Video
Opening Hours
Today
12:00 - 22:00
Mon - Sun
12:00 - 22:00
*最後落單時間:9:30pm
Above information is for reference only. Please check details with the restaurant.
-
Online Booking Service Not Available
合和最近開左個新商場，今日下晝得閒終於可以去行下街🛍️見未去到傍晚時分，我就拿拿聲係附近搵野食先，費事夜左要同人逼係合和出黎行過兩三個街口就見到呢間Poke Go反正都係自己一個食，唔洗諗啦！呢個menu夠曬簡單坐低之後店員同我講話而家除左lunch set之外仲有做壽喜燒同埋韓式石頭鍋飯🍚呢個係lunch set，費事諗要咩配料的話就直接點呢個，仲包杯飲品🧃但如果你有啲飲食要求或者有某啲野特別想食，就可以揀自己mix個飯出黎～我本身都掙扎左一陣，最後都係因為揀自己mix其實價錢都係差唔多，係爭杯飲品，不過佢都有水提供等緊野食果陣周圍望，幾鍾意呢度樓底咁高，空間感好夠呢種天氣坐窗邊應該都會好舒服同埋私心一讚係我鍾意呢度個playlist😂（播左好多MC同埋Dear Jane呀😂）我想話一碗原來比我想像中份量黎得大我揀左三文魚、番茄仔、粟米同紫洋蔥，每樣既量都好平均even三文魚其實都幾多👍個wasabi乳酪醬好好味，食落唔辣但係又足夠去令碗飯有味道同埋濕潤另外都幾鍾意個糙米，有少少QQ口感，飽足感max！不過我下次應該未必再揀紫洋蔥😂因為佢都比得幾多，食到最後變左有啲辣🥵總括而言，呢餐十分簡單而且好健康，係附近返工的話食呢個做lunch應該幾好，下晝返公司唔會恰眼訓💼
continue reading
沙律Base 可以揀白飯、糙米飯、同沙律菜，都幾多選擇唔錯！分別試過四款set，Ono 最好味。🥰Ono $118主要係三文魚同蟹肉撈埋一齊（後加牛油果）。有好多蟹肉沙律，甜甜的味道撈埋胡麻汁，味道幾清新。三文魚嘅份量偏少，覺得可以多啲。個base選咗糙米加沙律菜，食落有糙米飯嘅粒粒口感，可以mix埋沙律菜又唔使驚太多澱粉質。份量頗多，整體味道唔錯。👌🏼808 $128醬有好輕微Wasabi嘅味道，但係唔會辣同嗆口。主要食到係吞拿魚同枝豆嘅味。雖然有唔同texture，口感都豐富，但整體味道比較單一。如果可以多啲魚子粒粒，應該會更好味。
👌🏼ALOHA $118.00全碗都係素食。主要口感係好凍嘅豆腐同好爽嘅鮑魚菇味道，再加啲柚子醬汁。醬汁嘅味道可以，整體酸酸甜甜嘅味道。不過豆腐太凍，又唔算甜。食完成碗嘢，行出街覺得好凍。味道還可以，唔算特別出色。🤔Shoyu Ahi $118主要係吞拿與撈埋紫海藻嘅口感。味道比較平凡，食完會唔係好記得食左咩果種味。
continue reading
今日同個同事過黎灣仔做野，大家做野都好有效率，所以12點前已經攪掂哂。既然係咁，我地一行2人就爽性食完lunch先番office繼續做野。灣仔出名多好野食，由於時間尚早，我地其實想入邊間餐廳食lunch都可以唔駛等位，不過正正因為時間早，我地其實都唔係好肚餓，所以想食d無咁heavy既lunch。一心諗住搵下d cafe小店食個brunch，點知行行下見到呢間食poke bowl，就決定入去試一試。餐廳空間都唔細，坐位都幾舒服，乾淨企理，而最令我喜歡既係餐廳選擇播放住廣東歌老闆見我地第一次黎，就介紹我地叫 lunch set，咁就可以試d招牌組合，又可以有杯飲品跟餐。lunch set的食物唔可以改，除咗個底，可以揀飯或者沙律菜自選既選擇都有好多最後，我就揀咗 SHAKA 餐，跟冷壓橙汁SHAKA 上面既炸牛蒡球令到個poke bowl好吸睛，打卡一流！呢個牛蒡球睇得又食得香脆又唔會太油膩，而且有少少牛蒡既甜味，好唔錯！成個 poke bowl 的味道都好夾，三文魚大大粒又肥美，個沙律醬辣辣地，加埋個辣椒粉都幾刺激，估唔到同d蛋絲配襯得咁好，最底既沙律菜同埋青瓜都新鮮爽脆既，菠蘿亦都夠甜同埋 juicy同事就揀咗 OHANA，而沙律醬就揀咗另上。聽佢講，各樣食材都好新鮮清甜，佢仲即刻入會添，非常捧場由於我地早黎到，就算我地慢慢食傾下計，都能夠喺12:50前食哂，於是就攞埋個95折優惠，滿足地離開呢間餐廳。
continue reading
Blingbling美食推介✨ 📍灣仔 🍣 Poke Go (汕頭街) ✨ 清新健康魚生飯 💠💠💠💠💠💠💠💠 呢排成日比人叫我食多d野，都真係努力食多左😂食到有d漏，所以lunch盡量食d light d既野~ 今日就黎到超人氣Poke Go! 就算係冬天都會大排長龍架~ Poke Go有Weekday Lunch Set 12:00-17:00 包一碗poke bowl + 一杯飲品😋 價錢合理~ 等位既時候比我發現原來即時做會員，會送一份小食 & $20現金卷🧡 所以就即時做埋會員haha~ 🌟大家記得做會員啊！！🌟 💠 ONO $118 - 三文魚，壽司飯，溫室青瓜，雞蛋絲，皇帝蟹棒，果仁醬，芝麻鍾意食三文魚既推薦ONO！base仲可以揀要壽司飯/brown rice/salad~ 選擇困難症既仲可以half half~ 好flexible同就到各人需要😉ONO比我既感覺好californian~ 好似加州卷入面既配料放左係個poke bowl度咁~ 好fresh，同埋每個配料都好夾😋 💠 麻醬冰菜 $38今次用左會員優惠叫左一份麻醬冰菜🧡 冰菜好少地方有得食！不過我好鍾意呢款菜，生食爽得黎又有唔會有陣 草青味，配合埋麻醬仲正啊😻 💠 100%椰青水飲品有好多選擇，例如冷壓菠蘿汁，冷壓鮮橙汁，冷壓蘋果汁~ 好少地方跟餐會provide cold pressed juice，始終成本高，但poke go係set包架~ 鍾意飲果汁既，真係要點返杯☺ 不過我個人鍾意coconut water, 唔會太甜，同poke bowl既味道好夾~ fresh fresh ☺🌿🥥 餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5 Poke Go (汕頭街) 📍灣仔汕頭街5-7號地舖 #blingbling推介 #blingbling美食 #blingbling灣仔 #灣仔美食 #灣仔日本菜 #blingbling日本菜 #灣仔魚生飯 #魚生飯 #pokego
continue reading
冬季後食少左生冷poke bowl, 好難得原來 poke go 有熱食石窩飯 (Aloha flaming bowl), 材料就係平時既Aloha (素食poke), 咁一定要試下。材料有牛油果, 豆腐, 栗米, 紅海藻, 冬菇, 一片用黎裝飾既炸蓮藕。冬菇同埋紅海藻有麻油調過味, 麻油十分香, 其他材料壽司飯落左柚子醋, 有少少青檸香味, 食落好清爽好開胃。溫度方面, 我以為好似煲仔飯熱辣辣有飯焦, 但其實只屬於微溫, 或者接近韓式拌飯個種溫度, 熱食版只有堂食無外賣。但無論如何, 可以有溫度地食到鮮蔬我都係好滿意。
continue reading
You may be interested in