普蓮素食

Open Now

Now Closed

平時都冇食開齋，今日難得入元朗約左個食素嘅舊同事，就跟佢來食啦。點左個二人餐，有湯，兩個餸，同埋糖水。兩個餸都好好食! 賣相都好靚! 比想像中有驚喜我地兩個女仔都食唔哂，好滿足

呢間餐廳入面都坐得幾舒服嘅。酸齋鴨腎都幾好食嘅問心。但係呢鍋菜就真係難頂。西蘭花仲係生嘅，收人咁嘅價錢俾啲咁嘅嘢人哋食，過唔過而得去啊？叫佢落埋南乳都冇味。咩啊？一鍋水咁樣嘅菜，真係好難食

年初一無咩食肆開，咁啱又初一，就去食下齋。要個半鐘交枱，但過左一個鐘都仲有一半野食未上。💟酸齋一嚟就上錯齋鹵味，得勁少酸齋，即換；酸味重，重油，但調味不錯。💟素鵝調味重，味道正常💟菠蘿咕嚕肉第一口口感超像真正的咕嚕肉，實際是猴頭菇，食到中間有一陣菇水味，甜酸醬汁味道調教得唔錯。💟碧綠法輪卷腐皮卷金菇+生菜，淋上素蠔油。💟木耳百合淮山炒勝瓜非常油的油菜💟松子炒飯炒飯大份有鑊氣，炒得夠乾身。

呢間齋舖因為喺我哋屋企附近，之前幫襯過，味道都幾好。 所以買齋都會諗起佢。不過近呢幾個月幫襯買外賣，店員態度真的十分差，同樣事情發生至今，已經第三次，所以我真是想在此分享一下。 我請他們分開袋裝食物，他們就會用一個非常凌厲不友善眼神望你 （其中一次就好差語氣同我講：我哋唔可以咁㗎喎），所以我話可以俾錢要幾多一個袋，因為係比老人家喺醫院食，分開袋衛生啲，會方便他食用。其實都是就老人家，點解唔可以寬容啲，給人一個方便？而是用一個非常差劣的眼神給客人？簡單一個回覆，例如：分開袋要收袋錢。 是否很難說出口？ 普蓮素食係一個齋舖，雖然員工吾一定係佛教徒，未必個個都行善心善，但起碼都要有基本服務員的禮貌及態度。 其實正正因為你係一個齋舖，我更加想分享出嚟，他們這樣的惡形惡相根本是趕客，我真的感到有點驚訝，顧客光顧不是想受氣的，真的不想動怒，花這麼多時間時間認真寫食評出來，誠心希望店主可以認真跟進一下。 食素都是希望積福，希望普蓮素食店主可以繼續推廣呢種食素文化。改善服務員質素。好希望繼續可以吃到你的素食。謝謝🙏🏻

南無阿彌陀佛 素食店應該是種福既地方今天行完山 年三十 21/1/23 入到黎元朗國搵到呢間 普蓮素食 仲未關門 拉朋友一起食素咪試吓啲傳統一點的素食店點知中伏 今次體驗認真麻麻 😤😤😤普蓮素食 (元朗安寧路）年三十晚市只有賀年餐牌 比平常貴30%💸冇二人餐, 茶介$12蚊位 仲要再收20%服務費都吾緊要 我希望好食仿蟹肉竹笙炆伊麵 $128個麵好淋 西蘭花草味好濃 個生粉汁倒水咁呀好淡味 好明顯不是炆 而是全部是分開煮 然後倒上碟 錯哂 0分😤😤😤五柳仙班 $138芋頭魚都算脆香 不過個汁點解冇哂啲五柳絲點睇都只係 酸汁脆炸芋頭魚 樓下街市幾廿蚊買黎食吾好？ 收我138 完全冇誠意 0分 😤😤菠蘿猴頭菇 $128猴頭菇落完汁都還脆 不過部分有啲粉味但重點是罐頭菠蘿佔成碟菜三份二啲猴頭菇比較少 成碟菜偏酸 2分😢姐姐都有禮 但明顯是替工 對啲菜式吾熟悉地板仲有啲滑 如果有老人家入嚟食點算？打開門做生意應該要有誠意 仲要係開素食店 點解過年一定要收20%仲要吾好食 ！今次體驗認真麻麻。希望認真改善 ！ ！

在元朗的隱世素食！！午餐有特價，平均50多，但份量超級大兩個人吃一份也絕對可以~午市還有各款點心晚餐選擇也很多，有中有西有日式。這次試了這個酥皮湯。人生中第一次嘗試素食的酥皮湯~果然沒有讓我失望~湯入面有一些素肉、菇類，質感和平時的差不多。但實在太膩了，喝完基本上已經飽了一半。環境方面，座位算是寬敞，而且平日人不多，可以慢慢吃。不得不提是，店內有不少書畫，增色不少。店外也有齋鹵味、煎炸點心等供外賣，賣相尚可，但不知味道如何。

又到同家人品嘗素食的日子，用外賣平台落餐時發現元朗另一間素食店竟然暫停接order，咁唯有再次幫襯普蓮素食。蜜汁叉燒 - 過往曾經叫過，今次無論口感，味道及份量均較過往進步，值得推介。百合勝瓜雲耳炒淮山 - 家人鐘意食百合，而勝瓜及雲耳亦好味，淮山的份量可以多啲栗子炆子雞 - 栗子的份量好多，如果同“子雞“的份量可以平衡一下就好，雞的份量太少，唔夠食。整體普蓮的食物質素都算滿意，尤其於菜式的仿真度方面其實都做得唔錯，會繼續支持。

久不久同家人都會食下素，一來健康啲，同埋現時的素食種類多，可以試下唔同的菜式。今日晚餐決定試下普蓮素食，應該係第二次幫襯，叫咗3個小菜。- 鮮百合腰果炒雜菌，味道係OK, 不過份量略為太少- 琵琶豆腐美味，同樣係份量可以多啲- 西檸香酥鴨，個汁幾惹味，而香酥鴨整得口感都幾似整體普蓮素食的食物質素係OK，不過從份量角度，如果增加大約10 - 15%會更加好 (個人認為，價錢不變較為合理，因為現時份量似乎真的太少)。

是咁的，有日經過呢間鋪又突然想食齋鹵味，所以就外賣買盒細嘅。係外面有八達通機，意為可以用八達通比錢，點知個地中海叔叔，淨係堂食先可以用八達通。我心諗:有！無！咁！X ! 老！套！呀！擺明細金額怕蝕錢，之後收返埋部八達通機，做生意唔係咁嘅！那時一抽二掕，勉強先令到個銀包比現金，現在已經係電子支付嘅年代，好心啲舖頭就與時並進啦！好，講返盒齋鹵味嘅味道，味道好一般，好似食緊啲無味嘅麵筋，我就醒喇去斬料放幾塊紅腸落去，呢種fusion ，誠如孔子同耶穌講過”初戀無限美”，可惜都救唔返齋鹵味唔好食嘅事實。其實我本人係食肉獸嘅原因，係因為大多數齋菜都煮得好難食，正所謂”酒肉穿腸過 主在心中留”阿門！

我同事住喺元朗，經常都話元朗有好多好嘢食，知道我鍾意周圍發掘嘢食，又買呢間齋鹵味比我試吓，但係⋯😅😩——————————-我真係好少出劣評，都知道做生意艱難，但我真係從來未食過只得顏色而無味的齋鹵味😅😅😅😅😅—————————酸齋微微的小小酸幾乎係唔酸😩齋叉燒：無味😩齋鴨腎：無味😩咁同食白麵粉有乜分別⋯⋯我諗我從來未食過最差嘅齋😩連係超級市場嗰啲味道都好食過佢😅所以我都無嘢好講一D只有顏色而沒有味道的齋鹵味👎👎👎👎👎—————————-

今日食評有✍🏻 普蓮素食@朗屏試食指數⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·預產期將至近日多數留在家中吃飯今日由奶奶陪同去產檢順便去試下普蓮素食午餐·$50-58/餐，送餐湯係幾抵食我哋點了兩年午餐1️⃣味菜火腿絲烏冬⭐⭐⭐⭐/5味菜應該係咸酸菜所以配料都好搶味同淡味的烏冬配合得好好2️⃣涼瓜鮮竹炒河⭐⭐/5涼瓜爽口新鮮鮮竹冇雪味緊惜㳄汁太厚口感好油膩建議改善下·散叫3️⃣水餃湯麵🥟@$39 ⭐⭐⭐/5有6粒水餃仲有幾條菜份量係幾充足算抵食·三人行182·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

我家小老闆忽然話想這星期食下齋，清清腸胃。在家就容易啦，瓜瓜菜菜就一餐，食左幾日都悶悶地，今日放假就同佢搵間齋鋪食下全齋宴啦佢自己上網搵到這間齋鋪，大家見到店鋪都幾新同乾淨，心諗可能有好多意想不到嘅齋菜，所以就決定試吓佢。打開餐牌真係有好多好吸引嘅齋菜，樣樣我地都好想試最後真係不得了⋯⋯叫左8餸一湯西湖牛肉羹-賣相同平時食嘅幾乎無分別，食落牛肉碎都好似胡椒豬肚水餃煲-勁香胡椒湯味，有8-10隻水餃🥟，豬肚個樣勁似，好味酥炸生蠔-10隻大大隻嘅生蠔份量十足，炸得非常香口，仲要唔油膩，入面真係唔知是什麼，但口感幾似椒鹽准山- 其實准山本身都是植物，所以食落唔會有什麼驚喜，但椒鹽味稍為淡了些東瓜枝竹火腩煲- 這餸真係似到不得了，這些火腩賣相相當出色，食落更加似食緊肥肉口感，勁得意太似肥肉，所以我唔係太鍾意這口感鐡板串燒-賣相好靚，有四串，但全部只係三色椒🫑中間隔住一塊素肉，配上黑椒汁，好味但普遍五柳松子魚-這是我咁多餸之中最鍾意嘅一個，其實佢只係腐皮，但口感相當似，加上酸酸甜甜嘅汁鴛鴦炒飯- 同酒樓食嘅好似無咩分別，白汁嘅素蝦好爽口，茄汁嘅素火腿都幾好味海鮮炒麵- 炒麵勁脆，上面嘅海鮮有蝦，

元朗好難搵到全素食店呢間「普蓮素食」位於元朗朗屏西鐵站附近世宙地舖，全店玻璃十分之開揚，我哋就最鍾意❤️坐卡位望風景。 以前嚟親淨係叫 菠蘿🍍猴頭菇嚕肉/蛋白炒桂花翅因為真係好好味，餸飯一流。如果有牛油果卷壽司…或者素加州卷就好喇

今日適逢係10齋日...收工call埋附近老友....去屋企附近世宙食餐齋...呢間齋鋪坐得都幾舒服....位與位之間都有一段距離...而且唔會有壓迫感呢個金菇牛柳卷...係我每次嚟呢間齋鋪都必食嘅選擇因為食落去好脆口呢個咕嚕肉雖然脆口...但係欠缺質感...原來係用油炸鬼一齊咋...有別於一般齊鋪用素肉...所以感覺一般般呢個火鴨絲炆米都係必食之選我哋兩個人叫咗三樣餸....全部都食晒...一啲都冇剩

在附近睇完中医，找個地方和朋友聊聊天食午餐。遠看這個地方好像不錯，果然沒有失望。我們坐在卡位，差不多兩小時。細雜錦鹵味不過不失，是微暖的，不會凍冰冰銀杏爽肚胡椒水餃🥟味道不錯，有新意！像胡椒豬肚湯味的味道爽肚，爽爽的但食落有點焦味菠蘿雞粒炒飯失望！來到係西炒飯粟米，紅蘿蔔粒和青荳炒飯芝麻腸粉室溫的，芝麻味唔夠椰絲紅荳糕太大件，而且粉粉的。整體食物質素尚有進步空間環境舒適，適合三五知己長談服務不過不失