薄餅怪獸

Open Now

Now Closed

相信大家諗起食Pizza就會去食Pizza Hut，但其實仲有好多薄餅小店值得幫襯，今日就經過一間叫薄餅怪獸，出乎意料地高質素。首先，我叫咗曼谷辣香雞薄餅，係用泰式辣將做餅底，入口相當清新，唔會好似一般薄餅咁重口味。另外仲有檸檬酸雞翼，雞翼夠大隻之餘仲甜甜酸酸10分開胃。而家，食滿$200 ，再喺社交平台分享，就會送蒜蓉包，本身以為得兩三舊，點知有成六件，相當抵食。兩個人食埋佢嘅招牌肉醬意粉，都只係二百幾蚊。

今天工作來到土瓜灣，工作完畢，和同事來到這間「薄餅怪獸 Pizza Monster 」食Pizza，睇open rice 食評知道，這間鋪應該開了不夠一年。店舖裝修簡潔，牆上正中用燈繪出一隻怪獸食緊Pizza ，甚是吸睛。看看餐牌，除了Pizza選擇多之外，還有炸雞、小食、薯條薯蓉，意粉、飯和沙律。Pizza 的三款醬底分別有蕃茄醬底、千島醬底和特色醬底，每款醬底都有很多選擇。我和同事就選了排第一熱門的《怪獸多寶Pizza 》9吋 $107 Pizza 上面有洋蔥、青椒、辣肉腸、火腿、蘑菇、菠蘿、牛肉和豬肉，足足有8樣餸，當然少不了香濃的芝士，值得一讚的還有手製餅底，煙煙韌韌的，好吃。除了Pizza，炸雞也是特色之一，我和同事各叫了一份《招牌炸雞》，每份$17。炸雞最基本是皮脆肉滑，這裡都做到了，而且水準相當高，似足韓式的炸雞，一口咬下去，滿口的滑滑雞肉相當滋味。《葡汁雞皇焗飯》$58 葡汁很香濃，有淡淡的椰子味，除了雞肉，還有很多甜栗米粒。

Pizza monster餐廳名好趣緻，六點便到，當時人客不多。店舖裝潢有少許工業風，係我鐘意的風格😚黎到當然必點pizza😂😂星級夏威夷批（中批），$97。pizza餡料份量比預期多有菠蘿、香草腸、蜜桃、火腿、洋蔥，pizza醬汁係千島醬！醬汁好多，雖然好肥，但我中意叫左兩隻烤雞試下，檸檬味同麻辣味。麻辣味好正！喜歡食麻但又五係好食到既人一定好中意！雖然價錢有d貴，但雞肉的確好juicy，好滑！百里白燒排骨。

早排經過已經被這間全新工業風裝潢設計的薄餅店吸引，今日終於約到朋友一起來試下！來到先知原來是由青州街搬過來的老店！價格比起同區僅有的連鎖式薄餅店，親民不少，環境仲要舒適好多。薄餅的口味選擇非常多，每款亦有6寸、9寸、12寸選擇，無論多人少人都適合。原來6寸$62仲要限量供應心型批底，即時少女心氾濫點都要試下😍選擇困難的我們最後選擇了招牌的怪獸多寶，餡料包括臘肉腸、火腿，菠蘿，蘑菇，豬肉，牛肉，青椒！雖然只有6寸，但也相當足料，批底是美式厚批，但每日新鮮手工製作，相當鬆脆！另外點了個美式拼盤$77，包括香草腸，薯條，洋蔥圈以及魚柳。份量依然足夠，即叫即炸。人客以街坊為主，夜晚滿座，想試記得早d落黎。比起連鎖式餐廳，小店相當有心，值得推薦。

今天去土瓜灣順道去哥登堡食晚餐，經過 pizza Monster 俾佢既 pizza 及炸雞既香味吸引，在店外睇過餐牌及價錢都ok，諗住下次再試。再行去哥登堡，但因為水喉維修沒有開門，咁就行返轉頭去試 Pizza Monster。因為人數限制問題，在店外等左一陣先有位，入到店內地方整潔，職員有禮貌，感覺十分好。我們 order 了食肉獸大厚批及海鮮闊條麵，pizza 好足料，邊位好脆，味道都十分好。海鮮闊條麵質地都可以，味道比較淡，海鮮雖然係超市急凍貨品，但都好足料。堂食都有9折優惠。下次經過會再食 pizza 及試下炸雞。😆😆特別要多謝職員妹妹，百忙中都幫我地影相。😍😍👍👍

最近都好小出街開飯,撞正識左10幾年舊同學生日,佢又鍾意食PIZZA,我近近地帶佢去附近間PIZZA開餐,平時都係叫外賣自己拎多,因為送貨好多時送到上黎都出晒倒汗水,試過一次,以後都係自己外賣自取好食好多.不過今次就試下堂食,疫情之下6點幾都係得2.3台客.家下去街食飯未坐底第一件事一定係去左洗手先,洗手先,洗手先,重要既事要講3次.前菜芝麻醬蝦沙律,開一開個胃先.清新又開胃招牌手製海鮮中批一個,都係果D基本野.海雜溝D蟹柳,Pizza勝在夠多芝士,做到拉絲效果.口感鬆脆香脆可口.食兩塊已經好飽,果然足料.最抵讚係呢件炸雞$16件,絕對係推薦去呢間野食佢,唔似出面D炸雞,炸到鞋晒口.佢保到有肉汁,d肉又唔會梅晒.黑松露加芝士再加菇想唔好食都難檸檬雞翼,估唔到檸檬同雞翼又幾夾試左堂食,發覺外賣返到屋企食已經唔同左果種新鮮出爐既味道.間野環境都算乾淨播住歌飲下酒吹下水,間野無收加一.呢一間小店西餐廳都可以一試再試.餐廳座位都坐得舒服.可以改善下水吧飲品,叫左4杯飲品兩杯唔合格.整體來講，CP值高，都適合同朋友一齊黎～pizza同小食種類比同區其它餐廳多.

今晚試新點知中曬伏，好耐都未食過甘難食的意粉同焗飯，仲有所謂嘅芝士焗西蘭花。意粉完全無意粉味，超級市場最平果只意粉都好過佢，這個店家推薦的叫”意大利海鮮焗寬條麵”,其實意粉上面的海鮮係百佳賣的冰凍海鮮雜錦的質素。個焗飯吾知係什麼牌子的米，完全無飯味，好似D隔夜飯甘。最好笑係個芝士焗西蘭花，一盤水汪汪嘅西蘭花同菜框，上面有丁點兒芝士，令人失望，胃口盡失。我哋快D埋單走人，價錢吾貴，人均70蚊，但係就極其難食。總之絕對吾會再去！

今日晚餐係外賣apps叫左三樣野 係好快送到黎 收到仲係熱的 值得讚賞既 但係一開個焗薯蓉 得一半都冇 另一半好水 同埋一pat汁係到 味道就還好一般 但真係不能接受 賣相不好 而且只係得一半 不會再叫。。。。。。。我地另外仲叫左兩個意粉 香蒜大蝦意粉好乾 而且仲冇乜味 意粉食落好粉質 大蝦係白馺 完全冇果 另一個長通粉就較為好一點。。。但整體上感覺都不太好 價錢雖然係OK 但我覺得會有其他更好既選擇呀 感覺好求奇 不會再光顧了。。。。。。

經過見到下午茶大批自取$78好抵食見好耐冇食過Pizza，所以買咗個返屋企食～今次揀咗厚批，批有啲偏油膩，下次都係試吓薄批，可能會好啲haha 味道方面就正正常常啦，拎到返屋企仲係熱熱地都幾好食嘅～如果話同出面連鎖Pizza店比較，佢嘅價錢會平啲，味道就差唔多啦～Pizza賣相都靚仔嘅，如果原價來講，就未必會買了~值得一讚嘅係，餐廳職員好熟手，落咗order好快有得拎可能下午茶冇乜人買，所以成個流程都好快手

早前幫襯薄餅怪獸, 雖然問題不少, 但都值得幫襯, 所以又嚟買外賣!不論中日美英韓菜，總係覺得生果水果同D餸菜唔夾，味道比較重好易搶哂味，所以盡量少食哩類餸菜，自己亦唔用生果水果做配菜.同樣，pizza 亦都唔中意落菠蘿.單獨食菠蘿okay, 但併落去pizza就唔係咁好咯....點咗個怪獸多寶，配料有洋蔥，青椒，辣肉腸，火腿，蘑菇，菠蘿，牛肉，豬肉，當然走菠蘿啦.另外點咗蒜香牛肉長通粉，炸雞同蘑菇焗薯蓉.炸雞比Jollibee好味同juicy，同上次一樣，雞槌下部都係挑走部份雞肉.蘑菇焗薯蓉同蒜香牛肉通粉水準之作，滿意.pizza 我中意薄批底，批底香脆，配料亦充足無偷工減料，滿足！強烈見意有白湯提供，就更完美！

今次幫襯薄餅怪獸，口味上有D特別，盡量無肉如素，皆因近日食肉比較多，今餐想減少食肉.經過薄餅怪獸，有素pizza，炸洋蔥圈，蘑蓉焗薯蓉，雜菌長通粉，滿足我素食之餘又係自己中意嘅食品，所以入去開餐！入到餐廳得一枱客，無幾耐走埋添，變咗包場！洋蔥圈內軟外脆，熱到辣親個咀！餐廳提供嘅甜酸醬，sorry，我無點，因為我中意原味.蘑菇焗薯蓉感覺好似份量少了，慶幸味道無變，薯蓉入口即溶，滿意！繼蝴蝶意粉之外，長通粉係我第二愛嘅意粉，通粉彈牙，配上嘅白汁味道適中，唔會太重味，雜菌份量側略為不足.Pizza 唔中意落菠蘿，但如果走菠蘿轉洋蔥要加錢，為有不變要返素pizza, 除咗菠蘿，重有芝士，蘑菇同青椒，都係果句，唔中意水果做配料，味道唔夾，但薄底香脆.未食到一半，成間餐廳已經無客，包場！唉..... 替飲食業難過.....~~>_<~~

以前係樓下成日買返屋企食，因為太細間坐得唔舒服。搬左新鋪都無去食過。記得店主話新鋪會大好多坐得舒服好多，咁岩竟然成班舊同事齊人敘舊。一於去新鋪另外食店探個究竟。首先推介係燒排骨。大大條仲有沙律菜同薯條半碟。味道比較濃味，岩晒飲酒既我地。一條骨一件往事。回憶返晒黎。星級夏威夷大批$128黎pizzamonster點可以唔叫pizza架，佢地話pizza每日新鮮製作。一D都無呃人，餅底鬆脆唔會好實，拉絲芝士份量十足，不過比較厚左D. 新鋪果然坐得舒舒.價錢依然親民，埋單一人都係70幾。大家如果有興趣係土瓜灣揀一間pizza餐廳 , 不妨參考下 。另外假期都好多人食，記得打電話去留位。

係土瓜灣想食pizza真係只有phd或者pizza hut我地成日2大1細去食變左叫左食1個pizza已經試唔到其他野食Pizza Monster呢度可以揀6” 9” 12” size就番唔同人數去食2個人可以揀2個6”或者1個9” pizzaPizza款式超多選擇👍🏻但我地第一次試，所以打算試多d唔同小食千島海鮮Pizza餅底唔乾，厚底pizza好足料麻辣雞翼焗得唔錯，但麻辣醬唔太夾雜菌焗長通粉抵食之選都有好多款焗飯同意粉，唔貴仲包埋野飲我掛住食，有個青口薯蓉唔記得左影🤣1個pizza, 1個焗意粉，2個小食，2杯野飲埋單只係$200😌

當年係青洲街一次都未幫襯過，依家搬咗黎屋企樓下，又睇睇質素點先！睇睇個餐牌，提供嘅食品菜式同芝脆雞，芝味鳥等等相近.未講食品好唔好味之前，先要讚一讚店鋪係門口打咗盞燈，整咗個公司 Logo 照住店鋪門口不停轉，用風水學嘅剎吸引顧客，醒目！點咗個雜菜湯，怪獸多寶薄批，雜菌露荀長通粉，炸雞同磨菇焗薯蓉.欣賞：1, 小妹妹職員對產品好了解，我發問多多仍然耐心清楚解釋，服務態度唔錯，大讚！2, 我叫外賣自取，唔洗等太耐，十令分鐘完成.3, 自取有優惠.4, 唔係只有條狀意粉嘅單調，另有長通粉提供. 長通粉彈牙入味，唔錯.5, 磨菇焗薯蓉係最滿，外表系花型，入口唔會太濃太淡啱啱好，份量無偷工減料，滿意！6, pizza 薄餅底夠香脆，用料亦足夠.7, 俾街坊多一個選擇.有待改善：1, 無白湯或粟米湯等我中意嘅湯提供.2, 餐廳唔夠闊落.3, 飲品選擇太少.4, 炸雞最不滿！ 外表唔夠粉槳，太薄，所以唔夠脆, 雞脾肉乾身咗少少唔夠嫩滑.5, 依家好多餐廳都中意將雞脾下方D雞肉挑走，只要將D炸粉外皮移開就原形畢露！有無偷工減料一望就知！哩個情況同樣出現係薄餅怪獸，有相有真相.6, 雞上脾 size

見有新店開張，就去試下，原來都開左兩個月左右。內在環境裝修簡約且有西餐廳風格，位置距離恰當，都坐得舒服。下午茶餐算抵食，迷你批怪獸至尊都係$35配埋餐湯。見佢供應時間係星期一至五下午2:30至6點。論味道就好難比得上大連鎖店的Pizza，但都不過不失，食得到肉粒的香烤味道。仲可以任落芝士粉。$35咁抵，仲想點。非常飽肚！當埋晚飯都仲飽緊！雜菜湯都好足料，勁多蔬菜🥬！仲叫左個是日飯 - 蕃茄肉丸飯，都唔錯，都係$35。如果d飯唔太稔身就更好。見有其他食客食肉醬意粉，好大碟，下次可以試下。員工服務態度好好，好有禮貌，同埋有笑容，令客人食得舒服，值得一讚