Plato Cafe & Bistro (裕民坊YM²)

餐湯：今日嘅餐湯係甘筍湯，甘筍Blend得好幼滑，無渣，味道口感都唔錯。煙三文魚凱撒沙律：作為前菜梗係要食返啲沙律，開下胃先啦，沙律菜都頗新鮮加上煙三文魚作為點綴。肉眼扒：叫左份medium 既澳洲肉眼扒，賣相靚仔。肉味香濃，油分十足，脂肉比例平均，外層焦香，鎖住牛扒既牛汁，認真唔錯。黑松露帶子意粉：意粉硬度適中，廚師帶子煎封技巧唔錯，半生熟狀態更顯帶子既鮮味，加埋黑松露醬就梗係一流意式切餅：cheese cake味道濃郁而油膩，為呢餐劃上完美句號。總結：二人餐四百零蚊食到呢個質素算係唔錯，性價比高值得一試。

今日行開歡塘裕民坊呢邊搵到呢間正嘢☕️🍝🍰🍵🍹位置於裕民坊商場3/F餐廳裝潢設計靚座位寬敞舒適非常之乾淨企理👍👍👍真係坐喺到靜靜地食下野飲下野既好地方亦適合三五知己飯局的好選擇由於時間尚早仲趕得切叫lunch set當晚餐***西班牙黑毛豬鞍配蘋果蓉配沙律菜***$128味道吸引黑毛豬鞍的肉味配蘋果蓉帶來的清新口味味道相當夾食材用料新鮮***Iced Hojicha latte***Lunch set餐湯***紅菜頭湯***味道濃郁出色好飲😋好想再飲多碗加$38有日式芝士餅上碟裝飾精緻味道😋Lunch set的其他選擇有輕食沙律到豬鞍牛扒都有照顧到唔同胃口的人士埋單連加一服務費$200價錢合理絕對係可以舒舒服服坐低休息的好地方推介😙

今日去裕民坊，上咗3樓嘅花園餐廳食lunch，最後去咗Plato Cafe & Bistro。入到餐廳，環境闊落，主要有4人卡位同靠窗邊嘅2人座位，可以一邊睇景一邊食嘢。Lunch set包1份主餐、田園沙律/是日餐湯、1杯$32飲品。另可追加小食同甜品。我地點咗2份lunch set，一份西班牙黑毛豬鞍同一份澳洲肉眼牛排，另加$28點咗一份日式芝士餅。前菜點一份田園沙律同一份是日餐湯。是日餐湯係蕃茄紅菜頭湯，味道唔錯。西班牙黑毛豬鞍配蘋果蓉，蘋果蓉嘅甜味配豬鞍都幾夾。主食點咗意粉，意粉煮得啱啱好，唔會太硬或太腍。澳洲肉眼牛排配紅酒燒汁，牛排可選三成熟、五成熟、七成熟同全熟。我點咗七成熟，主食點咗飯。飲品點咗一杯英式奶茶同一杯cappuccino。奶茶係紅茶同奶分開上，可以自己調配鍾意嘅奶茶比例。

今日晚餐同朋友去左裕民坊嘅餐廳食飯。裝修左之後，多左唔少餐廳有室外座，我地就去左3樓空中花園嘅其中一間Plato Cafe & Bistro, 餐廳裝修簡約，有窗邊嘅高枱可以望到花園，都幾寫意。食物選擇都唔少，我地叫左一人一個dinner set,加多個小食 炸蕃薯條。卡邦尼煙肉意大利粉。經典菜式，賣相唔錯，卡邦尼汁濃稠度剛好，掛到意粉但唔會太挺身。味道香濃，配上煙肉嘅鹹香好夾。配堆雜菌多左一重口感，味道唔錯！另一個餐叫左 德國脆皮鹹豬手配酸菜。上枱勁大份，而且已經切好左排得好整齊，食起上黎好方便。鹹豬手調味聞落有鹹香，食落剛好唔會過鹹，而且豬皮真係好脆！！肉質有咬口但唔會乾。配上芥末醬同酸菜去膩，食落更清新。隨碟有沙律菜，食落新鮮。餐配是日餐湯，今日係甘荀湯，飲落有甘甜，口感順滑，食到粒粒甘荀，整體清新。小食 炸蕃薯條份量適中，熱辣辣，脆卜卜，帶微甜味，好食！飲品一杯叫左冰果茶，味道清新開胃，啱哂呢d悶熱天氣。另一杯叫左熱嘅焙茶鮮奶，淡淡嘅焙茶，飲落幼滑，味道舒服。食物質素唔錯，環境安靜，店員有禮。之後到涼涼地嘅天氣可以考慮下坐室外座，感覺會更悠閒寫意。

今日約了朋友吃飯，他喺觀塘居住，於是我們就選擇了裕民坊商場， 打算食西餐， 所以揀咗呢間， 我們入到去環境都幾清靜和乾淨， 坐低咗分別叫咗魷魚圈，雞扒和牛扒午餐。 🥢魷魚圈侍應送上的時候，仲係熱辣辣， 香脆可口，有別於一般餐廳，佢隔咗一陣子啲脆漿仲係好脆。🥢雞扒配薯條雞扒食得出，佢係即刻煎，啲皮仲脆卜卜。🥢牛扒意粉最後就係個牛扒，叫咗五成熟，熱到啱啱好，切開仲有少少血水， 有牛肉鮮味，如果說午餐嚟講都算很不錯👍

之前朋友有介紹過呢間舖頭，不過嗰時得佐敦有，地點不太就腳，所以就一直冇去食，啱啱發現原來觀塘都有一間，應該係新開冇耐我估，所以放工就嚟試一試佢。夜晚有dinner set，二人餐都有嘅，不過我想食西班牙海鮮飯，所以就嗌咗兩個dinner set，包咗餐湯同埋嘢飲。西班牙海鮮飯（$148）碟飯一拎嚟已經香氣撲鼻，超級香嘅海鮮味，非常吸引，食落口就好重蝦味，而海鮮就有蝦，帶子，硯，青口同埋魷魚圈，都幾豐富。澳洲肉眼牛扒（$238）牛扒叫咗五成熟，廚師火候啱啱好，保持到勁多肉汁，唔會覺得乾柴柴，伴碟有薯蓉，份量剛剛好。焙茶鮮奶（+$18）焙茶味道都夠濃，甜度亦都啱啱好，但原來上面有cream，係肥d😂，但我最鍾意係上面嗰塊Lotus焦糖脆餅。最後仲叫咗一個心太軟（$58）估唔到驚喜十足，因為佢超級流心，真係焗得啱啱好，好食！埋單五百幾蚊覺得真係唔錯，搵日再嚟食先😆

點了晚市精選二人餐，食物有水準、價格合理、環境和服務也不錯，因此性價比高，屬回頭之選！甘筍湯足料、溫熱，湯順滑得來有綿綿的甘筍蓉。煙三文魚凱撒沙律新鮮、份量足。那煙三文魚花用了多片厚身的煙三文魚來堆砌，好看又美味！北海道帶子松露野菌意大利粉相當creamy，帶子大粒有看頭而且香煎過，野菌惹味，意粉份量多。炭燒澳洲肉眼牛扒的脂肪恰到好處，有肉汁，點了五成熟，稍嫌偏熟了一點。餐飲點了凍檸檬茶和蝶豆花鮮奶，屬正常發揮。芝士蛋糕濃厚、軟滑。坐在室內的高枱，外望綠意盎然的花園，感覺悠閒舒適。唯一稍嫌餐枱較細，不大夠位置擺放食物。

朋友喺樓上住，好鍾意食呢間餐廳，因為私隱度足夠，而且枱之間唔會太近🤭是日餐湯：薯仔忌廉湯這是一道精心製作的湯品。薯仔湯頭鮮甜可口。整體上湯品starchy 順口,飲後成個人暖笠笠燒黃油春雞：這道菜採用新鮮的春雞,以黃油作為主要烹調調料,將雞肉全身仔細烹煮至金黃色澤,呈現出酥脆的皮層和Q彈多汁的肉質。調味唔會搶咗雞本身嘅味道,既有雞肉本身的鮮美,又帶有黃油的香醇濃郁！薯蓉都好滑。D12 西班牙黑毛豬鞍：這是採用西班牙黑毛豬肉黑毛豬肉肉質細嫩多汁,帶有濃郁的豬肉香氣。烹調後,肉質軟嫩可口,而且豬肉沒有雪味。蜂蜜柚子茶(熱)：柚子金黃剔透,飲入口中,柚子的清香與蜂蜜的甘甜交織,令人心曠神怡。飲到最底仲可以請職員加啲水將剩餘嘅蜂蜜同埋柚子飲多杯水果茶唔算好甜，啱晒啲養生的人士

今日收工之後約咗朋友係裕民坊食西餐。門口睇落乾淨企理，入到去個vibes幾好，播緊啲流行既英文歌。我地兩個人叫咗兩個主菜同一個黑松露薯條。晚餐仲包一杯32$ 既野飲同餐湯今晚晚餐個湯係甘筍湯，個湯都唔錯，食到啲甘筍蓉似乎仲有啲南瓜蓉，飲落幾清新1.炸軟殼蟹忌廉意大利飯個軟殼蟹炸得好脆，雖然望落細細隻但係又好有肉地，個忌廉汁味道食落唔會好Heavy，中間有啲黃椒，紅椒同露荀，加強口感之餘又令到個汁無咁單一。2.德國脆皮咸豬手配酸菜一上枱好驚喜因為好大碟份量好充足，個皮炸得好脆，都幾夠味，配埋沙律啱啱好，好夠飽，兩個人有啲食唔晒，因為真係好多肉，仲可以點啲蜜糖芥末醬，食落無咁漏。3.法式炸薯條配黑松露薯條炸得好脆，佢係用黑松露鹽，係幼身既薯條，好脆口，份量又係好大，兩個人食完主菜再食埋薯條真係好飽。跟餐既凍果茶就正正常常唔會話好甜埋單兩個人，每人$200 左右，食到咁大碟豬手真係幾唔錯

Nestled in the heart of Kwun Tong, "The Kwun Tong Kitchen" 🍽️ offers a delightful fusion of Western and Asian cuisines, delighting diners with its impressive culinary creations. One dish that particularly stands out is the Tempura Fried Squid. 🦑 The squid is coated in a light, crispy tempura batter that shatters with each bite, revealing the incredibly tender and succulent flesh within. The accompanying tangy dipping sauce provides the perfect counterbalance, making this an absolute must-try.Anot

呢度既午餐套餐會包一杯指定飲品, 沙律/餐湯, 仲可以加錢要唔同既特飲, 甜品, 小食, 都算幾抵食, 而且質素都唔錯, 仲要坐得幾😌西班牙黑毛豬鞍配蘋果蓉🐷($128)黑毛豬鞍煎到剛剛好, 肉質軟綿一啲都唔乾, 配埋甜度剛好既蘋果蓉超夾, 可以揀配意粉, 薯條, 沙律, 飯, 我地揀左炒到夠乾爽又蕉香味夠濃味既意粉🤩炸魚柳漢堡薯條及沙律🍔($88)漢堡包用左烘到脆脆地既黑色竹炭包, 夾住沙律菜, 炸到好鬆脆既大魚柳, 沙律醬, 簡單得黎又好味, 好耐冇食過炸到咁鬆脆既炸魚柳, 配菜仲有同樣炸到好鬆脆既幼薯條同沙律😍自家製麻糬提拉米蘇🧁($48)幼滑既忌廉上面灑滿朱古力粉, 配上煙韌既麻糬, 甜度剛剛好, 兩個人分享一個食超滿足😌呢度既環境同服務都好好, 大部分既食物都係即叫即整, 所以上菜既時候都係熱辣辣🤓

早前趁得閑去左裕民坊試新開既【Plato Cafe & Bistro】，到下午五點前都有lunch set同tea set，所以今次就叫左個lunch set試下啦。全日早餐配是日餐湯：是日餐湯係甘筍番薯湯，非常特別、甘筍雖然濃但唔會好重草青味、番薯增加甜味。全日早餐包括沙律、炒蛋、茄汁肉丸、煎番茄、豬肉腸、薯餅、火龍果同窩夫牛角包。食材同出面好唔同、尤其茄汁肉丸火龍果同窩夫牛角包，全部都非常不錯，不過略嫌有D油。炸番薯條：新鮮炸起、好香脆、外脆内軟，鹹鹹甜甜，不錯。特濃朱古力：叫少甜味道岩岩好，creamy朱古力味濃。自家制麻薯提拉米蘇：咖啡味會比較重、唔會太甜。麻薯分量都好多，不過建議兩個人share，因爲分量算大。

以往髒兮兮嘅裕民坊自從重建成「凱匯」之後，呢度就大翻身一躍成為左觀塘區內最高檔嘅豪宅。日前同女朋友去睇完樓，就決定喺屋苑平台嘆個dinner。女朋友想靜靜地食西餐，所以就決定黎「Plato」食。作為開喺豪宅嘅西餐，Plato嘅用餐環境絕對係一流。餐廳裝修非常精緻，店員殷勤有禮。Menu方面，食物選擇頗多，價錢合理。我地當晚order左「西班牙海鮮飯」同埋「煎羊架」。西班牙海鮮飯唔單止賣相吸引，更加係非常足料：有一隻好大隻嘅大蝦同埋刺身級帶子，另外仲有啲其他貝類。羊架同樣賣相唔錯，餐廳按照我要求煎得啱啱好，肉質仲係好juicy。值得一讚係啲薯條好香脆，而且份量都唔少！飲品方面，女朋友order左一杯玫瑰朱古力。呢杯朱古力造型一流，佢亦讚好香濃嘅朱古力味。正！餐湯係熱辣辣嘅南瓜蘿蔔湯，味道好好。

呢一間係喺觀塘裕民坊嘅餐廳，環境都幾清靜，仲有戶外對出嘅卡位，可惜去嘅時候落雨，所以就坐咗喺餐廳入邊，環境方面都幾闊落，同埋侍應都好貼心，雖然坐咗喺比較入邊嘅位置，但係都會不時過嚟加水同埋收碟！餐牌有跟set同單點嘅選擇，都幾多款式！🌈我叫咗dinner set，卡邦尼煙肉意大利粉$108，有餐湯同嘢飲～ 卡邦尼意粉都幾正宗蛋香味比較濃嘅意粉，唔係忌廉嗰一個款，煙肉幾香口，加埋菇菇令整體唔會油膩，反而口感層次豐富，麵質係比較有彈性，唔會太腍，我都幾鍾意呢個口感！🌈另外小食叫咗酸忌廉煙肉碎薯條$68除咗薯條上面會灑上煙肉碎之外，佢係點嘅酸忌廉入邊拌勻左煙肉碎，所以每一下點嘅時候都會食到煙肉，但整體又唔會食到成手污糟晒，10分香口，另外仲有茄汁，所以兩樣可以加埋一齊點，份量幾足，傾偈嘅時候食得幾開心！🌈柚子雞翼$68雞翼有5隻，隻隻都好飽滿又多汁，同埋出邊嘅係煎炸完好香脆既外皮，然後再加上柚子醬拌炒，味道會特別濃郁，酸酸甜甜好好食！🌈朋友叫咗龍蝦汁波士頓龍蝦意大利飯，佢呢一個就貴啲同埋唔係跟餐，但因為朋友想食海鮮，所以就叫咗呢個～ 龍蝦都幾新鮮，因為好易離殼，仲有龍蝦籽同膏係上面，龍蝦🦞鉗

$428精選二人餐首先,天婦羅魷魚鬚。魷魚鬚外酥內Q,入口即化,帶有淡淡的海鮮鮮甜味。酥脆的外皮與魷魚鬚柔軟的口感形成了絕妙的對比,令人食指大動。外表加入紫菜粉，金黃色，入口仲係好熱，好脆口緊接著呈上的是龍蝦汁虎蝦意大利飯。這道看似簡單的菜品,實則功夫卓越。米飯吸收了龍蝦的鮮甜濃郁,入口即化,餘韻悠長。而虎蝦本身也是肉質鮮嫩多汁,與米飯完美融合最後,澳洲肉眼牛扒的表現同樣出色。肉質紮實多汁,剛好5成熟,肉汁充滿,搭配時蔬和薯蓉，形成了完美的搭配。牛肉的鮮美與時蔬的清甜形成了完美的化學反應,令人回味無窮。整體而言,這份精選二人套餐集合了餐廳的招牌好菜,不論是在口味、質感還是視覺呈現上都無可挑剔。服務周到,環境優雅,性價比極高,讓人流連忘返。我衷心地向各位推薦這間精品西餐廳,定能締造一次難忘的用餐體驗。