Video
3-min walk from Exit A1, North Point MTR Station
continue reading
Telephone
64198738
Opening Hours
Today
11:00 - 21:00
Mon - Sun
11:00 - 21:00
Public Holiday
11:00 - 21:00
Public Holiday Eve
11:00 - 21:00
Above information is for reference only. Please check details with the restaurant.
Poke Bowl 喺香港愈嚟愈受歡迎，尤其是近年掀起全民健身熱，大家都想食得健康無負擔！今日同朋友嚟北角購物，就喺渣華道搵到間夏威夷蓋飯專賣店🍚，餐廳除咗主打 Poke Bowl 外，原來仲有熟食丼飯、炸物、小食、湯品及飲品等供應。風味蓋飯有 8 款可供選擇，全部都可以自選跟壽司飯、沙律菜、二合一或冷麵、烏冬….等，另外客人亦可以按自己喜歡嘅口味，自由配搭。選了至尊波奇 ($128) 用料超豐富，有三文魚、吞拿魚、車厘茄、青瓜、牛油果、玉子絲、蟹籽、紫菜絲、木魚絲、黑白芝麻及山葵蛋黃醬，配壽司飯及沙律菜。三文魚油潤肥美，吞拿魚肉質滑溜，而牛油果嘅熟度亦啱啱好，撈埋啲醬汁一齊食，非常醒胃。加左 $20 轉套餐，包三文魚豆腐海帶味噌湯、是日前菜及飲品。至於另一客滑蛋蒲燒鰻魚丼 ($108)，水準亦唔錯，鰻魚燒得啱啱好，魚脂分佈均勻，再配上香甜嘅鰻魚汁，拌飯一流！滑蛋份量十足，覆蓋了成個飯面😆，以紫菜絲佐吃，風味甚佳。點左客小食黃金炸蟹鉗 ($38) 賣相相當討好，炸到金黃色，外形飽滿，咬落香脆彈牙，美味。
continue reading
近來體重日漸上升，但嘴饞的我又無法節食減肥，唯有努力尋找食得有營又健康的餐飲，所以今次就特意來到這間位於北角的小店，他們主打夏威夷魚生飯，低脂低卡高纖高蛋白的Poke Bowl，賣相仲要色彩繽紛，真係食得開心又飽肚。店內是全自助式，只要QR code落單俾完錢，食物就會送上。除有set好配料的魚生飯外，還可以自由配搭。而且仲有多款熱食蓋飯可選，像是溫泉蛋牛舌丼、板燒雞扒丼等。至尊波奇 $128作為餐廳的招牌菜，配料真的超多，有新鮮肥美的三文魚和厚切的吞拿魚，還有含豐富膳食纖維的牛油果，咬落爽口的車厘茄、青瓜，以及用蟹籽、紫菜絲、木魚絲和黑白芝麻作調味配料，令口感更豐富，加入山葵蛋黃醬攪拌一齊食亦好好味，想要多點醬的話可以告知店員。蔥鹽醬溫泉蛋牛肋條丼 $88牛肋條鋪滿飯面，份量都OK，燒得香口，肉質軟嫩不韌，醬汁甜甜鹹鹹的，加埋蔥花及溫泉蛋汁撈飯，一流。升級套餐 +$20所有蓋飯只要加$20就可以升級，有三文魚豆腐海帶味噌湯、是日前菜（當日的前菜是螺肉)及飲品（轉特飲需補差價)，真係幾抵。牛油果香蕉奶昔 $44(原價)、Oreo曲奇奶昔 $40(原價)兩杯奶昔的質感都非常幼滑，前者香蕉應頗多，飲完好飽，但健康；後者Oreo味雖不算太濃郁，但剛好不甜膩，亦好飲。
continue reading
收工諗住食得健康啲，同朋友揀咗呢一間食Poke bowl嘅餐廳，不過估唔到餐廳除咗健康嘅鈣，都仲有唔少熟食蓋飯揀，包括溫泉蛋牛舌丼、雞扒丼等等。仲有小食，選擇幾多元化，欣賞！👏加州海岸風味蓋飯 （$98） + 升級套餐(+$20) 配Oreo曲奇奶昔 （要再補錢）前菜&三文魚豆腐海帶味噌湯前菜係薯仔沙律，薯仔幾得意，好似薯條嘅形狀，但係唔係炸既😂 沙律夠味道的；味噌湯都好足料，有魚湯味，不過留意，三文魚會有骨，食嘅時候候要小心啲👍🏻每個蓋飯主要由蓋飯底、主食、配菜、醬料、伴菜組成，而蓋飯底可以自己揀。呢碗蓋飯就包括三文魚、青瓜、中華沙律、玉子絲、三文魚子配日式胡麻醬、紫菜絲、木魚絲、黑白芝麻，我揀咗「壽司飯及沙律菜」，另外追加牛油果。🫣三文魚新鮮厚肉，口感唔錯！牛油果大份兼有味道，唔生，好食☺️ 三文魚籽大粒有咬感☺️ 其他配料都冇咩特別大問題，份量都幾多👍🏻 沙律菜配埋胡麻醬都好match，飯就偏硬。因為份量多，或者加左前菜同湯，我甚至食唔晒🤣Oreo曲奇奶昔唔算好似曲奇味，似豆奶味多啲，但勝在好大杯😆自選蓋飯蓋飯底：壽司飯一款主食：三文魚 （+$10）追加主食：吞拿魚（+$30）三款配菜：三文魚籽（+$8）、牛油果（+$10）、蟹肉（+$10）自家醬料：鰹魚醬油（另上）（醬料正常份量）伴菜：紫菜絲、木魚絲 （最多可以揀三樣）可以自選蓋飯有樣好嘅嘢，就係全部餸菜都一定係自己最鍾意嘅😍 吞拿魚同三文魚一樣都好新鮮👍🏻 蟹肉都唔好睇少，份量唔少🙈 其他就同加州海岸蓋飯差唔多😚結論🫰新鮮！足料！份量多！🫰唔知係咪新開呢，坐得舒服，店舖乾淨好味度：8/10回頭度：8/10🎡餐廳資料餐廳名稱：POKE GREEN餐廳地址：北角渣華道188-194號僑華大廈地下A號舖營業時間：星期一至日 11:00-21:00
continue reading
係 Openrice 搵到呢間食 poke bowl 嘅食店 , 想試好耐 😆 今日同埋男朋友黎試試 !! 原來除左健康嘅 poke bowl 外 , 呢度仲有熱食嘅蓋飯 , 款式豐富 , 價錢又實惠👍至尊波奇 ($128)材料好豐富 !! 有牛油果 , 三文魚 , 吞拿魚 , 車厘茄 , 青瓜 , 玉子絲 , 蟹籽 . 紫菜絲 , 木魚絲 , 黑白芝麻配芥末蛋黃醬 !! 份量超大 , 好多配料 , 完全可以滿足到我咩都想試心態 🤤🤤 飯底可以選擇壽司飯 , 沙律菜 , 冷麵烏冬 , 蕎麥麵同椰菜花飯 ! 三文魚同吞拿魚都好新鮮 , 牛油果生熟度啱啱好 😍😍 仲要有半個咁多 , 好食 !! 另外我都好鍾意玉子絲 , 好幼細 👍👍 口感好好 ~ 成個 poke 感覺清新健康 , 食落冇負擔 !! 加 $20 仲可以轉做套餐 !! 套餐包左麵豉湯 , 前菜同飲品 , 好抵呀 !! 自選蓋飯我揀咗冷蕎麥麵 , 三文魚 , 秋葵 , 三文魚子同中華沙律 ~ 自選蓋飯真係有好多選擇 !! 可以為自己 tailor-make 1 個 the one and only 嘅 poke bowl 😎😎 呢個 bowl 配撘好清新 !! 黃金炸蟹鉗 ($12)套餐加 $12 就有 2 隻即叫即炸 , 熱辣辣嘅新鮮炸蟹鉗 🤤🤤 抵食 !三文魚豆腐海帶味噌湯好足料 , 有好多三文魚 , 豆腐同海帶 , 原價要 $28 , 所以一定係套餐加 $20 抵 ! 柚子梳打好夠氣 , 唔太甜 , 好飲❤️❤️推介 !整體嚟講 , 現代人食嘢已經唔係一味好食就得 , 要好食得黎 😌 煮法健康 😌 食材高質先符合現今嘅飲食方式 ! 平時出街好難搵到健康又好食嘅食店 , 今日開始又多 1 個選擇喇 !!
continue reading
同朋友今日去左poke green食poke bowl🤤🤤 呢間餐廳係北角, 環境好舒服😍我叫左個高質雞肉poke bowl🐣🐣份量好豐富, 雞肉同豆腐好嫩滑🦀🦀蟹柳同玉子絲都好新鮮, 凱撒沙律醬唔會太膩🥗🥗紫菜絲, 木魚絲同黑白芝麻都增加左層次感😍蕎麥麵好有咬口, 唔會太軟, 係健康嘅選擇!😋朋友叫左個hot bowl蔥鹽醬溫泉蛋牛肋條丼❤️🩷牛肋條好香口, 唔會太乾😋😋溫泉蛋超香, 蔥鹽醬夠入味, 配白飯好好食!😊我地仲加左$20轉set🐟🐟有三文魚豆腐海帶味增湯🥒🥒前菜自家製醃製青瓜蘿蔔同飲品, 勁抵食!😁我飲左個牛油果香蕉奶昔🥑超濃郁, 牛油果同香蕉都好甜🍌唔會太膩, 非常解渴!😍朋友飲左個草莓奶昔🍓🍓佢話夠香甜, 草莓味好濃, 好好飲!😊我地仲加配左個吉列炸蝦🍤配蛋黃醬, 好香脆, 炸得好金黃💛💛蛋黃醬好滑, 好好味!😋總括黎講, poke green係一間好值得去嘅餐廳, 食物好新鮮又健康💚💚💚份量好足而且價錢合理, 又坐得舒服 我同我朋友都好滿意, 下次一定會再去!😊
continue reading