蟲二

Open Now

Now Closed

【 精緻美味的一汁三菜便當 】🎏我哋又去「蟲二 Poachh」聚會喇！好鍾意同好姊妹係蟲二 的室內舒服雅座一邊食飯一邊傾偈，天氣好仲可以坐係室外空中花園，環境好靚好舒服。誠意推介蟲二主打的一汁三菜便當 : 主食：烤芝士漢堡扒伴海苔肉鬆有2塊厚厚的漢堡扒，芝士烤漢堡扒口感幼嫩，肉質軟腍，調味啱啱好，加上烤芝士和特調燒汁，非常juicy。 主食：清酒醬燒鰻魚原條鰻魚好厚肉，醬油味好香濃，有淡淡清酒香，鰻魚新鮮嫩滑，燒得啱啱好。前菜整得好精緻，好靚。鰹魚昆布高湯把一半鰹魚昆布茶潰湯倒進穀米飯配以蟲二主菜進食，會令穀米飯更軟熟，口感更豐富。「日本極上太白63 °c慢煮蛋」，雞蛋為半熟狀態，配合蟲二自家制蛋醬油，味道香幼濃郁，伴入穀米飯中，令米飯更香滑好味。🧁甜品我哋點了一份「桂花麻糬傳統班戟 」，桂花味好清甜，斑㦸中有煙韌麻糬，仲有水果和雲尼拿雪糕，配搭得非常好，味道豐富。

旺角竟然搵到日式家庭料理-一汁三菜既cafe🍚一汁三菜食法🍚先吃一口杞子 醬油飯🍚將高湯倒一半進飯内，再加入副菜🍚將日本慢煮蛋倒進飯內，享受蛋黃既creamy🍚將餘下的高湯倒進飯內配以主菜享用🍚🍚每位都點便當的話，可以refill 湯refill 飯一汁三菜（高野豆腐豆乳豚肉野菜卷配櫻花蝦）營養豐富，有少見既高野豆腐，吸收晒香濃既豆乳湯底，椰菜卷鮮甜，年糕福袋口感豐富。櫻花蝦的加入為整體增添了一絲海鮮的鮮味，讓人食欲大開。一汁三菜（烤芝士漢堡扒伴海苔肉鬆）漢堡扒份量大，加上芝士與海苔肉鬆更是意外的美味，增添了層次感和風味。菠椰菠蘿Mint清新可口，菠蘿的甜味與薄荷的清涼感相得益彰，特別適合搭配主菜，讓整體用餐體驗更加清新。

由2014年整Pancake起家嘅「蟲二 」係一間主打中日家庭料理嘅餐廳🍚 位於618上海街頂樓, 除室內位置之外, 亦設有露天花園座位用餐🏡 天台周圍種滿植物, 小小嘅藤籃鞦韆尤其搶眼✨ 環境寧靜, 好適合同朋友嚟放鬆下～ 而且商場仲有好多得意小店可以尋寶🗃️⑅ --- ･ --- ･ ---ᦏᦑ--- ･ --- ･ --- ⑅ ⑅ --- ･ --- ･ ---ᦏᦑ--- ･ --- On the table▫️一汁三菜 $150 (汁:鰹魚昆布茶高湯🎏 菜: 主菜任選一項+慢煮蛋🥚+是日副菜 - 薯仔絲🥔)*可免費添日本穀米杞子醬油坎飯+高湯*主菜我哋兩個人分別揀咗「汁燒鮭魚鰭」 & 「櫻花蝦豆乳味噌豚肉高麗菜卷」➡️三文魚鰭啱啱燒起再加埋少少燶邊咁食好香脆➡️䐁肉野菜卷賣相精緻, 健康得嚟又好食🥬 豆乳湯底幾清甜, 配上櫻花蝦令整體冇咁單調🦐 仲有年糕福袋同日式豆腐添⑅ --- ･ --- ･ ---ᦏᦑ--- ･ --- ･ --- ⑅ ⑅ --- ･ --- ･ ---ᦏᦑ--- ･ --- 飲品從咖啡,mocktail到cocktail亦有好多選擇🍹 Menu以文字同圖畫好有心

日系一汁三菜家庭料理🏡 估唔到喺天台都可以搵到咁寫意嘅日系餐廳!!位於旺角618頂層嘅蟲二主打日系家庭式料理~ 今次lunch就去試咗佢哋嘅一汁三菜~記得配合埋佢哋嘅食用指引品嚐丫✨ 醬油飯香好香口😋不過湯底如果可以再濃啲就會更加正😋🏡 大阪燒風味黑胡椒烤雞塊雞扒烤得好香脆同埋估唔到同底層軟綿綿嘅pancake一齊食係咁夾🏡 烤芝士漢堡扒拌海苔肉鬆芝士漢堡扒烤得啱啱好，唔會過熟切開有滿滿既肉鬆🍵 抹有你的奶啡最初我係俾佢個飲品名吸引咗😂佢嘅抹茶同奶啡比例都幾好~個人覺得如果抹茶味再出啲應該會更加香濃🙌🏻🥢 蟲二📍旺角上海街618號頂層

位於天台嘅蟲二，環境一向給我好放鬆嘅感覺，好relax ! 一汁三菜:汁燒鮭魚鰭，鮭魚油花滿滿，燒得剛剛好，肉質keep住好嫩滑，好juicy !慢煮蛋係使用日本可以生食級雞蛋，製成好像cream狀嘅蛋黃加入蟲二蛋醬油，食完感覺真係好窩心。鰹魚昆布茶高湯，高湯的味道不會太濃，剛剛好。洛神花青檸紫梳打，好靚嘅天然色彩，睇見到心花怒放。豚肉包，非常出色，豚肉下帶着新鮮菠蘿嘅香氣，入口不肥膩！而家沙律菜好新鮮，清新必選黃豆粉蕨餅小雪糕杯，成為今餐的完美演繹！

🎪 蟲二 (旺角)旺角上海街618號頂樓🌟西京箱漬燒鯖魚$150一汁三菜定食，米飯用上日本穀米杞子醬油炊飯，配上一顆日本慢煮蛋，轉轉不一樣的吃法，還可以倒入鰹魚昆布茶高湯一起吃，是日式的感覺，又飽腹。講返條鯖魚，經過西京味噌醃製，魚肉吸收了味噌的香氣，魚肉夠柔嫩，不錯。🌟烤芝士漢堡扒伴海苔肉鬆$150漢堡扒有2塊，擺碟精緻，入口柔軟多汁，肉味濃厚，芝士溶化後形成順滑的口感，而海苔肉鬆和漢堡扒相襯，味道多了一份海洋的鮮味。🌟提拉米蘇$50最後跟餐加點了甜品，咖啡的苦味和忌廉的甜美互相平衡，入口柔滑，味道亦不太甜，細細件仲可以2個人分，可接受。

來呢度食lunch、真係難食到冇朋友、炒椰菜又甜、啲嘢又唔熱🤦🏽‍♀️，仲有啲態度不是太好、好冇禮貌、一定不會去第二次價錢係好貴、真係唔值 、想叫嘢飲都唔敢叫了🤭

又到咗每月同朋友嘅聚會 揀咗間日式裝修嘅餐廳 今日天氣不錯 涼涼地又冇落雨 所以揀咗室外 幾舒服一汁三菜 $150主食: 清酒醬燒鰻魚 (+ $15)前菜係自家製嘅蔬菜凍 幾特別😍店員仲好細心咁準備咗個木牌仔 上面詳細講點樣食👍🏻個杞子飯好養生 不過飯嘅質感偏硬 同埋個飯只係暖暖地 唔夠熱 不過唔緊要 主飯燒鰻魚先係重點 好好食😋好大條 啖啖都係肉而且冇細骨 個醬又岩岩好 唔會太咸 好值得一試😋一汁三菜 $150主食: 大阪燒風味黑胡椒烤雞塊 朋友叫咗嘅大阪燒風味烤雞塊亦都好多汁 雞肉好嫩口 又Juicy😋伯爵茶傳統班戟 $108班戟同平時食開用蛋漿整嘅唔同 佢似蛋糕嘅質地 睇落好硬 實質軟綿綿 仲要係熱嘅伯爵茶味道 再配埋雲呢拿雪糕一齊食 又凍又熱 好特別😋不過佢唔係啖啖都有麻糬 麻糬側埋咗喺一邊 麻糬係紅糖味👍🏻如果覺得膩 可以配埋提子一齊食總結: 整體都唔錯 適合約會或者兩個人安靜地傾偈嘅餐廳 食物都睇得出好用心安排

見到勁多好評嘅餐廳，又覺得一汁三菜幾有趣，所以嚟試吓！但！同行友人對呢一餐都一致覺得overrated同埋 overpriced 😓首先室內空間不大，餐廳內嘅檯同座位都頗細同逼夾。但唔知點解樓面都勁多staff，長期都5個人企喺出餐嗰到，坐出餐附近嘅有啲壓迫感(´･_･`)其次食物方面，味道非常普通嘅一汁三菜，主菜份量極極極少！！懷疑淨係想用飯餵飽人😅我自己嗌咗漢堡扒，佢話係豬同牛mix，感覺就係食緊processed meat🤹🏻‍♀️（如果呢個價位$150加一，我會食ifc嗰間）唯一覺得唔錯就係麻糬pancake可以一試！！不過就都幾貴囉希望可以喺一大大大大堆好評入面，有多個唔同嘅comment俾大家參考！

冇禮貌x3!我們提早到達食店5:10左右一路都冇講話幾點收番張枱大約6:30左右，突然放低張單，然後行開😡我懷疑呢個「短髮員工」冇口的我們有禮貌地查詢用餐時間另一個員工告知係90分鐘坦白說「我們係book 6:00，咁應該可以7:30先走」這個「短髮員工」話「因為你們早來，由5:00計！我接咗其他人booking」（她超冇禮貌mode)🤬仲要我們離開時這個「短髮員工」做出無禮趕客的舉止🤬之後，仲發現原來6:27 曾send出，變更訂枱時間為5:10這個「短髮員工」一定冇口😡一路都唔用口講！！！冇埋黎禮貌地解釋😡只是串串貢的態度😡冇下次～bye bye~

實在是一次令人難受的用餐體驗！.原本預約了6:00pm但早到了，店員A 示意我和友人可內進，於是便進入並開始點菜。用膳中途才收到手機短訊告知Openrice 的booking 被店員改為5:10pm ，當時並沒有為意，然後突然店員B 「劈」一聲把單掉到桌上 示意我們結帳，沒有任何說明就轉身離開，這行為令我們有點困惑。因為店內寫明「如非繁忙時段就可以不限時任坐」，而就我們所見當時門外沒有人等位，餐廳內亦有兩張吉枱沒有客人，清閒得很。.我們想食埋甜品，便問問店員A可否加單，但店員A和B 聊了一段時間再過來跟我們說只可叫一些製作時間快的甜品，指我們用餐時間有限，於是我們將就只叫了一款。然後店員B 再一次「劈」一聲把帳單掉到桌上，好像我們不該點甜品似的。.我們都明白繁忙時間有限時用餐，但當時根本沒人等位！而且仍有吉枱，幾個店員還聚在一起行行企企，實在不明白為何要做到如此催趕客人埋單，所以在最後埋單時，友人向店員反映自己感受，店員A 解釋臨時有新booking，向我們道歉，可是店員B 態度超差，雖然去餐廳店員黑口黑面是常態，但我們來光顧是真金白銀也沒有欠你的，最令我生氣的是臨走時店員B 來勢洶洶

一直都好想食番佢地既一汁三菜, 岩岩趁依幾日公司新年假就有機會坐下佢地既露天座位享受日光午餐同練瑜伽既同學仔分別叫左兩個一汁三菜既套餐各HK$150🍱西京箱漬燒鯖魚🍱烤芝士漢堡扒伴海苔肉鬆套餐可以優惠價(30-45蚊不等)加點甜品🍨黃豆粉蕨餅紅豆伴雪糕🍨Tiramisu今次飲咗佢哋飲埋佢地Special Coffee Menu,揀左杯青梅竹馬,跟餐加HK$32 ~ 點完先擔心Mix 青梅汁既佢會唔會有通便作用😂如果有晏晝行程既建議叫佢地另一杯Mix蔓越莓汁嘅咖啡🤣🤣🤣🤣

長大後會教你好好吃飯🍚要麼爸爸要麼蟲二。店員真的親切又可愛 。用心做人用心做飯。餐廳的確值得來消費時間。不論是戶內戶外的佈置得充滿人氣，乾淨貼地。一汁三菜Poach Bento $150.00一汁 鰹魚昆布茶高湯 BONITO TEA SOUP三菜 副菜，慢煮蛋，主食 （大阪燒風味黑胡椒烤雞塊）餐品附上說明書，好有心思。雞塊處理用心，熟得來非常細滑。湯和飯都可以追加，飯人都無有怕，半熟蛋加飯增加了飯食口感，滿足了。鑄鐵鍋北非蛋 香料蕃茄燉菜半熟蛋配蟲二製忌廉芝士露絲瑪莉農夫包。$188.00非常新鮮的食材，半熟雞蛋🍳配上香香脆脆的包包，一流。熱伯爵可可 $32.00伯爵醬底加可可打起拉花牛奶，冬天來一抹温暖。桂花牛奶 🥛$65.00桂花非常香濃，除了滿足嗅覺也滿足又味覺的享受。

今日放假特登book左旺角蟲二Cafe店之前朋友推介過呢度麻糬班戟已經好想食，今日終於可以有機會品嚐餐廳位於上海街618頂層，設室內外坐位，空間感十足，感覺好休閒舒適，以精緻中日家庭料理為主，食物水準高，相當滿意一汁三菜 $150一汁 鰹魚昆布茶高湯三菜 副菜、慢煮蛋、主食（六選一）（免費添加湯及飯）呢款一汁三菜一上枱，擺盤精美，副菜蔬菜凍作為開胃前菜，健康又精緻，配上日本慢煮蛋加入蟲二蛋醬油，口感幼滑又滋味，主食揀左大阪燒風味黑胡椒烤雞塊配椰菜薯仔薄班戟，烤雞皮脆肉質非常幼嫩，用大阪燒風味製成，好味道伯爵茶麻糬傳統班戟 $108呢度麻糬傳統班戟每天早上由拌麵粉、打雞蛋開始準備，即時新鮮人手製作，非常吸引。今次叫左呢款伯爵茶，用上紅茶加佛手柑油處理，加上德國煎茶底的伯爵茶，令班戟有伯爵茶味之餘也有煎茶嘅回甘，配伯爵練乳醬Mocha $48朱古力咖啡拉花好美，可可好香醇，口感幼滑，個人很喜歡唔該可以成個班戟

我們食午市，見到一汁三菜都好特別。我哋叫左大阪燒風味黑胡椒烤雞塊。雞塊很嫩滑，而且醃得入味，雞塊上面的醬汁，酸酸的，都好開胃。底層有野菜薯仔簿班戟，有口感，食到粒粒薯仔。前菜是野菜凍糕，紫色好夢幻，蔬菜很新鮮。高湯是鰹魚昆布茶湯，咸鮮的魚香，襯熱飲更佳，仲有慢煮蛋，倒進飯一併進食好滑溜。個飯有營養又養生，杞子醬油，日本米，我喜歡食軟身的飯，加多少少湯就好味道。老公食半湯烤五花腩片冷麵，冷麵轉左滑溜的讚歧烏冬，芝麻香蒜油很惹味，烤五花腩肥瘦適中，火炙得有燶邊效果，同埋很大塊。甜品有黃豆粉蕨餅紅豆配雪糕，蕨餅煙韌香糯，雪糕奶味香濃，仲有香甜的紅豆，冰涼又甜蜜。洛神花水果茶酸酸甜甜，仲有薄荷芳香，真係透心涼。