薄餅怪獸

Open Now

Now Closed

之前在土瓜灣經過了幾次這間Pizza小店，👦🏻都表示很想試一試，這天終於有機會了，意想不到12點已經很多人了。我們叫了一份二人餐，但在餐牌看不到，要scan了QR code後下單才看見。🚩二人Set $239辣肉腸中批Pizza，我們叫了薄批，餅底非常脆，配搭千島醬，夾着層層的芝士，非常可口又邪惡😈。招牌肉醬焗意粉就中規中矩。而薯條炸得非常脆，又大大條，份量比想像中多，原本以為只是前菜小小的一碟。☕️套餐再配兩杯飲品，即磨咖啡也不用額外加錢，而且咖啡質素不錯。🚩檸檬蜜糖雞翼4隻 $36想說這個真的要是，檸檬蜜糖的味道非常突出，雞翼完全吸收了醬汁。🚩檸檬惹味烤雞1件 $23大大隻的雞髀，滿滿的檸檬味，開胃又好味。

Found a good spot for a pizza fix in To Kwa Wan. Pizza Monster not only makes their own pizza but also offers a variety of food from salad, pasta, fried chicken to baked rice.Ordered Garden Salad from their tea set menu which came with a drink. Fresh veggies dressed with refreshing citrus vinegar.The tomato sauce based Monster Pizza was topped with tons of meat and a fair amount of cheese. The thin crust was light and crispy like a cracker. Spicy fried chicken leg and baked lemon chicken wings w

餐廳以QR code下單 更設有自助區提供水 紙巾 醬汁等 環境舒適 食物價錢相宜 免加一服務費 非常親民😋🍽️招牌炸雞 $20即叫即炸 炸雞果然熱辣辣最好吃 炸衣薄而酥脆 肉嫩多汁 不油膩 炸衣調味剛好 大推😋🍽️煙三文魚薄餅 $138薄餅每日人手手工製作 薄餅批邊脆 批底鬆軟 有三種不同呎吋 不同醬料批底以供自由配搭 此款千島醬批底加上配料份量豐富 洋蔥爽脆增加口感🍽️美式拼盤 $92拼盤有粗薯條 炸魚柳 炸洋蔥圈 香草腸 每樣炸物炸衣薄而酥脆 份量十足 🍹青檸梳打$32 & 柚子梳打 $32清新解膩 非常大杯@MAPHK2021

📍薄餅怪獸 👾 土瓜灣上星期去朋友屋企玩，上去玩之前當然要係附近醫飽左個肚先啦。呢間由朋友推介嘅薄餅舖，本身去之前已經相當期待😽去到睇餐牌，見到有個2人嘅set ($239)Set入面就包左一個9寸pizza (除左心型pizza)，兩個主食，2個野飲/餐湯。但係主食就唔係款款都揀得嘅，但佢個list都算多選擇首先黎到嘅係羅宋湯個湯一黎到，見到好足料👍🏻唔係有時係出面食食個啲罐頭湯個pizza就揀左千島海鮮pizza ，食pizza梗係要走菠蘿啦🥰食個時我就覺得餅底好有驚喜，個pizza底唔會太厚仲相當脆呀，啲餸仲好好足料tim！千島pizza 入面有蜆肉，蟹柳，青椒，蝦 🦐蘑菇薯蓉😻滿滿嘅芝士，𢳂出黎就有拉絲🥰意大利海鮮焗飯(白汁)啲焗嘅野食全部都熱辣辣😽白汁味道濃嘅，啲汁唔會太少，啖啖都有汁嘅❤️洋蔥圈 ($56)除左套餐，另外再加左我最愛嘅洋蔥圈配泰式甜辣醬☺️上枱個時仲係熱辣辣架，旁邊仲有小小沙律菜門面:餐廳入面都好岩打卡嘅感覺食物大合照:

疫情期間見朋友經常買呢間店嘅外賣，知道餐廳出名大件夾抵食，今日食完之後會話🥹好有驚喜，唔止性價比高，味道方面都超級有水準，完全超過expectation💯💯餐廳有午市套餐提供，配餐湯或者熱飲，另外可以加錢轉凍飲✨✨迷你批套餐 $59怪獸多寶配料有洋蔥、青、火腿、蘑菇、菠蘿、牛肉、豬肉🫶🏻非洲足料同豐富，最有驚喜嘅絕對係每日新鮮製造嘅薄餅皮💯咬落去非常鬆脆，好幸運地識到每日限量嘅心形批🤣配上拉斯芝士，絕對係超值！✨餐湯是日餐湯係羅宋湯，黑椒味香，材料豐富勁足料，✨有西芹！✨招牌炸雞 $20用四個字嚟形容就係皮脆肉嫩，雞髀肉非常嫩口，雞皮又脆又薄，值得encore😋😍✨檸檬蜜糖雞翼四隻 $36 原本以為蜜糖嘅甜味會蓋過檸檬嘅酸，出乎意料地兩者平衡得好好，檸檬酸好突出🥹👍🏻✨芝士焗西蘭花 $63芝士份量剛好唔會太膩，除咗西蘭花之外仲有椰菜花🫶🏻邪惡同健康嘅合體💯✨柚子梳打 $32賣相好好，非常大杯😂飲品同食物一樣都係分量充足！✨凍檸檬茶 $26比想像中大杯，值得一讚嘅係叫咗少甜係真·少甜！😋

麻麻的Pizza 店😂我哋去OpenRice 搵下土瓜灣有咩好食…見到呢間幾多好評，決定試下🤣平日有套餐，我哋假日去記要散叫😅細細份的Pizza都有少少貴….味道麻麻….不過勝在啲皮夠脆加分，所以都可以接受…皮比較厚身，感覺食緊面包🤣🤣🤣比較嬲豬就係個炒意粉….唔覺有炒過，冇咩味，唔建議….特飲加15蚊，比一樽有汽的水你，佢另加一粒青檸/柚子醬就完成，有少少Hea😂😂😂如果呢個價錢寧願午餐嘅時候去食啦…假日比正假真係唔太抵…Pizza都可以食嘅，炒意粉就不了☺️

以土瓜灣區來講，呢間pizza店都算幾多好評，今日剛巧有事要到土瓜灣，就買個外賣pizza回家試下下午茶時段有優惠，大批$88外賣自取不過就限兩款口味：意式風情同曼克頓預早打電話order定，15minutes後就拿得。滿$200 先收credit card既！no problem, 微信，alipay hk. cash都可堂食見到都有幾檯客回到家仲暖暖地，賣相 okayingredients都算多，tomato醬餅底不過食慣連鎖店的芝心邊，即刻好唔慣，餅底好乾試下尚可，但不會回頭了！

星期五晚上，我倆到達位於土瓜灣的薄餅怪獸用膳。餐廳裝修很有特色，光亮招牌，非常搶眼。枱面上設有二維碼，食客可以使用手提電話點選食物。我倆選擇了套餐，包括一款中型薄餅、兩款食物及兩款飲品，此外我們還點了一款食物。薄餅味道是怪獸多寶，用料豐富：洋蔥、青椒、辣肉腸、火腿、菠蘿、牛肉、豬肉和蘑菇。如果有食物偏好，可以加錢加料；若不想要某種食材，亦可選擇走掉。醬底的選項也非常之多，除了比較傳統的蕃茄醬，亦可以選擇千島醬、麻辣醬、香蒜汁、燒烤醬或泰式辣醬；我們就選擇了蕃茄醬。批底可以選擇厚薄，我們喜歡香脆口感，所以選擇了薄批。結果出來效果非常驚喜，即使上邊有滿滿的材料，仍然沒有影響批底鬆化的口感，實在食指大動；而且味道調節得剛剛好，不會太鹹或太淡，即使不再額外加芝士粉或其他調味，味道一流。這是海鮮焗闊條麵，如果不喜歡闊條麵的話，也可以選擇其他麵食。麵的調味偏淡，但就是因為比較淡的味道，令上層的海鮮鮮味更加突出。洋蔥圈鬆脆，不會太過油膩，而且粉漿控制得很好，不會過厚，食起來也不會和洋蔥一分為二。點些泰式辣醬，味道更上一層樓。芝士煙肉焗薯蓉口感細滑，芝士味道香濃，份量也不少呢。飲品分別是凍咖啡和凍奶茶

同個好耐冇見嘅朋友食飯，行過見到間Pizza未夠6:30已經坐咗一半客人，於是就入去試吓佢咩料😗😗一入門口就有隻好得意嘅三眼仔Pizza Figure 🥰🥰餐廳算係平民價格，百零蚊就食到一個九吋pizza。於是我哋叫咗一個千島海鮮薄批，薄批咬落好脆，而且上面亦都好足料，除咗蟹柳之外，仲有蜆肉，有我最鍾意同Pizza一齊食嘅菠蘿🤣🤣🤣睇黎我唔可以做意大利人🤣千島醬pizza一啲都唔漏。之後仲叫左檸檬蜜糖雞翼，個檸檬味好出，食落又真係有淡淡的蜜糖味，早知就嗌夠六隻啦🥲之後我哋驚唔夠飽，嗌咗個蒜香牛肉粒焗長通粉。長通粉有勁多牛肉粒，好似食餸仲多過食啲通粉咁，勁足料🤣🤣🤣餐廳有自助配料區，有得瘋狂加芝士粉，勁開心🥰仲有個洋蔥圈，即使放咗一陣，食落都係好脆口。配埋個泰式辣醬會食到停唔到口😗😗😗除咗Menu上面嘅嘢飲之外，仲可以嗌青檸梳打同埋柚子梳打。個柚子梳打我開頭以為冇乜特別，但係拎到上嚟幾有驚喜可以打卡🤣🤣一路坐喺度堂食，都見到不停有人嗌外賣，睇嚟都係區入邊親民價錢嘅小店。如果第日去開土瓜灣，都覺得係可以encore嘅餐廳，而且又冇限時可以同朋友慢慢傾偈聚舊😋

阿女話同事介紹土瓜灣有間薄餅怪獸，食物好味之餘價錢又大眾化，尤其佢哋嘅薄餅超好味，今日就同我一齊去試吓！餐廳裝修簡潔，主打意大利菜和素食。薄餅是即叫即做，上枱熱辣辣，而且分大、中、細三種size,前兩種重可以搵厚底或薄底，最細就一定係厚底。吞拿魚特色薄餅（中），材料包括粟米、菠蘿、吞拿魚、煙肉，千島醬，揀咗口感比較脆的薄底，豐富嘅餡料配埋千島醬，十分惹味！蝦兵蟹將：黃金炸蠔、黃金炸蝦、炸魚柳和洋蔥圈。全部都係即叫即炸，完全唔會太油膩，外層香脆可口，炸蠔新鮮冇腥.炸蝦爽口，炸魚柳嫩滑，洋蔥圈外酥里嫩。招牌炸雞炸至金黃酥脆，達至皮脆肉嫩，層次豐富嘅口感。香濃鮮茄豬柳焗飯，濃香的茄汁味道，配搭鬆軟的豬柳和香口炒飯，美味得讓人一口接一口停不下來。凍檸茶，檸檬芳香清新，茶味香醇濃郁。

話說都好一段時間冇嚟土瓜灣啦～ 今次約咗兩個喺呢頭返學嘅朋友嚟食嘢，大家都可能太耐冇食過pizza🍕，所以都對食pizza🍕有一種莫名嘅興奮！😆·香烤蒜蓉包沙律🥗食啲咁熱氣、咁邪惡嘅嘢之前，梗係食返少少fresh d嘅嘢濕濕個口先～ 健康人士就叫咗個沙律嘅⋯🥗份量係預期入面一樣咁多嘅，沙律菜嘅種類都算多～ 落少少沙律醋就已經好好食啦～～😬 不過⋯ 加埋蒜蓉包呢種脆卜卜又香口嘅嘢落沙律到，係豐富咗成件事喎⋯ 因為佢帶咗好爽嘅口感俾我啵～怪獸多寶💎我諗喺度講怪獸嘅意思係好多料，好癲嘅配料咁解，而且我係覺得好夾嘅～ 原因係有好多唔同嘅肉係豐富咗成件事嘅口感⋯ 加埋厚厚嘅芝士🧀️完美融入咗喺個pizza度，係正嘅～～ 今次就算叫咗厚批都好，因為夠晒足料同配料嘅口感多變，完全唔覺自己食緊厚批！😆🤣黑松露芝士焗啡菇🍄不嬲都係黑松露嘅忠實擁躉，今次落黑松露嘅量好夠，味道好出，連埋芝士🧀️焗口感唔錯。最重要係菇入面保留咗一定嘅水份，食起嚟成件事都好juicy…唔會話食到個口好乾～ 咁幾好啊～～👍🏻👍🏻芝士青口焗薯蓉🥔青口焗得唔算乾，咬落仲有些少水份。至於芝士🧀️焗嘅呢個配搭一向都係信心保證，加埋薯蓉成件事變

土瓜灣一向出名都多野食，今次就同朋友嚟食下呢間價錢親民嘅pizza鋪😋呢到有個自助區，可以自己斟水，拎紙巾。仲有唔同調味料，就好似茄汁、芝士粉、tabasco 辣椒汁、黑椒碎等等。心形星級夏威夷薄餅(細)💰HK$78材料鋪滿成個pizza面。雖然細批只有厚批，但個薄餅底好特別，外圍焗到好脆，中間有千島醬果到又好鬆軟，食落好有唔同層次，不愧為自家製嘅手制餅底，推薦推薦～黑松露雞柳炒意粉(無汁) 配是日餐湯💰HK$78雖然冇汁，但啲意粉充滿黑松露嘅香味，而且用咗好咗配料嚟煮，有磨菇、青椒絲，洋蔥、蕃茄、雞柳等等，一啲都唔馬虎～吞拿魚焗濶條麵(白汁) 配是日餐湯💰HK$61即叫即焗，熱辣辣，好多芝士鋪喺面。呢到嘅濶條麵同我想像中唔同，佢個樣係有啲似河粉咁～我地冇簡到野飲，因為想飲湯！是日餐湯係意式雜菜湯，有好多蔬菜，落足料！仲要酸酸甜甜，好開胃～芝士焗薯條💰HK$62平時食開炸薯條，今次就食下健康啲嘅焗薯條🍟都係充滿芝士鋪喺面，一拎起有拉絲嘅感覺！佢冇一般嘅炸薯條咁脆，但一咬開一樣感受到滿滿薯仔蓉嘅感覺～麻辣惹味烤雞(1件) 💰HK$21食落去隻味好似口水汁烤雞咁，味道好夠麻，係名副其實咁惹

最近喺土瓜灣行街，發現新開咗一間街坊Pizza店，俾佢門口寫嘅優惠吸引再去試吓。舖頭環境都幾骨緻，我哋咁啱坐咗喺招牌下面卡位，招牌好sharp。舖頭採取QR code落單，咁橋當日係星期三，中批餐有8折，可以揀一個中批、一個主食、一個小食、兩杯嘢飲，折完只係$200，超抵！我哋揀咗呑拿魚特色千島醬厚批、白汁意大利海鮮焗長通粉、焗肉丸配香草腸。Pizza上枱香味撲鼻，材料有菠蘿、粟米、吞拿魚同埋煙肉，好均勻咁分配喺個批面。個批底非常之鬆軟，原來係舖頭自家製，好推薦。長通粉同埋小食都好食，特別係長通粉落咗好多料，有勁多海鮮，性價比極高。另外我哋都單叫咗一個招牌炸雞、炸芝士年糕(6件)。芝士年糕咬落去好似流心嘅感覺，一定要趁熱辣辣嘅時候食，忍唔住一啖接一啖。個炸雞都好鬆脆，雞肉非常嫩滑，一啲都唔鞋，價錢仲平過連鎖快餐店，質素都好啲。買單我哋兩個人都係$300唔使，食到勁飽，之後經過一定會再試其他口味嘅Pizza。

最近喺土瓜灣開工，收工嗰陣都見到呢間Pizza舖頭幾多人幫襯，所以就約埋另一個半收工過嚟試吓好唔好食餐廳裝修幾特別，有唔少pizza嘅擺設，餐廳有pizza，意粉，焗飯，炸雞同小食，定價都係平民價錢，入到舖頭係用QR code點餐，原來仲有套餐，二人餐都係二百頭有交易，幾抵食咖喱角&招牌炸雞兩款食物都係新鮮炸起，所以都好熱同脆卜卜，咖喱角都係正常味道，但炸雞就幾出色，外皮好香脆，內裏就好Juice，雞肉又嫩滑，幾好味肉醬焗闊條麵客人可以自己選擇要闊條麵，意粉或長通粉，闊條麵本身煮得啱啱好，唔會太淋或太硬，肉醬夠味，加上有少少芝士嘅鹹香味，令味道更豐富千島海鮮中批Pizza上既材料都唔少，鋪滿成個Pizza，海鮮有蟹柳，蜆肉，蝦肉，魷魚等等，批底方面今次叫咗厚批，批邊焗得香脆，批底都鬆軟，唔會似食緊麵包，係唔錯既凍檸茶凍檸茶就同普通餐廳嘅質素差唔多，茶底都有茶味，夏天飲係幾爽

同男朋友行開土瓜灣, 朋友話有間平民價Pizza 超級好食! 所以今日一於就去試下-薄餅怪獸Pizza Monster, 位於土瓜灣馬頭圍道418號既薄餅怪獸, 環境簡單舒適, 價錢平民, Pizza有好多款式選擇我地最後叫左個田園沙律($66) 送餐湯, 沙律菜好新鮮,加上酸酸甜甜既沙律汁, 好開胃, 羅宋湯一樣開胃, 配菜好多香蒜大蝦炒意粉($68) , 我自己本身幾鍾意食有蒜味既野食, 呢個意粉蒜味重, 粒蝦都好大, 炒意粉好乾身, 整體黎講好惹味. 呢間薄餅怪獸既Pizza有好多唔同款式選擇, 仲可以簡埋唔同既醬底, 分別有蕃茄醬底, 千島醬底同特色醬底, 可以滿足到唔同口味既朋友! 而我今次就簡左蕃茄醬底既怪獸多寶中批($138), 男朋友超鍾意佢d pizza, 個底真係勁脆! ❤️同平時食開既Pizza完全唔同, 好有驚喜! ❤️蕃茄醬底勁重蕃茄味, 超級推薦比其他人試! 配料亦非常足夠! 超級滿意!🫶🏻聽到有個外賣客人食完覺得好正，仲落嚟叫多幾個🤣🤣