薄餅怪獸

Open Now

Now Closed

薄餅怪獸 (土瓜灣)土瓜灣馬頭圍道418號樂意居地下2號舖二人套餐即磨咖啡香濃順滑，雨天必備羅宋湯全素蔬菜熬煮，酸甜滋味，完全沒有味精怪獸多寶主角係自家製厚底，厚度適中，麵餅鬆軟，配角有菠蘿、腸仔、辣肉腸、蘑菇、青椒、芝士，以二人餐來講，份量都真係幾大，兩三個女仔食一個厚批都已經飽㗎喇焗肉醬意粉見佢呢個係餐廳推薦特色意粉，啱啱焗起，啲芝士拉曬絲，裏面有豐富嘅肉醬同蘑菇片，口味偏酸，份量都好大，叫多兩個人嚟食都冇問題招牌炸雞兩件香脆多汁，最難得係炸出嚟係多汁而唔係多油，一定要現場食，大大隻啖啖肉檸檬蜂蜜雞翼六件見到佢炸雞咁出色，忍唔住又嗌多咗個小食，焗出嚟嘅雞翼加埋蜂蜜檸檬，香香甜甜，唔使10分鐘就食晒啦

兩口子拍拖，行吓行吓到咗土瓜灣，見有間食pizza嘅舖頭，就一於入去試試。有一邊牆身用咗不同形狀、不同大細嘅pizza托板做點綴，幾特別吖！揀套餐最實際，首先有千島海鮮薄批配蕃茄醬底，店主表示餅底係每日新鮮手製。材料極之豐富，蟹柳、菠蘿、青椒、洋蔥及海鮮雜錦多籮籮。薄批焗得夠脆身，香噴噴，所有鮮味一次過爆發，一食就停不了。焗肉丸拼香草腸，份量十足，每款三件。肉丸爽彈多汁，香草腸個皮極之爽脆，好惹味，啱晒胃口。我地揀咗台式辣味炸雞，有兩大件，炸漿薄身，炸得好脆，雞嘅醃味適中，入口香味飽滿，唔會多油，外面加咗辣味粉，令鮮味更突出。 一杯少甜凍檸茶，冰凍解渴，解油膩，非常好！凍齋啡唔落糖，唔落奶，真正飲到咖啡回甘嘅香味。見到午餐嘅款式都好吸引，價錢大眾化，揾日再嚟一次先得。

細女喺土瓜灣工作，今日專程請我地兩老外出食飯。由於爹哋喜歡食pizza，就揀咗 “薄餅怪獸”。店面唔係好大，但佈置有特色，卡位亦別緻。掃QR code落單，見有套餐就必揀。有三個人就再叫多一份蝦兵蟹將，即叫即炸，好快上碟，非常吸睛。有炸蝦尾、炸蠔、炸墨魚塊及炸洋蔥圈 ，每樣有三件。材料新鮮，炸得脆身，甘香鬆化，鍾意炸物嘅朋友一定喜歡。 套餐pizza係點咗厚批嘅怪獸多寶，名副其實，有洋蔥、辣肉腸、蘑菇、牛肉、青椒、火腿及豬肉等等，多不勝數。個批焗得透徹，特別在麻辣醬底有驚喜，食落慢慢滲出辣味，越食越精彩。跟住有海鮮焗闊條麵，白汁味濃，夠creamy，各式海鮮，例如：鮮蝦、八爪魚粒、蟹柳及菇片，鋪滿麵條上，啖啖都惹味非常，闊條麵柔韌有彈性，客人仲可以要求加大麵條份量，值得讚同畀like👍🏻仲有炸雞，一碟有兩大件，有三種口味選擇，有辣有唔辣，我哋揀咗招牌原味。外皮炸得香脆，冇油膩，裏面雞肉粉嫩多汁，咬落鬆軟唔乾身，真係唔錯。餐飲有熱嘅即磨咖啡，味道濃郁，加少少糖，香甜好飲。另一杯係健康少甜嘅凍檸茶 ，有好多檸檬，茶味突出。套餐只係二百零蚊算抵食 ，食物質素又Okay，下次應該可試到更多的好

今晚忽然想吃pizza,便和朋友去了這間吃pizza的專門店。怪獸多寶薄餅（中）（$138）：材料真的非常豐富，有洋蔥，青椒，辣肉腸，火腿，磨菇，菠蘿，牛肉，豬肉。見到都覺得好滿足，那麼多材料，一次吃哂真係好正，芝士好香，然後菠蘿酸酸甜甜咁，辣肉腸不會很辣，即使平時吃不得辣的朋友也可以吃。然後牛肉，豬肉也很多，挺好吃，咸咸的很夠味。麻辣惹味烤雞（$21）：辣辣地又幾香口，幾好食。烤雞很香滑，完全不會韌，肉質很鮮嫩，挺好吃。招牌炸雞🍗（$20）：炸得非常香脆，又嫩口多汁，非常好吃。而且才$20，都好抵食。小食拼盤（$92）：有春卷，咖哩角，洋蔥圈，雞翼各4件，都幾豐富，好多野食。雞翼幾香口，春卷，咖哩角同洋蔥圈都好脆。柚子梳打（$32）：好清爽，幾好飲。

係OpenRice 見多好評就特登揸車黎買🚗、結果令人失望到慘不忍睹，個Pizza一半都食唔到。買番屋企仲比屋企人話我。個餅底仲差過Circle K啲Pizza。好似食緊麵包舖大型pizza包咁🤦🏻‍♂️食落口個餅底粉到飛起…完全係麵包feel…本來都唔打算寫出黎….但見OpenRice好評水文多到咁…覺得點都要講出嚟😩希望你哋唔好再掛住單單做宣傳….改善一下食物質素人一定會多番、因為香港真係好需要你哋呢種小店💪🏼💪🏼

今日同老公到土瓜灣辦點事情，卻突然落起大雨來，匆匆忙忙入左一間餐廳避雨和午餐！ 我哋入咗一間Pizza店～薄餅怪獸，食落幾有驚喜，好啱我同老公嘅口味👍🏻😋餐廳用QR code落單，非常方便！我哋叫咗個二人套餐，有下列食物：千島海鮮厚批～雖然我哋選擇了厚批，但餅皮入口好鬆軟，一點也不靭 ，而且上面鋪滿海鮮，有墨魚、蜆肉、蟹柳、蔬菜粒，還可以自由選擇多沙律醬，口感好豐富又有層次，超讚啊意大利海鮮焗意粉～原來和海鮮薄餅配料十分相似，但有更多新鮮的八爪魚粒，我和老公都是海鮮控，所以非常享受😋，而且掃code落單時，可以選擇多或少意粉，十分人性化👍🏻👍🏻檸檬烤雞兩件～這個烤雞是最驚喜的，雞皮烤到微微焦香，脆度剛剛好，鮮雞肉質嫩滑，配上檸檬汁，酸酸甜甜，非常開胃，而且一點也不會覺得油膩！青檸梳打凍奶茶是日餐湯～羅宋湯呢個套餐真的非常豐富，埋單只係二佰多，性價比非常高！亂打亂撞入咗間美味的餐廳，我同老公都非常滿意，下次一定會再來光顧！

朋友話土瓜灣一直都有好多隱世美食😆喺附近行咗一陣，就見到呢間都幾多人食嘅pizza master, 見佢幾抵食又唔收加一，就入左去試下🤤🤤餐廳主打街坊客生意，感覺充滿人情味💕餐廳係手機落單同自助拎水~怪獸多寶心型pizza $73我地叫左個細嘅厚批，自家手製心形pizza賣相好吸睛🤎披薩上面有辣肉腸、火腿、蘑菇、洋蔥等8種配料，口感豐富😍而個餅皮同出邊好唔同，食落脆卜卜但又一啲都唔油膩👍🏻自己一個都ko 到之餘得來又抵食，推介要叫😆👍🏻檸檬蜜糖雞翼 $53 6隻雞翼嘅表皮烤得有啲微焦，配埋檸檬蜜糖食酸酸甜甜，熱辣辣食啲仲有肉汁😌正蝦兵蟹將 $88呢個小食拼盤有黃金炸蠔、炸蝦尾、炸蟹鉗、炸洋蔥圈😝啲小食都係即叫即炸，要趁熱辣辣食～炸蠔一啲都唔腥🤩其他整體正常👍🏻性價比好高～芝士煙肉焗薯蓉 $42薯蓉鋪滿左芝士和煙肉碎，但食落真係驚喜地覺得一啲都唔滯😳！反而仲食得出薯仔香味，本身飽飽地都忍唔住食晒🤣真係幾好食😍整體覺得餐廳食物質素好好，性價比又高又唔收加一💕下次去土瓜灣一定會再幫襯🥰

怪獸多寶 中批呢就係九吋，仲有得揀後厚批定薄批。話說，朋友喺落單嘅時候唔小心撳錯咗厚批——上枱時，我本身有啲失望。但係冇估到咬落口之後，都非常之好食，應該係我食過最好食嘅厚批 pizza 🍕! 順帶一提，所謂嘅怪獸就係有多款唔同嘅餡料：洋蔥，青椒，臘腸，火腿，菠蘿……惹味烤雞 $21如果你鍾意食類似KFC烤雞嘅話，你更加要試呢一個，佢嘅檸檬蜜糖烤雞整得好有水準！肉質鮮嫩。我跟Set Lunch Pizza 咁叫、就平啲就有兩隻。焗肉丸拼香草腸肉丸似IKEA嗰種，香草腸都幾香、好味～香烤蒜蓉包沙律 $76沙律菜嘅份量都幾多，我哋四個人平均分，都覺得幾足夠！餐湯佢哋嘅餐湯係、羅宋湯都幾好飲。味道一啲都唔重味精。點埋蒜蓉包好好食🤤 黑松露芝士大啡菇 2 隻 $96

土瓜灣有間小店叫薄餅怪獸，主打每日新鮮手製餅底，仲有心形pizza好特別。平日去都有唔少人幫襯同叫外賣，相信都幾受街坊支持，可以取替到唔少嘅係連鎖pizza店。今次叫左個set入面有一個中批、兩個意粉/小食同餐湯，仲額外叫左個小食。怪獸多寶薄餅揀左配蕃茄醬，見到order嘅時候都有唔同嘅醬可以自行選擇，自由度幾高。另外選擇左厚批，咬落去餅底幾鬆軟，唔會因為係厚批而焗到太硬太乾好難咬。而且有好多配料，洋蔥青椒火腿辣肉腸蘑菇菠蘿牛肉豬肉，食落去令人好滿足。芝士份量十分，邊邊位焗到香脆，切開仲拉到絲。海鮮焗闊條麵闊條麵新鮮焗起好夠熱，有蜆肉魷魚蟹柳，加埋個白汁。炸雞原味炸雞好香脆，咬落幾嫩有肉汁，小食黎講幾大件。仲有其他口味選擇。是日餐湯羅宋湯入面有幾多洋蔥青椒同菜，飲落唔會太酸，開胃又易入口。黑松露芝士焗啡菇啡菇焗到好juicy,切開仲有滿滿嘅菇汁同流心芝士。

黎到土瓜灣，都係舊區唔知有咩好食，朋友話有間pizza幾好食。今日黎開，即管就試下。舖頭係正馬頭圍道大街，好易搵。早早入到去，好在冇咩人，等我地叫齊野食，竟然都坐滿人啦，果然係有啲睇頭。今次叫左個2人套餐，都好抵，套餐有個中size pizza, 2款主食式小食，再有2杯野飲。份量好唔錯。Pizza有好多選擇，我地就叫左個多年批，貪佢咩都有。佢唔似一般既pizza舖，餅底大過餡，佢啲嘢都係爆多，我地已經叫左個厚批底，都放唔晒啲餡，真犀利。另外叫左焗肉丸拼香草腸，感覺冇想像中咁咸，都唔錯。仲有點左肉醬寬條麵，意外地唔係太多醬勁漏個種。可能係我自己怕太濕爆醬既意粉，佢而家呢個份量又ok好食。佢既飲品值得讚既，淨係見佢用既梗就抵讚啦。不過不失，飲得過。

今晚去左土瓜灣探朋友，走個時附近搵食，呢間怪獸薄餅，都好吾錯！裝修得好有型格，店員服務都好好 見到卡位又會問我地洗吾洗去個度嘅位置，更舒服，好細心。Menu都好多野食，我地揀左個怪獸pizza 先73元，都好大舊，要左吞拿魚白汁意粉，茄汁焗豬柳飯，再嗌左2舊炸雞同烤雞，仲有2杯凍飲，賣單先2百幾蚊。全部即叫即整，先嚟讚台式辣炸雞，超好食，炸得外脆內嫩仲有肉汁，熱辣辣正啊！麻辣烤雞味道都好好，吾算太辣，少辣朋友也會食到。吞拿魚白汁意粉，茄汁焗豬柳飯都份量好多，知道嗌少量，佢好好有多量，見好似冇加到價錢，白汁意粉creamy，吞拿魚份量都多， 豬柳又好嫩好琳，又入味，正！最後個pizza勁正，果然係pizza舖！我揀左怪獸薄餅，諗住舖頭名嘛，是心心形的，很靚啊！好多料， 有洋蔥，辣肉腸，牛肉，豬肉，青椒，火腿，蘑菇，菠蘿好正，好多料！而且喜歡佢可以自己揀醬汁，有番茄醬，千島醬，泰式辣醬，麻辣醬，燒烤醬，香蒜汁真係好多款啊！整體好食，價錢公道！下次可以外賣拎去朋友屋企食先！

呢日嚟到薄餅怪獸食lunch，店入面嘅裝修都幾新淨。調味同埋清水都係自助形式。午餐主食三個選擇，呢日想食清淡啲就冇叫Pizza。先來葡汁海鮮焗飯，新鮮出爐熱辣辣，海鮮有蜆肉蟹柳，配料份量都唔錯。 平日食焗飯最怕太淋，呢間啱啱好羅宋湯有啲黑椒味，酸酸地辣辣地非常開胃。田園沙律可以揀落芝麻醬，沙律菜相當新鮮。蜜糖柚子梳打另外severe 左一支梳打水，加入一片乾檸檬賣相相當吸引，打卡一流。仲有得揀少甜，啱晒健康人士。

唔太起眼幾chill家庭式menu有d 隱藏set, 掃QR code 入去可以叫$259 全包 再自己加個bbq 雞翼怪獸多寶  (中）洋蔥、青椒、辣肉腸、火腿、蘑菇、菠羅、牛肉、豬肉咁多肉，食肉獸必叫自家出品，餅底都好食葡汁雞皇焗飯都係自家feel, 足料好多汁甜甜地，幾開胃BBQ雞翼夠脆，必叫$36 唔算太貴招牌炸雞好大隻，新鮮炸起勁juicu凍檸檬茶勁大杯，味道正常薄餅怪獸 (土瓜灣)地址: 土瓜灣馬頭圍道418號樂意居地下2號舖

位於土瓜灣嘅［薄餅怪獸Pizza Monster］是一間親民平價Pizza店，價錢比連鎖店更大眾化，好抵食，值得大家去試👍🏻Pizza 由麵糰混合、發酵、磋製均係手工製作，餅底做得好好，除咗餡料好多選擇之外，仲可以自選醬汁，分別有蕃茄醬底、千島醬底同特色醬底，仲有最好嘅係pizza有分三個size，幾多人食都可以，炸雞同樣係必叫， 炸皮香脆厚薄啱啱好，肉質仲好嫩滑！✨今日我哋二人前，食咗咁多野 $ 300都唔洗，水準好食過好多大型連鎖店好多好多，喜歡這小店😋🍕▪️怪獸多寶薄批Pizza底充滿麥香，煙靭又鬆脆，非常好，餡料豐富，有洋蔥、青椒、辣肉腸、火腿、蘑菇、菠蘿、牛肉、豬肉、蕃茄醬汁，芝士仲好香濃，拉絲口感好正，好味道，推薦👍🏻🥘▪️葡汁雞皇焗飯焗葡國雞飯內里滿滿的食材，有雞腿肉、馬鈴薯、椰汁、洋蔥、橄欖油、黃姜粉、咖哩，醬汁有淡淡咖哩香氣，鮮嫩多汁的雞肉，加上濃郁的椰奶香醬汁，撈飯一齊食超正🍗▪️炸雞店舖名物，即叫即炸，有啲似韓式炸雞，脆槳厚薄適中，雞皮香脆，肉質嫩滑Juicy 夠入味，水準相當高，可以就咁食，或者點埋甜辣醬更惹味🫕▪️是日餐湯羅宋湯亦係用心做，蔬菜餡料多，味道夠濃郁🍹▪️青

以前常常在土瓜灣區，而家有地鐵站，來呢邊更加方便。這一天lunch time時間我們嚟到馬頭圍道一間Pizza店午餐。店內環境都幾設計新穎，有好多光管圖案，怪獸仔都好得意餐牌嘅選擇都好吸引我哋叫咗個二人餐，分別有一個Pizza，另外配兩個主食　　今次我哋揀咗厚批，欣賞佢做到餅底外脆內軟，材料豐富但完全不油膩，外層酥脆，餅身有彈性的，帶有淡淡的麵粉麥香味道，呢個感覺令我食多兩件也不會感覺到很邪惡。而呢個Pizza嘅材料都非常之豐富，有牛肉豬肉、辣肉腸、火腿、青椒菠蘿、蘑菇等等，有唔同嘅口感，蔬菜同埋肉類都好平衡。海鮮闊條麵的味道都OK，材料都好豐富。估唔到薯蓉嘅份量都好多！裏面嘅菇都好大塊，芝士味道剛剛好另外都喜歡佢哋喺麵同埋薯蓉上都配以沙律菜，感覺清新，食得健康啲。另外仲有餐湯，飲品嘅選擇。我哋叫咗呢日餐湯：羅宋湯，味道都唔錯的。仲有杯凍嘅即磨咖啡（多奶），都估唔到咖啡嘅味道幾香濃，奶滑嘅口感恰到好處。總括嚟講，呢度嘅薄餅口感及味道都非常不錯！見到外邊嘅宣傳單張寫住外賣有優惠，都好吸引，唔怪得好多街坊都會外賣自取。我地下次好想點佢哋嘅薄批同埋心形Pizza😊 期待