Pokka Cafe (荃灣千色匯II)

Open Now

Now Closed

一向對Pokka沒有什麼好感，但今次的經驗令我很滿意！不但食物出奇地夠份量，而且食物質素、環境和服務俱佳，這家分店絕對有發展潛力！小食拼盤是出奇的豐富，共５款，有豬仔骨、豚肉漢堡、餃子、炸洋蔥圈、炸薯皮！份量充足之餘，各款小食質素都好好！款款夠熱又味美，也只售＄５８！焗的好像是澳洲青口，雖然有的青口比較細，不過總的來說份量不少，很香牛油和蒜泥味！精髓是底層的薯泥，有小小的薯粒，份量很多！＄５ｘ甜品要了蜜糖格格配雪糕，有兩球雲哩那雪糕和忌廉的。份量又是很大，麵包有點過硬，甜度足夠，ｏｋ！＄３ｘ圖中那杯朱古力飲品，我忘了名字，上面有個朱古力雪糕球，伴著朱古力碎和一塊美美的朱古力，下層是沙冰般的朱古力，滿足至極！＄３ｘPokka的環境一向有保證，這家也很舒適，大家到門外也望得到。服務方面，這家分店似乎很多新人，多數是年輕的少女，禮貌很好，服務滿分！

味道雖然唔係太出眾,但價錢我又覺得OK喎,自己係屋企煮都差唔多價錢啦,自己煮仲要洗埋碗添喎,仲有呀,自己煮未必會整倒個賣相咁靚,所以我覺得價錢亦算公道.

是晚老公想我食多野...於是叫了三個- 炒野菜, 香煎牛柳粒及蜜餞雞扒+ 熱稻庭烏冬+ 珍珠飯! 炒野菜算最大碟, 油多了少少, 牛柳粒算淋, 但份量好少, 雞扒切粒, 亦係細細件, 連雞皮幾油, 呢度既食物差過以前....唔通只有咖啡?

食物越來越差, 初初開業都ok, 同朋友相聚必到此餐廳, 到現都唔會到, 尤其旺角o個間食物最差, 尖沙咀廣東道o個間都重可以接受, 飲品尚keep到開業時水準, 尤其咖啡。

荃灣對我來講就好遠, 無咩事都唔會去踏足, 星期日朋友仔要出荃灣辦點事, 拖埋我陪佢飛個小巴, 唔使坐地鐵你眼望我眼係千色行左個圈朋友仔就攪掂, 加埋伯母細妹就係樓下POKKA食個晚餐就唔駛行咁遠XO醬炒海鮮意粉- 蝦, 魚, 魷魚, 蟹柳做料, 算豐富. 而意粉炒得唔油, 不過就唔係好覺有XO醬, 炒得個味只係普通煙三文魚墨魚冷烏冬- 冷烏冬幾煙韌, OK煙三文拼魚墨魚(小食) - 無食另轉了兩個做餐, 埋單$320, 價錢唔平唔貴, 不過可以選擇既話我寧願食另外既野

呢間野d 野食都幾好，但去荃灣呢間成日都冇人理。有幾次明明見到入面冇乜客，出面又冇人招乎我地，仲要係有個waitress見到都唔為我地帶位囉﹗推介食物，甜品拼盆~ esp 朱古力慕絲cake、綠茶n原味tirimisu，拉麵冇乜特別。

3 January 2007 (Wed) - 晚飯再係咁懶落去，我真係一世都寫唔晒我之前去過既地方，唔得，要努力啲，一日寫五個，直至追返到之前一日為止！！！荃灣真係好少去，唔知有咩好食既地方而又可以坐得下，只係記得成日行過見到間pokka，今次終於可以去一去荃灣既pokka，其實可能間間都差唔多！去到要等一陣位，但好快已有位，我好肚餓，叫咗佢個set，係牛柳紅飯，好友則叫咗我都鍾意但時時覺得好漏既牛肉蛋包飯！第一次喺街度食紅米飯，好開心，因為覺得紅米飯既有營養，又高級又好食，好少機會有得食，而且我又鍾意食牛柳，所以覺得自己既選擇係啱既！味道確實唔錯，但係由於佢上完個湯，我哋先啱啱開始飲就上個主菜，所以食時己經有少少凍，但都仍覺得係好味，牛柳唔太生唔太熟，算係啱啱好，啲紅米飯雖然好少，但好味既嘢通常都係少啲，有啲人可能會唔鍾意，因為較硬，但我覺得ok；至於好友個蛋包飯，佢話好正，不過同我所想一樣，食食下有好漏既感覺！坐位方面，我坐嗰個算係非常好，因為唔駛比咁多人睇住食飯，但係其實嗰度大部份既位置都係麻麻，呢間較開揚！食物好味，選擇亦多，會去多啲佢其他分店！

昨夜，晴天霹靂，只在電影才會發生的戲劇性橋段，居然會不幸地發生在自己身上。自命AQ及EQ高者者如我，也一時難以招架。一枝香檳，一覺醒來，仍得要面對工作。今天，諷刺地還要當開導者角色。天啊！那誰人來開導我呢？工作完成，被開導者知我好咖啡，拉我到此品嘗下午茶，繼續訴說她的不幸。要了個下午茶餐，法式燉蛋配雪糕，加杯咖啡。只想用甜品中和一下自己內心的苦。都算中用，燉蛋跟雪糕，大口大口的吞，加上咖啡的鎮痛作用，似是美沙酮般，「痛」加「苦」，得以暫時舒緩。是次病情不淺，要藥到病除，想要整個月不停的高質日菜加數以打計的有年份香檳不可。

在荃灣做完運動, 想搵個好地方食tea, 又選了Pokka.這間的tea set 選擇不多, 只得四款, 芝士蛋糕、薄餅、炒年糕及湯拉麵...都不是心水食物, 唯有點了豬軟骨燒雞串麵(蕃茄湯底)。粉橙色湯蓋過麵及餸料, 面層很油, 賣相不吸引。先嚐點湯, 有點點蕃茄味, 很甜, 甜味不是蕃茄的清甜, 只是用糖調出的甜味, 但味道尚可啦。但雞串便很難吃, 雞粒間著大蒽燒, 雞味道很怪, 有點腥, 奇怪, 吃了兩粒便放棄了。豬軟骨很腍, 肉質有點枚。尤幸拉麵質尚算彈牙, 加點湯一起吃味道也不錯。整碗拉麵只吃了一半左右便沒興趣再吃。幸好有杯香醇味濃的熱咖啡補償一下...這裏環境比軟嘈吵, 還是沙田好一點。

三個人開dinner 飯. 近朋友屋企, 咁就揀咗呢間啦！兩個朋友揀的set din 就冇咩特別，清晒！我就特別喇！特別…難食因自己平日已成日食快餐、扒同焗飯之類, 咁唯有揀咗個日式魚生飯.飯就唔好提喇！好似屋企隔夜飯由雪櫃拎出嚟咁…魚生就切頭切尾嗰啲 ( 呢樣預咗，我冇理由嚟呢度食搵魚一丁嗰啲嚟比架嘛！)不過個飯唔知係咪啲壽司醋問題定洗生菜的水質問題, 食落口有陣洗腳水o既味！( 想反胃>.< )食咗兩啖就無謂再勉強自己食落去. ( 我只但求唔好肚痛)都見夜, 廢事搵經理講. 又唔見得會唔收我錢, 亦唔見得佢再整我會食.咁今次都純粹算係一個意外. 呢間嘢其他分店都食過好多次, 咁係未試過覺得難食. 除咗味道, 其餘俾返間嘢合格有3 分係因為朋友們啲飯事實冇我所講的問題.

呢間係唯一一間會令我食野食到講粗口既餐廳, 四五年前,呢間餐廳俾我既印象都唔錯, 野食ok, 環境幽雅, 但係自從我係今年再重臨呢間pokka, 簡直係食到條氣唔順, 野食唔新鮮, 就連基本既意粉都煮得唔好食, 唯一叫好既係杯野飲, 咁既食物連茶餐廳到比唔上, 學咩人收咁既價錢, 快啲執笠啦!

上個月我跟同事在這兒共膳，中午也要排隊，認真誇張！但食物質素與售價我覺得不成正比，食物也是普通日式餐廳所能提供的，可是售價真是偏高，另外環境方面也未不是使售價偏高的原因，那麼顧客惠顧之因為何呢？

哇,果日同女朋友去荃灣pokka cafe啦,見到門口有d tea set $30幾蚊,咪入去囉,入到去,咩都冇既,想死!果陣已經後悔入去架啦,d野食又懶正,其實得個樣,好似上年去西九龍pokka cafe,哇!!見到門口有d廿幾蚊,咪入去囉,入到去,冇人招呼既,坐左幾分鐘先比menu同水,2杯水仲係要夾埋黎既!!之後有個呀嬸好似好唔耐煩咁幫我地落單啦!我叫左個牛柳絲意粉!!哇,完全唔知做咩既,碟野好似放左好耐咁!!我女友就叫左杯咩咩甜酒曲奇咖啡冇味的!!!之後我女友都同我講千其唔好再去啦!!!!

前天的考試如無意外應該可以過關，只要月中考的最後一科也合格的話，那我就可以順順利利的畢業。說真的，上班之餘要兼顧讀書實在令人很累，我在這最後衝刺溫習的路途上，「吃」是我停一停、歇一歇的最佳方法。突然想吃西餐，但又要兼顧爸媽的選擇，因此來了這裡。我點了是日晚餐，先來一小個胡麻籽麵包，熱烘烘的，配火腿磨菇蓉忌廉湯，可惜湯淡了一點; 主菜大蝦伴牛扒，牛扒八成熟，肉質很嫩，煎得不錯，可惜一小塊連骨都只有滑鼠那麼大，男士吃一定吃不飽; 大蝦其實是中蝦，開邊煎，有些乾，唯有蘸牛扒的獻汁來吃; 配菜小露荀有根，煎薯仔味道可以，雜菌卻是冷的; 甜品是凍豆腐南瓜蓉，豆腐是兩小粒正方形，南瓜蓉混了些椰子味，味道還可以，只是搭配有些奇怪; 連餐茶九十八元再加一，差不多是在尖沙咀吃的價錢呢。

12月25日下午, 行完千色店, 父親話去pokka食野, 佢要左個tea set, 而我就覺得tea set 唔合口味, 於是就叫份三文治, 但點知waitress 話聖誕節暫停供應三文治, 壽司, 仲有咩咩…(聽唔到), 最後就叫左綠茶海鮮意粉, 另外仲有一張coupon可以送綠茶tiramisu, 但點知又係因為聖誕節, 而暫停使用! 唉…早知去第二間食!個綠茶海鮮意粉, 見到意粉同d汁係綠色, 好似溶左既蜜瓜雪糕既顏色, 但味道就一點綠茶味道都冇, 海鮮份量當然唔多, 整碟意粉既份量絕對唔值七十幾蚊, 快餐店既份量都多過佢, 仲要計埋加一, 佢都相當好賺!