埋叫左個星級夏威夷（細批） 上枱見到係心型架😍😍同埋仲可以拉絲！特別之處依個Pizza係用麵包底 所以特別脆 同埋平時唔食Pizza邊嘅我 今日係冇浪費 成舊食左 好好食😋

呢幾日唔知點解好想食pizza 就揀左呢間店仔坐底就即刻嗌咗幾款野嚟食🤩📍星級夏威夷(細批)Pizza 底係厚批 但咬落去唔會好硬芝士焗到燶燶地 好脆口連埋上面啲sauce一齊食 好match 值得再試🥰📍招牌炸雞炸雞最怕就係會好鞋口但呢間嘅炸雞就好嫩滑炸粉亦都唔算厚😌😌📍白汁海鮮闊條麵本身以為白汁會唔夠 點知完全唔會 上面嘅海鮮又唔會得幾舊麵嘅質地亦岩岩好 白汁夠撈晒啲意粉望落已經feel 到好抵 放落口味道又唔錯值得一試

好似好耐冇同啲好姊妹食飯，今晚趁呢位好姊妹做完運動梗係要帶佢食餐勁㗎啦。其實呢間餐廳喺佢屋企附近佢想試好耐㗎喇，而我就比佢個招牌吸引到。入到去佢主打係食pizza所以有好多唔同嘅款式俾你揀，最特別嘅係原來呢度你可以要求佢幫你整做心心Pizza，啱晒情侶拍拖嚟表下白。但我哋今晚就嗌左個普通嘅圓形細Pizza，特色吞拿魚。細細個嘅份量啱啱好，滿滿嘅芝士厚厚嘅餅底，見到都覺得好足料，真係啖啖吞拿魚。另外我哋嗌咗佢兩件招牌炸雞嚟試吓，睇到佢炸到脆卜卜咁，真係好有罪惡咁㗎。一切開仲好Juicy 添。另外我哋仲嗌多咗個豬扒焗飯，今次真係嗌多咗，因為其實食完pizza加炸雞都已經飽飽地。好彩佢每樣嘢嘅份量唔會太多，但係就一定好足料，滿滿嘅芝士絕對唔會少。

個人不嬲都鍾意呢類街坊小店，人情味濃啲，價錢又親民，最緊要係啲嘢食整得好有 heart ，唔會好似啲連鎖店求其整啲嘢食出黎 💖 呢到2個人食都唔洗 $200千島海鮮細批 📍$656吋心型pizza 可以選擇任何一種味道架，仲唔洗加錢，真係平平地都可以得閒 sweet 一 sweet 💞不過佢係限量供應架，好彩我地個日早咗到啫 😝 食咗個厚底千島海鮮pizza，個餅底好脆，餡料仲好豐富，有洋蔥、青椒、蟹柳、菠蘿、蝦、魷魚、蜆肉，啖啖海鮮啖啖千島醬 🍕拉絲都好強架～招牌炸雞 *2 📍$18 *2呢個有啲驚喜 🤩 一個炸雞髀🍗一個炸雞腿，真正做到外脆內軟😜 雞肉好嫩滑，仲要勁juicy，啖啖肉，食得好開心焗肉醬意粉 📍$62就咁睇以為係普通肉醬意粉，但原來都咗辣肉腸同蘑菇，感覺成件事又唔同咗，口感豐富咗之餘，又唔會蓋過肉醬同芝士味凍檸茶 📍+$5茶底夠濃，唔會太酸凍奶茶 📍$19西或啲嘅凍奶茶，好大杯，好抵飲喎

最近聽朋友推薦左一間係土瓜灣嘅隱世小店 見呢排經過附近就去左試下 發覺都幾有驚喜 仲要價錢唔費又幾好食千島海鮮 $65Pizza食落都好surprise 餅底食落好綿 仲要係心形 而口感好似食緊個好有空氣感嘅麵包咁 配埋千島醬酸酸甜甜咁 口感一流！ 一個唔覺意就食曬 食完勁想再食多一次！因為價錢真係唔算貴 無諗過呢個價錢會食到呢個質素田園沙律 $47沙律比想像中大盤 最後係食唔曬嘅😂沙律食落都新鮮 唔會食到好苦嘅感覺但沙律就淋得比較多沙律醬 如果減緊肥嘅朋友就可能要叫少啲醬或走醬啦吞拿魚長通粉59不過不失 都係pizza個驚喜比較大而吞拿魚份量都算多 如果唔夠飽可以叫

夏威夷心型pizza🍕 $65 呢個係每日限定，心形咁特別最啱打卡🤣pizza 底夠厚，芝士又多🧀，食落好滿足😋夏威夷即係菠蘿火腿芝士，相信唔使介紹。.招牌焗肉醬意粉🍝 $57見到大大片辣肉腸同蘑菇係面😍同樣落咗芝士，增加口感！不足之處係肉醬較少，食到最底冇乜醬🤭.原件惹味烤雞沙律🥗🍗$57最後係烤雞沙律，最啱用黎解膩，份量算多，烤雞唔太油，塊皮仲脆卜卜😋，配埋麻醬令火箭菜更帶田園風味👍 .呢間小店出名抵食，性價比高，同時份量亦都唔少🤗 所以都吸引咗好多街坊嚟食，好彩早咗去唔使排隊就有位

屋企人經過土瓜灣馬頭圍道食飯時間好多人排隊門口見到餐牌已經覺得好吸引最想食呢度嘅Pizza😛😛😛舖頭唔算好大但係裝修同埋感覺都好好特色牆係用工業風嘅水泥磚牆再加上唔同風格形狀嘅木砧板好有特色😛😛落單係用app，好方便同屋企人點左蒜蓉包沙律$49 Citus vinegar 更加開胃醒神😋😋加州風情Pizza $65Menu上面係鑽石熱門推介細批size六吋入面有洋蔥🧅、粟米🌽、火腿、菠蘿🍍落單嘅時候可以同店員講話想要心形🧡出嚟嘅效果好靚呀！芝士有拉絲甜酸雞翼（4隻）$31又sweet 又sour😋😋😋酸酸甜甜好好味加上雞翼嘅外片好脆卜卜成件事真係好吸引即是覺得點半份 得4隻唔夠食其實八隻都係$59😛點左兩杯即磨熱咖啡☕️我同朋友一致認為都幾好飲總括嚟講間餐廳性價比好高！咁樣買單都唔使百幾蚊😛😛唔怪得知咁多人排隊啦😋😋

土瓜灣雖然屬於係小區，但都有好多連鎖嘅餐廳～如果要食pizza嘅話，一條街之隔已經有pizza hut同phd薄餅博士。如果想食小店做嘅Pizza，呢間pizza monster可以話係土瓜灣街坊嘅另一個好選擇。同fd 2個人食，我叫咗個辣味炸雞，心形夏威夷pizza同埋海鮮闊條麵。辣味炸雞夠熱既，雖然個外皮唔可以話好鬆脆，不過個調味就唔錯～偏向惹味個種！心形Pizza就係佢哋嘅賣點，本身我自己係鍾意食薄皮同埋芝心批多啲，但佢呢個手工Pizza都有少少驚喜到我💕厚批得黎焗到芝士有脆邊，而且唔會太漏！跟住佢嘅配料好足，菠蘿酸甜好正！海鮮闊條麵一眼望過去都係好多料，調味OK，但如果個汁再多啲就好啦～闊條麵麵質偏淋，可以再改進一下就更好！另外一提，佢地沖個杯凍OT好飲😍

Happy Friday放工去接老公收工，行經見有間pizza 店，決定放縱下肚皮，一啖pizza一啖汽水。.🍴招牌炸雞每件都幾大隻，上碟重係脆嘅，咬落都有肉汁，美中不足係無手套。🍴千島海鮮Pizza （6吋心形）因為我哋唔食牛肉同辣嘢，又唔想夏威夷咁寡，最後叫左千島海鮮。特登叫左心型，食落有驚喜，全部都係手工餅底，餅底好鬆厚，而且煙靭，啱晒唔鍾意薄底嘅朋友，材料豐富得黎仲有芝士脆面。🍴白汁吞拿魚長通粉份量都幾足，最後係食唔晒架，不過不失，略嫌乾身，唔太夠汁，對比起pizza就有啲失色。飲品百事可樂真係比較甜身，配上檸檬冰底，加分。

突然好想食PIZZA🍕，又唔多想幫襯大集團🤷🏻‍♀️。上網一搵，見到好多人都推介土瓜灣呢間薄餅怪獸(PIZZA MONSTER)，搞到本人好心動💓，放工都專登搭車🚌過黎幫襯！ 🥗香烤蒜蓉包沙律 ($52)超大碟、份量又多🤩蔬菜新鮮，配埋千島醬，一定唔會輸🤪岩晒本人口味！蒜蓉包都烤到好香脆可口，超級抵食!✌🏻 🍗檸檬蜜糖雞翼 ($31-4隻 / $59–8隻)店入面其實有5種雞翼俾大家簡，本人一見到檸檬蜜糖雞翼呢幾個字實在太吸引😍果然冇令本人失望，雞翼皮好脆好香，食到淡淡嘅檸檬同蜜糖味😚兩者配合得好好，唔會話有一邊嘅味道特別重，蓋過另一隻味👍🏻 🐥惹味烤雞 – 檸檬味 ($18/隻)兩件雞大大件，嫩滑嘅雞肉加上脆口的雞皮，大大嗒咬落去好過癮🤣勁有滿足感!加上檸檬汁調味，又香又開胃😎 🍕薄餅 – 千島海鮮 ($65 - 6” / $127 – 9” / $157 – 12”)最鍾意係佢個PIZZA有唔同SIZE可以簡，可以配合唔同人數而去選擇，唔洗擔心食唔晒🤟🏻個批好厚身，食落去好足料☺️ 🍝香蒜大蝦炒意粉 ($72)睇落去好似細細碟點，原來份量都幾多下。蒜味好夠，一上枱已經聞到陣陣蒜香味。D

最近同朋友去左土瓜環嘅薄餅怪獸👾見到好多人推介佢哋嘅pizza，聽講前身係紅磡個陣都出名🤤🤤去到見到門口都好顯眼嘅招牌，而且餐廳座位都幾闊落！今次除左怪獸多寶之外，仲叫左個招牌肉醬意粉，秘制燒豬排骨😍店內都有其他裝修可以影相見到好多人推介怪獸多寶就決定試吓，佢係用蕃茄醬做底，再加上足足有8款不同嘅材料，有洋蔥🧅青椒，蘑菇，菠蘿，仲有4隻唔同嘅肉🤤真係幾多材料！咬落去都覺得口感辛苦同埋味道都唔錯👍🏻每次見到都一定會叫豬仔骨，今次個豬仔骨都醃得非常入味，唔會太咸，又食到有燒豬仔骨嘅味道😍佢份量都適中，再配好多薯條🍟最後就有招牌肉醬意粉，成日都食唔同餐廳嘅肉醬意粉因為覺得佢會比較開胃，個醬汁酸酸甜甜咁撈埋啲意粉好快就食晒😍

搭車經過很多次的小店，今晚一嚐，簡單有心思的佈置，街坊生意，價錢經濟。先來的是（怪獸多寶）一個九吋中厚批，雜錦餡料，餅底鬆脆，芝士舖得滿滿，toppings味道配合，雖沒有拉絲的效果，但一點都不 “流”， 好食。（海鮮寬條麵）麵條彈牙有質感, 白汁挺好味，很多蟹柳粒與蜆肉，海鮮味十足，白汁份量剛好掛滿在寬條面上，有美味。（招牌炸雞髀）很出色，有雞上髀與雞槌。外皮與炸漿不會好像其他店般，輕易的散出來。這個炸漿跟雞皮黏在一起，雞皮炸得鬆脆唔乾，亦不油膩，肉鮮嫩，味道調教很好，要返兜再食。檸檬冰底汽水，天氣熱熱地，飲杯冰凍的檸樂，確醒神。凍咖啡用非即沖的新鮮咖啡，口感頗香滑。如果冰少一點，大杯D會更抵飲。一間有誠意嘅食店！食品質素很不錯，性價比高。

前排講起味來，好多人就問我屋企土瓜灣附近有乜好食。 然後有人inbox 推薦呢間薄餅店，話說，呢間薄餅店前身係紅磡，都幾出名。 我無特別聽過，不過經過千幾次都真係一次都無食過，有人推薦，就試下。簡單放工落車就食得，食完番屋企不用兩分鐘，其實真心正，屋企附近有好野食，係唔同d。當晚叫咗幾種唔同嘅嘢食，整體感覺不錯。 四個人，叫個田園沙律，清新一下腸胃，雖然沒有pizza hut的那種海量，但還好吧。 薄餅嘅種類唔算特別多，想吃點題作怪獸多寶，不過想吃簡單一點，選了一種又係pizza hut年代最鍾意食嘅千島海鮮，意大利人最怕有菠蘿嘅薄餅，呢個真係香港先有， 以洋蔥，青椒，菠蘿為附，主海鮮類有蝦，蜆仔，魷魚等等等。 要讚嘅係佢嘅厚批唔算太難頂，算是合格。 識得我耐嘅朋友都知道我係炸雞迷，招牌炸雞聽人講都幾出名，有台式辣味，有檸檬味，都幾多元化，而且炸雞都做得幾好食，最重要價錢真係唔貴。 小食拼盤就相對無特別，有咖哩角，春卷，薯圈，雞翼等等，種類當然多但係味道就冇乜特別大驚喜。 蒜蓉包好大碟，鍾意食麵包就要叫下，送佢嘅湯也唔錯。 其他飲品同湯當然正常，

看完美美的花花後，想著拿速遞，但不料趕不及，只好填飽肚子。這個女朋友曾經住過的地方，是美食小天地。一直也很想吃薄餅怪獸，今天終於可以一試。點了1）怪獸多寶9‘’($117）；2）美式拼盤($77)。等了一會兒、怪獸多寶要了薄批，批底脆卜卜，各種材料，包括但不限於洋蔥，青椒，辣肉腸，火腿，磨菇，菠蘿，牛肉，豬肉配合得天衣無縫，每一口吃下去，也有配料，聞說薄餅的是人手搓的，煙煙銀銀，不錯。另外來了美式拼盤，包括香草腸，薯條，洋蔥圈和雞翼。香草腸是最好味的，是德國腸，口感跟其他的截而不同，加上香草，配搭不俗，感覺最一般是洋蔥圈，淋patpat，跟其他的未能配搭。但以$77能夠吃下一個大拼盤，絕對是物超所值。總括來說，這個晚餐是大滿足，可以滿足我和女朋友的肚子。

少去土瓜灣的我，真的唔知附近有咩好食，行吓行吓見到間賣pizza ge 鋪坐滿人，同行的朋友建議一試。我們兩女隨便點了個小食，意粉同pizza, 堅飽呀！至於味道呢。。。心形外表夠賣萌，但亦不失質素！脆香又好鬆化ge 包底，配埋juicy 醬汁同夏威Pizz夷食材，桃肉，豬肉粒，好好味。惹味得來又唔油，個人覺得比起某大品牌的更香更好吃。而且粉質煙韌，粉條平均，食落唔會好乾身。烤雞味道剛好，檸檬汁突出開胃，肉質唔錯，食完唔會漏！！店舖唔算大，但店員親切，食得簡單又快樂！不妨試吓啦！